رێژەی دەنگدان چۆن لە 41% وە كرایە 55%؟

وردەكاریی ساختەكاریە گەورەكە لە دیبلۆمات مەگەزینەوە بخوێنەرەوە

رێژەی دەنگدان چۆن لە 41% وە كرایە 55%؟

2810 خوێندراوەتەوە

لە ئێوارەی بەر لە هەڵبژاردن لە لایەن ئەندامێكی ئەو تیمەوە كە راسپێردرابون بۆ دروستكردنی جنسیە عێراقییه‌ ساختەکان ڤیدۆیەك دزەی پێدەكرێت بۆ بەرپرسێكی باڵای بزوتنەوەی گۆڕان و پێی دەڵێت:" ئەوە ڤیدیۆی ژوری عەمەلیاتی دروستكردنی جنسیەكانە و خۆشم كەسێكم لەوێ‌ كار دەكەم".

بە وتەی هەندرێن محەمەد، سەرۆكی كۆمسیۆنی باڵای هه‌ڵبژاردن و راپرسی بۆ ڕاگەیاندنەکان،200 هەزار جنسیەی عێراقی ساختە دروستکراوە و لایەنێکى سیاسى ویستویەتى لەڕۆژى دەنگدان دەنگى پێ بدات.

 

 

  لەسەر ئەو بنەمایە بزوتنەوەی گۆڕان كۆبوونەوەیەك لەماڵی نەوشیروان مستەفا ڕێكدەخەن و بڕیار دەدەن لەڕێگەی نوێنەرەكانیانەوە لە كۆمسیۆن لەگەڵ جنسیەی عێراقی ناسنامەی باری شارستانیش بەكاربهێنرێت، بۆ سەپاندنی ئەم كارە لە كۆمسیۆن گۆڕان پێویستی بە پارتی بوو، دوای ئەوەی پارتی ڕازیكرا لە درەنگانێكی شەودا كۆمسیۆن كۆبوەوە و بە دەنگی 7 ئەندام لەكۆی 9 ئەندامی كۆمسیۆن بڕیاریاندا پێویستە جنسیە و ناسنامەی باری شارستانی (ته‌سكه‌ره‌) هەردووكیان پێكەوە بەكاربهێنرێن، هۆكاری دەرچوونی بڕیارەكەش لە درەنگانێكی شەودا بۆ ئەوەبوو كە یەكێتی فریا نەكەوێت ناسنامە بۆ جنسیەكان دروست بكات.


ئەوەبوو دوای دەرچوونی بڕیارەكە یەكێتی بە توندی هاتە سەر خەت و خودی قوباد تاڵەبانی رایگەیاند "گەلەكۆمەكىى لە یەكێتی دەكرێت" هەروەها لە درەنگانی ئەو شەوەدا پەیوەندی بە هەریەك لە نێچیرڤان بارزانی و عومەری سەید عەلی و سەلاحەدین بەهادین و عەلی باپیر كردووە و داوای لێكردوون كە لە ڕێگەی ئەندامەكانیانەوە لە كۆمسیۆن ئەو بڕیارە هەڵبوەشێننەوە. بەڵام كەس نەچووە ژێر باری داواكاریەكەی. تەنانەت باس لەوەدەكرێت كە لە كاتژمێر 3 ی بەرەبەیاندا جارێكی دیكە پەیوەندی بە نێچیرڤان بارزانی كردۆتەوە و داوای لێكردوە كە ئەو بڕیارە هەڵبوەشێننەوە ئەگینا بەشداری هەڵبژاردن ناكەن.

،،

 دوای دەرچونی بڕیارەكە یەكێتی بە توندی هاتە سەر خەت و خودی قوباد تاڵەبانی رایگەیاند "گەلەكۆمە لە یەكێتی دەكرێت" هەروەها لە درەنگانی ئەوشەوەدا پەیوەندی بە هەریەك لە نێچیرڤان بارزانی و عومەری سەید عەلی و سەلاحەدین بەهادین و عەلی باپیر كردوە و داوای لێكردون كە لەڕێگەی ئەندامەكانیانەوە لە كۆمسیۆن ئەو بڕیارە هەڵبوەشێننەوە

 

لەبەرامبەردا نێچیرڤان بارزانی پێی وتووە هەڵبژاردنەكە بەردەوام دەبێت ئەگەر ئێوەش بەشداری نەكەن، دواتر یەكێتی بە ناچاری بڕیار دەدات بەشداری هەڵبژاردنەكە بكات، بەڵام لەلایەكی دیكەشەوە لە دوای بڕیارەكەی درەنگانی شەوی كۆمسیۆن خەریكی دروستكردنی ناسنامە بوون و چەند دوكانێكی وێنەگرتن و كۆپیان لە سلێمانی و چەمچەماڵ و كۆیە و شوێنەكانی دیكە كردبۆوە بۆ ئەو كارە و بەو هۆیەشەوە ژمارەیەكی كەمیان بۆ دروستكرابوو.


كە هەڵبژاردنەكە دەستی پێكرد كاتژمێر 12 دەركەوت ڕێژەی بەشداری لە پارێزگای سلێمانی خوار 15% بوو لە كاتژمێر چواری ئێوارە گەیشتە 34%. لەدوای كاتژمێر چوارەوە هەڵمەتی بڵاوەكردنی هێزە ئەمنیەكان بەسەر بنكەكانی دەنگدان دەستی پێكرد و بەزەبری هێز چوونە ناوەندەكانی دەنگدان و رێژەكەیان گەیاندە 41% لە كاتژمێر شەشی ئێوارەدا.


لەكاتژمێر 3ی پاش نیوەڕۆوە  لەسەر داوای حاكم قادر بەرپرسی مەڵبەندی سلێمانی، كۆمسیۆنی سلێمانی هەموو پەیوەندیەكی لەگەڵ كۆمسیۆنی گشتی لە هەولێر پچڕی و تەنانەت وەڵامی تەلەفۆنی هەولێریشیان نەدایەوە.

لەكاتژمێرەكانی کۆتایی پرۆسەكەدا لەڕێگەی وتەبێژەكەیەوە یەكێتی بەتەواوی پرۆسەكەی رەت كردەوە و رایگەیاند كە "دان بە ئەنجامی هەڵبژاردنەكەدا نانێن".
دواتر قوباد تاڵەبانی رایگەیاند كە هێشتا زووە بۆ رەتكردنەوەی ئەنجامەكان و چەند خولەكێكیش دوای ئەوە میدیاكانی یەكێتی لێدوانەكەی سەعدی پیرەیان سڕیەوە.


لە كاتژمێر شەش هەتا 9 ی شەو فەرمانگەی سلێمانی كۆمسیۆن هیچ داتایەكیان نەدایە هەولێر تا كاتژمێر 9ی شەو كە گومانی رێكەوتنی یەكێتی و پارتی دەكرێت لەو ماوەیەدا.


كاتێك داتاكانی سلێمانی بڵاوكرانەوە ئەوەی شۆك هێنەربوو رێژەی بەشداری بوو لە پارێزگای سلێمانی كە لە 41% وە بوە 54.9% ی دەنگەكان.
لەدوای ئەو ماوەیەوە رای یەكێتی لەسەر پرۆسەكە گۆڕا و لە راگەیاندنەكانیەوە تەپڵی سەركەوتنی لێدا و شایی چەند خولەكێك لەوەوبەری گۆڕانی كردە شین.

ئەوەی جێگای هەڵوەستەلەسەركردنە ئەوەیە وێڕای بوونی ساختەكاریى لە دەڤەری زەرد و سەوز بەڵام دەسكاری دەنگی لایەنەكانی دیكە نەكراوە. واتە ئەو دەنگەی لایەنەكان هێناویانە دەنگی هەقیقی خۆیانە، بەڵام كاریگەری لەسەر رێژەی دەنگەكانیان هەیە و كاریگەری لەسەر ژمارەی كورسیەكانیشیان هەیە.

،،

ئەوەی جێگای هەڵوەستەلەسەركردنە ئەوەیە وێڕای بونی ساختەكاری لە دەڤەری زەرد و سەوز بەڵام دەسكاری دەنگی لایەنەكانی دیكە نەكراوە. واتە ئەو دەنگەی لایەنەكان هێناویانە دەنگی هەقیقی خۆیانە، بەڵام كاریگەری لەسەر رێژەی دەنگەكانیان هەیە و كاریگەری لەسەر ژمارەی كورسیەكانیشیان هەیە.

 

لەگەڵ هەموو ئەمانەشدا خۆ خەڵەتاندنە ئەگەر لایەنەكانی ئۆپۆزسیۆن كەمی ژمارەی دەنگەكانیان بە ساختەكاريیەوە ببەستنەوە، چونكە لە تەواوی ساختەكاری ئەمجارەدا دەسكاری ژمارەی دەنگی حیزبەكان نەكراوە بەڵكو ژمارەی دەنگی خۆیان زیاد كردوە. كە بێگومان كاریگەری لەسەر رێژەی دەنگ و كورسی لایەنەكان هەیە. بەڵام ساختەكاريى بەرپرس نییە لەوەی كە بزوتنەوەی گۆڕان 250 هەزار دەنگی كەمیكردوە. یان یەكگرتوو 75 هەزار دەنگی كەمیكردوە.

 

author photo

ڕۆژنامەنوس و مامۆستای زانكۆ

سەرنوسەری دیپلۆماتیك مەگەزین

ڕۆژنامەنوسی تایبەتمەند لە ڕۆژنامەوانی بنكۆڵكاری