حەشدی شەعبی یانەی وەرزشی دروستدەكات

یونس مەحمود دەبێتە سەرۆكی یانەكە

حەشدی شەعبی یانەی وەرزشی دروستدەكات

313 خوێندراوەتەوە

هێزەكانی حەشدی شەعبی لەدوای بەشداریكردنیان لەجەنگ هاوشانی هێزە عێراقییەكان، ئێستە بیر لەدروستكردنی یانەی وەرزشی دەكەنەوە بۆ ئەوەی لەو ڕێگەیەوە هەوادار بۆ خۆیان زۆر بكەن.

 

 ئەو یانە وەرزشیانەی حەشد بەنیازی دامەزراندنیانە بۆ ئەوەیە بەشداری پاڵەوانیەتییە ناوخۆیی‌و نێو دەوڵەتییەكانی تێدا بكات، وەك خۆشیان سانسۆر لەسەر كەس دانانێن بۆ چونە نێو یانەكانیانەوە.


یەكێتی تۆپی پێی عێراقیش پێشوازی لەو بڕیارە كردو رایگەیاند زیادكردنی هەر یانەیەكی نوێ‌ دەسپێكی باشە بۆ فراوانبوونی پانتایی وەرزشی لەعێراقدا.
بۆ ئەم مەبەست حەشد پەیوەندی كردووە بە ژمارەیەك وەرزشەوانەوە هەتاوەكو چوارچێوەیەكی گشتی دابڕێژێت بۆ ئەو یانەیەی كەبڕیارە وەك نوێنەری ئەوان لە گۆڕەپانی وەرزشیدا دەربكەوێت، لەوانەش " یونس مەحمود"ی كاپتنی پێشووی هەڵبژاردەی عێراق‌و خاوەنی دەستكەوتی پاڵەوانێتی ئاسیا بۆ نەتەوەكان بۆ عێراق لە ساڵی 2007.


سایتی مۆنیتۆری عێراقی لەبارەی یونس مەحمودەوە ڕایگەیاندوە مەحمود بەدوای پلەی وەرزشیدا دەگەڕێت، ناوبراو لە خۆپاڵاوتنی بۆ جێگری سەرۆكی یەكێتی تۆپی پێی عێراق‌و هەروەها دوای شكستی لە بەدەستهێنانی سەرۆكی دەستەی ئیداری یانەكەش، ئێستە ئەیەوێ‌ ببێ‌ بەسەرۆك یان دامەزرێنەری یانەكە، ئەمەش بەگوێرەی زانیاری سەرچاوەیەكی ئاگادار لە مەكتەبی ڕاگەیاندنی حەشدەوە.

،،


لەمیانەی یەكەم پێشوازی حەشد لەیونس مەحمودو سامر سەعیدی هاوڕێی باس لەئالیەت‌و چوارچێوە گشتیەكە كراوە، بەتایبەت لەو ڕووەوە كە یانە بەتەنها كاری تۆپی پێ‌ نابێت، بەڵكو هەموو جۆرەكانی وەرزش دەگرێتەوە.


لەمیانەی یەكەم پێشوازی حەشد لەیونس مەحمودو سامر سەعیدی هاوڕێی باس لەئالیەت‌و چوارچێوە گشتیەكە كراوە، بەتایبەت لەو ڕووەوە كە یانە بەتەنها كاری تۆپی پێ‌ نابێت، بەڵكو هەموو جۆرەكانی وەرزش دەگرێتەوە.


" موهەنەد عیقابی" بەڕێوەبەری ڕاگەیاندنی حەشدی شەعبی بە مۆنیتۆری ڕاگەیاندووە كە هەنگاوی یەكەممان دەستپێكردوەو ڕەزامەندی وەزارەتی لاوانی عێراقمان وەرگرتووەو یانەكە پەیوەندی ڕاستەوخۆی بە دامەزرێنەرانی حەشدەوە دەبێت.


عیقابی ئەوەشی ڕاگەیاندووە یانەكە تەنها كاری تۆپی پێ‌ نابێت، بەڵكو لەداهاتوودا كار لەسەر هەموو جۆرەكانی یاری‌و هونەری بەرگری و جەنگیش دەكات، ناوبراو وتیشی تا ئێستە ناوێكی دیاریكراو بۆ یانەكە دەستنیشان نەكراوە.


بەڵام لە سەرچاوەیەكەوە كە نەیویستوە ناوی ئاشكرا بكرێت، ئەوە ڕونكراوەتەوە بۆ مۆنیتۆر، ناوی یانەكە (شەعب) بەبێ‌ هیچ ئاماژەیەك بۆ پێشگری حەشد ئەویش بۆ ئەوەی وەرزش تێكەڵ بە سیاسەت و سەربازی نەكرێت.


لەلایەكی ترەوە " یونس مەحمود" لە كاتی سەردانی بۆ یەكێك لەبارەگاكانی حەشدی شەعبی ئاماژەی بەناوی حەشد كرد بۆ یانەكەو وتی ئێمەی وەرزشەوان و جەنگاوەران تەواوكەری یەكترین.

،،

دروستكردنی ئەم یانەیە بۆ حەشدی شەعبی لەژێر ڕۆشنایی هەمان ئەو بڕیارانەدان كەلەعێراق بەناوی (یاسای یانەكان)ی وەزارەتی ناوخۆ و بەرگری‌و وەزارەتەكانی تر هەن، بەڵام نازانرێت یانەكەی حەشد سەربەكام وەزارەت دەبێت، یانەی هێزی ئاسمانی‌و سوپا سەر بە وەزارەتی بەرگری عێراقن‌و یانەی شورتە سەربە وەزارەتی ناوخۆیەو یانەی زەورا سەربە وەزارەتی گواستنەوەیە.


دروستكردنی ئەم یانەیە بۆ حەشدی شەعبی لەژێر ڕۆشنایی هەمان ئەو بڕیارانەدان كەلەعێراق بەناوی (یاسای یانەكان)ی وەزارەتی ناوخۆ و بەرگری‌و وەزارەتەكانی تر هەن، بەڵام نازانرێت یانەكەی حەشد سەربەكام وەزارەت دەبێت، یانەی هێزی ئاسمانی‌و سوپا سەر بە وەزارەتی بەرگری عێراقن‌و یانەی شورتە سەربە وەزارەتی ناوخۆیەو یانەی زەورا سەربە وەزارەتی گواستنەوەیە.


هەر لەئێستەوە حەشدی شەعبی و وەرزشەوانە لایەنگرەكانی حەشدی بانگەشەی ئەوە دەكەن ئەم یانەیە خاوەنی جەماوەرێكی زۆر دەبێت‌و شەقامی عێراقی‌و وەرزشەوانان دەست لەملانی یەكدەبنەوە، لەمبارەیەوە لەڕاپۆرتێكی وێنەییدا كە ڕاگەیاندنەكانی حەشد بڵاویان كردووەتەوە یەكێك لە یاریزانەكانی پێشووی عێراق دەڵێت لەناو حەشدی شەعبیدا ژمارەیەك یاریزانی خاوەن بەهرەو بەتوانا هەن ئەتوانین لەیانەیەكدا بۆ بەهێزكردنی تۆپی پێ‌ لەعێراق وەگەڕیان بخەینەوە.
حەشدی شەعبی لە گۆڕەپانی عیِراقی عەرەبی و شیعی و توركمان خاوەنی پێگەی سیاسی‌و سەربازی فراوانە بۆیە، پێشبینی دەكرێت لە ناوەندی وەرزشی و جۆرەكانی تری وەرزشیدا هەمان جەماوەرو قورساییان هەبێت، چونكە هەندێك لەلایەنگرانی حەشدی شەعبی تا ئاستی پیرۆزی ڕێز لێدەگرن.


لەلایەكی ترەوە جەبار هاشم یاریدەدەری ڕاهێنەری هێزی بەرگری ئاسمانی (قوە جویە) بەدوری زانی لەماوەی چەند مانگێك یان ساڵێكدا جەماوەری بەرفراوان بۆ یانەكەی حەشدی شەعبی دروست بێت، چونكە وەك هاشم ڕایگەیاند جەماوەری وەرزشی عێراقی دابەشبووە بۆ هاندەری تیپە وەرزشیە كۆنەكان، جەماوەری وەرزشی پێویستی بەكات هەیە.


هاشم لە لێدوانەكەیدا بۆ (مۆنیتۆر) وتی حەشد مافی دروستكردنی یانەی هەیە وەك هەر دەستەو یانەیەكیتر كە لەعێراقدا هەن بەڵام ئەوەشی نەشاردەوە كە دروستكردنی یانەی وەرزشی پێوویستی بە تواناو لێهاتوویی یاریزان هەیە، بەتایبەت هەر یانەیەك بیەوێت كێبڕكێی یانەكانیتر بكات.

،،


هاشم لە لێدوانەكەیدا بۆ (مۆنیتۆر) وتی حەشد مافی دروستكردنی یانەی هەیە وەك هەر دەستەو یانەیەكیتر كە لەعێراقدا هەن بەڵام ئەوەشی نەشاردەوە كە دروستكردنی یانەی وەرزشی پێوویستی بە تواناو لێهاتوویی یاریزان هەیە، بەتایبەت هەر یانەیەك بیەوێت كێبڕكێی یانەكانیتر بكات.


هاتنە بەرباسی مەلەفی دروستكردنی یانەیەكی وەرزشی لەلایەن حەشدی شەعبیەوە ڕەنگە دەرگا لەبەردەم هێزە كەنارگیرەكانی تریشدا واڵا بكات بۆ ئەوەی بیر لەكارێكی هاوشێوە بكەنەوە، وەك چۆن حەشدی شەعبیش رەنگە بیری كاركردن بۆیانەیەكی لە عەسائیبی ئەهلی حەقەوە وەرگرتبێ‌ كە خاوەنی یانەیەكی وەرزشین بەناوی یانەی " عەهد" هاوكاتی ئەمەش خاوەنی كەناڵێكی ئاسمانین بەهەمان ناوەوە.


خوێندنەوەی چاودێرانی سیاسی بۆ ئەم نیەتەی حەشدی شەعبی و پەرەدان بەبورای وەرزشی ئەوەیە كە دامەزرێنەرانی ئەم هێزە چەكداریە ئەیانەوێ‌ لەم ڕێگەیەوە پەیوەندی بەهێز دروست بكەن لەگەڵ پێكهاتەكانی تر بەگشتی وە جوانكردنی وێنای حەشد لەدەرەوە، بۆیە ئەم هێزە هەوڵی خۆی بەتەواوی دەخاتەگەڕ بۆ برەودان بە وەرزشی تۆپی پێ‌ بەتایبەتی‌و وەرزشەكانی تریش بەشێوەیەكی گشتی.


دروستكردنی یانەیەكی وەرزشی بۆ حەشدی شەعبی سەرەتاكانی كاركردنی بڕیوەو ڕەنگە تەوایش بێت، بەڵام بێگومان كاریگەری سیاسەت و حیزبایەتی لەسەر یانەكەو جەماوەرە وەرزشیەكەشی دەبینرێت بەتایبەت لەكاتی پیاهەڵدان و هاوار (هوتاف) كێشاندا، بەڵكو ڕەنگە پێگەیەكی جەماوەری نوێ‌ بێتە ئاراوە كە وەرزشیش بەتەواوی بەسیاسەتەوە گرێ‌ بدات.

 

author photo

ماستەر لە زمانی عەرەبی