سەبارەت بە داخستنی كۆلێژی زانستە ئیسلامییەكان

ڕاگری كۆلێژی زانستە ئیسلامییەكان بۆ دیبلۆماتیك: بابەتەكە هەڵە لێكدرایەوە

سەبارەت بە داخستنی كۆلێژی زانستە ئیسلامییەكان

148 خوێندراوەتەوە

راپۆرتی، ئایارعە لی
بۆ ئەمساڵی خوێندن (438 ) بەشی ئێواران، لەسەرجەم زانكۆ حكومیەكانی هەرێمی كوردستان داخران‌و لە نێویشیاندا خوێندنی ئیسلامی ئێواران داخرا.
زۆرن ئەوانەی پێیانوایە داخستنی بەشی خوێندنی ئیسلامی ڕەهەندێكی سیاسی هەیەو مەبەستدارەو هیچ پەیوەندی بە پلن‌و ڕێكخستنەوەی خوێندنی باڵاوە نیییە.

 


لەوەڵامی كاردانەوەكانی داخستنی بەشی ئێوارانی خوێندنی ئیسلامی، وەزارەتی خوێندنی باڵاو توێژینەوەی زانستی حكومەتی هەرێمی كوردستان لە بەیانـنامەیەكدا رایگەیاند " بۆ ئەمساڵ (438 ) بەشی زانستی- ئێواران، لەسەرجەم زانكۆ حكومیەكانی هەرێمی كوردستان داخراون‌و لە نێویشیدا خوێندنی ئیسلامی ئێواران هەن.


بە پێی بەیاننامەكەی وەزارەتی خوێندنی باڵا داخستنی ئەو بەشانە بۆ بەرزكردنەوەی كوالێتی خوێندنی وەزارەتەكەیە.

دكتۆر شەماڵ عەبدول، ڕاگری كۆلێژی زانستە ئیسلامییەكانی زانكۆی سلێمانی، سەبارەت بەداخستنی بەشەكانی خوێندنی ئیسلامی ئێواران بۆ دیلۆماتیك دواو وتی:"هیچ بەشێكی بەیانیان دانەخراوە، بەڵكو تەنیا كۆمەڵێك بەشی ئێوارانن كە داخراون‌و چەند بەشێكی ئیسلامی لەنێویدا هەیەو پێمانوانیە جیاوازی لەنێوان بەشێكی ئیسلامی‌و بەشێكی تری زانستیدا بكرێت‌و ئەو هەڵایەی لێی كەوتەوە تەنیا هەڵە تێگەیشتن بوو".

،،

راگرەكەی كۆلێژی زانستە ئیسلامیەكانی زانكۆی سلێمانی، دەربارەی بەمەبەست داخستنی بەشی ئیسلامی ئێواران‌و بابەتی پەیوەندیدار بە هۆكاری ئاینی‌و سیاسی، بە دیپلۆماتیك مەگەزینی راگەیاند:"دەركردنی ئەم بریارە بەهیچ شێوەیەك پەیوەندی بە بابەتی سیاسی یان مەسەلەی ئاینەوە نییەو ئەو قسانەیشی لەو بارەوە دەكرێت لەوانەیە بۆ راكێشانی هەست‌و سۆزی خەڵكی بێت


دكتۆر شەماڵ عەبدول بۆ دیپلۆماتیك ئاماژەیشی بەهۆكاری داخستنی ئەو بەشانەداو وتی:" پێمانوایە هۆكارێكی داخستنی هەموو بەشە ئێوارانەكان، نەك تەنیا بەشە ئیسلامییەكان ئەوەیە كە مامۆستاكان لە بەیانی تا نیوەرۆ وانە دەڵێنەوە و ناتوانن‌و ناكرێت لە نیوەڕۆوە تاكو درەنگی ئێوارە هەمان بابەت لە بەشی ئێوارانیش بڵێنەوە، چونكە هەندێكیان كار و بەرپرسیارێتی تریان هەیەو وەك وەزارەتی خوێندنی باڵایش ئاماژەی پێداوە دەركردنی ئەم بریارانە بۆ رێكخستنەوەی خوێندنی ئێوارانە لە زانكۆكانی كوردستاندا".


راگرەكەی كۆلێژی زانستە ئیسلامیەكانی زانكۆی سلێمانی، دەربارەی بەمەبەست داخستنی بەشی ئیسلامی ئێواران‌و بابەتی پەیوەندیدار بە هۆكاری ئاینی‌و سیاسی، بە دیپلۆماتیك مەگەزینی راگەیاند:"دەركردنی ئەم بریارە بەهیچ شێوەیەك پەیوەندی بە بابەتی سیاسی یان مەسەلەی ئاینەوە نییەو ئەو قسانەیشی لەو بارەوە دەكرێت لەوانەیە بۆ راكێشانی هەست‌و سۆزی خەڵكی بێت، چونكە ئەم بریارە تەنیا تایبەت نیە بە بەشی ئیسلامی یان زانكۆیەك، بەڵكو بۆ تەواوی خوێدنی ئێوارانی سەرجەم زانكۆكانی كوردستانە".

،،


سەبارەت بەوەی ئایا دەركردنی بریاری داخستنی بەشە زانستیەكان، غەدرێك نییە لەو كەسانەی كە لە خوێندن دابڕاون‌و ئێستا دەیانەوێت لە رێگای خوێندنی ئێوارانەوە دەستبكەنەوە بە خوێندن، دكتۆر شەماڵ عەبدول وتی:" ئێستا كە دوو زانكۆی ئەهلی لە هەولێرو سلێمانی دەكرێنەوەو لە هەریەكێكیاندا كۆلێژێكی ئیسلامی هەیە، كە بە هەمان نرخی كۆلێژە حكومیەكان خوێندكار وەردەگرن


لە راگەیەندراوەكەیدا وەزارەتی خوێندنی باڵا ئاماژەی بەوەداوە" بەمەبەستی رەخساندنی دەرفەتی زیاتر بۆ ئارەزوومەندان، وەزارەت بۆ ئەم ساڵی خوێندن دووجار دەرگای پێشكەشكردنی فۆڕمی بۆ بەشە ئیسلامییەكان لە زانكۆ حكومیەكان كردەوە، ئەوە لە كاتێكدا كە ئەو دەرفەتە بۆ هیچ پسپۆریەكی دیكە نەكراوە".


سەبارەت بەوەی ئایا دەركردنی بریاری داخستنی بەشە زانستیەكان، غەدرێك نییە لەو كەسانەی كە لە خوێندن دابڕاون‌و ئێستا دەیانەوێت لە رێگای خوێندنی ئێوارانەوە دەستبكەنەوە بە خوێندن، دكتۆر شەماڵ عەبدول وتی:" ئێستا كە دوو زانكۆی ئەهلی لە هەولێرو سلێمانی دەكرێنەوەو لە هەریەكێكیاندا كۆلێژێكی ئیسلامی هەیە، كە بە هەمان نرخی كۆلێژە حكومیەكان خوێندكار وەردەگرن، بێگومان بۆ ئەو كەسانەیشی كە لە خوێندن دابڕاون نەك هەر غەدر نییە بەڵكو بۆ خۆیان خۆشتر و گونجاوترە كە لەگەڵ كەسانی هاوتەمەنی خۆیان و كەرەستەی باشتر دەخوێنن، نەك ئەوەی لەگەڵ كەسێكی زۆر بچوكتر لە تەمەنی خۆی بخوێنێت‌و هەست بە نەقس‌و شكانەوە بكات لەخۆیدا".

 

author photo

تایبه‌ت به‌ دیپلۆماتیك