ماسۆشییەت‌ یان كۆیلایەتی خوازراو؟

لە نێوان ماسۆشیەت و کۆیلایەتی خوازراودا

ماسۆشییەت‌ یان كۆیلایەتی خوازراو؟

245 خوێندراوەتەوە

لەدۆخێكدا ڕەنگە جیاوازی نێوان كەسی ماسۆشی‌و كۆیلە ئەوە بێت، كە یەكەمیان چێژ لەفەرمان‌و ملكەچی‌و تەنانەت ئەو ئازارو سووكایەتییانەش وەردەگرێت كە لەلایەن گەورەو سەرۆك‌و ئاغاكەیەوە ڕووبەڕووی دەبێتەوە، ئەوە لەكاتێكدا كەسی كۆیلە بەو شتانە ئازار دەچێژێت، بەڵام ئەگەر هاتوو، بەهەر هۆیەكەوە، مرۆڤ خودی خۆی كۆیلایەتی هەڵبژارد، واتە کاتێک کۆیلایەتی بوو بە "کۆیلایەتی خوازراو"، ئیدی نەك هەر خاڵی هاوبەشی نێوان ئەو دوانە زۆر دەبن، بەڵكو زۆر لەوە واوەتریش دەچن، تا دۆخی بەیەكبوون‌و زۆرجاریش بە ئاسانی كەسی ماسۆشی‌و ئەم تەرزەی كۆیلایەتی جوودا ناكرێنەوە، وەك ئەوەی ئێستا لەكوردستاندا دەگوزەرێت‌و لەفۆرمی جیاوازدا خۆی وێنا دەكات.

 
ماسۆشیزم نەخۆشییەكی دەروونییە، كەسی تووشبوو بەم نەخۆشییە، چێژ لە ئازاردانی خۆی وەردەگرێت‌و تەنانەت ئازاردان‌و كۆیلەبوونەكەی وەكو دەستكەوت تەماشا دەكات.


كۆیلەداری‌و كۆیلایەتی گرێدراوە بە مێژووی بوونی مرۆڤ لە سەر زەوی، كۆیلایەتی مێژوویەكی دێرینی هەیەو لە هەزاران ساڵ بەر لە ئێستاوە بوونی هەیە، ئەگەر چی بە ڕواڵەت لە ئەمڕۆدا نەشتێك بە ناوی كۆیلەداری باوی ماوەو نە دیاردەیەكیشە لە كۆمەڵگەی مەدەنی‌و دونیای دیموكراسیدا جێگەی قبووڵ بێت، بەڵام كۆیلەبوون بەشێوەیەكی ناڕاستەوخۆو ئاسۆیی خۆی وێنا دەكات‌و جیا لە كۆیلایەتی سەدەكانی رابردوو، لەبەر ئەوەی كۆیلەكان خۆیان كۆیلەبوون هەڵدەبژێرن‌و زۆرجاریش بەشانازیشی دەزانن، هەر ئەمەشە وا دەكات لەگەڵ كەسی ماسۆشیدا بەئاسانی جوودا نەكرێنەوە، واتە ئەگەر ئەوەی لێدەربكەیت كە كەسی ماسۆشی چێژ لە ئازاردان وەردەگرێت جا لە لایەن هەركەسێكەوە بێت، ئەوە جۆری ئەو كۆیلایەتییەی هەنووكە لەكوردستاندا دەبینرێت، ڕێك‌و ڕاست ماسۆشییەتە.

،،

گەشتن بە دەستکەوتی مادی و بەرژەوەندی تاکەکەسی، فاکتەری بەهێزی بەرهەمهێنانی ئەم جۆرە کۆیلایەتییە خوازراوەو خۆ بچووککردنەوەو ملکەچی نواندنەن.

مرۆڤە كۆیلەو ماسۆشییەكان،" هەڵبەت مەبەست ئەو كۆیلایەتییەیە كە كۆیلەكان ئاغاكانیان هەڵدەبژێرن‌و دیاریدەكەن" هەمیشە خۆیان بچووك دەنووێنن، ملكەچ‌و كوێڕایەڵن، عەیب‌و نەنگی‌و شوورەییەكانی گەورەو ئاغاكەیان دەپۆشن، سەرباری نواندنی هەموو جۆرە بچووكییەك بۆیان، هەوڵی گەورەكردنیشیان دەدەن لەلای ئەوانی دی.


گەشتن بە دەستکەوتی مادی و بەرژەوەندی تاکەکەسی، فاکتەری بەهێزی بەرهەمهێنانی ئەم جۆرە کۆیلایەتییە خوازراوەو خۆ بچووککردنەوەو ملکەچی نواندنەن.


ماسۆشییەت نەخۆشییەو رەنگە نەخۆشییەكی زگماكیش بێت‌و كەسی ماسۆشی لەباوانییەوە بۆی مابێتەوە، بەڵام كۆیلەبوون بەم فۆرمەی ئێستا زۆرتر بەرژەوەندییە ماددی و ئابوورییەكان دەیخولقێنن.

،،

ماسۆشییەت نەخۆشییەو رەنگە نەخۆشییەكی زگماكیش بێت‌و كەسی ماسۆشی لەباوانییەوە بۆی مابێتەوە، بەڵام كۆیلەبوون بەم فۆرمەی ئێستا زۆرتر بەرژەوەندییە ماددی و ئابوورییەكان دەیخولقێنن.


جیا لەوەی مرۆڤی كۆیلەو ماسۆشی جوانییەكانی ژیان لەدەست دەدات‌و بەهای مرۆڤبوونیشیان دەدۆڕێنن، هەرە مەترسی گەورەی ئەم مرۆڤانە لەوەدایە كە فاكتەرێكی بەهێزن بۆ درووستبوونی مرۆڤی" سادی" ئەو مرۆڤەی كە چێژ لە ئازاردانی ئەوانی دیكە دەبینێت‌و دەبێتە دڕندەو ئازاردەر بۆ ئەوانەی كە حەزیان لەژیانێكی شكۆمەندانەیە.

 

author photo

ڕۆژنامەنوسی سیاسی و دیكۆمێنتەری سیاسی و مێژویی