مەریوان وریا قانع: نوخبەی حكومڕان لەكوردستان كاریان گۆڕینی واقیعە بۆ خورافەت

باوەڕهێنان بە خورافەت

مەریوان وریا قانع: نوخبەی حكومڕان لەكوردستان كاریان گۆڕینی واقیعە بۆ خورافەت

313 خوێندراوەتەوە

 
یەكێك لە ئاكارە هەرە سەرەكییەكانی ئەو نوخبە حوكمڕانە سوڵتانییەی لە كوردستاندا دروستبووە لەدەستدانی هەموو پەیوەندییەكی عەقڵانیی و واقیعییانەیە بە واقیعەوە. لەباتی ئەمە هەڵگری هۆشیارییەكی خورافیین كە ئیشە هەرە سەركییەكەی گۆڕینی واقیعە بۆ خورافەت و فرۆشتنی شكستە بە نرخی سەركەوتن.

ئەم عەقڵە خوارفییە جارێك پرۆژەی خورافیی و بەڵێنی خورافی بە كۆمەڵگا ئەدات، لەوانە بەڵێنی بەدوبەیكردنی كوردستان. جارێكی دیكە خورافەت و درۆ و ناڕاستیی دەگۆڕن بۆ هەقیقەت و ئەم گۆڕانەش وەك ڕاستییەكی بێخەوش مامەڵەدەكەن.

 


ئەم قسانەی نێچیرەوان بارزانی كردونی، نموونەیەكی بەرچاوی ئەو هۆشیارییە خورافییە كە هیچ پەیوەندییەكی واقیعیی و عەقڵانیی بە دونیاوە نەماوە و هیچ توانایەكیشی بۆ تێگەیشتن لە هیچ دیاردەیەك پێ نییە.

 

ئەوەی زۆربەمان دەیزانین ئەوەیە كە بە پێی داتا سەرەتاییەكانی كۆمیسیۆن خۆی و بەر لە دواخستنی ڕاگەیاندنی ڕێژەی بەشداربووان بۆ درەنگانێك لە شەوی یەكەمی دەنگدانەكەدا، ڕێژەی ڕاستەقینەی بەشداربوون لە هەڵبژاردنەكاندا لە خوار ٤٠% ی دانیشتوانی هەرێمەوە بوو.

لەو ڕێژەیەش بڕێكی بەرچاویان هەڵگری ڕەگەزنامەی تەزویركراو بوون و بڕێكی تریشیان دەنگی چەندبارەن. لەم ٤٠% ی بەشداربوانیش نزیكەی یەك لەسەر سێیان دەنگیان بە هێزەكانی دەرەوەی پارتی و یەكێتی داوە. واتە ڕێژەی ئەوانەی دەنگیان بە پارتی و یەكێتی داوە بەسەریەكەوە لە نێوان ٢٥% بۆ ٣٠% خەڵكی كوردستانە. ئەم ڕێژەیەش بۆ یەكێك كە تەنها هێندەی خوێندكارێكی قۆناغی بنەڕەتیی سەر لە ژمارە دەربكات، دەزانێت زۆرینەی خەڵكی كوردستان نییە.

مەریوان وریا قانع
مەریوان وریا قانع
،،

 ڕێژەی ئەوانەی دەنگیان بە پارتی و یەكێتی داوە بەسەریەكەوە لە نێوان ٢٥% بۆ ٣٠% خەڵكی كوردستانە.

 

ئەوەی كە ڕاستییەكی حاشا هەلنەگرە ئەوەیە كە زۆرینەی خەڵكی كوردستان هەر لە سەرەتاوە بەشدارنەبوون لە هەڵبژاردندا و دەنگیان نەداوە، ئەو بڕە كەمەشی كە دەنگی داوە یەك لەسەر سێی دەنگەكانی بۆ هێزەكانی دەرەوەی پارتی و یەكێتی بووە.

،،

ئەم فۆرمە لە بیركردنەوەی خوارافیی، كە لە كوردستاندا سیاسەتكردن و شێوازی حوكمڕانیی ئاراستەدەكات، لە شوێنێكدا هەر دەكەوێت

 
ئەم فۆرمە لە بیركردنەوەی خوارافیی، كە لە كوردستاندا سیاسەتكردن و شێوازی حوكمڕانیی ئاراستەدەكات، لە شوێنێكدا هەر دەكەوێت، زۆر خراپیش دەكەوێت. ونكردنی هەست بە واقیع و وێناكردنی درۆ وەك هەقیقەت، نەخۆشیەكی سیاسیی و ئەخلاقیی و مەعریفیی ترسناكە، جگە لە كارەساتی هەمەجۆر شتێكی تری لێ سەوزنابێت. پرسیارەكە ئەوەیە ئەم هۆشیارییە خورافییە تا كەی و تا كوێ دەتوانێت بژیی.

 

 

author photo

نوسەر و مامۆستای زانکۆ لە وڵاتی هۆڵەندا