گۆڤارێكی ئەمەریكی: كوردستان دیموكراتی نییەو بەهۆی دیكتاتۆریەتەوە شكست دێنێت

گۆڤارێكی ئەمەریكی: كوردستان دیموكراتی نییەو بەهۆی دیكتاتۆریەتەوە شكست دێنێت

323 خوێندراوەتەوە

گۆڤاری" ناشیۆناڵ ئینەرنست"ی ئەمەریكی دووپاتی دەكاتەوە، كە كوردستانی عیراق دیموكراتی یان سەقامگیر نییە، وەك ئەوەی لە جیهاندا باس دەكرێت.
گۆڤارەكە دوێنێ چوارشەممە (28ی ئۆكتۆبەری2020) لە ڕاپۆرتێكیدا دەڵێت:" وا دەردەكەوێت كە كوردستان لە ناوچەكانی دیكەی عیراق ئارامتر بیێت، بەڵام ئەو بۆچوونەی كە دەڵێت دیموكراتی ترە، ئەوا شتێكی بێ مانایە، كوردستان لە جەنگی كەنداوی ساڵی 1991ەوە دوو بنەماڵەو حزبەكانیان كۆنترۆڵیان كردووە".

گۆڤارەكە لەسەر كۆنترۆڵكردنی كوردستان لەلایەن دوو حزبی سەرەكییەوە باس لەوەش دەكات كە" بنەماڵەی یەكەم یان پارتی دیموكراتی كوردستان، بەسەرۆكایەتی مەسعود بارزانی، ئەو حزبە بریتییە لە پارتێكی خێڵەكی و لە ڕووی كۆمەڵایەتیەوە پارێزگارن، بۆ نموونە زۆرێك لە ئەندامانی ئەو بنەماڵەیە زیاتر لە هاوسەرێكیان هەیە و تاكو ئێستاش پارێزگاری لێدەكەن، مێژووی ئەم بنەماڵەیە لەگەڵ هەموو وتارە خێزانیەكان و تاوانی كوشتن بە بیانووی شەرەف یەك دەگرێتەوە، بۆ نموونە كاتێك یەكێك لە رۆژنامەنوسەكان بە چیرۆكێك باسی لەم دۆخەی بنەماڵەی بارزانی كرد، ئەوان ئەویان، كوڕە ڕۆژنامەنوسەكەیان ڕفاندو ڕۆژنامەنووسە گەنجەكە كوژرا".


دەشڵێت:" خێزانی دووەم، یان یەكێتی نیشتیمانی كوردستان، بە سەرۆكایەتی جەلال تاڵەبانی كە جێگری باوكی مەسعود بوو، سەرەتا لە پارتی جیا بوویەوە، تاڵەبانی بنەمای پێشكەوتن و ئیشتراكی ڕاگەیاند، بەڵام لەكۆتاییەكانی تەمەنیدا لەو پارتە نزیك بووەوە، دوای خۆیشی هاوسەرەكەی و كوڕەكانی كۆنترۆڵی یەكێتیان كرد".

،،

گۆڤارەكە ئاماژە بەوەش دەكات، كە" جیاوازیەكی زۆر لە نێوان كوردستان و بەغدادە هەیە، لەكوردستاندا سەركردەكان پابەندی سەروەری یاسا و ئەنجامی هەڵبژاردنەكان نین، لە ساڵی 1992ەوە تاڕادیەك هەڵبژاردنی ئازاد لە كوردستان بەڕێوەچووە، بەڵام ئەو دوو حزبە دەنگەكانیان لە نێوان خۆیاندا دابەشكردووە، لەبری ئەوەی پەرە بە سیستەمی سەركردایەتی و ئۆپۆزسیۆنی بدەن، تەنها دەستكەوتەكانیان لە نێو خۆیاندا دابەش دەكەن".

باس لەوەش دەكات كە" دوای پشت بەستن بە دەستور لە ساڵی 2005ەوە، بارزانی وەك سەرۆكی هەرێم دیاری كرا، بەڵام دواتر ڕەتی كردەوە دوای ماوەكەی دەستبەردای پۆستەكەی بێت و چەند جارێك داوای درێژكردنەوەی وادەكەی كرد".
لەبارەی ئەوەی بارزانی لە نێوان بژاردەی سەركردەیەكی دیموكرات و گەندەڵ كامیان هەڵدەبژێرێت، گۆڤارە ئەمریكییەكە دەڵێت:" بارزانی بژاردەی ئەوەی لەبەردەستدا بوو كە ببێتە نیڵسۆن ماندیلا، یان یاسر عەرەفات، بەڵام بارزانی كوردستانی كرد بە چینێكی گەندەڵی سەرمایەدار، دووەمی هەڵبژارد، بارزانی لە یادەوەریدا دەمێنێتەوە، كە كوردستانی خستە ناو گەندەڵیەوە، چەندینجار بە ملیاردێری خانەنیشین دەبێت".

هەرچی پەیوەست بە سیاسەتەكانی مەسرور بارزانیشە، ئەوا گۆڤاری " ناشیۆناڵ ئینەرنست"ی ئەمەریكی دەڵێت:" تۆقینێكی زیاتر دەوری داوە، پسپۆڕییەكەی تەواو جیاوازە لە دەسەڵاتەكەی، چونكە ئەو خوێندكاری زانكۆی ئەمریكی بووە، كە ئاستی مام ناوەند بوو، كاتێكی زیاتر بە بازاڕ كردن و مانەوە لە كۆشكە شاهانەییەكانی دەرەوەی زانكۆ بەسەر دەبرد، بەڵام دوای ئەوەی بنەماڵەی بارزانی بەرنامەیەكیان لە زانكۆ پێدا، نمرەیەكی زانستی بەدەستهێنا، بەڵام ویستی مەسرور بۆ توندوتیژی و كوشتن لە ناوخۆ و هێرش بۆسەر ئۆپۆزسیۆن لەدەرەوە بەدی كرا، ئەمە لە كاتێكدایە كە نێچیرڤان هەستی بەوە دەكات، كە پێویستە هاوسەنگیەك لە نێوان بەرژەوەندی بازرگانی و توانای ئەوانی دیكە لە بەدەستهێنانی سەرمایە بكرێت، مەسرور قۆرخی چەندین كەرتی كرد، زۆربەی كاتیش ئەوانەی دەهاتنە بەردەمی یان بێدەنگی دەكردن یان دەستگیری دەكردن".
لە كۆتایشدا ڕاپۆرتەكە دەڵێت:" توندوتیژی و ئاسایش هاو واتەی یەك نین".