ڕێگه‌ نه‌درا به‌هادین نوری ده‌نگبدات

ڕێگه‌ نه‌درا به‌هادین نوری ده‌نگبدات

764 خوێندراوەتەوە

به‌ مه‌به‌ستی به‌شداریكردن له‌ پرۆسه‌ی ده‌نگداندا، ڕوو ده‌كاته‌ ئه‌و بنكه‌ی ده‌نگدانه‌ی كه‌ پێشتر ده‌نگیلێداوه‌، به‌ڵام پاش گه‌ڕانێكی زۆر ناوه‌كه‌ی نادۆزێته‌وه‌و دواتر پێیی ڕاده‌گه‌یه‌نرێت كه‌ ناوه‌كه‌ی ئه‌ویان سڕیوه‌ته‌وه‌.

 

سه‌رله‌به‌یانی ئه‌مڕۆ ڕوو ده‌كاته‌ بنكه‌ی قوتابخانه‌ی ئاماده‌یی سلێمانی كچان، ئه‌و بنكه‌ی ده‌نگدانه‌ی كه‌ له‌ هه‌ڵبژاردنه‌كانی پێشوودا ده‌نگی داوه‌، به‌ڵام وه‌كو خۆی ده‌ڵێت پێیانووتووه‌ كه‌ ناوه‌كه‌ی ئه‌و سڕكراوه‌، چونكه‌ له‌ دایكبووی ساڵی 1927.

به‌هادین نوری نووسه‌رو سیاسه‌تمه‌تدار، سه‌باره‌ت به‌ ڕێگه‌پێنه‌دانی به‌ به‌شداریكردنی له‌ ده‌نگداندا ده‌ڵێت: " ئه‌مڕۆ ٣٠ / ٩ / ٢٠١٨ چووم بۆ قوتابخانەی ئامادەیی سلیمانی کچان بەمەبەستی دەنگدان لە هەڵبژاردنی پەرلەمانی هەرێمدا، به‌ڵام پاش گەڕانێکی زۆر لە بینایەکی ٣ نهۆمیدا ئاگادار کرامه‌وه‌ کە ناوی من سڕکراوە، چونکە لە دایکبووی ١٩٢٧م واتە کۆمسیۆنی باڵای هەڵبژاردن، واتە حکومەتی هەرێم کەئەم هەڵبژاردنەی ساز کردووە، مافی دەنگدانی لەمن زەوتکردووە، کە مافێکی یاسایی‌و ئاسایی خۆمە، بێ ئەوەی کەسێک لێم بپرسێ ئایا دەتوانم بەشداری بکەم لە دەنگداندا یان نا".

 

 


به‌هادین نوری ئاماژە بەوە دەكات كە ئه‌وه‌ی به‌رانبه‌ر بەو كراوه‌، شێوازێكی زه‌قه‌ له‌ ته‌زویركردن‌و ده‌ڵێت:" من پیاوێکی سیاسی‌و نووسەرم کەئەمەم بەرامبەر کراوە، دەبێ چەند هەزار دەنگ لە لیستی دەنگدەراندا سڕکرابێ بە بیانوی پیریەوە! دیارە دەسەڵاتداران پێوویستیان بەم سڕکردنە بووە، بۆ ئەوەی کۆمەڵێ ناوی ساختە بخەنە نێولیستەکەو سەرنجی کەسیش ڕانەکێشێ، وە ئه‌مه‌ش شێوازێكی زه‌قه‌ له‌ شێوه‌كانی ته‌زویركردن".

 

author photo

ڕۆژنامەنوسی سیاسی و دیكۆمێنتەری سیاسی و مێژویی