شەڕ....   لە سەرچۆپییەوە تا سەرەی نەوت

شەڕ.... لە سەرچۆپییەوە تا سەرەی نەوت

347 خوێندراوەتەوە

 

ئەبێت چ هۆكارێكی قوڵ لە پشت ئەو رووداوەوە بێت كە هاوڵاتییەك لەیەك چركەدا لە لوتكەی خۆشی و شادیدا، دەگۆرێت بۆ پیاوكوژێك، دۆخێك دەخوڵقێنێت سەد پلە پێچەوانەی دۆخی پێشوو، كە تیایدا گۆرانی و هەڵپەركێ دەبێت بە شین و گریان و راكردن.!

 

لەوە ئازاربەخشتر ئەوەیە، ئەو رووداوە ترسناكە كورت بكرێتەوە تەنها لە سەرچۆپیدا كە لە نێو كۆمەڵگەی كوردی رەمزی دەستگرتن و پێكەوەژیان و فەرحانییە.
كاتێك كەناڵێكی راگەیاندن دەنوسێت: " بەپەلە... لەسەر سەرچۆپی هاوڵاتییەك دەكوژرێت" ئیدی زهنی هەموان بۆ ئەوە دەروات كە سەرچۆپی هۆكاری سەرەكییە لەم رووداوەدا، كە هەر ئەمەش وا دەكات لای تاكی كوردی، و نەوەیەك كە تازە بەرهەم دێت، سەرچۆپی ببێتە شتێكی ترسناك.!

 

،،

كەواتە تاكی كوردی هەمیشە لەسەر عەصابە، هەمیشە تورە و بێتاقەتە، دەمامكێكی ساختە رووی حەقیقی داپۆشیوە و دیوە شاراوەو توڕەكەی دەرناكەوێت و بەدەم ژیانەوە پێ دەكەنێت.!

 

 

كەواتە شتێكی ئێجگار نالۆژیكییە سەرچۆپی بەهۆكاری كوشتن و برین بزانیت، ناوی لەگەڵ تەقەكردن بهێنیت، بۆیە دەبێت قوڵتر لەمە، لە رووداوەكە بنواڕین.


چونكە هەر لە كۆمەڵگەی كوردیدا، لە دەرەنجامی دەمەقاڵێیەكی بچوك لەسەر (سەرەی نان و نەوت و غازو ئاوو زۆر شتی دیكەش)، بۆتە هۆی هەڵگیرسانی شەڕو و درووستبوونی دوژمنایەتی لەنێوان دوو خێڵدا.

 

ئەی شەركردنی دوو بنەماڵە لە یەكێك لە شارەكانی هەرێم لە چەند ساڵی رابردوو لەسەر قەل و قاز كە چەندین بریندارو قوربانی لێ كەوتەوە هۆكارە سەرەكییەكەی چی بوو؟


لە هەموو دونیا وایە، زانستیش ئەمەی تا رادەیەكی زۆر سەلماندووە، مرۆڤی ناوچەی سارد عەصابی ساردە كەمتر رووبەرووی توندوتیژی دەبێتەوە، بەڵام هەفتەی پێشوو لە یەكێك لەناوچە ساردەكانی كوردستان لەسەر وەرگرتنی نەوت دوو هاوڵاتی دەست دەخەنە بینە قاقای یەكدی و پۆلیس فریایان دەكەوێت.

 
كەواتە تاكی كوردی هەمیشە لەسەر عەصابە، هەمیشە تورە و بێتاقەتە، دەمامكێكی ساختە رووی حەقیقی داپۆشیوە و دیوە شاراوەو توڕەكەی دەرناكەوێت و بەدەم ژیانەوە پێ دەكەنێت.!

 
گەرنا هەر ئەم كەسە چۆن دەبێت لە (كون فیكون) ێكدا لە كەسێكی دڵشادو میهرەبانەوە، بگۆرێت بۆ كەسێكی تورە و سەرشێت و شەڕانی.!

 

،،

ئەمرۆ كۆمەڵگەی كوردی كۆمەڵگایەكی قەیراناوییە، و لێوان لێوە لە كێشە و بێتاقەتی كە سیاسییەكان خوڵاندوویانە، سەرەرای ئەمەش كە هاوڵاتییەكانی پاشماوەی چەندان شەڕو قوربانی و كیمیاباران و ئەنفالن، كە چەندین جێكەوتی دەرونی ناهەمواری لەسەر مێشكیان بەجێهێشتووە.!

 

ناكرێت باس لەم شەڕو شۆر و عەصاب گەرمییەی هاوڵاتی بكەین، بەبێ گەڕانەوە بۆ دیوە سیاسییە حوكمرانەكەی هەرێمی كوردستان.


كۆمەڵناسی سیاسی، باس لە هاوڵاتی و دەسەڵات دەكات، باس لە تەعبیە و پێگەیاندنی سیاسی و رۆشنبیری تاكی كۆمەڵگا دەكات، تیشك دەخاتە سەر كۆمەڵگەیەكی سیاسی تەندرووست و دروستكردنی پەیوەندی لەگەڵ كۆمەڵگە مەدەنییەكەدا.

 
ئەمرۆ كۆمەڵگەی كوردی كۆمەڵگایەكی قەیراناوییە، و لێوان لێوە لە كێشە و بێتاقەتی كە سیاسییەكان خوڵاندوویانە، سەرەرای ئەمەش كە هاوڵاتییەكانی پاشماوەی چەندان شەڕو قوربانی و كیمیاباران و ئەنفالن، كە چەندین جێكەوتی دەرونی ناهەمواری لەسەر مێشكیان بەجێهێشتووە.!

 
كەناڵەكانی تەعبیەو پێگەیاندن وەك (حزبەكان، راگەیاندن و خێزان و خوێندنگا ...هتد) شتەكان وەك خۆیان ناگەیەنن بە هاوڵاتی و دواتر هاوڵاتییەكی تەندرووست بەرهەم نایەت.


زۆرێك لە كەناڵەكانی راگەیاندن ئەجێندایەك پاڵیان پێوە دەنێت تاكو شتە ناراستەكان بڵاوو بكەنەوە، 24 سەعات، شتی گەرم و ساردەوەبوو پێكەوە.. دەرخواردی هاوڵاتی دەدەن تا دواتر توشی چەندین نەخۆشی دەروونی بكات.

 

،،

پیرەمێردی شاعیرو نەمر دەڵێت: كە ئێمە فێری شەرە گەرەكین .. كە بووین بە ئەحزاب ئیدی چۆن یەكین

 

 
كە ئەمەش وا دەكات كۆمەڵگە لەسەر بنەمای هەڵچوون و شتی نادروست پێكبهێنرێت، كە دواجار لەبارە بۆ هەموو تەقینەوەیەكی لەناكاوو شەری نێوان تاكەكانی كۆمەڵگا.


حزبەكانیش، تاوانبارێكی دیكەن، كە لە پێناو بەرژەوەندی حزبی و شەخصی تاكەكانی كۆمەڵگایان بەرامبەر یەكدی وەستاندووە و دان لەیەكدی جیڕ دەكەنەوە. كە لەسەر فول لایتێك هاوشارییەكی دیكەی دەكوژێت.

 

پیرەمێردی شاعیرو نەمر دەڵێت: كە ئێمە فێری شەرە گەرەكین .. كە بووین بە ئەحزاب ئیدی چۆن یەكین

 

،،

كورد، واتە رۆحی هاوكاری نەك شەڕكردن لەسەر نەوت و ئاو و كارەبا، كوردەواری واتە هەڵپەركێ و خۆشی و شادی نەك شەڕكردن لەسەر سەرچۆپی.

 


بەجدی كۆمەڵگەی كوردی لە دێر زەمانەوە ئەم شەرە گەرەك و پارچەپارچە بوونەی لەگەڵ خۆی هێناوە، بەڵام دەبوو لە سایەی حكومەتی هەرێم كۆمەڵگەیەكی هاوچەرخ بونیات بنرایە كە تیايدا لەگەڵ هەڵگرتنی چەكی بێ مۆڵەت چەندان دامەزراوەی گرنگ مۆڵەتیان وەربگرتایە كە لەخزمەتی عەقڵێك و دەرونێكی سەلیمی تاكی كوردیدا بوونایە.

لەكۆتایدا دەتوانین ئەوە بڵێین كاتێك دیاردەیەكی نەخوازراو روو دەدات، باشترە وردتر برۆین بۆ بابەتەكە و لەبەر دیاردەیەكی ناشرین شتە جوانەكانیش ناشرین نەكەین. و بەدوای دۆزینەوەی هۆكارەكان و چارەسەركرندنیاندا وێڵ بین.

 
كورد، واتە رۆحی هاوكاری نەك شەڕكردن لەسەر نەوت و ئاو و كارەبا، كوردەواری واتە هەڵپەركێ و خۆشی و شادی نەك شەڕكردن لەسەر سەرچۆپی.

 

author photo

ماسته‌ر له‌ زانسته‌ رامیارییه‌كان

ئه‌ندامى كاراى سه‌ندیكاى ڕۆژنامەنووسانی کوردستان