گۆڕان لەكوێ دەتوێتەوە؟    لەسەر شەقام یان دەسەڵات؟

پارتی بۆ دژایەتی یەكێتی حەز دەكات گۆران بەشداری بكات و گۆرانیش لە رقی یەكێتی دەیەوێت بچێتە حكومەت.

گۆڕان لەكوێ دەتوێتەوە؟ لەسەر شەقام یان دەسەڵات؟

763 خوێندراوەتەوە

  

"ئەگەر گۆران نەچێتە نێو كابینەی نوێی حكومەتی هەرێمی كوردستان ئیدی لەدەرەوە دەتوێتەوە و یەكێتی لە گردەكە تەنگی پێ هەڵدەچنێت و لە ژێر بارێكی دارایی قورسدا دەیچەوسێنێتەوە و حەقی دە ساڵی رابردووی لێ دەسێنێت".

 
ئەمە ئەو پاساوە سەرەكیەیە كە بڕیاربەدەستانی بزوتنەوەی گۆڕان و بەدرووستی ئەوانەی لەنێو گۆران مەیلی بەشداری حكومەتیان هەیە، رۆژانە دەیدەن بەگوێی رای گشتیدا، تاكو شەرعیەت بدەن بەو بەشدارییەی كە لە كابینەی نوێدا دەیكەن.

 

 

،،

پاساوی بزوتنەوەی گۆڕان بۆچونە ناو حكومەت ئەگەر لەبەرئەوەبێت لە دەرەوەی حكەمەت ناتوانن بمێننەوە و گوایە یەكێتی تەنگیان پێهەڵدەچنێت، ئەگەر لەبنەمادا راستیش بێت خاڵە لاوازەكانی زۆرترن تاكو خاڵی بەهێز.

 

 

سەردانیكردنی وەفدی پارتی بۆ لای گۆران

 

 

هەر بزوتنەوەیەكی سیاسی لەسەر بنەمای بەرژەوەندی و بنەما فیكری و سیاسیەكانی خۆی هەنگاوەكانی كاری داهاتوی خۆی دیاری دەكات. بەڵام دەبێت ئاگاداری ئەوەبێت كە بەرژەوەندییە هەنوكەیەكانی بەر بنەما فیكری و سیاسیەكانی نەكەون. چونكە ئەوكاتە دەیكاتە هەنگاوێكی هەڵە و بەرژەوەندیخوازانە كە ناتوانرێن پاساوی فیكری و سیاسی بۆ بهێنرێتەوە.

 

لە راستیدا پاساوی بزوتنەوەی گۆڕان بۆچونە ناو حكومەت ئەگەر لەبەرئەوەبێت لە دەرەوەی حكەمەت ناتوانن بمێننەوە و گوایە یەكێتی تەنگیان پێهەڵدەچنێت، ئەگەر لەبنەمادا راستیش بێت خاڵە لاوازەكانی زۆرترن تاكو خاڵی بەهێز، چونكە سەرچاوەی بیانووەكە سەرچاوەیەكی لەرزۆك و سازشكەرانەیە، واتە لەسەر بنەمای بەهێزكردنی گۆران دانەڕێژراوە بەڵكو لەسەر بنەمایەكی ناچاری و بێ دەسەڵاتی داڕێژراوە كە نزیكی پارتیت پێ باشتر بێت لە ئۆپۆزیسیۆن بوون.

 

،،

كەواتە لەسەر ئەم بنەمایە گۆران لەنزیكی شەقام و دەنگی نارازی خەڵك و ئۆپۆزیسیۆن بوون گەشە دەكات و بەپێچەوانەشەوە لە نزیكی دەسەڵات دەتوێتەوە.

 

 

سەرەتا كە گۆران درووست دەبێت لەلایەن نەوشیروان موستەفاوە وەك بزووتنەوەیەكی جەماوەری ، ئاوازەكانی لەگەڵ شەقام زۆرتر سازگارە تاكو لەگەڵ دەسەڵات و پۆست و پلە.
كەواتە لەسەر ئەم بنەمایە گۆران لەنزیكی شەقام و دەنگی نارازی خەڵك و ئۆپۆزیسیۆن بوون گەشە دەكات و بەپێچەوانەشەوە لە نزیكی دەسەڵات دەتوێتەوە.

ئەمرۆ كە قۆناغێكی دیكە هاتۆتە ئاراوە و بزووتنەوەكە ئەوەی پێ باشە كە لەگەڵ پارتی رێك بكەوێت بابەتێكی سیاسی نۆرماڵە، وەك لە كۆبوونەوەكەی ئەمرۆی هەولێریاندا لەگەڵ پارتی ئەوە دەردەكەوێت.

 

كۆبوونەوەی ئەمرۆی هەردوو وەفدی پارتی و گۆران

 

 

،،

ئایا دەكرێت بزووتنەوەیەك كە لەسەر بنەمای دەنگی نارازی جەماوەر درووست بووبێت بەڵام ئێستە لە دەنگی جەماوەر و نزیكی جەماوەر بترسێت؟

 

 


بەڵام نائاسایی بوونی ئەم بابەتە لەوێوە دەست پێدەكات كە توانەوەی بزووتنەوەیەكی جەماوەری ببەستیتەوە بە نزیكی و دووری لەدەسەڵات.

دەكرێت دووری لەدەسەڵات لەرووی مادییەوە رووبەرووی قەیرانت بكاتەوە، بەڵام پاڵپشتی جەماوەری لەدەست نادەیت، بەپێچەوانەشەوە راستە.

ئایا دەكرێت بزووتنەوەیەك كە لەسەر بنەمای دەنگی نارازی جەماوەر درووست بووبێت بەڵام ئێستە لە دەنگی جەماوەر و نزیكی جەماوەر بترسێت؟


مەگەر سەردەم هەر ئەو سەردەمە نییە كە هێشتا داوا رەواكانی هاوڵاتیان نەگەشتووە بە گوێی دەسەڵاتداران و یەكێكیان دەوێت كە دەسەڵاتیان بۆ ئاگادار بكاتەوە، ئیدی بەچ بەڵگەیەك وابزانین كە گۆران لەنێو دەسەڵات دەتوانێ ئەم كارە بكات.!

لەكۆبوونەوەكەی ئەمرۆی هەولێری پارتی و گۆران باس لەوە كراوە كە گۆران پرۆژەیەكی هەیە بۆ پارتی كە لەكابینەی نوێ لە خزمەتی هاوڵاتیاندا جێ بەجێ بكرێت.

بەڵام ئەمەش وەك بیانویەكە و تەنها بۆ شەرعیەتدانە بۆ بەشداری كردن لە حكومەتەكەی پارتی، گەرنا كاتێك گۆران بە 25 كورسی و بەسەرۆكی پەرلەمان و چەند وەزیرێكەوە لە كابینەی پێشوو دەنگی كپ كرا، ئیدی چۆن دەتوانێ لەم خولەدا بە نیو هێندەی جاری پێشوویەوە شتێك بۆ خۆی و بۆ خەڵكیش بكات. هەروەها پارتی ئەگەر بیەوێت شتێك بكا بۆ خەڵك ئایا پێویستی بەوەیە گۆڕان پێی بڵێت؟

،،

بەشداریكردنێك لە حكومەت بەم شێوەیە بێت كە دەسەڵات مەرجت بۆ دابنێت، ئیدی چ ئومێدێكی بۆ گۆران تێدایە كە حاڵی لە ئێستای باشتر بكات.

 

 

كەواتە پێشبینیەكان وادەرناكەون كە گۆران بتوانێ دەستكراوە بێت و لەگەڵ دەنگی شەقامدا بجوڵێتەوە، ئەمەش هەر لەسەرەتاوە لە مەرجەكانی پارتیدا دەردەكەوێت كە بۆ گۆرانی داناون لە كابینەی نوێدا،كە نابێت ئەندام پەرلەمانەكانی لەپەرلەمان بە ویستی خۆیان دژی حكومەت قسە بكەن و وەزیرەكانیش كەی بیانەوێت بكشێنەوە.

 

 

 

بەشداریكردنێك لە حكومەت بەم شێوەیە بێت كە دەسەڵات مەرجت بۆ دابنێت، ئیدی چ ئومێدێكی بۆ گۆران تێدایە كە حاڵی لە ئێستای باشتر بكات.
بەپێچەوانەوە، پارتی بۆ دژایەتی یەكێتی حەز دەكات گۆران بەشداری بكات و گۆرانیش لە رقی یەكێتی دەیەوێت بچێتە حكومەت، ئیدی خەونی هاوڵاتی و شەقام لەكوێدا جێی دەبێتەوە كە سەرچاوەی سەرەكی بزووتنەوەكەی نەوشیروان موستەفا بوون.

 

كەواتە چوار ساڵی دابێ، گۆران بە چارەسەركردنێكی موسەكین بۆ ماوەیەكی كاتی برینەكانی سارێژ دەكرێن، بەڵام پێ ناچێت دوای ئەوە ئیدی نە دەسەڵات كاری بە گۆران بمێنێت و نە هاوڵاتیش متمانەی پێ بمێنێت، بۆیە چاوەڕێ‌ دەكرێت ئەگەرەكانی تواندنەوەی گۆران لێرەوە دەست پێ بكات.

 

author photo

ماسته‌ر له‌ زانسته‌ رامیارییه‌كان

ئه‌ندامى كاراى سه‌ندیكاى ڕۆژنامەنووسانی کوردستان