ئایا پاشەكشەی كاری ئیسلامی بەناوگۆڕین و گۆنگرە چارەسەر دەبێ‌ ؟؟؟!.

ئایا پاشەكشەی كاری ئیسلامی بەناوگۆڕین و گۆنگرە چارەسەر دەبێ‌ ؟؟؟!.

242 خوێندراوەتەوە
د. ادریس كاریتانی

بۆ هەمو هاوڵاتیانی هەرێَمی كوردستان ڕون بۆتەوە، بەئیسلامی و عەلمانی، ئەوەی دڵسۆزە بۆ خاك و وڵات و میللەت، خیانەت ناكات و حەزی بەخزمەتی میللەتە، گەندەڵ نیەو دەستی دوژمن ڕاناكیشی، هەر خەڵكە دڵسۆزو دەست پاكەكەیە، ئەوەی تر دیارە، چۆن بازرگانی بەهەرچی خاك و وڵات و نیشتیمان و خەڵكەوە دەكات، سەروەتی وڵاتیان بەسەر خۆیان و كەس و كاریان دابەش كردوە بەناوی كوردایەتی، بەڵام ئەوەی چێی داخە ڕەوتە ئیسلامیەكە، كە دڵسۆزەو دەستپاكە و خیانەت ناكات و گەندەڵ نیە، گرنكی تەنها بەدولایەن داوە، لایەنی خواپەرستی كەسی، واتە نیوان خۆت و خودا

لەگەڵ لایەنی تەنزیمی حیزبی، ئەمانە گرنگن، بەڵام لایەنەكانی: دەوڵەتداری، سیاسەتی كردنی سەركەوتو، حیزبایەتیكی بەهێز خۆی ببێتە بەدیل، تێگەڵی جەماوەر بەگشتی، خاوەن قەزیە، خاوەن دیدگایەكی دورو درێژ، خیتابێكی شارستانی و بینای ئاوەدانكردنەوە، دروستكردنی دەیان قائید و قیادە تا پاشی 30 ساڵ نەڵێی بەدیل نیە!!!، نەخشە ڕێگای ستراتیجی سیاسی، پەیوەندی نێو دەوڵەتی، دەزگای هەواڵ وزانیاری، گرنكی باشی بەوانە نەداوەو زۆر لاوازە. لەهەموش ترسناكتر بیرۆكەی پیرۆزی داوەتە خۆی، لەسەرەوەی ڕەخنە خۆی دەبینی

،،

بۆیە ئەگەر ڕەخنەیەكی بیناكاری لێ‌ بگیرێ‌ لەدڵسۆزێكەوە، لەگەڵ ئەم هەمو پاشەكشەیەی كاروانەكە، ئەندامانی تا تەكفیر كردن و خیانەت كردن لەقەڵەمت دەدەن، كە ئەمە لەمێژوی موسڵمانان بەم ئاستە نەگەیشتوە

بەشێك لەصەحابەكان لەغەزوەی ئوحد فەرمانیان شكاند سەرنەكەوتن، خودا هەنگاوەكەی نەدا پاڵ بەرامبەرەكان، بەڵكو فەرموی: (قل هو من عند انفسكم)، ئەمە لەقورئان تۆمار کراوە بۆ هەتا هەتایی، تا قەبوڵی ڕەخنە بكەن، نەڵێن کاکە ڕەخنە باخەڵک نەزانێ و هی سەر ڕاگەیاندن نیە، هەر نەڵێن پارەو دەسەڵات لەلای ئەوانە خەتای ئێمە نیە، وەك ئێستا هەر خەریكی هێنانەوەی عوزرین بۆ ئەوەی پێمان نەڵێن لەپاشین، قەبوڵ نەكەین كەس ڕەخنەمان لێ بگری. عمری كوری خەتاب ئەم سیاسەتمەدارە بەرزە پێمان دەڵی (خیر لەئیمە دانیە ئەگەر گویتان لێ‌ نەگرین، خێریش لەئێوە نیە ئەگەر ڕەخنەمان لی نەگرن). سەرۆكی دەوڵەت ئاوا قەبوڵی ڕەخنە بكات، وەك دەوڵەتی عمر پێش دەكەوی، ئێمەش كە قەبوڵی ڕەخنە ناكەین و خۆمان بەپیرۆز دەزانین!!!

ئاوا ساڵ بەساڵ پاشەكشە دەكەین، كەواتە ناو بگۆڕی یان نا؟ گونگرە بكەی یان نا؟ کاری گۆنکرە بەکەم ناگرم ، بەڵام هەر هەمان نەتیجەت دەست دەكەوی، چۆنكە زۆربەی گۆنگرەكان لەم سەردەمە پێش وەختە بەسەردان و ڕێك كەوتن هەمو شتێك دەبڕێتەوە، واتە پیش وەخت دەزانرێت چی دەبی و چی دەكرێ‌، گۆڕانكاریەكان لەدەرەوەی گۆنگرە تەواو دەبن، نەك بڕیاری گۆنگرە، ئەمەش نەتیچەی باش نادا بەدەستەوە، تەكان بەكاری ئیسلامی نادات، ئەم چۆرو شێوازە پێش هەموان زەرەر بەكاری ئیسلامی دەدات، دوای قیادەكان، ئینجا حیزب، بۆ نویبونەوەی حیزب دەبی سود لەخەڵكی دەرەوەی حیزب ببینین، چونكە ئەوانەی تا ئێستا نەیان توانیوە بەرەو پێشی ببەن، یان بونەتە هۆكاری پاشەكشە، هەر هەمان كەسەكان ناتوانن قەیراناكان تێبپەڕێنن، بەڵكو خەڵكی پسپۆرو دڵسۆزو بیرمەندی وشیار، لەگەڵ ناوەندی لێكۆڵینەوەی ستراتیجی سیاسی لەدەرەوەی حیزب، خاڵە لاوازەكان باشتر دەبینی و چارەسەری تازەو تەجروبەی نۆێی پێیە، وڵاتانی پێشكەتو بەسەدان ناوەندی لێكوڵینەوەیان دروست كردوە تاستراتیجیەتی سیاسیان بۆ داڕێژن، ڕەخنەیان لێ‌ بگرن، ئێمە هەر هەمان ستافی گۆنگرەكانی ڕابردو كە قەیرانەكانی پیشوتری پی چارەسەر نەكراوە، هەر هەمان ستاف چارێكی تر ئیدارەو نەخشەی گۆنگرە دادڕێژن، ئەمەش تەنها گوڕینی چەند ناونیشان و چەندخالێكی لاوەكیە، نابێتە بەخۆداچونەوەو هەستانەوە و تەكانی فكری و سیاسی و جەماوەری، ئەمانە لەكاتێك دەڵێم دڵم ژان دەكات بۆ هەر وشەیەك دەنوسم باسی موسلمانانی تێدا بێ‌، بەڵام ئەمە بەواجبێكی شەرعی و بەرپرسیاریەتێكی میژوی دەزانم لەسەر خۆم، با لەلای هەندی كەسیش قەبوڵ نەبی.