سەرۆكی ئەنجومەنی سیاسی یەكگرتوو:    عەقڵیەتێكی دیكتاتۆری بارەگاكانی سوتاندین

یەكگرتوو لە ساڵرۆژی سوتاندنی بارەگاكانیدا قسەی هەیە

سەرۆكی ئەنجومەنی سیاسی یەكگرتوو: عەقڵیەتێكی دیكتاتۆری بارەگاكانی سوتاندین

324 خوێندراوەتەوە

 

لە ساڵرۆژی سوتاندنی بارەگاكانی یەكگرتووی ئیسلامی لە بادینان، سەرۆكی ئەنجومەنی سیاسی ئەو حزبە دەڵێت: "ئێمە یەكەمین ئۆپۆزیسیۆن بووین لە كوردستان، و پێش ئێمە كەس بریاری سەربەخۆی لەدەرەوەی یەكێتی و پارتی نەداوە و ئەمرۆش یەكەم حزب بووین رامانگەیاند كە ناچینە كابینەی نوێ، ئۆپۆزیسیۆنێكی كارا دەبین".

 

6ی12ی هەموو ساڵێك بۆ یەكگرتووەكان رۆژێكی ناهەموارو بەئازارە، كاتێك 13 ساڵ لەمەوبەر لە ساڵی 2005 بریاریاندا بە سەربەخۆ بەشداری هەڵبژاردنەكانی پەرلەمانی عێراق بكەن، ئەم بریارەیان بووە هۆی نیگەرانی دەسەڵاتدارانی هەرێم،بەو هۆیەشەوە وەك خۆیان دەڵێن: لەلایەن هەوادارانی پارتی دەسەڵاتەوە لە بادینان بارەگاكانیان سوتێنران و چەند ئەندامێكیان لێ كوژرا.

 

،،

یەكگرتوو باجی ئۆپۆزیسیۆن بوونی دا كاتێك 2005 بارەگاكانی سوتێنراون و ئەندامی شەهیدكران لەلایەن كەسانێكەوە كە نەهجی دیكتاتۆری و خۆسەپاندن بەئێستەشەوە زاڵە بەسەریاندا.

 

 

خەلیل ئیبراهیم،سەرۆكی ئەنجومەنی سیاسی یەكگرتووی ئیسلامی لەهەمان كاتدا سەركردەیەكی بادینانی ئەو حزبەیە، تایبەت بەم بابەتە بۆ دیپلۆماتیك مەگەزین دەدوێت.

 

خەلیل ئیبراهیم، سەرۆكی ئەنجومەنی سیاسی یەكگرتوو

 


خەلیل ئیبراهیم دەڵێت"ئەمرۆ ناخۆشترین رۆژەكانی ژیانی ئێمە بوو كاتێك كۆمەڵێك برامان بەدەستی كۆمەڵێك منداڵ و عەقڵ بچكۆلەوە شەهید كران، تەنها لەبەر ئەوەی كە داوای مافی خۆیان كردبوو".

 
هەروەها دەڵێ"یەكگرتوو باجی ئۆپۆزیسیۆن بوونی دا كاتێك 2005 بارەگاكانی سوتێنراون و ئەندامی شەهیدكران لەلایەن كەسانێكەوە كە نەهجی دیكتاتۆری و خۆسەپاندن بەئێستەشەوە زاڵە بەسەریاندا".

 

خەلیل ئیبراهیم ئاماژەی بەوەشكرد بارودۆخی ئەوكاتە ئەوەی خواستووە كە یەكگرتوو بەتەنها بەشداری هەڵبژاردن بكات و لەبەرامبەر دەسەڵاتی پاوانخوازانەی یەكێتی و پارتی بوەستێتەوە،بۆ یەكەمین جاریش بووە كەسێك لەبەرامبەریاندا دەنگی موعارەزەبوون بەرز بكاتەوە.


ئەو دەڵێت:"لەم پێناوەدا قوربانیماندا و چەندین برای باش و دڵسۆزمان شەهیدكران كە دەبوو لەبری ئەوەی گولەیان پێوەنرا گوڵبارانیان بكردنایە، چونكە ئەوان خەمی خەڵك و خزمەتی هاوڵاتیان لەناخیاندا بوو".

 

وێنەی قوربانییەكانی 6ی12 كە لەلایەن ئەندامانی یەكگرتووەوە لە تۆرە كۆمەڵایەتییەكان بڵاو كراونەتەوە

 

 

،،

سەركردەكەی بادینانی یەكگرتوو ئەوەش دەڵێت: كە ئەوان ئەمجارەش یەكەمین كەس بوون بریاری ئۆپۆزیسیۆن بوونیانداوە و نەچوونەتە مامەڵە كردن لەگەڵ لایەنی دەسەلات بۆ پۆست و پلە.

 

 

یەكگرتوو دەبێتەوە بە ئۆپۆزیسیۆن


سەركردەكەی یەكگرتوو بەپێچەوانەوەی ئەو گوتارەی كە دژی سەركردە بادینییەكانی یەكگرتوو بڵاو بووەتەوە گوایە دژی دەسەڵات قسە ناكەن، ئەوە ئاشكرا دەكات ئەمرۆش بەهەمان شێوە هەمان عەقڵیەت لە هەرێمی كوردستان حوكمرانی دەكات و دەسەڵات نەگۆراوەو وەك خۆیەتی، بۆیە یەكگرتوو بریار دەدات جارێكی دیكە ئۆپۆزیسیۆن بێتەوە.


"گۆرانكاری لە دەسەڵات بە گۆرینی دەمووچاوەكان نابێت، بەڵكو دەبێت لە بیركردنەوە و سیستەمی سیاسیدا گۆرانكاری بكرێت، بۆیە دوای چەندین ساڵ دەسەڵات هەروەك خۆیەتی و باش نەبووە، لەبەر ئەمەیە یەكگرتوو بریاری ئۆپۆزیسیۆن بوون دەداتەوە". خەلیل ئیبراهیم وایوت.


سەركردەكەی بادینانی یەكگرتوو ئەوەش دەڵێت: كە ئەوان ئەمجارەش یەكەمین كەس بوون بریاری ئۆپۆزیسیۆن بوونیانداوە و نەچوونەتە مامەڵە كردن لەگەڵ لایەنی دەسەلات بۆ پۆست و پلە.

 
بریارەكەی یەكگرتوو بۆ بوون بە ئۆپۆزیسیۆن چەند راو سەرنجێكی بەدوای خۆیدا هێنا كە یەكێك لەو كۆمێنتانەش قسەی عەبدولستار مەجید سەركردەی دیاری كۆمەڵی ئیسلامی بوو كاتێك لە چاوپێكەوتنێكدا گوتبووی: "یەكگرتوو بریارێكی باشی نەداوە كە دەبێت بە ئۆپۆزیسیۆن".


بەڵام خەلیل ئیبراهیم دەڵێت:" ئەو سەركردە بەرێزەی كۆمەڵ هات بۆ لامان و روونكردنەوەی بۆداین كە ئەو بەهیچ شێوەیەك قسەی وای نەكردووە، و كەناڵەكە دەستكاری قسەكانی كردووە".

 


لەبارەی چاوەڕوانی كۆمەڵی ئیسلامی بۆ گفتوگۆكانی پێكهێنانی حكومەت، ووتی: " برایانی كۆمەڵ پێیان باشە و حەز دەكەن بەشداری حكومەت بكەن هەربۆیە كەوتوونەتە مامەڵە كردن لەگەڵ دەسەڵات تاكو بزانن چیان پێ دەدەن لە حكومەت، بەڵام ئێمە وەك یەكگرتوو ئەو مامەڵەیەمان رەتكردووەتەوە و بریارمانداوە لەبەرەی خەڵك بین و ئۆپۆزیسیۆن بین".

،،

ئەگەر لەلایەن دەسەڵات (یەكێتی و پارتی) لەسەر كارەكانمان مەسجمان بۆ بكەن و پەیامی ئەوە بدەن بە گوێماندا كە بێدەنگ بین ئێمە بەهیچ شێوەك ناوەستین و بەردەوام دەبین و گوێ لەكەسیان ناگرین.

 

 ئۆپۆزیسیۆنێكی كارا؟
بەرپرسی ئەنجومەنی سیاسی یەكگرتوو دەڵێت:" لەناو یەكگرتوودا رای جیاواز هەیە بەڵام دابەشكاری و باڵ باڵێن نییە، بۆیە هەموان یەك ستراتیژیان هەیە كە دژی گەندەڵی و جمودی سیاسین، لەم پێناوەشدا پێكەوە هەموومان لەنێو یەكگرتوو دەبینە ئۆپۆزیسیۆنێكی كاراو بەهێز".

 


"گوێ بە هەرەشەكان نادەین"


ئەو سەركردەی بادینانی یەكگرتوو بەردەوام دەبێت لە قسەكانی و دەڵێت: "ئەگەر لەلایەن دەسەڵات (یەكێتی و پارتی) لەسەر كارەكانمان مەسجمان بۆ بكەن و پەیامی ئەوە بدەن بە گوێماندا كە بێدەنگ بین ئێمە بەهیچ شێوەك ناوەستین و بەردەوام دەبین و گوێ لەكەسیان ناگرین".


ئاواتە خوازی ئەوەشە كە جارێكی دیكە ئەو هەڵانەی بەرامبەر یەكگرتوو كردیان بەتایبەت لەبادینان دەسەڵات بیری لێ نەكاتەوە چونكە دەركەوت هەموان بەو كارە درندانەیە زەرەرمەند بوون.

 

author photo

ماسته‌ر له‌ زانسته‌ رامیارییه‌كان

ئه‌ندامى كاراى سه‌ندیكاى ڕۆژنامەنووسانی کوردستان