کێشه‌ی کورد له‌ ئاماسیاوه‌ بۆ ڕۆژئاڤا

کێشه‌ی کورد له‌ ئاماسیاوه‌ بۆ ڕۆژئاڤا

1026 خوێندراوەتەوە

له‌گه‌ڵم که‌مێک بمێننه‌وه‌، بۆ ئه‌وه‌ی بزانین هه‌ر تاکێک له‌ ئێمه‌ به‌ چ ڕیشه‌یه‌کی مێژووی هاتۆته‌ بوون.

له‌ ڕێکه‌وتنامه‌ی ئاماسیای ساڵی ١٥٥٥، هه‌ردوو ده‌وڵه‌تی سه‌فه‌وی و عوسمانی ڕێکه‌وتن له‌سه‌ر دابه‌شکردنی خاکی کوردستان، ئه‌ویش به‌ لێکدابڕینی چوار میرنیشنی کورد (بابان_ئه‌رده‌لان_موکریان_سۆران) لێکدی.

ناوچه‌کانی

شاره‌زوور_شارباژێڕ_قه‌ره‌داغ بۆ عوسمانی.

هه‌ورامان_مه‌ریوان_سه‌قز_بانه‌_سنه‌ بۆ سه‌فه‌وی.

ئێمه‌ی کورد له‌و کاته‌وه‌ لێکمان دائه‌بڕێنن، ئه‌مانتوێننه‌وه‌، دژمانن، به‌ڵام نه‌یانتوانیه‌وه‌ بمانسڕنه‌وه‌.

ده‌وڵه‌تانی زۆر گه‌وره‌ دژمان بوون هیچیان پێنه‌کراوه‌، ئێمه‌ گوڵی چوار وه‌رزه‌ین، له‌ خاک و هه‌وای خۆمان دانابڕه‌ین.

هه‌ر تاکێک له‌ ئێمه‌ له‌ساتی له‌دایکبوونیه‌وه‌ ئه‌و ئازار و شانازیه‌ی کوردبوونی هه‌ڵگرتووه‌، ئه‌و کێشانه‌ی ڕۆژانه‌ش تووشی ده‌بین هه‌ر له‌ ناو خۆشه‌ویستی کچ و کوڕ و خێزان و شار‌ و حزب بگره‌ تاوه‌کو ئاستی سیاسه‌تی کۆمه‌ڵگا، ڕه‌نگدانه‌وه‌ی ئه‌و ڕیشه‌ مێژوویه‌ی گه‌له‌که‌مانه‌.