بریاردەری كۆمسیۆن: "دەرەنجامێكی نایاسایی راگەیەندراوە"

ئەو 120 هەزار دەنگەی كۆمسیۆنی كرد بە دوو بەشەوە

بریاردەری كۆمسیۆن: "دەرەنجامێكی نایاسایی راگەیەندراوە"

538 خوێندراوەتەوە


هەرچەندە شەوی رابردوو بە بریاری زۆرینەی كۆمسیارانی كۆمسیۆن دەرەنجامەكانی هەڵبژاردنی 30ی ئەیلول بۆ پەرلەمانی كوردستان راگەیەندران، بەڵام 120 هەزار دەنگی سوتێنراو، كۆمسیۆن دەكات بە دوو بەشەوەو بریاردەری كۆمسیۆنیش دەڵێت: دەرەنجامەكان ناپاكژن و ساختەكاریان تێدا ئەنجامدراوە بۆیە بەشێوەیەكی نایاسای راگەندراون.

 

ئیسماعیل خورماڵی، بریاردەری كۆمسیۆنی باڵای سەربەخۆی هەڵبژاردنەكان و راپرسی لە هەرێم تایبەت بە رەتكردنەوەی دەرەنجامەكانی هەڵبژاردن لەلایەن بەشێك لە كۆمسیارانی كۆمسیۆن لە حزبەكانی گۆران و یەكگرتوو كۆمەڵ بۆ دیپلۆماتیك مەگەزین دەدوێت.

"بەڵێنەكەمان بردە سەرو دەنگی كەس نەفەوتا"

بریاردەرەكەی كۆمسیۆن دەڵێت: " بەهۆی ئەو ساختەكارییە زۆرەی ئەنجامدراو بۆیە هۆی گۆرانكاری لە دەرەنجامەكان بریارماندا لە رێگەی راگەیەندراوێكەوە ئەوە بۆ رای گشتی رابگەیەنین چونكە بەڵێماندابوو بە هاوڵاتیان كە دەنگەكانیان بپارێزین".


خورماڵی ئەوەش ناشارێتەوە كە دەنگی هیچ كەس و لایەنێك نەفەوتاوە بەڵكو ئەوەی روویداوە دەستكاری رێژەی دەنگدان بووە لە بەرژەوەندی ئەو لایەنەی كە ساختەكاری ئەنجام داوە.

"لایەنی ساختەكار كاری بە زۆرینەی كۆمسیۆن كرد بۆ راگەیاندنی دەرەنجامەكان"

بریاردەری كۆمسیۆن دەشڵێت:" هەرچەندە بەپێی یاسای كۆمسیۆن دەتوانرێ بە بریاری زۆرینە دەرەنجامەكان رابگەیەندرێن، بەڵام دەرەنجامەكان نایاسی و ناپاكژن چونكە بە ساختەكاری دەرەنجامەكان گۆرانكاریان بەسەردا هاتووە".

،،

خورماڵی ئەوەش ناشارێتەوە كە دەنگی هیچ كەس و لایەنێك نەفەوتاوە بەڵكو ئەوەی روویداوە دەستكاری رێژەی دەنگدان بووە لە بەرژەوەندی ئەو لایەنەی كە ساختەكاری ئەنجام داوە.


خورماڵی سەبارەت بە بریاری زۆرینە لە كۆمسیۆن دان بەوەدا دەنێت كە ئەوان پێشتر رێك كەوتوون بە بریاری دوو لەسەر سێ دەرەنجامەكان رابگەیەنن بەڵام دواتر ئەو لایەنەی ویستوویەتی ساختەكاری ئەنجام بدات بریارەكەی ئێمەی گۆریوە و گەراتەوە بۆ یاسای كۆمسیۆن و بە زۆرینە دەرەنجامەكانیان راگەیاند.

بۆیە ئەوەشی بۆ دیپلۆماتیك ئاشكرا كرد: كە بریارەكەی ئەوان كە بۆ رێگری لە ساختەكاری دایان نابوو سەری نەگرت و بە زۆرینەی كۆمسیاران دەرەنجامەكان راگەیەندران.

"یەكەمین جارە لە هەڵبژاردنەكانی هەرێم 120 هەزار دەنگ دەسوتێنرێن"

"هەرچەندە ژمارەی ئەو سكاڵایانەی كەوا هاتنە بەردەم كۆمسیۆن زۆر كەمتر بوون لە چاو ئەو پێشبینییەی ئێمە بۆمان كردبوو بەڵام دواجار كار بە سكاڵاكان كراو 120 هەزار دەنگ سوتێنران". خورماڵی وایوت.

،،

120 هەزار دەنگی سوتێنراو لە لایەن كۆمسیۆنەوە دەبێتە كێشەی سەرەكی لەنێوان كۆمسیاران و هەر ئەمەش وا دەكات كە راگەیاندنی دەرەنجەمەكان لەلایەن تێكرای كۆمسیارانەوە نەبێت.

هەروەها بریاردەرەكەی كۆمسیۆن ئەوەش دەڵێت كە بۆ یەكەمین جارە لە مێژووی پرۆسەی هەڵبژاردن لە هەرێمی كوردستان 120 هەزار دەنگ دەسوتێنرێن.

"ئەو 120 هەزار دەنگەی بووە هۆی كێشە لەنێوان كۆمسیاران"

120 هەزار دەنگی سوتێنراو لە لایەن كۆمسیۆنەوە دەبێتە كێشەی سەرەكی لەنێوان كۆمسیاران و هەر ئەمەش وا دەكات كە راگەیاندنی دەرەنجەمەكان لەلایەن تێكرای كۆمسیارانەوە نەبێت.

"كێشەی جەوهەری ئەوە بوو كە ئێمە دەمانگووت با ئەو 120 هەزار دەنگەی كە ساختەن و سوتێنراون تەنها لە لایەنەكانی ساختەكار بروات بەڵام بەداخەوە ئەو لایەنەی كە ساختەكاری ئەنجامدا دەیگووت با لە هەموو لایەنەكان بروات" خورماڵی وایگووت.


هەربۆیە بریاردەكەی كۆمسیۆن دەڵێت: دواجار لایەنی ساختەكار لەرێگەی زۆرینەوە ئەو كارەی ئەنجامداو 120 هەزار دەنگەكەی لە هەموو لایەنەكان بری، بۆیە ئێمەش دژی وەستاینەوە و دانمان نەنا بە دەرەنجامەكانی هەڵبژاردن.

 

author photo

ماسته‌ر له‌ زانسته‌ رامیارییه‌كان

ئه‌ندامى كاراى سه‌ندیكاى ڕۆژنامەنووسانی کوردستان