سێكسی هەرزان، عێراقییەكان بەرەو ئێران پەلكێش دەكات

سێكسی هەرزان، عێراقییەكان بەرەو ئێران پەلكێش دەكات

1085 خوێندراوەتەوە

بازرگانی سێكس كردن بۆتە یەكێك لە كێشە سەرەكیەكانی كۆمەڵگەی ئێران، ژمارەیەك لە شارەكانی ئێران بۆتە وێستگەیەك بۆ ئەم بازرگانی كردنە، ئامانج لەم بازرگانیە بۆ ڕاكێشانی زیاتری سەردانی كەرانی ناوخۆ و بیانیە بۆ ئەو شارانە، سەرەڕای ئەوەی كە ئەم بابەتە نوێ نیە، بەڵام دەسەڵاتدارانی ئێران بەردەوام هەوڵی شاردانەوەیان داوە، بە پێچەوانەی توركیا كە حكومەت زۆر گرنگی پێنادات و لای ئاسایی بۆتەوە، كە بۆتە بەشێك لە گەشتیاری، بەتایبەت لە ئەستەنبوڵدا شوێنی كراوە و ئاشكرا بۆ ئەم جۆرە بازرگانی كردنە هەیە.

 
ئەوەی لە ئێران نوێیە، ئەوەیە كە دەسەڵاتداران بە دوای دەرچەیەك دەگەڕێن، بۆ ئەوەی دۆلاری زیاتر بێتە ناو وڵاتەكەیانەوە و ڕووبەرووی سزای ئەمریكا ببنەوە، ئەمەش دوای ئەوەی كە ئەمریكا سزای ئەو وڵاتەی داو بەهۆیەوە دۆلار بەرزبۆوە و بەهای تەمەن زۆر دابەزی.


لەبارەی بوونی شوێنی دیاری كراو بۆ سێكسی گەشتیاری و ژمارەی ئەو شوێنانە، لە چەند ڕۆژی ڕابردوودا رۆژنامەی ( شەرقی چاكسازی) لەسەر زاری سەرۆكی سەندیكای خاوەن هۆتێلەكان لە خوراسان ئاشكرای كرد كە، 6000 ماڵ بوونی هەیە كە خزمەتگوزاری سێكسی پێشكەشی گەشتیارانی عێراقی دەكەن، ئەم ئامارەی ڕۆژنامەی ناوبراو كە لە ڕوحانی نزیكە و نیمچە حكومیە، ئەوە دەردەخات كە دەسەڵاتدارانی ئێران ئاگاداری ئەم جۆرە بازرگانی كردنەن و سەرپەرشتی دەكەن.

 
لە پێشتردا چەندین دامەزراوەی نا ئێرانی ئاماژەیان بەم جۆرە بازرگانی كردنە كردبوو، بەڵام ئێستا كە ئێران بە دەستی خراپی باری ئابووریەوە دەناڵێنێت، گرنگی زیاتر بە بازرگانی سێكسی دەدرێت، رۆژنامەی ( گاردیانی) بەریتانی لە ساڵی (2015 ز) لە ڕاپۆرتێكیدا ئاماژەی بە شاری مەشهەد كردبوو، كە هۆتێلە پێنج ئەستێرەكان خزمەتگوزاری سێكسی پێشكەشی گەشتیاران دەكەن، هەروەها ئاماژەی بەوەش كردبوو كە گەشتیارە عێراقیەكان دەچنە شەقامی ( ئیمام ڕەزا) بەڵام چوونی ئەوان بۆ ئەو شوێنە بۆ نوێژكردن و سەردانی شوێنە پیرۆزەكان نیە، بەڵكو بۆ گەڕان و كڕینی هەواو و ئارەزووی خۆیانە.

،،

رۆژنامەی( كەیهان) ی ئێرانی ڕەخنەی لەو بابەتانە گرت كە ئاماژە بە ئاشكراكردنی سێكس كردن دەدەن، چونكە ڕۆژنامەكە پێی وایە ئەم بابەتە هاوكاتە لەگەڵ رۆژی ( عاشورا) بۆ ئەوەی گەشتیاری زیاتر سەردانی ئێران بكەن و سود لە دابەزینی بەهای تمەن وەربگرن


رۆژنامەی( كەیهان) ی ئێرانی ڕەخنەی لەو بابەتانە گرت كە ئاماژە بە ئاشكراكردنی سێكس كردن دەدەن، چونكە ڕۆژنامەكە پێی وایە ئەم بابەتە هاوكاتە لەگەڵ رۆژی ( عاشورا) بۆ ئەوەی گەشتیاری زیاتر سەردانی ئێران بكەن و سود لە دابەزینی بەهای تمەن وەربگرن، چونكە ئێستا بەهۆی بەهای تمەنەوە،گەشتیاری بەشێوەیەكی گشتی و سێكس كردن كەمترین نرخی تێدەچێت، بەشێوەیەك عێراقیەكان بۆ یەك شەو (70-100) دۆلار دەدەن، بەڵام بەدابەزینی بەهای تمەن ئەو نرخە ئێستا كەم بۆتەوە بۆ نیوە، ئەمەش بۆتە هۆی ئەوەی كە گەشتیاری بیانی زیاتر ڕابكێشرێت و دۆلاریش بچێتە ئەو وڵاتەوە.


لە ڕووی كۆمەڵایەتیشەوە، بازرگانی سێكسی چەند لایەنێكی وەرگرتووە، هەژارەكان كە كاریان دەست ناكەوێت، وەك سەرچاوەی پارە پەیدا كردن( رزق) ئەنجامی دەدەن، چونكە لە ئێران حكومەت ناتوانێت هەلی كار بڕەخسێنێت و دۆخی ئابووری خراپەو كاڵاكانیش نرخیان بەرزبۆتەوە، تەنها لە تەهران زیاتر لە (10 هەزار)كەس ئەم كارە دەكەن، واتە ئەوانەی سێكسی ناشەرعی ئەنجام دەدەن.


سێكس كردن لە ئێران ڕابردوویەكی دووری هەیە ، بەشێكیش لە توێژەران و كەسایەتی و نوسەرەكان، بیانوو بۆ ئەم بازرگانی كردنە دێننەوە، حسێن قازیان توێژەری ئێرانی لە بواری كۆمەڵناسی لەو بارەیەوە دەڵێت:( ئەگەر لە ڕووی لۆژیكیەوە سەیری لەشفرۆشی بكەین، ئەوا وەك هەر كارێكی تری ئێستا وایە، چونكە كاركردن بریتی یە لە هەستان بە كارێك و لەبەرامبەریشدا بڕە پارەیەك یان بەخشیش وەربگریت، بۆیە كاتێك ژنێك جەستەی خۆی لەبەرامبەر پارەدا پێشكەشی پیاوێك دەكات، ئەوە كاركردنە...

ئێمە ڕۆژانە لە كەرتی حكومی و دامەزراوەكان مێشكی خۆمان بەكاردەهێنین، ئایا ئەمە واتای ئەوەیە لەشفرۆشیمان كردووە؟).
لایەنێكی تری ئەم بازرگانی كردنە، بریتی یە لە لێكەوتەكانی بۆسەر تەندروستی كۆمەڵگە، لە چەند ڕۆژی ڕابردوودا، ڕادیۆی (فردا) ئامارێكی لەسەر بڵاوبونەوەی ئایدز و هۆگر بوونی بە مادەی سڕكەرەوە بڵاوكرۆدتەوە، ئامارەكە پشتی بە توێژینەوەیەكی نەتەوە یەكگرتووەكان بەستووە كە لە ساڵی (2016)دا ئەنجامی داوە، ئەنجامی توێژینەوەكە بەم شێوەیە بووە، لە نێوان ساڵانی 2010 بۆ2016 نزیكەی 5000 كەسی نوێ تۆماركراوە، واتە تازە توشبوون، هەروەها ئەم ژمارەیە خراوەتە سەر ئەو 66000 كەسەی تر كە پێشتر تۆماركرا بوون ( ئاماری ئێران).

 
هەندێك ڕاپۆرتی تر ئاماژە بەوە دەكەن نزیكەی 100 هەزار ئێرانی توشی ئایدز بوون، هەروەها نزیكەی 2.8 ملیۆن كەس مادەی سڕكەر بەكاردەهێنن، هەورەها %9.3ی بەكارهێنەرانی مادە هۆشبەرەكان توشی ئایدز بوون، بەڵام لەو ئامارەدا ئەوەی هەستی پێدەكرێت بوونی ژمارەی جیاوازە ، واتە وەك یەك نین، بۆ نموونە ئامارەكە دەڵێت 270 هەزار كەس توشی ئایدز بوون، بەڵام لە ڕابردوودا ئاماژەی بەوە كردبوو كە توشبووان لە 100 هەزار كەس تێناپەڕێت، ئەمەش وەك ئەوە لێكدەدرێتەوە كە دەسەڵاتدارانی ئێران دەیانەوێت ڕاستیەكان بشارنەوە و خۆڵ بكەنە چاوی گشتیەوە، ئەمە سەرەڕای ئەوەی كە چەندین توشبووی تر هەیە، كە هێشتا تۆمار نەكراون( ئاشكرا نەبوون) پێویستی بە چەند ساڵێكی تر هەیە بۆ ئاشكرا كردنیان.

،،

سێكسی ناشەرعی و توشبوون بە مادە هۆشبەرەكان و ئایدز، بونەتە كێشەیەكی قوڵی ئێران، بەتایبەت سێكسی ناشەرعی، بۆیە ( نوسینگە ئاینەیەكان) پەنایان بۆ هاوسەرگیریەكی نوێ بردووە كە پێی دەوترێت هاوسەرگیری كاتی ( سیغە – متعە)، ئەمەش بە ئامانجی كۆنترۆڵ كردنی ئەم بازرگانی كردنە و كۆنترۆڵ كردنی پارەی بیانی پێش ئەوەی بچێتە بازاڕی ڕەشەوە.


سێكسی ناشەرعی و توشبوون بە مادە هۆشبەرەكان و ئایدز، بونەتە كێشەیەكی قوڵی ئێران، بەتایبەت سێكسی ناشەرعی، بۆیە ( نوسینگە ئاینەیەكان) پەنایان بۆ هاوسەرگیریەكی نوێ بردووە كە پێی دەوترێت هاوسەرگیری كاتی ( سیغە – متعە)، ئەمەش بە ئامانجی كۆنترۆڵ كردنی ئەم بازرگانی كردنە و كۆنترۆڵ كردنی پارەی بیانی پێش ئەوەی بچێتە بازاڕی ڕەشەوە.


چەندی ساڵێكە (پور محەمەدی) وەزیری پێشووی ناوخۆی ئێران بانگەشەی بۆ ئەم جۆرە سێكس كردنە دەكات، ناوبراو ئامانجی لەم بانگەشەیە بۆ ئەوە بوو كە لەلایەك دەبێتە هۆی چارەسەركردنی كێشەی سێكسی لای گەنجان، لەلایەكی تریشەوە كۆنترۆڵی تۆڕەكانی لەشفرۆشی دەكرێت، سەرەڕای ئەوەی چەندین هەوڵ دراوە كۆنترۆڵی ئەم بازرگانیە بكرێت و بە هەماهەنگی حكومەت ئەنجام بدرێت، بەڵام بێ سود بووە، ئەوەی ئێستا بۆتە مەترسی ئەوەیە كە ئەم بازرگانی كردنە و كلتورە لەوەیە بگوازرێتەوە بۆ ئەو وڵاتانەی كە ئێران هەژموونی خۆی بەسەردا سەپاندووە، وەك عێراق و لوبنان و سوریە و یەمەن، چونكە چەند هاوشێوەیەكی ئەم جۆرە لەو وڵاتانەش بەدی دەكرێت.

 

author photo

تایبه‌ت به‌ دیپلۆماتیك