غالب محمد: ئەندامی پەرلەمانی عێراق لە فراكسیۆنی گۆران:                 شەرمە، داوای گۆرانكاری بكەیت و نەتوانی خۆت بگۆڕیت

"داوا دەكەین كورەكانی كاك نەوشیروان لە كێشە ناوخۆییەكاندا بێ لایەن بن"

غالب محمد: ئەندامی پەرلەمانی عێراق لە فراكسیۆنی گۆران: شەرمە، داوای گۆرانكاری بكەیت و نەتوانی خۆت بگۆڕیت

2459 خوێندراوەتەوە

 

پێ دەچێت گۆرینی كیلۆنی دەرگای ژوورەكەی عەبدوڵای مەلا نوری لەلایەن رێكخەری گشتییەوە، چەند گۆرانكارییەكی دیكەش لەنێو بزووتنەوەكەدا بهێنێتە كایەوە. ئەندامێكی پەرلەمانی عێراقیش لە فراكسیۆنی گۆران دەڵێت: "دەبوو ئەوانەی كە بوون بە پارتی دەرگایان لێداخرایەت" و داوا لە كورەكانی نەوشیروان موستەفاش دەكات لەكێشە ناوخۆییەكانی گۆران بێ لایەن بن.

 

غالب محمد، ئەندامی پەرلەمانی عێراق لە فراكسیۆنی بزووتنەوەی گۆران، و هاورێی عەبدوڵای مەلا نوری و یەكێك لە دەموچاوە گەنج و تورەكانی نێو بزووتنەوەكە، تایبەت بە كێشە ناوخۆییەكانی گۆران و هەڵوێستەكانیان بۆ چاكسازی، لەگەڵ دیپلۆماتیك مەگەزین وتوێژ دەكات.

 

غالب محمد، ئەندامی پەرلەمانی عێراق لە فراكسیۆنی گۆران

 

 

،،

كاتێك كاك نەوشیروان لە ژیاندا بوو، گۆران قسەی بكردایەت یان بێدەنگدا بوایەت، یەكێتی و پارتی دەترسان بەڵام ئێستە بەهیچ شتێكمان ناترسن، بۆیە دەنگدەریش تورەیە لێمان.

 

 

 
"سەركردەكانی گۆران نەیاتوانی جێگەی كاك نەوشیروان بگرنەوە"

 
غالب محمد، لەسەرەتادا باس لە كێشە ناوخۆییەكانی بزووتنەوەی گۆران دەكات و پێی وایە دوو هۆكاری سەرەكی بوونەتە هۆی دابەزینی دەنگ و كورسییەكانی بزووتنەوەكە، ئەوانیش، هۆكاری دەرەكی كە دەسەڵات لەرێگەی ساختەكاری توانی دەنگی خۆی زیاد بكات و لەبەرامبەردا هی ئەمان كەم بكات، هۆكاری ناوخۆییش، كە گۆران لەئێستادا بەدەست كێشەی ناوخۆییەوە دەناڵێنێت، بیری چووەتەوە دەنگدەرەكانی چیان دەوێت.

 


ئەو ئەندامە دیارەی بزووتنەوەی گۆران ئەوە ناشارێتەوە كە یەكێك لە هۆكارە سەرەكییەكانی تەقینەوەی كێشە ناوخۆییەكانی گۆران دەستەپاچەیی سەركردایەتی گۆران بووە لە ئاست كێشەكان، و نەیانتوانیوە جێگەی بەشێك لە ژیری و عەقلی نەوشیروان موستەفا بگرنەوە.

 
بۆیە دەشڵێت: " كاتێك كاك نەوشیروان لە ژیاندا بوو، گۆران قسەی بكردایەت یان بێدەنگدا بوایەت، یەكێتی و پارتی دەترسان بەڵام ئێستە بەهیچ شتێكمان ناترسن، بۆیە دەنگدەریش تورەیە لێمان"

 

،،

دەنگدەری تورە، كاتی خۆی كە دەنگی دەدا بە گۆران لە رقی یەكێتی و پارتی بوو، بەڵام ئەمجارە ئەو دەنگدەرە زۆربەی نەچوویە سەر سندووقەكانی دەنگدان چونكە بروای نەمابوو.

 

 

"تەنها گۆران و یەكگرتوو دەنگیان كەمی نەكرد"


ئەو ئەندام پەرلەمانەی عێراق پێی وایە تەنها گۆران و یەكگرتووی ئیسلامی دەنگیان كەمی نەكردووە بەڵكو حزبەكانی دیكەش دەنگیان كەمی كردووە.
"دەنگدەر، زۆرتر سزای ئەو لایەنانەیدا لە هەڵبژاردنی 30ی ئەیلول كە دیدگایان روون نەبوو، لەبەرامبەر یەكێتی و پارتی نەوەستانەوە و دژی دەسەڵات قسەیان نەكرد". غالب محمد وای گووت.

 
بۆیە دەشڵێت: " دەنگدەری تورە، كاتی خۆی كە دەنگی دەدا بە گۆران لە رقی یەكێتی و پارتی بوو، بەڵام ئەمجارە ئەو دەنگدەرە زۆربەی نەچوویە سەر سندووقەكانی دەنگدان چونكە بروای نەمابوو".

 

" گۆران لە رێبازی كاك نەوشیروان لایداوە"

 

غالب محمد پێی وایە هەر لایەنێك لە یەكێتی و پارتی نزیك ببێتەوە رسوا دەبێت، بۆیە دەبێت بەهەموو شێوەیەك رێككەوتن لەگەڵیان رەد بكەیتەوە.
"كاتێك یەكێتی تەقەی لە مەكۆی سەرەكی بزووتنەوەی گۆران كرد، نەدەبوو گۆران نەرمی بنوێنێت و دەرگا بۆ وەفدی یەكێـتی بكاتەوە و رێك بكەوێت لەگەڵیان، دەبوو بەهیچ شێوەیەك لەگەڵ یەكێـتی نەچێت و هەنگاو نەنێت". ئەمە وتەی غالب بوو.

 
بۆیە دەشڵێت:" سەركردەكانی گۆران لە رێبازی كاك نەوشیروان لایانداوە و بەهیچ شێوەیەك ئەوە ناكەن كە كاك نەوشیروان دەیەوێت، چونكە ئەو عێزەتی هەبوو و هەموو سوكایەتییەكی رەد دەكردەوە و قبوڵی نەدەكرد".

 
غالب ئەوەش ناشارێتەوە گۆران ئاوا بروات بەرگەی هەڵبژاردنێكی دیكە ناگرێت و بەردەوام نابێت، بۆیە دەبێت بەزووترین كات كێشەكانی چارەسەر بكرێن.

 

،،

دەبوو لەبری ئەوەی دەرگای ژووری عەبدوڵا دابخرێت و دەری بكەن، ئەوانەیان دەركردایەت كە بۆنی پارتیان دەدا و دواتر بوونە پارتیش.

 

 

"دەبوو لەبری عەبدوڵای مەلا نوری پارتییەكانیان دەركردایەت"

ئەو ئەندام پەرلەمانەی گۆران تورەتر قسە دەكات و دێتە سەر باسی هاورێكەی كە عەبدوڵای مەلا نورییە و یەكێكە لە فیگەرەكانی گۆران، دەڵێت:" دەبوو لەبری ئەوەی دەرگای ژووری عەبدوڵا دابخرێت و دەری بكەن، ئەوانەیان دەركردایەت كە بۆنی پارتیان دەدا و دواتر بوونە پارتیش".

 
ئەو پێشی وایە لە گەورەیی و خاكی بوونیشدا سەركردەكانی گۆران نەچوونەتەوە سەر كاك نەوشیروان چونكە چیرۆكی ئەوكاتە دەگێرێتەوە كە ئەم بەرپرسی مەكۆی كەلار بووە و كاك نەوشیروان لەرێگەی كوردۆ قاسمەوە ویستویەتی سەباح عەلی قارەمان ئاشت بكاتەوە لەكاتێكدا كاك نەوشیروانیش نیگەرانی هەبووە بەرامبەر سەباح.

 
بۆیە دەڵێت:" مەرج نییە ئەوەی لەگردەكە بێت گۆرانە و ئەوەشی لەخوارەوە بێـت گۆران نەبێت، عەبدوڵا ئەمرۆ لە ژوورەكەی خۆی نییە لە گردەكە بەڵام لە ژووری هەموو ماڵێكی گۆرانخوازاندایە".

 

غالب بە راشكاوانە باس لەوە دەكات ئەوان وەك هاورێكانی عەبدوڵا بەردەوام دەبن لە رەخنەكانیان لەنێو بزووتنەوەی گۆران و بێدەنگ نابن، تانانەت دەشڵێت:"ئەگەر وەك عەبدوڵا دەریشمان بكەن لە گۆران ئێمە لە پێناو گۆرانەكەی كاك نەوشیروان كە چل ساڵ خەباتی بۆ كردووە هەر بێدەنگ نابین".

 
بۆیە دواین هەڵوێستیان دەركردنی بەیاننامەیەكە بوو كە ناوی غالب محمدو چەند ئەندامێكی دیكەی دیاری گۆرانی لەسەرەو داوای گۆرانكاری و چاكسازی دەكەن و پشتگیری لە عەبدوڵای هاوڕێیان دەكەن.

 

بەیاننامەی ئاماژەبۆكراوی سەرەوە..

 

،،

 داواش دەكەین لە كورەكانی كاك نەوشیروان نەبنە رێگر لەبەردەم پرۆسەی چاكسازی لە نێو گۆران، لەهەموو كەس زۆرتر خەمی بزووتنەوەكەی باوكیان بێت". و  " داوا دەكەین كورەكانی كاك نەوشیروان بێ لایەن بن لە كێشە ناوخۆییەكانی گۆراندا.

 

 

 

"داوا دەكەین كورەكانی كاك نەوشیروان لەكێشە ناوخۆییەكاندا بێ لایەن بن"

 
كورەكانی نەوشیروان موستەفا (نماو چیا) زۆرترین ناویان دێت لەگەڵ باسكردنی كێشە ناوخۆییەكانی بزووتنەوەی گۆران، بۆیە غالب محمد دەڵێت:" هیوادارم كورەكانی كاك نەوشیروان بتوانن رۆڵی باش بگێرن لەنێو گۆران چونكە ئاساییە ئەوانیش وەك هەر هەڵسوراوێكی دیكە دەوری خۆیان هەبێت".

 
بەڵام دەشڵێت:" داواش دەكەین لە كورەكانی كاك نەوشیروان نەبنە رێگر لەبەردەم پرۆسەی چاكسازی لە نێو گۆران، لەهەموو كەس زۆرتر خەمی بزووتنەوەكەی باوكیان بێت". و دەشڵێت: " داوا دەكەین كورەكانی كاك نەوشیروان بێ لایەن بن لە كێشە ناوخۆییەكانی گۆراندا".

 

ئەو لەكۆتایدا دەڵێـت: " ئەوانەی دەیانەوێت ئێمە دەربكەن لەبەر ئەوەی رەخنەمان هەیە لە ئەدای سیاسی گۆران، خۆیان ماوەی یاساییان تەواو بووە و دەبێت لەرێگەی كۆنگرەوە جارێكی دیكە هەڵبژاردنیان بۆ بكرێتەوە".

 
بۆیە بە كۆمێنتێك كۆتایی بە قسەكانی دەهێنێت و دەڵێت:" شەرمە، داوای گۆرانكاری بكەیت و نەتوانی خۆت بگۆریت".

 

 

بزووتتەوەی گۆران كە دە ساڵ لەمەوبەر لایەن نەوشیروان موستەفاوە دامەزراوە، بەشداری چەند هەڵبژاردنێكی كردووە، لە ئێستادا بە چەندین كێشەی ناوخۆیدا دەروات كە بوونەتە هۆی نیگەرانی زۆرێك لە ئەندامان و لایەنگرانی بزووتنەوەكە.

 

author photo

ماسته‌ر له‌ زانسته‌ رامیارییه‌كان

ئه‌ندامى كاراى سه‌ندیكاى ڕۆژنامەنووسانی کوردستان