بكوژەكانی مەلا هۆشیار چییان بەسەرهات؟

برایەكی مەلا هوشیار بۆ دیپلۆماتیك: بكوژانی براكەم لەسێدارە نەدرێن ناچارین بە عەشایەری تۆڵە بكەینەوە

بكوژەكانی مەلا هۆشیار چییان بەسەرهات؟

413 خوێندراوەتەوە

 

دوای دوو ساڵ لە كوشتنی زانایەكی ئایینی بەدەستی چەند تاوانبارێك لە شاری هەولێر، برایەكی قوربانییەكە ئەوە ئاشكرا دەكات كە: ” هێشتا بكوژانی براكەیان لە ئاسایشی هەولێرن و نەگوازراونەتەوە بۆ چاكسازی گەوران، ترسی ئەوەشیان هەیە كە لەبری سزا رەنگە پاداشت بكرێن”.

 

دیار گۆران، رۆژنامەنووس و برای د.هوشیار ئیسماعیل سەبارەت بە چۆنیەتی شەهیدكردنی براكەی و جێ بەجێ نەكردنی حوكمی لە سێدارەدانی بكوژەكان، لەگەڵ دیپلۆماتیك مەگەزین وتوێژی كرد.

 

دیار گۆران، برای مەلا هوشیار

 

 

"براكەمان چارەسەری كێشە كۆمەڵایەتییەكانی دەكرد"


براكەی مەلا هوشیار ئەوە ئاشكرا دەكات كە تۆمەتبارەكان كاتێك دانیان ناوە بە تۆمەتەكەیاندا ئاماژەیان بەوە كردووە ئەوان كێشەی كۆمەڵایەتییان لەگەڵ ناوبراو هەبووە بۆیە كوشتویانە.

"براكەی ئێمە كە زانایەكی ئایینی شاری هەولێر بوو، هەمیشە هەوڵی چارەسەركردنی كێشە كۆمەڵایەتییەكانی دەدا، نەك ببێتە هۆی ئەوەی كێشەی كۆمەڵایەتی بخوڵقێنێت". دیار گۆران وایوت.

 

 

،،

"بكوژانی د.هوشیار لەگەڵ تیرۆرستان و هەندێ كەیسی دیكەی سیاسی لە ئاسایشی هەولێر زیندانی كراون" دیار گۆران وایگووت.

 

 

 

"تاوانبارەكان هێشتا لە ئاسایشی هەولێرن"


براكەی دكتۆر هوشیار ئاماژەی بەوەشكرد، بەبیانووی ئەوەی براكەی ئەوان ئەندامێكی باڵای یەكگرتووی ئیسلامی بووە، كەیسەكەی كراوە بە كەیسێكی سیاسی، هەربۆیە بەم بیانووەوە بكوژانی براكەی رەوانەی چاكسازی گەورانی هەولێر نەكراون و لە ئاسایشی هەولێر زیندانی كراون.

 

بكوژانی مەلا هوشیار

 

"بكوژانی د.هوشیار لەگەڵ تیرۆرستان و هەندێ كەیسی دیكەی سیاسی لە ئاسایشی هەولێر زیندانی كراون" دیار گۆران وایگووت.

چەند خولەكێك دوای شەهیدكردنی مەلا هوشیار لەبەردەم ماڵەكەی خۆی، ئۆتۆماتیكی بەرپرسانی یەكگرتوو هاتنە سەرخەت و كەیسەكەیان بە هی خۆیان زانی و بە بنەماڵەكەیان گوت كە ئەوان حەقیان بۆ دەكەنەوە.

،،

باس و خواسی ئەوە گەرم بوو كەوا پێ دەچێت ئەم دوو تۆمەتبارە لەلایەن خزمێكی نزیكیانەوە نێردرابن هەتاكو ئەو زانا ئایینە بكوژن، بەڵام هۆكارەكە سیاسی بووە یاخود كۆمەڵایەتی؟ هێشتا بە هەڵواسراوی ئەم پرسیارەوە ماوەتەوە.!

 

 

"تۆمەتباری پشتی رووداوەكە دیار نییە"


براكەی دكتۆر هوشیار دڵنیایە لەوەی كە لەپشتی ئەو رووداوەوە كەسی دیكە هەیە، چونكە براكەی ئەوان لەسەر فول لایت و كێشەی كۆمەڵایەتی نەكوژراوە.
بۆیە دەشڵێت:" تەنها ئەو دوو كەسە دەستگیر كران كە شەو هاتبوون بۆ كردەوەكە و براكەمیان كوشت، بەڵام ئەو كەسانەی كە ئەمانیان ناردووە بۆ كردەوەكە تاكو ئێستا دیار نین و شاردراونەتەوە".

 
باس و خواسی ئەوە گەرم بوو كەوا پێ دەچێت ئەم دوو تۆمەتبارە لەلایەن خزمێكی نزیكیانەوە نێردرابن هەتاكو ئەو زانا ئایینە بكوژن، بەڵام هۆكارەكە سیاسی بووە یاخود كۆمەڵایەتی؟ هێشتا بە هەڵواسراوی ئەم پرسیارەوە ماوەتەوە.!

 

 

 

 

بكوژەكان لە سێدارە دەدرێن؟ چیان لێ بەسەرهات؟


هەرچەندە تاوانبارەكان حوكمی لەسێدارەدانیان بۆ دەرچووە، بەڵام بە وتەی براكەی مەلا هوشیار هێشتا حكومەكەیان جێ بەجێ نەكراوە و ترسیان هەیە كە لەبری سزا پاداشتیش بكرێن، یاخود رەوانەی دەرەوەی وڵات بكرێن.

،،

دیار گۆرانی رۆژنامەنووس دەشڵێت:

"پێشتر حاڵەتی لەم شێوەیە هەبووە كە حوكمی لە سێدارەدان جێ بەجێ بكرێت، بۆ نمونە بكوژەكەی مینا كە دوای دەستدرێژی كردنە سەری پارچە پارچەی كردبوو، دوای دەرچوونی حوكمی لە سێدارەدان بۆ تاوانبارەكە، لەسێدارە درا".

 
"ئەوكاتەی مەسعود بارزانی سەرۆكی هەرێم بوو، چەندین جار بەڵێنی بە بەرپرسانی یەكگرتوو و خودی جەنابی ئەمینداری یەكگرتووش دابوو كە واژۆ لەسەر پەراوی لە سێدارەدانی بكوژەكان بكات، بەڵام نەیكرد" براكەی دكتۆر هوشیار وایگووت.

 


ئاماژەشی بەوە كرد ئەمرۆ كە سەرۆكی هەرێم نەماوە و ئەو دەسەڵاتە بۆ سەرۆكی حكومەت گوازراوەتەوە، واژۆ لەسەر ئەم بابەتە ناكات و پرسەكەیان پشتگوێ خستووە.


دیار گۆرانی رۆژنامەنووس دەشڵێت:

"پێشتر حاڵەتی لەم شێوەیە هەبووە كە حوكمی لە سێدارەدان جێ بەجێ بكرێت، بۆ نمونە بكوژەكەی مینا كە دوای دەستدرێژی كردنە سەری پارچە پارچەی كردبوو، دوای دەرچوونی حوكمی لە سێدارەدان بۆ تاوانبارەكە، لەسێدارە درا".

 

بەڵام ئەو برایەی مەلا هوشیار دەترسێت لەوەی، نەك بكوژان لە سێدارە نەدرێن بەڵكو وەك تۆمەتبارانی بكوژانی سەیدا موشیر و هاورێكانی لە كارەساتی سوتاندنی بارەگاكانی یەكگرتوو لە بادینان بە ئازادی رەوانەی دەرەوەی وڵات بكرێن.

 

 

 

 

" لەسێدارە نەدرێن بەعەشایەری حەق دەكەینەوە"


برای قوربانییەكە، بە راشكاوانە دان بەوەدا دەنێت كە ئەگەر بكوژانی براكەی بە سزای خۆیان نەگەن و دڵنیا نەبن كە لەسێدارە دراون، پێدەچێت لەرووی كۆمەڵایەتی و عەشایەرییەوە كێشەیان بۆ درووست ببێت و بنەماڵەكەی لە خوێنی كورەكەیان خۆش نەبن.

 

،،

"پارتی، كەیسی براكەی ئێمەی هەڵگرتووە بۆ رۆژی خۆی، بۆ ئەوەی لەسەر مێزی گفتوگۆ دایبنێت و مامەڵەی سیاسی پێوە بكات". دیار گۆران وایوت.

 

 
"ئێمە بنەماڵەیەكی دیارین و براكەشمان پیاوێكی دەم سپی و گوێ لێگیراومان بوو، دەبێت مافی خوێنی بەناحەق رژاوی بدرێت، بۆیە ساڵی پاریش ویستمان بە خۆپیشاندان بێینە بەردەم بارەگای ئەنجومەنی وەزیران تاكو بكوژان لەسێدارە بدرێن بەڵام بەرپرسانی یەكگرتوو نەیانهێشت و گوتیان ئێمە چارەسەری دەكەین".
ئەو برایەی مەلا هوشیار پێی وایە پارتی دیموكراتی كوردستان كە بكوژانیش ئەندامی ئەم حزبەن، رەنگە بیەوێت بە دانوستان لەگەڵ یەكگرتوو كەیسەكە یەكلای بكاتەوە، واتە ئەگەر رۆژێك داواكارییەكی هەبوو لەیەكگرتوو دەبێت بۆی جێبەجێ بكات ئینجا تاوانبارەكان سزا دەدات.

 

"پارتی، كەیسی براكەی ئێمەی هەڵگرتووە بۆ رۆژی خۆی، بۆ ئەوەی لەسەر مێزی گفتوگۆ دایبنێت و مامەڵەی سیاسی پێوە بكات". دیار گۆران وایوت.

لەكۆتایدا دیار گۆران ئەوە دەڵێت:" ئێمە پێمان باشە یاسا سەروەر بێت و كێشەكان بەیاسا چارەسەر بكرێن، تاكو دوور بكەوێنەوە لەشەری خێڵەكی و بنەماڵەیی و تێكچوونی كۆمەڵگا، و هیوادارین كەیسی براكەمان نەبێتە قوربانی ململانێ سیاسییەكان".

 

وێنەیەك لە پرسەی مەلا هوشیار ساڵی 2016

 

 
" بەڵام لەئەگەری جێ بەجێ نەكردنی حوكمی لە سێدارەدانیش بۆ بكوژانی براكەمان، ناچار دەبین لەرێگەی عەشایەری داوای خوێنەكەی بكەین و كێشەكە خۆمان چارەسەری بكەین". دیار گۆران وایگووت.

 

شەوی 22ی 11ی 2016، هوشیار ئیسماعیل كە زانایەكی ئایینی ناوداری شاری هەولێر بوو، دوای ئەوەی لە دەرگای حەوشەی ماڵەكەی دەدەن، دێت تاكو بیكاتەوە، بەچەند گولەیەك كە بەر سەرو سنگی دەكەوێت ناوبرا گیان لەدەست دەدات، هەرچەندە بكوژانیش حوكمی لەسێدارەدانیان بۆ دەرچووە بەڵام تاكو ئێستا جێ بەجێ نەكراوە، ئەمەش بنەماڵەكەیانی نیگەران كردووە.

 

author photo

ماسته‌ر له‌ زانسته‌ رامیارییه‌كان

ئه‌ندامى كاراى سه‌ندیكاى ڕۆژنامەنووسانی کوردستان