لەهەر ولاتیک سیاسەت زۆر بوو ژیان کەمە

لەهەر ولاتیک سیاسەت زۆر بوو ژیان کەمە

289 خوێندراوەتەوە

خالید ڕەشید - هونەرمەند

لەهەندیک کەسیان وا تێ گەیاندوە کەسیاسەت بنی زۆر قوڵە و سەر لێ دەرکردنی زۆر سەختە ،مرۆڤ یەکسەر بیری بۆ غەواسەو کەشتی بن ئاو دەچیت،جا توخوا ئائەمە سیاسەتە ئیوە دەیکەن؟

 

چەند شەرمیکی مەزنە مرۆڤ چەک هەلبگریت بۆ هاوزمانو هاو خوینەکانی خۆیو لەئاستی دوژمنی داگیرکەریشدا هیندە بیدەنگ بێت ئیران هەرەشەی لەناو بردن دەکات،یەک کەس وەلامی ناداتەوە.

کەچی یەک لەشکری دەمامک لەسەر ٢٠رۆژە کۆمەلیک گەنجیان فراندوە گوایە یەک مەسیج بۆ ئەندام پەرلەمانیک چوە کەشف بوو کە کەس لەو گیراوانە خاوەنی ئەو ژمارەیە نین کەئەو مەسیجەی پێ رۆشتوە کەچی ئازادیان ناکەن .

هەرگیز داکۆکی لەو مرۆڤە نامەردو ترسنۆکانە ناکەم کەبەناوی خوازراو بوختان بۆ خەلک دەکەن ئەوانە نەوەی ئەهریمەنن ودەبیت درەنگ یا زو بەسزای خۆیان بگەن, ئەم نەریتە قیزەونە دەستکردی دەسەلاتی نازداری کورد خۆیەتی.

پارەی ٣مانگی موچە خۆر لەبەغدادەوە هاتوە دیار نیە،کەس نقەی لیوە نایەت هەموو ئەو داوایانەی دادگا کەئەندامانی پەرلەمان تۆماریان کردوە دادگا دای خستوە، وەزیری نەوتی ئیراق دەلیت گەر ٢٥٠هەزار بەرمیلی رۆژانە نەنیرن موجە دەبرێت، هەر بەرپرسێک جێ نشینیکی بۆ خۆی داناوە وەکو ئەوەی خەلک خیری زۆری لەخۆیان کردبێت ژینگەی ولات ویران بوە،جادەکان هەر وەکو خۆیانن رۆژانە دەیان کەس دەبنە قوربانی کیشەی ئەو میللەتەیان نوساندوە بەملی نەوەی نوێو ریکخەرەکەیەوە .

ئەم نەهامەتیانە هەر هەموی خەتای ئەوە ،کاکە ئەو کابرایە زۆر خەتەرە پارەی قازانجی نەداوە بەخاوەن پشکەکان زۆر کەمی داونەتێ ٣٠٠کەس دەبن ئەوانەی کەوا دەلین پارەی ٥ملیۆن کەس٢٨سالە دەکەن بەمیراتی خۆیان وبنەمالەو خیزانو ئینجا حیزبەکانیان ،شاسوار چونکە کوری پیاویکی کاسبەو بەنانی حەلال وکاسپی گەورە بوە ئەو نابیت هەبێت خەتەرە داکۆکی لێ مەکەن چونکە ئەو لەکلوبی سیاسیدا نەبوە پیشتر زیانی گەورەی ئەبیت بۆ ئەزمونەکەمان.

باوەر ناکەم لەمیژووی نویی بازاری سیاسەتدا کەس هیندەی نەوەی نوێ و ریکخەرەکەی بەر شالاوی هیرشی ناوزراندن کەوتبیت.جا جونکە گۆران و نەوەی نوێ باوەریان بە چەک نیە ئەندام پەرلەمان و وەزیرو گزیرەکانیان هەر دەیان بەنە سەر کورسی یەکسەر واز دەهێنن تاقەتی ئەو ئەو شالاوی هیرش و ناوزراندنەیان نیە گوایە کیشەکەیان ئایدۆلۆجی یە دەی ئەگەر راست ئەکەن فەرمون دەس بەرداری ئەو ملیۆنانە ببن کەمانگانە وەری دەگرن ئەو کاتە خەلک دەلیت ئەمانە خاوەنی مەبدەئن وپارەی لوقمەی دەمی خەلک وەرناگرن،

 

author photo

تایبه‌ت به‌ دیپلۆماتیك