خانەنشینانى نایاسایى، بێدەنگترین چینى کۆمەڵگە

خانەنشینانى نایاسایى، بێدەنگترین چینى کۆمەڵگە

1718 خوێندراوەتەوە

حکومڕانى کوردیی هەندێک دەستەواژەى نوێى هێنایە نێو فەرهەنگى کلتورو کارگێڕى کایەکانى دەوڵەت، ڕەنگە کوردستان بێ نمونە بێت لەماوەى 27 ساڵى ڕابردوو ئاسانترین ڕێگە بۆ هەڵکشانى دەوڵەمەند بوون یان ڕاستر بڵین بۆ زویرنەبوونى کۆنە جاش و چۆڵ نەبونى دیوەخانەکانى نزیک لە حزبەکان بەخشینەوەى پلەى باڵاى خانەنشینى بوبێت.

حزبەکان ڕۆڵێکى خراپیان گێڕا لە فراوانکردن و وەرگرتنى پلەى باڵا بۆ ئەو کەسانەى هەندێکیان لەسەر حساباتى کوردایەتى پرسیارێکى جدى خستەسەر ئەو لایەنانە، کە نەیانتوانى دامودەزگاى دامەزراوەیى بخەنە بەرژەوەندى هاووڵاتیان.

،،

ئێستا کە شەقامى کوردی حزبەکانى هەم شڵەژندووە هەمیش تا ڕادەیەک پەرتى کردوون، بە ئاسانى هەست دەکرێت هەندێک کارتى شاراوە بەرامبەر بەیەکتر بەکار بهێنن.

 

ڕەنگە بە درێژایى  ڕۆژانى تێپەڕیووى  ژیانى حزبەکان بەقەد ئەو ماوەیە ڕووبەڕووى ڕەخنەى شەقامى کوردى نەبوبنەوە، خۆپیشاندان و ناڕەزایەتیەکان زۆربەى چینەکانى کۆمەڵگەى هەژاندوو هەرگیز بەوە بڕوا نەکرا، کە بەو ڕادەیە هاوڵاتیان بێزارى دەرببڕن بەڵام ئەوەى لاى هاوڵاتیان بووەتە پرسیارێکى بێ وەڵام بۆ ئەو چینەى، کە چەندین ساڵە بێ ماندوو بون و ڕۆژێک وەزارەتێک و بەڕێوەبەرایەتیەکى گشتیان نەدیتبێت، لە بەرزترین پلەش سودمەند بووبن جورئەتى ئەوەیان تێدا نەبینرا بێن و خۆیان داواى هەڵوەشاندنەوەى خانەنشینەکەیان بکەن.

 

ئێستا کە شەقامى کوردی حزبەکانى هەم شڵەژندووە هەمیش تا ڕادەیەک پەرتى کردوون، بە ئاسانى هەست دەکرێت هەندێک کارتى شاراوە بەرامبەر بەیەکتر بەکار بهێنن.

،،

ئەوەى لاى هاوڵاتیان بۆتە پرسیارێکى بێ وەڵام بۆ ئەو چینەى کە، چەندین ساڵە بێ ماندوو بون و ڕۆژێک وەزارەتێک و بەڕێوەبەرایەتیەکى گشتیان نەدیتبێ لە، بەرزترین پلەش سودمەند بووبن جورئەتى ئەوەیان تێدا نەبینرا بێن و خۆیان داواى هەڵوەشاندنەوەى خانەنشینەکەیان بکەن.

 

کاتێک گۆڕان و پارتە ئۆپۆزیسیونەکان هەڵوێستیان لە یەکێتى و پارتى دەگۆردرێت بەرامبەر بە ڕووداوەکان بە ئاشکرا لە مەیدانەکانى خۆپیشاندان دەبیندرێن، ناڕاستەوخۆ پارتى دەیەوێت ئەو یاسایەى، کە  پەرلەمان لەسەر مادەى سێ ى توشى زۆرترین ڕەخنەى راى گشتى بووەوە جارێکى تر وەک چەکێکى بێدەنگ لەبەرامبەر پارتە ئۆپۆزیسۆنەکان بەکاربهێنێ، ئومێد خۆشناو لە پەرلەمانى کوردستان وەک سەرۆکى فراکسیۆن پارتى بە کوردستان 24 دەڵێت " بە دڵنیایەوە ئەو یاسایە تێدەپەرێندرێت" هەر لە لێدوانێکى تری ڕوو دەکاتە  لایەنە ئۆپۆزیسیۆنەکان و پێ ى وایە زۆرترین ڕێژەى خانە نشینى نایاسایى لاى حزبەکانى ترە .

 

زەق کردنەوەو وروژاندنى ئەو یاسایە لەو کاتە بەتایبەت لە، لایەن کادیرو ئەندام پەرلەمانەکانى پارتى ئەوە دەردەخات کە، خەریکە پەسند کردنەوەى یاساى خانەنشینى لە موزایدەى سیاسیەوە دەبێتە چەکێک حزبەکان بەرامبەر یەکتر بەکار بهێنن.

حاجى کاروان ئەندامى پەرلەمانى کوردستان  پێشتر ترسى خۆى لەوە نەشاردبووەوە کە،  گەڕانەوەى ئەو یاسایە بۆ عەیب دار کردنى پەرلەمانەو خواستێکى یەکێتى و پارتى هەیە، چونکە بە گەڕانەوەى ئەو یاسایە نزیکەى 80000 کەس کە، بە نایاسایى خانەنشین کراون موچەکەیان دەبڕدرێت ، بەقسەکانى ئەو ئەندام پەرلەمانەى یەکگرتوو ئەمەش خواستى یەکێتى و پارتى نى یە .

،،

خەریکە پەسند کردنەوەى یاساى خانەنشینى لە موزایدەى سیاسیەوە دەبێتە چەکێک حزبەکان بەرامبەر یەکتر بەکار بهێنن.

 

بەڵام دواى کەمتر لە مانگێک  ئەو بۆچونە پێچەوانە دەبێتەوە لە ، ئێستادا پارتى لەهەموو لایەنەکان جدى ترە بۆ پەسند کردنى ئەو یاسایە.

واى دەبینین پارتى لە تێپەڕاندنى ئەو یاسایەدا زیانى کەمترى بەربکەوێت لە حزبەکانى تر، ئێستاش دۆخى هەرێمى کوردستان بە قۆناغێکى هەستیار بەرەو نزیک بونەوەى هەڵبژاردنەکان دەڕوات، تاکە چەکى پارتى بۆ بەرگرى کردن لە بەدەست هێنانەوەى دەنگى هەوادارو دۆستانى خۆى پەسند کردنى یاسای خانەشینى بێت کە، بەپێى ئەگەرەکان یەکێتى و گۆڕان زۆرترین زیانیان بەردەکەوێت، ڕەنگە پارتیش بیەوێ بە بڵاو کردنەوەى ناوەکان لە  ڕێگەى سۆشیال میدیاوە لیستەکان وەک بانگەشەى هەڵبژاردن دژ بە نەیارەکانى بەکاربهێنێ کە، بەپێى زانیارییەکانى دەستەى دەست پاکى نزیکەى 500 کەس بە وەزیرو پەرلەمانتارو بریکارى وەزیرو ڕاوێژکار خانەنشین کراون کە، یەک رۆژ لەو پلە وەزیفە ئەرکیان نەبینیوە.

،،

واى دەبینین پارتى لە تێپەڕاندنى ئەو یاسایەدا زیانى کەمترى بەربکەوێت لە حزبەکانى تر، تاکە چەکى پارتى بۆ بەرگرى کردن لە بەدەست هێنانەوەى دەنگى هەوادارو دۆستانى خۆى پەسند کردنى یاسای خانەشینى بێت، کە بەپێى ئەگەرەکان یەکێتى و گۆڕان زۆرترین زیانیان بەردەکەوێت.

 

چارەنوسى ئەو کەسانە چیان  بەسەردێ کە بە نایاسایى چەندین ساڵە لە بودجەى گشتى ئەو هەرێمە داهاتێکیان بردووە کە، نایاسی یە، ئایا دێنە شەقام و دەست بە داواى ئەو مافە دەکەنەوە؟ یان داواکارى گشتى دەست بە جوڵاندنى ئەو بابەتە دەکات و بۆ یەکەم جار هاووڵاتیانى هەرێم دەبینن کە، دام و دەزگاکانى حکومەت دەچنەوە سەر ڕێگە ڕاستەیەکە. 

لە ئێستادا خەریکە چاوەکان دەخرێنەوە سەر پەرلەمان و ڕەنگە لە سەرەتاى هەفتەى داهاتوو لە دانیشتنێکى نائاسایدا ئەو یاسایە پەسند بکرێ لە،  پەسند کردن ئەو یاسایە  شەقام قسەى خۆى دەکات و حزبەکانیش ئەوەندەى بۆ تۆمەتبار کردنى یەکتر لە ڕیکلامى هەلبژاردنەکانى مانگى مایس لە دژى یەکتر بەکارى دەهێنن، بڕوا ناکەین هێندە لە بەرژەوەندى هاووڵاتیان بێ چونکە حکومەت ناچێتە ژێر بارى جێ بەجێ کردنى یاساى خانەنشینى یەکگرتووى عێراق..

 

author photo

 

نوسەر و ڕۆژنامەنوس