لاپەڕەی نووسەر

author photo
خالید عه‌بدولكه‌ریم

توێژه‌ر و ڕۆژنامه‌نووس

بڵاوکراوەکانی نووسەر

به‌هایى، ئه‌و ئاینه‌ى په‌یامبه‌ره‌كه‌ى له‌ئه‌شكه‌وتێكى سه‌ر گه‌ڵووەوه‌ ده‌ستى پێكرد

ئایین

به‌هاییه‌كان ئاینێكى تایبه‌تمه‌ند و هه‌میش گشتگیره‌, له‌هه‌ناوى مه‌زهه‌بى شیعه‌ى ئیسلامه‌وه‌ له‌دایك بوه‌ به‌ڵام لێیهه‌ڵگه‌ڕاوه‌ته‌وه‌ و خۆى به‌ كۆتا ئاینى ئاسمانى ده‌زانێت, بڕواى به‌ یه‌كتاپه‌رستى هه‌یه‌ و پێیوایه‌ سه‌رچاوه‌ى هه‌مو ئاینه‌كان و ڕه‌گه‌زى مرۆڤایه‌تى یه‌كن و هه‌مو ئاینێكیش كه‌ له‌ڕێگه‌ى پێغه‌مبه‌رانه‌وه‌ دابه‌زیوه‌ له‌هاتنى ئاین و پێغه‌مبه‌رێكى تر موژده‌ى داوه‌, له‌وانه‌ یه‌هودى و مه‌سیحى و ئیسلام و به‌هاییش ئاینێكه‌ به‌دواى ئه‌واندا هاتوه‌ , بنه‌چه‌ییان بۆ ئاینى بابى ده‌گه‌ڕێته‌وه‌

پۆپۆلیزمى كوردى له‌گه‌ل دۆستیه‌وه‌ بۆ گه‌لكوژى

سیاسی

له‌چەند ساڵی ڕابردودا و لەململانێی سیاسی نێوان حزبه‌ كوردیه‌كاندا زۆرجار وشه‌ی پۆپۆلیزم وه‌كو تانه‌ و ته‌شه‌ر و تۆمه‌ت به‌كارهێنراوە, له‌ئیستاشدا ئه‌م زاراوه‌یه‌ له‌لایه‌ن هەندێك لە نوسه‌ران و ڕۆژنامه‌نوسان و هه‌ندێجاریش هاوڵاتیانه‌وه‌ له‌تۆڕه‌ كۆمه‌ڵایه‌تیه‌كاندا لەدژی ئەو حزب و سەركردە و بەرپرسەی كە ڕەخنەی لێدەكرن كاتێك بەناوی گەلەوە قسەدەكات, به‌هه‌مان شێوه‌ی حزبه‌كان بۆ تۆمه‌ت و تانه‌ و ته‌شه‌ر به‌كارده‌هێنرێت, پۆپۆلیزم له‌دونیای سیاسی كوردیدا وه‌كو زۆر پرسیی تر جیاواز لای نه‌ته‌وه‌كانی تری دونیا بەكاردەهینرێت, هه‌یه‌ پشتیوانی ده‌كات و جێی شانازییه‌تی و هه‌یه‌ به‌سیاسه‌ت و ئایدۆلۆژیایه‌كی كاره‌ساتباری ده‌زانێت, لەم وتارە شیكاریەدا ورده‌كاریی بەشێكی كەم لەو ئیشكالە فیكری وسیاسیه‌ی چه‌مكی پۆپۆلیزم لەخراوەتە ڕوو.

حوكمى ویراسى و عائیلى له‌دیدو و تێیڕوانینى نه‌وشیروان مسته‌فادا

سیاسی

حوكمى ویراسى له‌ناوچه‌كه‌دا سه‌رچاوه‌ى به‌ڵاو نه‌گبه‌تى و نه‌هامه‌تیه‌كانى مرۆڤن, ڕه‌نگه‌ هه‌ندێ وڵات توانبیێتى بۆ خۆشبه‌ختى هاوڵاتیه‌كانى سودى لێببێنیت, لىِ ئه‌و سیستمه‌ هه‌میشه‌  كاره‌ساتى گه‌وره‌ و خوێناوى به‌دواى خۆیدا هێناوه‌, ئێستا زیاتر له‌ڕابردو چه‌سپاندنى ئه‌و سیستمه‌ له‌ كوردستاندا به‌دیده‌كرێت, قسه‌ وباس له‌ وه‌رچه‌رخانى بزوتنه‌وه‌ى گۆڕان به‌ره‌و حیزبى ویراسى و خێزانى گومانى ئه‌وه‌ى دروست كردوه‌ له‌دوا دواییه‌كانى ته‌مه‌نیدا خودى نه‌وشیروان مسته‌فا له‌ دژایه‌تى كردنى ئه‌و سیستمه‌ بێ ئومێد و هه‌میش په‌شیمان بوبێته‌وه‌.

حه‌سه‌ن سه‌باح و حۆرییه‌كانى قه‌ڵاكه‌ى, ئه‌وه‌ى كه‌ له‌باره‌یه‌وه‌ نایزانیت

کولتوور

  حه‌شاشه‌كان له‌سه‌رده‌می جه‌نجاڵى و پڕ ئالۆزى مێژووى ئیسلام دا سه‌ریانهه‌ڵداوه‌, هه‌ر بۆیه‌ بوه‌ته‌ سه‌رچاوه‌ى چه‌ندین چیرۆك و سه‌ر گوزه‌شته‌ له‌نێوان خه‌یاڵ و ڕاستیدا ده‌سوڕێته‌وه‌, ئه‌مه‌ش بۆ ناڕوونى سروشتى ئه‌و گروپه‌ى پیده‌وتریت حه‌شاشه‌كان ده‌گه‌ڕێته‌وه‌ كه‌ له‌سه‌ره‌تاى سه‌ده‌ى یانزه‌هه‌مه‌وه‌ تاوه‌كو سه‌ده‌ى سیانزه‌یه‌مى زاینى له‌گۆڕه‌پانى مێژووى ئیسلامدا ڕۆلیان هه‌بوه‌, ئیدى لێره‌وه‌ چه‌ندین چیرۆكیان له‌باره‌وه‌ هۆنراوه‌ته‌وه‌ به‌تایبه‌ت له‌سه‌ر حه‌سه‌ن سه‌باحى دامه‌زرێنه‌ره‌كه‌یان و قه‌ڵاى ئه‌له‌مۆت كه‌ كردبویانه‌ مۆڵگه‌ و په‌رستگاى سه‌ره‌كیان.

 ململانێیى ژنه‌ سه‌ركرده‌كان یان شه‌ڕى باڵه‌كانى ناو یه‌كێتى ..؟

سیاسی

به‌هۆى ڕێكنه‌كه‌وتنى هه‌ردو باڵه‌كه‌ى نێو یه‌كێتى بۆدیارى كردنى كاندیدێك له‌و دو كاندیده‌ى كه‌ناویان هاتوه‌ بۆ پۆستی سەرۆكی پەرلەمانی كوردستان, وابڕیاره‌ ئه‌نجومه‌نى سه‌كردایه‌تى حزبه‌كه‌ پرسه‌كه‌ یه‌كلا بكاته‌وه‌, ئه‌و حزبه‌ش له‌قۆناغێكى چاره‌نوسازدایه‌ و دواى چل و شه‌ش ساڵ نیه‌تى دانانى سكرتێرێكى ترى له‌كۆنگره‌دا هه‌یه‌, پێناچێ ماڵى تاڵه‌بانى هه‌روا به‌ئاسانى بتوانن فشاره‌كانیان بۆ بێ به‌شكردنى كۆسره‌ت ڕه‌سول له‌چه‌ند پۆستێكى گرنگ توند بكه‌نه‌وه‌, به‌و پێیه‌ى ئه‌ویش ده‌یه‌وێت سیناریۆى تاڵه‌بانى دوباره‌ بكاته‌وه‌ و له‌پێش مه‌رگیه‌وه‌ ئاینده‌ى مناڵ و كه‌سه‌ نزیكه‌كانى قایمتر بكاته‌وه‌ بەئاسانیش ده‌ست له‌پۆسته‌ سیادیه‌كان هه‌ڵناگرێت.

ژماره‌ى مناڵانى توشبوو به‌نه‌خۆشى ئۆتیزم ڕوو له‌زیادبونه‌

چاوپێکەوتن

جیا له‌زۆربه‌ى نه‌خۆشییه‌ ده‌روونى و كۆمه‌ڵایه‌تیه‌كانى تر ئۆتیزم, به‌پێى وته‌ى شاره‌زایان , پشكنین و هه‌میش چاره‌سه‌رى زۆر زه‌حمه‌ت و تاقه‌ت پڕوكێنه‌ , هۆكاره‌كانى چاره‌سه‌ریشى پڕ ته‌نگ و چه‌ڵه‌مه‌یه‌, شاره‌زایانى بواره‌كه‌ پییانوایه‌ چه‌ند جۆرێكى نه‌خۆشیه‌كه‌ ده‌توانن ببنه‌وه‌ مرۆڤى ئاسایی. په‌یوه‌ندیدارانى كارگیڕى نه‌خۆشیه‌كه‌ش ده‌ڵین ژماره‌كه‌ ڕوو له‌زیاد بونه‌. به‌هۆى بارودۆخى سیاسى وڵات و قه‌یرانى ئابوریی هه‌رێمه‌وه‌, خێزانى خاوه‌ن ئۆتیزم چه‌ندیجارى تر نه‌هامه‌تى و كیشه‌كانى زۆرتربون.

ئه‌شكه‌نجه‌دان , مێژووى كوشتنى جیاوازى له‌كۆنه‌وه‌ تا ئه‌مڕۆ

سیاسی

ئه‌شكه‌نجه‌دان وه‌كو ئامڕازێك بۆ خشته‌ بردنى مرۆڤ و داماڵینى له‌مافه‌كانى له‌لایه‌ن پادشا و و له‌ململانێى و شه‌ڕى ئاینه‌كاندا به‌كارهاتوه‌, له‌سه‌رده‌مى نوێش دا بۆ سه‌پاندنى ئایدۆلۆژیا گیراوه‌ته‌به‌ر, له‌عێراق و هه‌رێمى كوردستانیشدا ئه‌شكه‌نجه‌دان مێژوویه‌كى خوێناوى هه‌یه‌, هه‌رچه‌نده‌ شێوازه‌كه‌ى گۆڕاوه‌ به‌ڵام ئێستاش تارماییه‌كانى ئه‌شكه‌نجه‌دان به‌سه‌ر جه‌سته‌ى كۆمه‌ڵگه‌ى كوردییه‌وه‌ دیاره‌..

لەڕێگەی مێشك شۆردنەوە گیرۆدەیان كرد نازانێـت چۆن بگەرێـتەوە ئەمریكا

سیاسی

هودا موسنى به‌ڕه‌گه‌زنامه‌ ئه‌مریكیى له‌ته‌مه‌نى بیست ساڵاندا ده‌چێته‌ ناو ڕێكخراوى تیررۆیستى داعشه‌وه‌ , دواى سێ جار هاوسه‌رگیرى كردن, و له‌ته‌مه‌نى 24 ساڵانه‌وه‌, ئێستا به‌مناڵیكى یانزه‌ مانگانه‌وه‌ له‌كه‌مپه‌كه‌ى سوریاوه‌ داواى گه‌ڕانه‌وه‌ بۆ وڵاته‌كه‌ى ده‌كات.

زاڵم و مافیا لەدیدی سەرۆكی فراكسیۆنی گۆڕانەوە

بیر و ڕا

به‌و پێێه‌ى عه‌لى حه‌مه‌ ساڵه‌ح سه‌رۆكى فراكسیۆنێكه‌ ئه‌ركه‌كه‌ى پێوه‌ندى به‌ژیانى زیاتر له‌ سه‌د هه‌زار ده‌نگده‌رى حزبه‌كه‌ى به‌تایبه‌تى و سه‌رجه‌م خه‌ڵكى كوردستانه‌وه‌ به‌گشتى هه‌یه‌,و له‌ماوه‌كانى ڕابردوشدا یه‌كێك بوه‌ له‌و كه‌سانه‌ى زۆرترین ڕه‌خنه‌ى له‌حزبه‌كانى ده‌سه‌ڵات گرتوه‌ و له‌وانى تر زیاتر وشه‌ى توند و جیاوازى به‌كارهێناوه‌ بۆنمونه‌ ( ئه‌مانه‌ زاڵمن , مافیان, گه‌نده‌ڵ و دزن, كه‌رامه‌تى خه‌ڵكیان شكاندوه‌....تد) ئه‌مه‌ جگه‌ له‌وه‌ى به‌رده‌وام به‌داتا و ژماره‌وه‌, به‌به‌ڵگه‌ نامه‌ى فه‌رمیه‌وه‌ و جاروباریش له‌دادگانه‌وه‌ بۆ گه‌یاندنى گه‌نده‌ڵكاران به‌لێپرسینه‌وه‌ ده‌ركه‌وتوه‌, ئێستاش له‌ده‌ورێكى جیاوازترى دا داواى حوكمى ویژان و دوركه‌وتنه‌وه‌ى خه‌ڵكى له‌ڕق و كینه‌ ده‌كات بۆهەڵسەنگاندنی كارەكانیان بەتایبەتی ڕێكەوتنەكەیان لەگەڵ پارتیدا.. دیدار و گفتوگۆ و نوسین و دیبەیت و لێدوان قسەكانی سەرۆكی فراكسیۆنی گۆران لەماوەكانی ڕابردودا هێندە زۆرن جاروبار بیری چوە چی دەڵێت و بۆچ وای وتوە،  به‌پێویستم زانى ده‌قاو ده‌ق تەنها چه‌ند وته‌یه‌كى كەمی  خۆى له‌باره‌ى زاڵم و مافیاكانى دوێنى و شه‌ریكه‌كانیى ئێستایانه‌وه‌ بیر بخه‌مه‌وه‌ و چه‌ند پرسیارێكیش بۆ مێژوو به‌جێبهێلیم..

ئایا یه‌كێتى ده‌توانێت دوو ئیداره‌ ى ڕابگه‌یه‌نێت...؟

سیاسی

دوو ئیداره‌ى واقعێكی داسەپاوی سەردەمی شەڕی ناوخۆیی نەوەدەكانە  و  زاراوەیەكە لە ئێستاشدا وەكو كەرەستەیەكی میدیای  بۆ  شه‌ڕى دەرونی و زۆرجاریش بۆ ترساندنى یه‌كتر   حزبە كوردییەكان بەكاری  ده‌هێنن,ئەگینا هیچ بنەمایەكی دەستوری و یاسایی نیە و بەئاسانی نایەتە دی مەگەر بە حوكمی قەرەقوشیی،  ته‌نها ناوى دامه‌زراندنى هه‌رێم بەچەند مەرج و ڕێگایەك له‌ده‌ستورى عێراق دا ڕێگه‌ى پێدراوه‌، ئه‌وه‌ش بۆ ئه‌م بارودۆخه‌ى ئێستاى عێراق و هه‌رێمى كوردستان له‌ پۆتۆپیا ده‌چێت.

ئه‌و پیاوه‌ى سێ جار له‌به‌رده‌م په‌تى له‌سێداره‌داندا ڕزگارى بوو

سیاسی

  بایسۆن كاولا بۆ سێه‌مین جار خرایه‌ ڕێزى ئه‌و كه‌سانه‌ى كه‌ ده‌بران به‌ره‌و ژوورى جێ به‌جَى كردنى له‌سێداره‌دان  كه‌ به‌سه‌ریاندا سه‌پێنرابوو, له‌گه‌ڵ هه‌مو جارێكدا سزاكه‌ به‌سه‌ریدا جێ به‌جێ نه‌ده‌كرا, ئه‌وه‌ش به‌هۆى ئه‌وه‌ى ئه‌و لیسته‌ى ئاماده‌ ده‌كرا بۆ له‌ سێداره‌دان ته‌واو نه‌ده‌بو, دواى ڕزگاربونى بۆ سێه‌مینجار به‌خت یاوه‌رى ده‌بێت و بۆ یه‌كجاره‌كى له‌زیندان ئازاد ده‌كرێت به‌هۆى ڕاگرتنى سزاى له‌سێداره‌دان..

كه‌نیسه‌یه‌ك ده‌ستدرێژییه‌ سێكسیه‌كانى بۆ سه‌ر مناڵان ده‌خاته‌ پاڵ شه‌یتان

ئایین

ڕۆژى 23 ئه‌م مانگه‌ لوتكه‌ى به‌ره‌نگاربونه‌وه‌ى ده‌ستدرێژییه‌ سێكسیه‌كان له‌لایه‌ن قه‌شه‌ و پیاوانى ئاینى كاسۆلیكیه‌وه‌ بۆ سه‌ر مناڵان به‌رێوه‌چو, پاپای ڤاتیكان  بەپاساوێكی خورافی تاوانەكەی پەردەپۆش كرد، سەرۆكی ئەسقەفی ئەڵمانیاش شاردنەوەی تاوانەكەی بەكارەسات زانی نەك ئاشكرا كردنی قوربانیەكانیش  متمانەیان بە كەنیسە نەماوە.  

چونه‌ ناو حكومه‌ت, گۆڕان پارچه‌ پارچه‌ ده‌كات

سیاسی

له‌هه‌نگاوى سه‌ره‌تادا كێكه‌كه‌ى له‌گه‌ڵ پارتیدا له‌تكردوه‌,پارووه‌كه‌ى خۆى پچڕاندوه‌ و خه‌ریكه‌ به‌ره‌و ده‌مى ده‌یبات, ڕه‌خنه‌گرانیشى ده‌ڵین ڕه‌نگه‌‌ پارتى و كێشه‌كانى خۆیان لێیانبكه‌ن به‌ژه‌هر وه‌كو كورد ده‌ڵیت, چونكه‌ تادێت كاردانه‌وه‌ى ڕێكه‌وتنه‌ سیاسیه‌كه‌ى گۆڕان له‌گه‌ڵ پارتیدا به‌رفراوانتر ده‌بێته‌وه‌, دواى ئه‌وه‌ى چه‌ند ئه‌ندامێكى هه‌ردو جڤاتى ئه‌و حزبه‌ ده‌ستله‌كاركێشانه‌وه‌یان ڕاگه‌یاند.

جیهان له‌به‌رده‌م مه‌ترسیه‌كانى ئه‌تۆم دا..

سیاسی

كۆبونه‌وه‌ی لوتكەی ئه‌مڕۆى نێوان دۆناڵد ترامپ سه‌رۆكى ویلایه‌ته‌ یه‌كگرتوه‌كانى ئه‌مریكا و كێم جۆن یۆنگى سه‌رۆكى كۆریاى باكور بێ هیچ ئه‌نجامێك كۆتایى هاتوه‌.

موشیرى حه‌مه‌ى سلێمان ئه‌و پیاوه‌ى مێژوو لێى ده‌ترسێت....!

کولتوور

هۆكارى شكسته‌كه‌ى شێخ مه‌حمود به‌ده‌ستى ئینگلیزه‌كان و به‌دیلگرتنى له‌به‌رده‌ قاره‌مان , له‌دواى سه‌ده‌یه‌ك تا ئێستا به‌ ته‌مومژاوى ماوه‌ته‌وه‌, به‌شێك له‌مێژونوسان و نوسه‌ران هۆكارى به‌دیلگرتنى شێخ بۆ خیانه‌ت و جاسوسى كردنى موشیرى حه‌مه‌ى سلێمان ده‌گیڕینه‌وه‌ و به‌شێكى تریشیان به‌رگرى لێ ده‌كه‌ن و هۆكاره‌كه‌ بۆ ئه‌و ناگه‌ڕێیننه‌وه‌, له‌م ڕاپۆرته‌دا چه‌ند دیدێكى جیاواز له‌سه‌ر ئه‌و ناكۆكیانه‌ خراونه‌ته‌ ڕوو.

جیاوازی ڕێكه‌وتنه‌كه‌ى پارتى له‌گه‌ڵ یه‌كێتى و گۆڕان...!

سیاسی

ڕێكه‌وتنه‌كه‌ى یه‌كێتى له‌گه‌ڵ پارتیدا له‌ڕووى دیپلۆماتى و سیاسى و بنه‌ماكانى ڕێكه‌وتنى یاساییه‌وه‌ له‌گه‌ڵ ڕێكه‌وتنه‌كه‌ى پارتى له‌گه‌ڵ گۆڕاندا جیاوازه‌, لێره‌دا ئه‌و جیاوازییانه‌ به‌وردى ده‌خه‌ینه‌ ڕوو.

جه‌ماله‌دین ئه‌فغانى،  له‌ ماسۆنیه‌تەوه‌ به‌ره‌و شۆڕشگێرێكی ئیسلامی

سیاسی

له‌9 ى ئازارى 1897 جه‌ماله‌دین ئه‌فغانى كۆچى دواى كرد, ئه‌و یه‌كیك بو له‌بانگه‌شه‌كارانى شۆڕش له‌دژى داگیركارى و ڕوبه‌ڕووبونه‌وه‌ى دواكه‌وتن له‌وڵاتانى عه‌ره‌بى و ئیسلامى

نهێینى یه‌ گرنگه‌كانى كڕین و فرۆشتنى چه‌ك له‌جیهاندا

ئابووری

په‌یمانگاى ئاشتى نێو ده‌وڵه‌تى ناسراو به‌( سیپڕى ), كه‌ باره‌گاكه‌كى له‌ستۆكهۆڵمى پایته‌ختى سویده‌, له‌باره‌ى كڕین و فرۆشتنى چه‌كه‌وه‌ ڕاپۆرتێكى نوێ بڵاو كرده‌وه‌, له‌ڕاپۆرته‌كه‌دا كه‌ به‌راوردكاریه‌ بۆ كڕین و فرۆشتنى چه‌ك له‌نێوان پێنج ساڵ دا له‌ سه‌ره‌تاى 2014 ه‌وه‌ بۆ كۆتایى 2018, ئه‌وه‌ى ئاشكرا كردوه‌ به‌ڕێژه‌ى 8% هه‌نارده‌ كردنى چه‌ك زیادى كردوه‌ له‌چاو ساڵه‌كانى نێوان 2009 بۆ 2013 كه‌ كه‌متر له‌و ڕێژه‌یه‌ له‌نێوان ئه‌و دو ساڵه‌ دا مامه‌ڵه‌ى پێوه‌كرابو.

دێوه‌كانى بیابان كیێن و بۆچى دروستكراون...؟

سیاسی

ماوه‌یه‌كه‌ میدیا عێراقیى و جیهانیه‌كان باس له‌سه‌رهه‌ڵدانى گروپێكى ترى تیرۆریستى له‌ناوچه‌ سوننه‌ مه‌زهه‌بیه‌كان به‌تایبه‌تى پارێزڤاى ئه‌نبار ده‌كه‌ن و به‌ ته‌واوكه‌رى كاره‌كانى داعشى ده‌زانن, حه‌شدى شه‌عبیش ده‌ڵیت گروپه‌كه‌ له‌لایه‌ن ئه‌مریكاوه‌ بۆ چه‌ند مه‌به‌ستێكى تایبه‌ت به‌پلانه‌كانى پاَلپشتى مادى و سه‌ربازى ده‌كرێت, ناوى ئه‌و گروپه‌ش (اشباح الصحرا‌‌ء )یه‌.

بارزانى له‌چى تر ده‌ڕوانێت..؟

سیاسی

سیناریۆكانى پێكهنیانه‌ى كابینه‌ى نۆیه‌م خه‌ریكه‌ به‌ره‌و كۆتایى ده‌ڕوات و پێىده‌چێت تا مانگى ئایار سه‌رجه‌م خشته‌كانى بیناى حكومه‌ت كه‌ كۆكراونه‌ته‌ بخرێنه‌ سه‌ر یه‌ك و ته‌واوى بیناكه‌ى لێ دروست بكرێت, ئه‌گه‌ر ئه‌ندازیارێكى شاره‌زا و وردبین سه‌یرى سیناریۆكانى پشته‌وه‌ى پێكهینانى ئه‌م كابینه‌یه‌ بكات, ئه‌وه‌ى بۆ ده‌رده‌كه‌وێت وه‌ك چۆن ئه‌و كه‌س و حزبه‌ى نه‌خشه‌ى بۆ كیشَاوه‌ كتومت ئاوه‌ها داده‌مه‌زرێت, پێش له‌دایكبونى ئه‌و هێزه‌ى چۆنى ویستوه‌ به‌پێى ئه‌و قاڵبه‌ ده‌رده‌چێت,پرسیاره‌كه‌ ئه‌وه‌یه‌ هه‌مو شتێك به‌خواستى بارزانى كۆتایى هاتوه‌, ئیتر له‌چى ده‌ڕوانیت..؟

ستالین كوڕه‌كه‌ى نارده‌ به‌ره‌كانى شه‌ڕ, چاره‌نوسى چى لێهات..؟

سیاسی

كاتێك دیكتاتۆره‌كانى دونیا به‌هه‌ر هۆكارێكه‌وه‌ بێت له‌ناوده‌چن و ده‌ڕۆخێن, دواى چه‌ندین ساڵ نهێنى گه‌وره‌تر له‌ژیانیان و كاره‌كانیانه‌وه‌ ئاشكرا ده‌بێت, نهێنی چیرۆكی  به‌دیل گرتنی كوڕیكی ستالین لەلایەن سوپای ئەڵمانیاوە , دواى زیاتر له‌ هه‌شتا ساڵ  ڕاستیەكەی ئاشكرا ده‌بێت.

ڤیتۆ له‌سه‌ده‌ى شانزه‌هه‌مه‌وه‌ تا وه‌كو ئیستا ، ئه‌و نهێنیه‌ى له‌باره‌یه‌وه‌ نه‌تزانیوه‌

سیاسی

  زۆرجار وشه‌ى ڤیتۆ له‌میدیاكاندا به‌كار ده‌هیِنریت, به‌تایبه‌ت كاتێك له‌لایه‌ن سه‌رۆكه‌كانى ئه‌مریكاوه‌ له‌دژى بڕیارێك , یاخود پڕۆژه‌ یاسایه‌ك له‌لایه‌ن كۆنگریسه‌وه‌ ده‌رچوه‌ ڤیتۆ به‌كار ده‌هێنرێت , ئیدى لایه‌نه‌ باش و خراپه‌كانى ڕوداو و بڕیار و پرۆژه‌ یاساكه‌ كه‌ ڤیتۆى له‌دژ ده‌كرێت ده‌كه‌وێته‌ به‌ر شه‌ن و كه‌وكردن و له‌ڕه‌هه‌نده‌ جیاوازه‌كانى ده‌كوڵڕیته‌وه‌, ده‌بێ خودى ڤیتۆ چى بێت و له‌چیه‌وه‌ هاتبێت....؟

سیستمى په‌رله‌مانى , به‌دڵى مه‌سعود مسته‌فا یاخود نه‌وشیروان مسته‌فا..؟

سیاسی

 ئاماده‌ كردنى پڕۆژه‌ یاسایه‌ك له‌لایه‌ن فراكسیۆنەكانی  گۆڕان و پارتیه‌وه‌ له‌په‌رله‌مانى كوردستانه‌وه‌ بۆ هه‌موار كردنى  یاساى سه‌رۆكایه‌تى هه‌رێم, له‌گه‌ڵ سه‌ره‌تاى هه‌نگاوه‌كه‌دا كاردانه‌وه‌یه‌كى فراوانى به‌دواى خۆیدا هێناوه‌, به‌وپێیه‌ى ئه‌و یاسایه‌ ڕه‌هه‌ندێكى نیشتیمانى هه‌یه‌ و پێوه‌ندى ڕاسته‌وخۆى به‌ژیانى خه‌ڵكى كوردستانه‌وه‌ هه‌یه‌, ڕاڤه‌ی جیاواز و گومانى زۆرى لێى ده‌كرێت, به‌شێوه‌یه‌ك له‌لایه‌ن  بەشێك له‌ چاودێرانه‌وه‌ مه‌ترسیى ئه‌وه‌ى لێده‌كرێت هه‌رێمى كوردستان له‌ئه‌زمونى پارتى خێزانیه‌وه‌ به‌ره‌و حوكمى خێزانى هه‌تا هه‌تاى په‌لێكش بكرێت,

پێش ئه‌وه‌ى خۆى بكوژێت, هیتله‌ر چى به‌فڕۆكه‌وانه‌ تایبه‌تیه‌كه‌ى ده‌ڵێت...؟

سیاسی

مه‌رگى هیتله‌رى سه‌ركرده‌ى نازییه‌كان تا ئێستا هه‌ر به‌ته‌مومژاوى ماوه‌ته‌وه‌ و به‌شێوه‌یه‌ك جێى سه‌ڕسوڕمانى زۆرێك له‌خه‌ڵكى جیهانه‌ و ده‌یان چیرۆكى له‌باره‌وه‌ باسده‌كرێت, ئه‌وه‌ش زیاتر به‌هۆى ئه‌وه‌ى ئه‌و كه‌سێكى نه‌رجسى بوه‌ و ده‌یان سه‌ركه‌وتنى به‌ده‌ستهێناوه‌ به‌ڵام له‌كۆتاییه‌كه‌ى دا خۆى كوشتوه‌,له‌ یاداشته‌كانى فڕۆكه‌وانه‌ تایبه‌ته‌كه‌ى وته‌ى كۆتایى له‌ له‌چركه‌ساتى پێش كۆتاییه‌كانى ژیانى ئه‌و دیكتاتۆره‌ ئاشكرا ده‌كات.

فرۆید چۆن سێلڤى گرتن ڕاڤه‌ ده‌كات...؟

کولتوور

ڕه‌نگه‌ كه‌م كه‌س هه‌بێت مۆبایلى پێبیت و وێنه‌یه‌كى سێلڤى نه‌گرتبێت, یاخود ڕۆژانه‌ لایكى چه‌ندین وێنه‌ى سێڵڤى هاوڕیكانى نه‌كردبێت, گرتنى وێنه‌ى سێلڤى ده‌روونى به‌لاى ده‌روونناسانه‌وه‌  ڕاڤه‌ى جیاوازى بۆ ده‌كرێت, به‌شێوه‌یه‌ك  ژماره‌یه‌كیان ئه‌وه‌ ڕونده‌كه‌نه‌وه‌ هه‌ندێجار  سێڵڤى گرتن په‌یوه‌ندى به‌ نێرگسیه‌ته‌وه‌ هه‌یه‌.

دێوه‌زمه‌كه‌ى سودان چۆن ده‌سه‌ڵاتى گرته‌ ده‌ست و كه‌ى ده‌ڕۆخێیت..؟

سیاسی

شەقام و شانۆی سیاسی سودان بەرەوە یەكلاكردنەوەی چارەنوسی دیكتاتۆریكی تری ناوچەكە هەنگاو  دەنێت، خۆپیشاندانه‌كانى سودان فراوانتر بون وخه‌ریكه‌ ده‌گاته‌ ئه‌و ئامانجانه‌ى كه‌ له‌پێناویدا سه‌ریانهەڵداوە , ئه‌ویش ده‌ستله‌كاركێشانه‌وه‌ى عومه‌ر به‌شیرى سه‌رۆكى ئه‌و وڵاته‌یه‌ , به‌پێى هه‌واڵى میدیا جیهانیه‌كان, په‌خشى ڕادیۆ و ته‌له‌فزیۆنى فه‌رمى سودان ڕاگیراوه‌ و فڕۆكه‌وانه‌ى خه‌رتومى پایته‌خیتش داخراوه‌ و پێده‌چێ سوپاش بۆ پشتیوانى خۆپیشانده‌ران به‌یاننامه‌یه‌كى فه‌رمى بڵاو بكاتەوە, هه‌ندێك سه‌رچاوه‌ش باس له‌ ده‌ستگیر كردنى عومه‌ر به‌شیر ده‌كه‌ن.

چیا عه‌باس :ئه‌گه‌ر نه‌وشیروان مسته‌فا بتوانێت له‌گۆڕه‌كه‌ى بێته‌ ده‌ره‌وه‌ ئه‌م گۆڕانه‌ى ئێستا هه‌ڵده‌وه‌شێنێته‌وه‌

چاوپێکەوتن

چیا عه‌باس هاوڕێى نزیكى ده‌یان ساڵه‌ و كه‌سیى متمانه‌پێكراوى نه‌وشیروان مسته‌فا كه‌ له‌كه‌نارى دانوبه‌وه‌ تاوه‌كو خڕى ناو زه‌نگ ئاگادارى سه‌رجه‌م خه‌بات و پڕۆژه‌ و نهێنیه‌كانى ژیانى سیاسیى نه‌وشیروان مسته‌فایه‌و له‌كاتى دامه‌زراندنى گۆڕانیشه‌وه‌ یاوه‌رێكى به‌رده‌وامى بوه‌, له‌ڕێگه‌ى دیپلۆماتیك مه‌گه‌زین ه‌وه‌ كۆمه‌ڵیك نهێنى گرنگ و هۆكارى دامه‌زراندنى پڕۆ گۆڕان له‌لایه‌ن خۆى و ژماره‌یه‌ك له‌ هاوڕیێ گۆڕانخوازه‌كانیه‌وه‌ وچه‌ند به‌رنامه‌یه‌كى خودى نه‌وشیروان مسته‌فا كه‌ ئه‌و ئاگاى لێبووه‌ ئاشكرا ده‌كات.

واعیزى سوڵتانه‌كان, ده‌رمانى دەسه‌ڵاتداران و شێرپه‌نجه‌ى خه‌ڵكى, له‌كۆنه‌وه‌ تا ئه‌مڕۆ

ئایین

هه‌میشه‌ سوڵتان و میر و خه‌لیفه‌كان, ئه‌وانه‌ى ته‌نها مانه‌وه‌یان له‌سه‌ر كورسیه‌كه‌یان وه‌ك له‌بیروباوه‌ڕ خزمەتی خەڵكیان به‌لاوه‌ گرنگ بووه‌, پێویستیان به‌كۆمه‌ڵیك ڕاوێژكار و واعیز و وته‌بێژ هه‌بوه‌, بۆ ئه‌وه‌ى پردێك له‌نێوان خه‌ڵكى و خه‌لیفه‌ و میره‌كانیاندا دروستبكه‌ن, به‌جۆرێك كه‌ى خه‌لیفه‌ى ویستى خه‌ڵكیان پێبترسێنیت گومان له‌سه‌ر ته‌خت و تاراجیان دروستنه‌كه‌ن و ئه‌وانیش بۆ ئه‌و مه‌به‌سته‌ غه‌زه‌بى خوا بیرى ئه‌وانه‌ ده‌كه‌نه‌وه‌ كه‌حاكمه‌كه‌یان به‌مه‌زڵوم و خۆىان به‌زاڵم بزانن, له‌گه‌ڵ گۆڕانكارى ده‌سه‌ڵاته‌كاندا شكڵ و شێوه‌و كارى واعیزى سوڵتانه‌كانیش گۆڕانكاریان به‌سه‌ردا هاتوه‌, به‌ڵام له‌ناوه‌ڕۆكدا واعیزى سوڵتانه‌كان جیاوازن له‌واعیزانى هه‌ق و خه‌ڵكى, ئه‌وان له‌ژێر هه‌ر ناوێكدا بن, ئه‌وانه‌ن ده‌ستى خه‌لیفه‌ و میر و پیر و ده‌ربه‌گ و ده‌سه‌ڵاتداره‌كانیان بۆ سه‌ر قوڕگى خه‌ڵك درێژ ده‌كه‌ن له‌پێناو مانه‌وه‌یاندا.

گاندى سیاسه‌ت و گاندى سێكس, له‌بیركردنى دیوه‌ شاراوه‌كه‌ى ژیانی

سیاسی

گاندى نه‌ك ته‌نها وه‌كو ڕابه‌رێكى ڕۆحى و سه‌ركرده‌یه‌كى نیشتیمانپه‌روه‌رى هێندییه‌كان به‌ڵكو له‌لاى زۆربه‌ى خه‌ڵكى جیهان ناسراوه‌ وه‌كو كارێزمایەكی جیاواز سه‌یر ده‌كرێت و په‌ند و ئامۆژگارى و ژیانى وەك نمونە باس ده‌كرێت, به‌ڵام ئه‌ویش وه‌كو زۆربه‌ى ئه‌و سه‌ركرده‌ و ڕابه‌ره‌ ڕۆحیانه‌ى به‌هۆى مامه‌ڵه‌یان له‌گه‌ڵ كێشه‌كانى كۆمه‌ڵگه‌ و سیاسه‌تتدا به‌كارێكه‌وه‌ تێوه‌ ده‌گلێن یاخود یه‌كێك له‌تایبه‌تمه‌ندیه‌كانى كه‌سێتیان وایلێكردون خه‌ڵكى ڕه‌خنه‌یان لێبگرێت و ببنه‌ مایه‌ى تانه‌ و ته‌شه‌ر به‌تایبه‌ت له‌پرسه‌ ئه‌خلاقیه‌كاندا, گاندیش له‌و كرده‌وانه‌ به‌ده‌ر نه‌بوه‌ به‌ڵام دەركەوتنی وەك پاڵەوان و ڕابەر،دیوى ناوه‌وه‌ى كه‌سێتیان شاردۆته‌وه‌.

فەساد لەئۆمێد و ئیرادەی خەڵکدا!!

سیاسی

 هیچ شۆڕش وخەبات وجوڵانەوەیەکی شۆڕشگێڕی ومەدەنی، بەئاسانی سەرکوتناکرێ ولەناونابرێ ، تەنها لەڕێی خیانەت ولادان لەپرەنسیپەکانیەوە نەبێ، واتا ..کورتکردنەوەی ئامانجەکانی لەپێناو وەدەستهێنانی کۆمەڵێک قازانجی شەخسیدا

حکومەت و باجى خۆڵ و خاشاک

سیاسی

ئه‌مڕۆ سه‌رۆكایه‌تی شاره‌وانی سلێمانی بڕیاریدا پاره‌ی خۆڵ و خاشاكی ماڵان مانگانه‌ له‌هاوڵاتیان وه‌ربگرێت بەوپێەی بڕیارەکە پێشتر حکومەت دەریکردووە و لەئێستاش بەدواوە دەچێتە بواری جێ بەجێ کردنەوە.

ئه‌ندازیارى سه‌ركوتكردنى خۆپیشاندانه‌كان له‌هه‌رێم و به‌غا له‌یه‌كده‌چن..!

سیاسی

له‌دوێنێى شه‌وه‌وه‌ حكومه‌تى عێراق و هێزه‌ نادیاره‌كانى پشته‌وه‌ى به‌چڕوچڕى سه‌رقاڵى جێ به‌جێ كردنى پلانه‌كه‌ى قاسم سوله‌یمانین بۆ سه‌ركوتكردن و كۆتایهێنان به‌ خۆپیشاندان و ناڕه‌زایه‌تیه‌كانى به‌غا و چه‌ند شارێكى تر.

یاسایى چاكسازى گیرفانیى كێ ده‌بڕێت؟ ده‌سه‌ڵاتداران یاخود موچه‌ خۆران..؟

سیاسی

دواى پێكهێنانیى كابینه‌ى نۆ پارتى بۆ سود وه‌رگرتن له‌و كاته‌ى كه‌ له‌لایه‌ن په‌رله‌مانه‌وه‌ پێدرابوو و گۆڕانیشى له‌به‌رده‌ستدایه‌ بۆ پینه‌ كردنى پلانه‌كانى، ده‌ستكارى یاساكه‌ى كرد و به‌كه‌یفى خۆى چۆنى بیه‌وێت ئه‌و یاسایه‌ جێ به‌جێ ده‌كات.