ئەو پێنج برینەی كە ئەمرۆ یەكگرتوو، دەستیان دەخاتە سەر

یەكگرتوو، لە سلێمانی كەوت و دەیەوێ لە دهۆك هەستێتەوە

ئەو پێنج برینەی كە ئەمرۆ یەكگرتوو، دەستیان دەخاتە سەر

810 خوێندراوەتەوە

.

 پێ دەچێت هیچ حزبێكی دیكە هێندەی یەكگرتوو خێرا هەستی بەكەوتنی نەكردبێت، لە دوای هەڵبژاردنە پەرلەمانییەكەی 30 ئەیلول، كە بۆ ئەو شۆكێكی گەورە بوو، یەكگرتوو دەیەوێ ئەمجارە لە دهۆكەوە هەستێتەوە، لە كۆبوونەوەیەكی گشتیدا لەژێر درووشمی ((بەخۆداچونەوە و پلان بۆ ئایندەیەكی نوێ)) دەست بخاتە سەر برینەكان و چارەسەریان بكات.

 
برینەكانی یەكگرتوو چین؟ ئەو خاڵە گرنگانە كامانەن دەیەوێت وەستانیان لەسەر بكات؟ هۆكاری سەرەكی كەوتنی یەكگرتوو چی بوو؟ ئەی دەیەوێت دەست بۆ چی بەرێت بۆ هەستانەوەی.؟

 

وێنەیەك لە كۆبوونەوە گشتییەكەی ئەمرۆی یەكگرتوو لە دهۆك

 

 

،،

پێ دەچێت ئەمرۆ یەكگرتووی ئیسلامی كوردستان لەپێش هەموو خاڵەكانەوە پێ لەسەر ئەوە دابگرێت كە دەبێ ئەو وێنەی لەگەڵ پارتی و دەسەڵات گرتوویەتی دیلێتی بكات و وێنەیەكی دیكە بگرێتەوە كە رەنگی ئۆپۆزیسیۆن و شەقامی لێ نیشتبێت.

 

 

 

 
لەم پێنج خاڵەی خوارەوە بەكورتی ئاماژە بەوە دەكەین، ئەو نەخۆشیانە چین لە ئێستادا تەنگیان بە جەستەی یەكگرتوو هەڵچنیوە، كە لە كۆبوونەوەكەی ئەمرۆ دهۆكدا دەبێ چارەسەر كرابن، ئەوانیش:

یەكەم: هاوئاوازی پارتی و دەسەڵات


پێ دەچێت ئەمرۆ یەكگرتووی ئیسلامی كوردستان لەپێش هەموو خاڵەكانەوە پێ لەسەر ئەوە دابگرێت كە دەبێ ئەو وێنەی لەگەڵ پارتی و دەسەڵات گرتوویەتی دیلێتی بكات و وێنەیەكی دیكە بگرێتەوە كە رەنگی ئۆپۆزیسیۆن و شەقامی لێ نیشتبێت.


وەك ئەندامەكانی یەكگرتووش دەڵێن: ئەو وێنە تەڵخەی لەگەڵ پارتی گیراوە، وایكردووە هاوڵاتی و دەنگدەر نەتوانێ بەتەواوی حەقیقەتی یەكگرتوو ببینێت.

 

دووەم: راگەیاندنێكی ساردو رێكخستنێكی دڵگەرم


یەكێكی دیكە لە كێشەكان راگەیاندێكی ساردو سرو لاوازە كە ناتوانێ لەگەڵ رووداوەكان بروات.


هۆكاری سەرەكیش جگە لە كەناڵەكانی راگەیاندنی یەكگرتوو لەسەرووی هەموویانەوە (سپێدە) سیاسەتی پشتی كەناڵەكەیە كە رەنگە نەیەوێ یاخود نەتوانێ تەوزیفی تواناكانی گەنج و راگەیاندنەكانی بدات.


بۆیە یەكێكی دیكە لە خاڵە سەرەكییەكانی كۆبوونەوەی گشتی ئەمرۆی دهۆك، باشترە یەكلاكردنەوەی ئەم بابەتە بێت كە ئایا كەناڵەكانی راگەیاندنیان بە بینراو بیستراو نوسراوەوه بەهێزتر دەكەن یاخود دادەخرێن و كەناڵی دیكە درووست دەكەن.!

 

،،

یەكگرتوو لە كۆمەڵگادا بەوە ناسراوە كە نمونەی ئەخلاقیات و پەروەردەیە، ئەمەشی لەناو ئەندامەكانیدا فەرامۆش كراوە و سەرقاڵی پرسە سیاسییەكان كراون بۆیە دەیانەوێ لەتەك بابەتە سیاسییەكەدا ئەمەش زیندوو بكرێتەوە.

 

 

سێیەم: پەروەردە و سیاسەت


زۆرێك لە رێكخستنەكانی یەكگرتوو لەگەڵ هەندێ لە سەركردەكانیش باوەریان وایە كە ئەو رێگەیەی یەكگرتوو پێیدا دەروات، هەڵەیە، كە سیاسەت و پەروەردەی كردووتە یەك دەفرەوەو لە رۆژێكدا دەرخواردی ئەندامانی خۆی دەدات.

 
بۆیە ئەمرۆ لەدهۆك جرح و تەعدیل بۆ ئەم بابەتەش دەكەن، پێ دەچێت گۆرانكاری جدیش بێتە ئاراوە كە بە گۆرینی ناوو سیاسەتی حزب دەست پێ بكات.

.
چونكە یەكگرتووەكان بۆیان دەركەوتووە، یەكگرتوو لە كۆمەڵگادا بەوە ناسراوە كە نمونەی ئەخلاقیات و پەروەردەیە، ئەمەشی لەناو ئەندامەكانیدا فەرامۆش كراوە و سەرقاڵی پرسە سیاسییەكان كراون بۆیە دەیانەوێ لەتەك بابەتە سیاسییەكەدا ئەمەش زیندوو بكرێتەوە.

 


چوارەم: سەركردە كەمتەرخەمەكان


پێ دەچێت ئەو ناوەی ئێمە (سەركردە كەمتەرخەمەكان) هەڵقوڵاوی ناخی یەكگرتوو بێت، چونكە هەندێ لە سەركردەكان بەهۆی كەمتەرخەمیان و سەرقاڵ بوونیان بە پۆست و پلەی خۆیانەوە، وایانكردبێت ئەندامەكانی خۆیان زویر بكەن و یەكگرتووش رووبەرووی ئەو دۆخە بكەنەوە.


بۆیە باشترە ئەمرۆ قسەی جدی لەسەر ئەم جۆرە لە سەركردایەتی بكرێت، كە زۆركات بەهۆی سەرقاڵ بونیان نەیانتوانیوە بارودۆخە سیاسییەكە باش بخوێننەوە، دواتر لێدوانە هەڵەكانیان وایكردووە یەكگرتوو لەكۆمەڵگا ئیحراج بكەن.

 
ئەگەریشی زۆرە دوای گەیاندنی پێشنیارەكانی كۆبوونەوەی ئەمرۆی یەكگرتوو بە سەركردایەتی حزبەكە، بریار لەبارەی لەكار خستن و گۆرینی شوێنی زۆرێك لەو سەركردانە بدرێت.

 

،،

پێ دەچێت یەكگرتوو باجی وتەبێژو گوتارێكی ناروونیشی دابێت، كاتێك كە لە رووداوو پێشهاتە سیاسییەكان یەكگرتوو ناتوانێ بەرگری لەخۆی بكات و بریاری جدی و یەكلاكەرەوە بدات.

 

 

هەندێ لە سەركردە دیارەكانی یەكگرتوو

 

پێنجەم: كێشەی گوتاری ناروون و وتەبێژ

 
پێ دەچێت یەكگرتوو باجی وتەبێژو گوتارێكی ناروونیشی دابێت، كاتێك كە لە رووداوو پێشهاتە سیاسییەكان یەكگرتوو ناتوانێ بەرگری لەخۆی بكات و بریاری جدی و یەكلاكەرەوە بدات.

 
بۆیە هەر ئەمرۆ دەیەوێت ئەمەش حەل بكات و لەنێوان بادینان و سۆران خێتی معاوییە لاببات كە هەمیشە وەهمی ترسان لە پچرانی و جیابوونەوەی بادینان و سۆران یەكگرتووی رووبەرووی كۆمەڵێك مەواقیفی سیاسی كردووەتەوە.

 

ئەم خاڵانەی سەرەوە ئەو هێڵە گشتیانە بوون كە پێ دەچێت ئەمرۆ یەكگرتوو لە بادینان قسەی جدی لەسەر كردبن و لەداهاتوشدا بیكاتە بابەتی گفتوگۆی ناو ڕێكخستنەكانی..

 

author photo

ماسته‌ر له‌ زانسته‌ رامیارییه‌كان

ئه‌ندامى كاراى سه‌ندیكاى ڕۆژنامەنووسانی کوردستان