گۆڕان،ئەو قەڵایەی دوژمنەکان نەیانتوانی بیگرن، پاسەوانەکان خۆیان دایان بەدەستەوە

هۆکارە ناوەکیەکانی لەدەستدانی ٥٠% ی دەنگەکانی بزوتنەوەی گۆڕان

گۆڕان،ئەو قەڵایەی دوژمنەکان نەیانتوانی بیگرن، پاسەوانەکان خۆیان دایان بەدەستەوە

2728 خوێندراوەتەوە

بزوتنەوەی گۆڕان لە غیابی دامەزرێنەرەكەیدا یەكەمین ئەزمونی هەڵبژاردنی پەرلەمانی كوردستانی تاقیكردەوە و بە ئەنجامێكی تاڵەوە لێی هاتە دەرەوە.

لەوانەیە باشترین گوزارشت ئەوەبێتت كە پاسەوانەكانی ڕێبازی نەوشیروان مستەفا نەیانتوانی بزوتنەوەكە لە شكست بپارێزن.


چی وادەكات كە لەماوەی چوار ساڵدا بزوتنەوەیەكی تازە هەڵكشاو لە 50%ی تواناو هێزی خۆی لەدەستبدات؟


ئایا بەتەنها دوژمنەكانی هۆكاری پاشەكشەی بوون یان پاسەوانەكانیشی ئەگەر زیاتر لە دوژمنەكانیان پێنەكردبێت كەمتریان پێ‌ نەكردوە.
لێرەدا گرنگترین ئەو هۆكارانە دەخەینەڕوو كە وایكرد بزوتنەوەی گۆڕان بەم ڕۆژەی ئێستای بگات

،،

 بەشداریكردن لە كابینەی چوارەمی حكومەت بە تیمێكی وەزاری لاوازەوە، كە نمونەیەكی وایان نیشاندا ئەگەر گۆڕانیش بچێتە حكومەتەوە ئەوا گۆڕانێكی وا بەسەر ژیانلی خەڵكدا نایەتو بە كورتی جیاوازیەكی وا گرنگیان نیشان نەدا كە جێگەی ئومێد بێت

یەكەم: بەشداریكردن لە كابینەی چوارەمی حكومەت بە تیمێكی وەزاری لاوازەوە، كە نمونەیەكی وایان نیشاندا ئەگەر گۆڕانیش بچێتە حكومەتەوە ئەوا گۆڕانێكی وا بەسەر ژیانلی خەڵكدا نایەتو بە كورتی جیاوازیەكی وا گرنگیان نیشان نەدا كە جێگەی ئومێد بێت

دووەم: سیاسەتی دەستشكاندنەوە لەگەڵ پارتی دیموكراتی كوردستان لە پەرلەمانی كوردستاندا بە شكستی گۆڕان كۆتایی پێهات لەسەر ئەرزی واقیع. ئەگەرچی تەحەداكەی گۆڕان لەدەستبردن بۆ یاسای سەرۆكایەتی هەرێم پڕ جوئەت بوو، بەڵام نەبونی كەرەسە و میكانیزمی ئەو تەحەدا گەورەیە و حساب نەكردن بۆ واقیع هەڵەی ستراتیژی بوو.

سێیەم: بونی چەند ئاراستە و كارتێلێكی خاوەن بەرژەوەندی جیاواز كە هەریەكە بە ئاراستەی بەرژەوەندیەكانی خۆیدا بزوتنەوەكەی پەلكێش كردووە.

چوارەم: بوونی خانەیەكی راپەڕاندنی لاواز كە توانای بڕیاردان و یەكلاكردنەوەی كێشەكانی بە ئاسانی نەبوو وە نەیدەتوانی بڕیاری یەكلاكەرەوە بدات.

پێنجەم: زەقبونەوەی چینایەتی و جیاوازی ژیان و گوزەران لە نێوان ئەوانەی چونە حكومەت و پەرلەمان و ئەوانەش كە لە گردەكەوە سەیریان دەكردن و دروستبوونی ململانێ‌ لە نێوانیان.

،،

بوونی كەناڵی پەیوەندی نهێنی لە ئاستی سەركردایەتی باڵای گۆڕاندا لەگەڵ یەكێتی و پارتی وەرگرتنی پارە و بەڕێكردنی سەفەقەی نهێنی شاراوە لەكاتێكدا بە ئاشكرا وەك شەیتان پیشانیان دەدان.

شەشەم: شەڕی ئێسقان شكاندنی باڵەكان لە ناو یەكتری، كە دواجار بە سەركەوتنی باڵی مەوالی و دەرپەرأندنی ئەو ئارستەیە كۆتایهات كە قادری حاجی عەلی و عوسمانی حاجی مەحمود گوزارشتیان لێدەكرد. باڵی مەوالی سەركەوتوبون لە بردنەوەی ململانێكە لە ئاراستە نارازیەكەی ناو گۆڕان بەڵام هەر ئەم سەركەوتنە بوو بەهۆی دۆڕاندنی شەڕە گەورەكەیان بە یەكێتی و پارتی.

حەوتەم: بوونی كەناڵی پەیوەندی نهێنی لە ئاستی سەركردایەتی باڵای گۆڕاندا لەگەڵ یەكێتی و پارتی وەرگرتنی پارە و بەڕێكردنی سەفەقەی نهێنی شاراوە لەكاتێكدا بە ئاشكرا وەك شەیتان پیشانیان دەدان.

هەشتەم: ڕوبەڕوبونەوەی ڕۆژنامەنوسان و نوسەران و خەڵكانی خوێندەوار هەوڵی شكاندنیان لەوكاتانەی كە ڕەخنەیان لێدەگیرا و دەدرانە بەر نەشتەر. هەوڵی شكاندنی هەر كەسێك كە رەخنەی گرتبێت لەڕێگەی سۆشیال میدیا و دروستكردنی تۆمەتی سیاسی و ئەخلاقی بۆیان.

نۆیەم: ئەو سوپا ئەلكترۆنیەی كە دروستكرابوو بۆ پشتگیری گۆڕان و ڕوبەڕوبونەوەی یەكێتی و پارتی، لە ساتەوەختێكدا هەموی ئاراستەی خۆیان بویەوە و لەشەڕی نێوان باڵەكان و ململانێكاندا زۆر بە خراپی بەكارهات. بەجۆرێك هیچ بەهاو ڕێز و نرخێكیان بەیەكەوە نەهێشت. نەك ژێربەڕەی یەكتریان هێنایە سەر بەڕە بەڵكو بەسەدان تۆمەتی گەورەیان لكاند بەیەكەوە.

،،

:رێكەوتنی دەباشان و لێدان لە وتاری روبەڕوبونەوەی ناعەدالەتی یەكێتی و پارتی بۆ روبەڕوبونەوەی تەنها ناعەدالەتیەكانی پارتی كە گوتاری بزوتنەوەكەی بەتەواوی لاسەنگ كرد.

دەیەم:رێكەوتنی دەباشان و لێدان لە وتاری روبەڕوبونەوەی ناعەدالەتی یەكێتی و پارتی بۆ روبەڕوبونەوەی تەنها ناعەدالەتیەكانی پارتی كە گوتاری بزوتنەوەكەی بەتەواوی لاسەنگ كرد.

یانزەهەم: گواستنەوەی خاوەندارێتی كۆمپانیای وشە و موڵك و گردی زەرگەتە بۆ كوڕەكانی نەوشیروان مستەفا و تاپۆكردن لەسەریان و دەستگرتن بەسەر كەناڵی كەی ئین ئێندا.

دوانزە: دروستبوونی ناوەندێكی بڕیاری سیاسی لە نزیك ماڵی نەوشیروان مستەفاوە كە خاوەنی ئابوری تایبەت بەخۆی بووە نفوزی سیاسیان لە هەموو جومگەكانی گۆڕاندا هەبوو.

سیانزە: نەبوونی توانای دانوستان و قبوڵكردنی یەكتری لە نێوان هەڵسوڕاوە باڵاكانی گۆڕاندا. وەكو چۆن باڵی مەوالی سەركەوتوبون لە بردنە پێشەوەی ئەجێنداكانی خۆیان لەهەمان كاتدا باڵی نارازیەكانیش مەیدانەكەیان چوڵكرد و ململانێكەیان بەجێهێشت.

 

author photo

ڕۆژنامەنوس و مامۆستای زانكۆ

سەرنوسەری دیپلۆماتیك مەگەزین

ڕۆژنامەنوسی تایبەتمەند لە ڕۆژنامەوانی بنكۆڵكاری