بریاردەری كۆمسیۆن: لەبەر ساختەكاری لە راگەیاندنی دەرەنجامەكان بەشدار نەبووم

"رۆحم بە موزایەدە ماندوو دەبێت"

بریاردەری كۆمسیۆن: لەبەر ساختەكاری لە راگەیاندنی دەرەنجامەكان بەشدار نەبووم

1479 خوێندراوەتەوە

 

هەرچەندە ئێوارەی ئەمرۆ كۆمسیۆن ئەنجامە بەراییەكانی هەڵبژاردنی پەرلەمانی كوردستانی راگەیاند بەڵام یەكێك لە كۆمسیارەكان كە لە هەمانكاتدا بریاردەرە بەبیانووی ساختەكاری و پەلەكردن لە راگەیاندنی دەرەنجامەكان بەشداری كۆنگرەكە ناكات و واژی كۆتایی لەسەر كۆنووسەكەیان ناكات.

 

ئیسماعیل خورمال بریاردەری كۆمسیۆنی باڵای سەربەخۆی هەڵبژاردنەكان و راپرسی لە هەرێم تایبەت بەم بابەتە بۆ دیپلۆماتیك مەگەزین دەدوێت و دەڵێت:" پێم وابوو پەلەكردنێك دیارە بە راگەیاندنی دەرەنجامەكان و گومانیشم لە پرۆسەكە و ئەنجامدانی ساختەكاری بەشداریم لە كۆنگرەكەی ئێوارەی كۆمسیۆن نەكرد".

،،

ئامادە نەبوونم بەشێکی نیگەرانیە لەو ساختەکاریانەی کراون و بەپێویستم نەزانی هێندە پەلە بکەین لە ڕاگەیاندنی ئەنجامی بەرایی تا زیاتر وردبینی تێدا بکەین.

 

 

خورماڵی، بریاردەری كۆمسیۆن

 

 

لەبەشێكی دیكەی چاوچێكەوتنەكەدا لەگەڵ دیپلۆماتیك زۆتر هۆكاری بەشداری نەكردنیان لە كۆنگرەكەی ئێوارە ئاشكرا كرد و لە پەرەی تایبەتی خۆشیی لە فەیس بووك ئاماژەی پێكردووەو خورماڵی دەڵێت:"ئامادە نەبوونم بەشێکی نیگەرانیە لەو ساختەکاریانەی کراون و بەپێویستم نەزانی هێندە پەلە بکەین لە ڕاگەیاندنی ئەنجامی بەرایی تا زیاتر وردبینی تێدا بکەین."

 
خورماڵی ئەوەش ناشارێتەوە كە بەشێکی تری هۆكارەكە جەختکردنەوەیە لە مەبدەئ و متمانەیە بۆ هاوڵاتیان کەخەمخۆری دەنگەکانیانن و ساختەکاری قبوڵ ناکەن...

 

،،

هەفتەیەکە شەو و ڕۆژ لەکۆمسیۆنم و ماندوو بوون و هیلاکی ناناسم،،، بەڵام جاروبار ڕۆحم بەموزایەدەی ئەوانی تر هیلاک دەبێت...بەپشتیوانی خوا ئەم قۆناغەش تێدەپەڕێنین بەسەری بەرزەوە..

 

 

ئەو دەشڵێت:"بەیاننامەی ڕۆژنامەوانی من نوسیم چونکە بڕیاردەری ئەنجومەنم و سەرجەم پەیڕەو و ڕێکارەکانیش لەکۆتاییدا من پیاچوونەوەی دەکەم هەم لەبەر پۆستەکەم و هەم لەبەر شارەزایم لە ئەدەب و نوسین..."

 

ئەوە پێی وایە دەبێت سەرەرای نارەزایەتی و نیگەرانیش لە پرۆسەكە بەڵام دەبێت كۆمسیار پیشەییانە كارەكانی بكات تاكو لەبەردەم خەڵكیدا رووبەرووی ئیحراجی نەبێت.


لەكۆتایدا خورماڵی ئاماژەی بەوەشكرد:من هەفتەیەکە شەو و ڕۆژ لەکۆمسیۆنم و ماندوو بوون و هیلاکی ناناسم،،، بەڵام جاروبار ڕۆحم بەموزایەدەی ئەوانی تر هیلاک دەبێت...بەپشتیوانی خوا ئەم قۆناغەش تێدەپەڕێنین بەسەری بەرزەوە..

 

بریاردەرەكەی كۆمسیۆن لەنێو هۆڵی كاركردن لەگەڵ كارمەندەكانی

 

 
ئەو پیاوێكە لە نێوان هەردوو هەڵبژاردنی 12ی ئایارو 30ی ئەم مانگەدا زۆرترین دەركەوتنی هەبووە، كە زۆرێك لە جوڵەو كارەكانی تائێستا بوونەتە مایەی دەستخۆشی و سەرنجی بەرامبەرەكانی.

 

author photo

ماسته‌ر له‌ زانسته‌ رامیارییه‌كان

ئه‌ندامى كاراى سه‌ندیكاى ڕۆژنامەنووسانی کوردستان