شێركۆ جه‌وده‌ت: گۆڕه‌پانى ئێمه‌ گۆڕه‌پانى ئۆپۆزیسیۆنه‌

خۆمان ئامادە کردووە بۆهەموو قوربانییەک

شێركۆ جه‌وده‌ت: گۆڕه‌پانى ئێمه‌ گۆڕه‌پانى ئۆپۆزیسیۆنه‌

480 خوێندراوەتەوە

دكتۆر شێركۆ جه‌وده‌ت ئه‌ندامى په‌رله‌مانى كوردستان، له‌م دیداره‌دا له‌گه‌ڵ "دیبلۆماتیك مه‌گه‌زین"، باسله‌ ئۆپۆزسیۆن بوونى یه‌كگرتووى ئیسلامى له‌ چوارساڵى داهاتوودا ده‌كات‌و ئاماژه‌ به‌وه‌ ده‌دت كه‌ مه‌یدانى ئه‌وان گۆڕه‌پانى ئۆپۆزیسیۆنه‌و ده‌شڵێت ئاماده‌ى هه‌موو قوربانیدانێكین.

 

 

 

 

،،

لەئەسڵدا ئێمە یەکەم حیزب بوين کە لەهەرێمی کوردستان بەرەوڕوی گەندەڵی بوینەوەو بارەگامان سوتێندراو سەرکردەمان شەهید کرا، گۆڕەپانی ئێمە گۆڕەپانی ئۆپۆزیسیۆنە

 

 

 دیبلۆماتیك: یەکگرتوی ئیسلامی لە دوای ئاشکراکردنی ئەنجامەکانی هەڵبژاردنەکان لەکۆبونەوەی سەرکردایەتی بریایدا ببێ بە ئۆپۆزیسیۆن، ئایە هۆکاری ئەم بڕیارە چی بوو؟

شێرکۆ جەودەت: چەند هۆکارێک هەیە، یەکەمیان هەر دەرئەنجامی ڕاستەقینەی هەڵبژاردنەکان ئەوەی پیشاندا کەزۆرینەی خەڵک ڕێژەیەکی زۆر بەرزی خەڵک بەژداری نەکرد لەهەڵبژاردن، کەئەوە نزیکەی زیاتر %٤٠بۆ%٥٠ ئەوانەی کەئەهلیەتی دەنگدانیان هەبوو لەهەرێمی کوردستان، هەر بڕوایان بەحکومڕانی‌و دیموکراسیەتی هەڵبژاردن نەبوو، بۆیه‌ بەشداریان نەکرد لەولاشەوە ئەوەی بەشداریشی کرد بڕێکی دەنگی بەئۆپۆزسیۆندا ئەوە ئێمەین نەوەی نوێیە لەبەر ئەوە دەکەوت کەزۆرینەی زۆری ئەوانەی ئەهلیەتی دەنگدانیان هەیە، ناڕازین‌و بەرەو ڕووی ئەم سیستەمە حکومڕانیە فاسیدە ئەبنەوە.

 وە کەمینەن کەئەوانەی کە لەگەڵ ئەم دەسەڵاتە فاسیدەن، لەبەر ئەوە ئێمە بڕیارماندا بچینە بەرەی ئۆپۆزسیۆن کەهەرخۆی لەئەسڵدا ئێمە یەکەم حیزب کە لەهەرێمی کوردستان بەرەڕوی گەندەڵی بوینەوەو بارەگامان سوتێندراو سەرکردەمان شەهید کرا، گۆڕەپانی ئێمە گۆڕەپانی ئۆپۆزیسیۆنە، دیفاعکردنە لە ستەملێکراوان ڕووبەڕوبەنەوەی گەندەڵییە بەشێوازێکی پیشەیی‌و بوێرانە.

 

،،

هەموومان باش دەزانین لەهەرێمی کوردستان کورسی پەڕلەمان ئەو ڕۆڵەی نیە، بەڵکو هێز ڕۆڵی هەیە، بۆیە ئەگەر ئۆپۆزیسیۆن زۆرینەی کورسیەکانی پەڕلەمانی ببێت هەر مەنتیقی هێز بەکار دەهێنن بۆیەکلاکردنەوەی کێشەکانى حکومەت

 

دیبلۆماتیك: یەکگرتووی ئیسلامی لەخوولی ڕابردوی پەڕلەمانی کوردستان ١٠ کورسی پەڕلەمانی هەبوو، بەڵام ئێستاکە ڕێژەی کورسیەکانی یەکگرتوو دابەزیوە بۆ ٥ کورسی ئایا بەم رێژە کەمە دەتوانن ببنە ئۆپۆزسیۆنێکی کارا؟

شێرکۆ جەودەت: جارێ مەسەلەی کورسیەکان تەعبیر نییە لەوەزنی حەقیقی، لەبەر ئه‌و گەندەڵی‌و تەزویرو ئەو ساختە کاریانەی کەکراوە، بەڵام بەرەی ئۆپۆزسیۆن بەرەیەکی گەورەیەو زۆرینەی زۆری خەڵکی کوردستانە، لەبەر ئەوە بەڵێ به‌ هەماهەنگی لایەنەکانی تر کەبەرەو ڕووی گەندەڵی دەبنەوە ئۆپۆزسیۆن دەبین، وە هەماهەنگی لەگەڵ زۆرینەی زۆری خەڵکی هەرێمی کوردستان کەناڕازین‌و بەرەوڕووی ئەم دەسەڵات دارێتەیە فاسیدەئەبن، بەڵێ ئەتوانین کاریگەریمان هەبێ، بەڵام کاری جدی‌و بەرنامەڕێژی‌و هەماهەنگی پێوویستە.  

 

دیبلۆماتیك: بەشێک پییانوایە کە ئۆپۆزیسیۆنی ئەمجارە لەپەڕلەمان ناکاریگەر دەبێ بەهۆی ئەوەی ئەم جارە کورسییەکانی لایەنەکانی ئۆپۆزسیۆن کەمە، لەم ڕوە سەرنجتان چییە؟

شێرکۆ جەودەت: هەموومان باش دەزانین لەهەرێمی کوردستان کورسی پەڕلەمان ئەو ڕۆڵەی نیە، بەڵکو هێز ڕۆڵی هەیە، بۆیە ئەگەر ئۆپۆزیسیۆن زۆرینەی کورسیەکانی پەڕلەمانی ببێت هەر مەنتیقی هێز بەکار دەهێنن بۆیەکلاکردنەوەی کێشەکانى حکومەت ل بۆیە ئێمە ئەوەی پێمان بکرێ ئەیکەین لەناوهۆڵی پەڕلەمان‌و خەباتی پەڕلەمانی، هاوتاش لەگەڵ ئەمە ڕێکارەکانیتر دەگرینە بەر، لە فشارە مەدەنیەکان‌و لەجوڵاندنی شەقام‌و تێگەیاندنی ڕایگشتی لەگەندەڵییەکان‌و سڵنەکردنەوە لەهەموو تەحەدیەکان، وە خۆمان ئامادە کردووە بۆهەموو قوربانییەک.

،،

قەیرانەکان ئەوانەی پەیوەندیان بەگەندەڵیەوە هەیە لەسێکتەرەکانی نەوت‌و گازو وەبەرهێنان‌و کەرتی تەندروستی‌و زەوى‌و زارو بوارە هەستیارەکانیتر، باوەڕناکەم بەزوویی چاکبێتەوە، قەیرانەکان جدین‌و ستراتیجین، زۆر مەترسیدارن

 

 دیبلۆماتیك: لە ئێستادا ئێوه‌و نه‌وه‌ى نوێ پێش وەختە ئۆپۆزیسیۆن بوونی خۆتان ڕاگەیاندوە، ئایە هیچ ڕێکەوتنێک یاخود لێکنزیکبوونەوە هەیە لەنێوانتان کە وەک دوولایەنی ئۆپۆزیسیۆن لەم چوارساڵەدا کاری هاوبەش بکەن؟

شێرکۆ جەودەت: بەڵی لەیەک نزیکبوونەوەمان هەیە وە پڕۆژەکانمان زۆر نزیکن لەیەکەوە، وە هەماهەنگی باشمان هەیە، ئەوەی کەپێوسیت بێ لەپاراستنی تایبەتمەندێتی هەردوولا بۆدروستکردنی بەرەیەکی ئۆپۆزیسیۆنی بەهێز هەرچیمان پێبکرێ دەیکەین.

دیبلۆماتیك: بەڕێزتان ئەندام پەڕلەمان بوون لەخولی پێشوتریش ‌و سەرۆکی لیژنەی سامانە سروشتییەکان بوون، بەبڕوای بەڕێزتان کیشەکانی هەرێم‌و بەغداد لەسەر پرسی نەوت‌و غاز لەم کابینە تازەیه‌ی حکومەتی هەرێم چارەسەردەبێ؟

شێرکۆ جەدەت: پێشبینی ئەوە دەکەم هه‌رێم نەوت تەسلیمی بەغداد بکاتەوە، وە قۆناغی داهاتوو قۆناغێکی هەماهەنگی دەبێ لەنێوانیاندا بۆکەرتی نەوت‌و گاز، بەڵام ئه‌وه‌ ئیشی وردو جدی دەوێت.

 

 دیبلۆماتیك: لە لێدوانێکتدا دەڵێیت، ئەگەر یەکگرتوو ئومیدی هەبوایە لەم حکومەتە ئۆپۆزیسیۆنی هەڵنەئەبژارد، کەواتە حکومەتی ئەمجارە حکومەتێکی چۆن دەبێ؟ ئایە دریژە پێدەری کابینەی پێشوتر دەبێ؟

 شێرکۆ جەودەت: خۆی ئێمە باسمان لەسیستەمەکەیە کەتێکچوەو شڵەژاوە، سیستەمێكی حکومڕانی ناسەروەری یاسای ئیحتیکارییه‌، کەمینە بڕیارو دەسەڵاتداره‌، ئەم شڵەژاویەش مێژووی هەیە، ڕەگوڕیشەی هەیەو بەگۆڕینی ناوێک بۆناوێکیتر یان لایەنێک بۆلایەنێکی تر چارەسەر نابێ‌و وەدەسەڵاتدارێتی مه‌نزومەیەکی فاسیدی شڵەژاوه‌، لەبەر ئەوە ئومێدمان پێی نەماوە، دەسەڵاتدارێک نەیواتنی تاوان بارێک بەکوشتنی خۆپیشاندەران لەسەر شەقام سزابدات، دەسەڵاتێک دەرەقەتی بەرپرسێک نەیەت کەگەندەڵی دەکات، ئیتر دەبێ ئەمە ئومێدی چیت پێی ببێ، پێموایە قەیرانەکان ئەوانەی پەیوەندیان بەگەندەڵیەوە هەیە لەسێکتەرەکانی نەوت‌و گازو وەبەرهێنان‌و کەرتی تەندروستی‌و زەوى‌و زارو بوارە هەستیارەکانیتر، باوەڕناکەم بەزوویی چاکبێتەوە، قەیرانەکان جدین‌و ستراتیجین، زۆر مەترسیدارن، ئەمە پێوویستی بەهەڵمەتێکی گشتی‌و نیشتیمانی هەیە. 

 

author photo

ڕۆژنامەنوس