پەکەکە لە بەردەم ئەگەری دووبارەبوونەوەی ئەزموونی پڵنگەکانی تامیلدا

بانگەشەیەك بۆدووبارەهەڵسەنگاندنەوەی دۆخ وئەگەرەکان

پەکەکە لە بەردەم ئەگەری دووبارەبوونەوەی ئەزموونی پڵنگەکانی تامیلدا

1073 خوێندراوەتەوە
گۆڕانکاریە چاوەڕوانکراوەکان لەسەرئاستی سێ پارچەی کوردستان ٬بەتایبەتیش ڕۆژئاواو باشور سەبارەت بەپەکەکەوکورد ،پێویستی بەدووبارەهەڵسەنگاندنەوەو خۆڕزگارکردن لەکۆت وبەندو گرێکانی ڕابردوو بڕیاری یەکلاکەرەوەوچۆنایەتی وئازایانە هەیە.
چونکەپێدەچێت ڕێساکانی گەمەکە گۆڕانیان بەسەرداهاتبێت،بواری مانۆڕکەمتربووبێتەوە، درزوناکۆکیە هەرێمایەتیەکان مانای جارانیان نەمابێت ودەرفەتەکانی سودوەرگرتن لێان زۆرنەبن.
،،

پەکەکە لەهەندێ ڕوەوە باجی هەڵسەنگاندن وشرۆڤەوبڕیارە هەڵەکانی ڕابردووی خۆی دەدات ،بەتایبەتیش لەپەیوەندی بەسروشتی پەیوەندی نێوان باکوروخۆرئاواو هەوڵدان بۆئەوەی ڕۆژئاواڕۆڵی سەرقاڵکردنی باکور ببینێت ومەیدانی شەڕوململانێکن لەتورکیا فراوان بکات !،کەبەداخەوە لەبری ئەوەبواری مانۆڕ لەبەردەم خۆیدا تەسك بۆوە.

 
 
 ناوچەکە بەرەوشکڵ گرتنێکی نوێ لەسەرئاستی سوریادەچێت، ڕوخساردانەوەش بەسوریا کارلەسەرکۆی ناوچەکەدەکات، چونکە لەچەندساڵی ڕابردوودا سوریابوبووە چەقی قورسایی پێکدادانی دیدگاوبەرژەوەندی هێزەکان وچڕبوونەوەی ململانێکان. ئەوەی ئێستا دەبیندرێ ئاماژەیە بەنزیکبوونەوە لەساتەوەختی پاکتاوکردنی شۆڕشی سوریا، وەك بەرەنجامێکی نیمچەکۆتایهێنان بە داعش ولەباربردنی بەهاری عەرەبی لەم قۆناغەدا .ئەوەی لەئێستادا ماوە هەندێ سازشی ترەلەنێوان هێزە هەرێمایەتی ونێودەوڵەتیەکان ،کەبەشێکی گرنگیان لەسەرحسابی کوردی ڕۆژئاوا تەواودەبێت وهەوڵداندەبێت بۆپاکتاوکردنی شۆڕشی ڕۆژئاواوکۆتایهێنان بەوحوکڕانیە نێوخۆییە دیفاکتۆیەی لەوێدا بەرپابووە،چونکە زۆرێ لەلایەنەکان لەسەرکۆتایی هێنان بەواقیعی فرەدەسەڵاتی ودابڕانی ناوچەی نفوز وەك دەرهاویشتەی قۆناغی ڕابردوو دۆخی شۆڕش ڕێککەوتوون.
 
تاقە شانسێ بۆکوردلەوناوچەیەدامابێتەوە ئومێدبوونە بەپشتیوانی ئەمریکیەکان ،کەئەوەش لەبەرزیادلەهۆکارێك ولەوانەش سەیرکردنی وەرەقەی سوریابەرامبەرهەندێ کەیسی جیهانی ترو ناجێگیری دیدگای ترەمپ بۆدۆخی سوریاوناوچەکە، گرەوی زۆری لەسەرناکرێت.
بەتایبەتیش بەم دۆخ و پێکهات وواقیعەی ئێستای ڕۆژئاواوە.بۆیە دەبێت کوردو بەتایبەتیش پەکەکە بەڕوحیەتێکی نوێ ولەچوارچێوەی زهنیەت ودیمەنێکی فراوانترەوە هەوڵی تێگەیشتن لەگۆڕاوەکان و ئەگەروسیناریۆکانی داهاتووبدەن.
 پەکەکە لەهەندێ ڕوەوە باجی هەڵسەنگاندن وشرۆڤەوبڕیارە هەڵەکانی ڕابردووی خۆی دەدات ،بەتایبەتیش لەپەیوەندی بەسروشتی پەیوەندی نێوان باکوروخۆرئاواو هەوڵدان بۆئەوەی ڕۆژئاواڕۆڵی سەرقاڵکردنی باکور ببینێت ومەیدانی شەڕوململانێکن لەتورکیا فراوان بکات !،کەبەداخەوە لەبری ئەوەبواری مانۆڕ لەبەردەم خۆیدا تەسك بۆوە.
 پەکەکەدەبوابەهیچ نرخێ نەچوایەتەژێربژاردەی هەڵگیرساندنەوەی شەڕلەباکورو بەهیچ نرخێکیش ئەوکاڵایە لە دەوڵەت نەکڕێ،وەدروشمی قۆناغەکە ڕۆژئاوایەکەم بوایە. دوای ئەوە گۆڕەپانی ڕۆژئاوای بۆخۆی قۆرخ نەکردایە،لەگەڵ پارتی لێکتێگەیشتنی هەبووایە،ئەنەکەسەوپێشمەرگەی ڕۆژگەرنەبوایەدروستی بکات،بۆئەوەی پرسی ڕۆژئاوا یەکسان نەکرێت بەپرسی پەکەکەو هەستیاریەکان لەبارەیەوە کەمتربکاتەوەو دۆستی زۆرتری بۆپەیداببێت وباشوریش زۆرتر بچێتە خزمەتیەوە.ئێستاش هەڵوێستەکە پێویستی بەڕزگارکردنە، دۆخی ڕۆژئاواو پەکەکە لەبەردەم مەترسیەکی جدیدان، مەسەلەکەش بەوەچارەسەرنابێت بوترێت زۆرجار هەوڵی لەناوبردنی پەکەکە دراوەو سەرکەوتوو نەبووە .چونکە هەر وەك ئاماژەمان پێکرد،دۆخەکەی ئێستاجیاوازە،هەماهەنگیەکی زۆر لەنێوان دەوڵەتەهەرێمایەتیەکان هەیە،هەربۆیە دەبێت حساب بۆگەلەکۆمەکی وچارەنووسێکی نزیك لەتامیلەکان بکات.
،،

پەکەکە بۆئەوەی لەم تەڵەزگەڕزگاری ببێت، یاخود بەباجێکی کەمتر لێی دەرچێت،پێویستی لێکتێگەیشتن وهەماهەنگیە لەگەڵ ئەمریکیەکان وپارتی،پێویستی بەسازشێکی عەقڵانیانە هەیە، هەرلەوچوارچێوەدا پێویستی بەتێگەیشتن لەڕۆڵی پێشمەرگەی ڕۆژو ئەنەکەسەوباشورو دانیشتن لەسەرکۆی پرسەکان وچارەنوسی خۆی هەیە

 
 کەس گومانی لەئاستی ئامادەیی کوڕان وکچانی پەکەکە بۆقوربانی دان وئازایەتیئەوان نیە.ئەوان بەکردەوە ئەوەیان سەلماندووە،بەڵام کێشەوئاڵنگاریەکان هەموو کاتێك بەئازاتی تێناپەڕێنرێن وچارەسەرناکرێن.بەڵکوپێویستان بەحیکمە ت وبیرکردنەوەی ستراتیژی وهێمن ودەستکار یکردنی ئەولەویات هەیە.لەڕوویەکیترەوە، تەنهامانەوە بەس نیە،چونکەئەوەی گرنگە توانای هێنانەدی ئانجەکانە نەك خودی مانەوە،هەربۆیە ئاساییە لەسەرەپێچێکی مێژوویی ڕێکخراووپڕۆژەیەکدا ،دانوستان لەسەرمانەوەی خۆی بکات بەرامبەر هەندێ لەئامانجەکان وخۆڕزگارکردن لەتیابردن یاخودمانەوەیەکی ناکارا،یان هەوڵبدات فۆرم وواتایەکی نوێ بەبوونی بدات.
 بەبڕوای موتەوازیعی ئێمە پەکەکە لەئێستادا لەبەردەم دۆخێکی لەم جۆرەدایە یاخود لێی نزیکە،هەربۆیە،ئەم هێزەدەبێت جددیتر بیر لەدۆخەکەوچارەنوسی خۆی ودۆزەکەی وتواناکانی وچۆنیەتی تەوزیفکردن ودانوستان کردن بەسەریانەوە بکاتەوە.
هەرلەم چوارچێوەدا ئەگەرئەوهەواڵانە ڕاستبن کەباس لەوە دەکەن ئەمریکیەکان داوای چەکدانانیان لێکردوون بەرامبەرچاوپۆشینی تورکیا لەواقیعی دیفاکتۆی ڕۆژئاوا، قبوڵی بکات ،چونکە هەنگاوێکی لەوجۆرە بەهادەدات بەچەکەکەو وەك وەرەقە بەکاردەهێنرێت ولەباکوریش خێردەداتەوە،پێش ئەوەی دۆخێ بێتەپێشەوە،دەرفەتی ئەوەنەمێنێ.
 بەکورتی پەکەکە بۆئەوەی لەم تەڵەزگەڕزگاری ببێت، یاخود بەباجێکی کەمتر لێی دەرچێت،پێویستی لێکتێگەیشتن وهەماهەنگیە لەگەڵ ئەمریکیەکان وپارتی،پێویستی بەسازشێکی عەقڵانیانە هەیە، هەرلەوچوارچێوەدا پێویستی بەتێگەیشتن لەڕۆڵی پێشمەرگەی ڕۆژو ئەنەکەسەوباشورو دانیشتن لەسەرکۆی پرسەکان وچارەنوسی خۆی هەیە، پرسیارئەوەیە داخۆ پەکەکەتوانای بڕیاری مێژوویی وبەئازاری هەیە؟یاخود ستراتیژێکی پڕلەئازاری نامسۆگەروئایندە ناڕۆشن هەڵدەبژێرێ و مەبدەئی بوون وئازایەتی وخۆکوژی تێکەڵ بەیەك دەکات؟

 

author photo

نوسەر و توێژەر