كچێك لە كۆڵانەكانی هەڵەبجەوە بۆ كەسایەتی جیهانی 

"بروانامەی دكتۆرای فەخیریان پێدام"

كچێك لە كۆڵانەكانی هەڵەبجەوە بۆ كەسایەتی جیهانی 

1676 خوێندراوەتەوە

چیرۆكی كچەكەی هەڵەبجە بەردەوامە، كەلەسەر ئاستی رۆژهەڵاتی ناوەراست بوو بە یەكێك لە 100 كەسایەتی ساڵ، دەشڵێت: چاوەروان دەكەم لە داهاتوودا خەڵاتی دیكە وەر بگرمكەمن ئەو كەسانەی پەی بەتواناكانی خۆیان دەبەن و دەبنە هۆی شانازی بۆ خۆیان و تەنانەت وڵاتەكەشیان، بەڵام وەك دەگوترێت لە هەرێمی كوردستان، ئەگەر تواناشت هەبێت، بەڵام كەسێكی حكومی یاخود حزبی لەپشتەوە نەبێت، ئەوا نەك یارمەتی نادرێیت،بەڵكو لەمپەڕیشت بۆ دروست دەكرێت.

،،

پارێزگاری هەڵەبجە پێی وتم،نەم زانیوە كچە هەڵەبجەییەك،خەڵاتێكی لەوشێوەیەی بەدەست هێناوە

 

هەر وەك چۆن شەیدا موعتەسەم خاوەن خەڵاتی 100باشترین كەسایەتیی لەسەر ئاستی ڕۆژهەڵاتی ناوەڕاست، تائێستا نەك یەرمەتی نەدراوە،بەڵكو تەنانەت پیرۆزبایەكیشی ئاڕاستە نەكراوە وەك شەیدا دەڵێت:"پارێزگاری هەڵەبجە پێی وتم،نەم زانیوە كچە هەڵەبجەییەك،خەڵاتێكی لەوشێوەیەی بەدەست هێناوە".

دیپلۆماتیك مەگەزین، وتوێژی لەگەڵا شەیدا موعتەسەم خەوانی خەڵاتی 100 باشترین كەسایەتی لە ڕۆژهەڵاتی ناوەڕاست بۆساڵی 2018 كردووە، بۆ وەرگرتنی زانیاری لەسەر سەردانەكەی ناوبراو بۆ وڵاتی میسر.

 


دوای ڕاگەیاندنی 100 كەسایەتییەكەی ساڵ لەسەر ئاستی ڕۆژهەڵاتی ناوەڕاست بۆ ساڵی 2018، كچە هەڵبجەییەك وەك یەكێك لەو 100 كەسایەتییە هەڵبژێردرا، هەموو كوردێكی لەتەواوی كوردستانی گەورە و بەتایبەت كوردستانی باشورو خودی شاری شەهیدانیشی دڵخۆشكرد، بەڵام شەیدا سەرەڕای دڵخۆشبوونی بە دیاری كردنی وەك یەكێك لە 100 كەسایەتییەی ساڵ، بەڵام دڵ شكاو بوو لەوەی بەرپرسانی ئیداری شارەكەی پیرۆزبای ئەو سەركەوتنەیان لێنەكردووە و تەنانەت بێ ئاگای خۆشیان لەوەر گرتنی ئەو خەڵاتە لەلایەن ناو براوە وە نەشاردۆتەوە.

،،

من لەوڵاتی خۆمدا ڕێزم لێنەگیرا، نۆرەی میسڕە، تەنها خۆم و باوكم بووین و نە نوێنەری هەرێمی كوردستان و نە میدیایەكی كوردیش لەئاهەنگەكەدا ئامادە نەبوو.

 

شەیدا موعتەسەم بۆ دیپلۆماتیك،هۆكاری پشت گوێخستنی ناوبراو لەلایەن هەندێك لەلایەنە پەیوەندیدارەكانەوە، بەهۆی ئیتیمای سیاسی ئەم دەگەڕێتەوە ، و بەگوتەی ناوبراو ئەگەر بهاتایەو سەر بەدوو پارتی دەسەڵاتدار بووایە، ئەوا بەو شێوەی ئێستا مامەڵەیان لەگەڵ نەدەكرد.

یەكێك لەگرفتەكانی بەردەم شەیدا، سەفەر كردنی بوو بۆ وڵاتی فەڕەنسا، بۆ بەشداری كردن لە ئاهەنگی دابەشكردنی خەڵات 100 كەسایەتییەكە، كە بەگوتەی خۆی چەندین كەس بەڵێنی خستنە ئەستۆی تێچووی سەفەرەكەیان پێدا، بەڵام تەنها باوكی دەسگیرۆكی كچە بێنازەكەی كرد،و ئەویش دوای ئەوەی شوێنی دابەشكردنی خەڵاتەكە لە وڵاتی فەڕەنساوە بۆ وڵاتی مسڕ گۆڕدرا.


كچە هەڵبجەییەكە دەڵێت:"من لەوڵاتی خۆمدا ڕێزم لێنەگیرا، نۆرەی میسڕە، تەنها خۆم و باوكم بووین و نە نوێنەری هەرێمی كوردستان و نە میدیایەكی كوردیش لەئاهەنگەكەدا ئامادە نەبوو".

،،

دوای وەرگرتنی ئەم خەڵاتە لەلایەن وڵاتی كەنەداوە كراین بەنوێنەری ژنان و لاوانی عێراق و هیوادارم لەو ڕێگەیەوە خزمەتێك بكەم

 


نەبوونی قەوارەیەكی سیاسی سەربەخۆ، هۆكارێكی سەرەكی نەناسراوی هەر نەتەوەیەكە، جا ئەو نەتەوە خاوەنی هێزێكی تێكۆشەری وەك پێشمەرگەبێت و چەند ساڵێك پارێزگاری لەئاسایشی هەموو جیهانیشی كردبێت، هەر لەبەر ئەوەیە جل و بەرگ و زمان و تەنانەت ناوی خودی كوردیش بۆ بەشێكی زۆری ئامادەبوانی ئاهەنگەكەو هاوڵاتیانی میسر نامۆ بوو،شەیدا دەڵێت:"كاتێك بەجلوبەرگی كوردییەوە،لە ئاهەنگەكەدا ئامادەبوو، ئامادەبووان بەسەر سوڕمانەوە لێیان دەپرسیم ئەم جل و بەرگە جەزائیرییە؟! منیش ئەوەندەی كاتم هەبوو باسی كوردستان و مەزڵومی و ئازایەتی كورم بۆ كردن".

"ئەم خەڵاتە خەڵاتێكی ڕەمزیەو بۆ ئەوە نیە بەناوی ئەم خەڵاتەوە پڕۆژەت هەبێت، بەڵام دوای وەرگرتنی ئەم خەڵاتە لەلایەن وڵاتی كەنەداوە كراین بەنوێنەری ژنان و لاوانی عێراق و هیوادارم لەو ڕێگەیەوە خزمەتێك بكەم".شەیدا موعتەسەم وای وت....

هۆكاری وەرگتنی ئەو خەڵاتە لەلایەن شەیداوە، بۆ پەیوەندی توندوو تۆڵی ناوبراو دەگەڕێتەوە لەگەڵ ڕێكخراوە بیانییەكان ، بەهێزی كەسایەتی ناوبراو، لەنێو 100 كەسایەتییەكەی ساڵیش ڕیزبەندیەكانی پێشەوەیان دیاری نەكراوە و هەر 100 كەسایەتیەكە نوێنەرایەتی تەواوو ی ناوچەكانی سنوری ڕۆژهەڵاتی ناوەڕاست دەكەن.

 

author photo

رۆژنامەنووس