دەزگای هەواڵگری ئەمریكا "CIA"   : كوژرانی "جەمال خاشقچی" بەفەرمانی "محمد بن سەلمان" بووە

دەزگای هەواڵگری ئەمریكا "CIA" : كوژرانی "جەمال خاشقچی" بەفەرمانی "محمد بن سەلمان" بووە

429 خوێندراوەتەوە

 

ڕاپۆرتی واشنتۆن پۆست
و. هونەر عمر

 

دەزگای "سی ئای ئەی" ئەمریكا گەشتووەتە ئەو ئەنجامەی كە كوشتنی ڕۆژنامەنووس "جەمال خاشقچی" بە فەرمانی شازادەی جێنشینی سعودیە "محمد بن سەلمان" بووە كە مانگی ڕابردوو لەنێو كونسوڵگەری سعودیە لە ئیستەنبوڵا كوژرا. هاوكات حكوومەتی سعودیەش نكوڵی لەوە دەكات كە كوشتنەكە بە فەرمانی شازادە بووبێت.

 

،،

بەپێی ڕاپۆرتە فەرمیەكانی "سی ئای ئەی"یش كە بڵاوویكردوونەتەوە, زۆربەی ئاماژەكان بۆ ئەوەن كە كوشتنەكە بە فەرمانی "محمد بن سەلمان" بووە.

 

 

لە ئۆكتۆبەری ڕابردوو تیمێكی 15 كەسی بە فڕۆكەیەكی حكومی لە سعودیەوە چوونە ئیستەنبوڵ و لەنێو كونسوڵگەری ئەو وڵاتەدا "جەمال خاشقچی"یان كوشت كە هاتبوو بۆ تەواوكردنی كارە یاساییەكانی پێویست بۆ هاوسەرگیریەكەی كە بەنیازبوو لەگەڵ خانمێكی بە ڕەگەز توركدا هاوسەرگیری بكات.

بەپێی ڕاپۆرتە فەرمیەكانی "سی ئای ئەی"یش كە بڵاوویكردوونەتەوە, زۆربەی ئاماژەكان بۆ ئەوەن كە كوشتنەكە بە فەرمانی "محمد بن سەلمان" بووە.

 

محمد بن سەلمان شازادەی سعودیە

 

یەكێك لە دەرەنجامی لێكۆڵینەوەكانی "سی ئای ئەی" پەیوەندیەكی تەلەفۆنییە كە لەنێوان "خالید بن سەلمان" برای شازادە"محمد" و باڵیۆزی سعودیە لە ئەمریكا، لەگەڵ "خاشقچی" ( كە بە وتەی ئەو كەسانەی "سی ئای ئەی" لێكۆڵینەوەی لەگەڵ كردوون دانیان بەوەدا ناوە كە) "خالید بن سەلمان" لەو پەیوەندیەدا بە "خاشقچی" وتووە كە سەردانی كونسوڵخانەی سعودیە بكات بۆ وەرگرتنەوەی مامەڵەی هاوسەرگیریەكەی و وەرگرتنی دڵنیایی كە هاوسەرگیریەكەی بێ كێشە دەبێت.

 

ئەوە ڕوون نییە كە "خالید بن سەلمان" لە كوشتنی "خاشقچی" ئاگاداربووە یان نا, بەڵام بەگوێرەی زانیاریەكان كە دەست "سی ئای ئەی" كەوتوون "خاشقچی" بە فەرمانی "محمد بن سەلمان"ی برای بووە.

وتەبێژی باڵیۆزی سعودیە لە واشنتن "فاگیمە بایشان" ڕایگەیاند كە: "خالید بن سەلمان" و "جەمال خاشقچی" هەرگیز گفتوگۆی بابەتی گەشتكردنی ڕۆژنامەنووسەكەیان بۆ توركیا نەكردووە و پێشیوایە كە دەرەنجامی لێكۆڵینەوەكانی "سی ئای ئەی" درووست نین و دەشڵێت كە: "ئێمە بەردەوام گوێمان لە لێدوانی هەمەجۆر دەبێ سەبارەت بەم ڕووداوە، بەبێ وردبوونەوە لە ناوەڕۆك و درووستی ئەم تێڕوانینانە".

،،

ئەو بەرپرسە وتیشی كە: "ئەوان "محمد بن سەلمان" وەك كەسێكی تەكنۆكرات دەبینن, بەڵام لە هەمانكاتیشدا كەسێكی هەڵەشە و لە خۆباییە, كەسێك لە سفرەوە گەشتبێتە 60, لەوە تێناگات كە هەندێك كار هەن ناتوانێ‌ ئەنجامیانبدات".

 

 

لێكۆڵینەوەكانی "سی ئای ئەی" لەلایەكی ترەوە پشت بە پێگەی شازادە "محمد" دەبەستن كە كەسی دووەمی ووڵاتە و چاودێری بچوكترین ڕووداو دەكات كە لە شانشینەكەدا ڕوودەدات, وە بەرپرسی دەزگای هەواڵگری ئەمریكاش دەڵێت كە: "هیچ بیانوویەك نییە بۆ ڕوودانی ڕووداوی لەم جۆرە, گەر شازادە خۆی دەستی تێیدا هەبێت یاخود نا".

ئەو بەرپرسە وتیشی كە: "ئەوان "محمد بن سەلمان" وەك كەسێكی تەكنۆكرات دەبینن, بەڵام لە هەمانكاتیشدا كەسێكی هەڵەشە و لە خۆباییە, كەسێك لە سفرەوە گەشتبێتە 60, لەوە تێناگات كە هەندێك كار هەن ناتوانێ‌ ئەنجامیانبدات".

 

لە چەند هەفتەی ڕابردوودا سعودیە چەندین ڕوونكردەوەی دژ بەیەكی خستووەتە ڕوو سەبارەت بە ڕووداوەكەی ناو كونسوڵگەری.
لەم هەفتەیەشدا داواكاری گشتی سعودیە پارچەپارچەكردنی "خاشقچی" لەنێو كونسوڵگەری وڵاتەكەیدا لە ئیستەنبوڵا ئاشكرا كرد لەلایەن باندێكەوە كە نێردرابوون بۆ گەڕاندنەوەی ناوبراو بۆ سعودیە.

 

،،

كوشتنی "خاشقچی" دەنگدانەوەی نێودەوڵەتی بەدوای خۆیدا هێنا و كۆشكی سپی ڕووبەڕووی ڕەخنە بووەوە بەتایبەت كە ئیدارەی ئێستەی ئەمریكا، سعودیە وەكو دۆستی خۆی لە ڕۆژهەڵاتی ناوەڕاستدا سەیردەكات و لە سەنگەری دژ بە ئێراندا وەك پاڵپشتی خۆی لەو وڵاتە لێی دەڕوانێت.

 

جەمال خاشقچی

كوشتنی "خاشقچی" دەنگدانەوەی نێودەوڵەتی بەدوای خۆیدا هێنا و كۆشكی سپی ڕووبەڕووی ڕەخنە بووەوە بەتایبەت كە ئیدارەی ئێستەی ئەمریكا، سعودیە وەكو دۆستی خۆی لە ڕۆژهەڵاتی ناوەڕاستدا سەیردەكات و لە سەنگەری دژ بە ئێراندا وەك پاڵپشتی خۆی لەو وڵاتە لێی دەڕوانێت.

 

،،

سەرۆك ترەمپ، داواشی لە "سی ئای ئەی" كردووە كە شوێنی "خاشقچی" نیشان بدەن, بەڵام نەتوانراوە وەڵامی ئەو داواكاریەی سەرۆك بدرێتەوە.

 

سەرۆك ترەمپیش بەرگری لە شازادە دەكات لەم ڕووداوەدا, كە شازادە پەیوەندیەكی باشیشی لەگەڵ "جارید كوشنێر"ی زاوا و نزیكترین ڕاوێژكاری ترەمپدا هەیە.
یاریدەدەرەكەشی ڕایگەیاند كە ترەمپ بەڵگەكانی بینیوە, بەڵام هێشتا بەگومانە لەوەی كە شازادەی جێنشین فەرمانی بە كوشتنەكە كردبێت.

 

سەرۆك ترەمپ، داواشی لە "سی ئای ئەی" كردووە كە شوێنی "خاشقچی" نیشان بدەن, بەڵام نەتوانراوە وەڵامی ئەو داواكاریەی سەرۆك بدرێتەوە.

 

لە نێو لێكۆڵینەوەكانی دەزگای هەواڵگریدا, لەگەڵا بەڵگەی پەیوەندیە تەلەفۆنیەكەی "خالید بن سەلمان" و "خاشقچی" تۆمارێكی دەنگیش دەست توركەكانی نێو كونسوڵگەری سعودیە كەوتووە، كۆپیەكیان لەو تۆمارە بە "سی ئای ئەی" داوە و "جینا هاسپڵا"ی بەرێوبەڕی "سی ئای ئەی" خۆی گوێی لە تۆمارەكە گرتووە.

 

ئەو تۆمارە دەنگیەش ئەوە دەردەخات كە "خاشقچی" لەساتی چوونە ژوورەوەی بۆناو كونسوڵگەری سعودیە و لە ژووری بەڕێوبەری كونسوڵگەریەكەدا كوژراوە.

 

author photo

تایبه‌ت به‌ دیپلۆماتیك