ئەزهەر ، هۆشداری توند لەبارەی پۆبجییەوە ڕادەگەیەنێت

ئەزهەر، یاریەكە كوشندەیەو بەكارهێنەر بەرەو توندوتیژی دەبات

ئەزهەر ، هۆشداری توند لەبارەی پۆبجییەوە ڕادەگەیەنێت

718 خوێندراوەتەوە

 عەلی ڕەشید

 
دوای ئەوەی خوێندكارێك لەزانكۆی ئەسكەندەریە لەوڵاتی میسر بەهۆی بەكارهێنانی یاری پۆبجیەوە تاوانی كوشتن ئەنجامدەدات، بەشی فەتوا لەزانكۆی ئەزهەری میسر هۆشداری توند لەبارەی یاریەكەوە بڵاو دەكاتەوە و بە كوشندەو هاندەر بۆ تاوان و خراپەكاری ناوی دەبات.

 
لەهۆشداریەكەی ئەزهەردا ئاماژە بەوەشدراوە كە ئەم یاریە هۆشی گەنجان ئەبات‌و وایانلێدەكات لەژیانە كۆمەڵایەتییە ڕاستەكەی خۆیان دایان دەبڕێت، ئەمەش سەرئەنجامی خراپی لێدەكەوێتەوە.

 
لەهۆشداریەكەی ئەزهەردا باس لەوەشكراوە ئەم یاریە لەسەرتاوە ئاسانە لەڕووی بەكارهێنانەوە، بەڵام بەداخەوە لەئەنجامدا بەكارهێنەر تووشی گرفتی دەرونی دەبێت‌و دەبێتە پاڵنەری كوشتن‌و گیانی تۆڵەسەندنەوە و ڕق لای بەكارهێنەر تۆخدەكاتەوە، لەبەرئەوەی سروشتی یاریەكە داخوازی ئەوە دەكات ململانێ بكرێت لەپێناوی مانەوەدا.

 

 
لیژنەی بەدواداچون لەمەڵبەندی فەتوای ئەزهەر دوای لێكۆڵینەوە لەتۆڕە كۆمەڵایەتیەكان ، وە ئەو دەرهاویشتانەی لەیاری پۆبجی‌و هاوشێوەكانیەوە بیستراوو بینراون، باس لەكوشتنی كەسێك یان چەند كەسێك كراوە، ئەم كوشتن و خۆكوشتنانەش بە ڕاستەوخۆ خوای گەورە لەقورئاندا قەدەغەی كردوە وەك دەفەرموێت (..ۆڵا تُلْقُوا بِأَیْدِیكُمْ إِڵی التَّهْلُكَەِ...) واتە:(بەدەستی خۆتان خۆتان مەخەنە ناو شتێك كەلەناوتان دەبات)، وەهەروەها دەفەرموێت: (ۆڵا تَقْتُلُوا النَّفْسَ الَّتِی حَرَّمَ اللَّهُ إِلَّا بِالْحَقِّ). واتە: (هیچ كەسێك بەناهەق مەكوژن).

 


لەنێو ڕاگەیاندنەكەی لیژنەی فەتوای ئەزهەردا داوایەك ئاراستەی مامۆستایان و بانگخوازانی ئاینیش كراوە بەبڵاوكردنەوەی وشیاری لەبارەی ترسناكی ئەم یارییەو هەروەها حەرامبونی لەبەر ئەو ترسناكیەی بۆ كۆمەڵگەو تاك هەیەتی، وەك لیژنەكە ئاماژەی پێداوە.
هەروەها داوش لەدەزگا ئەمنیەكان‌و لایەنە بەرپرسەكانیش كراوە هەستن بە قەدەغەكردنی یاریەكە لەهەرشوێنێك ئەتوانن پێی ڕابگەن.

 
لە كۆتایی مانگی یانزەی ڕابردو وەزارەتی ناوخۆی میسرەوە بەیاننامەیەكی بڵاوكردەوە تێیدا ئاماژەی بەوە دابوو كەخوێندكارێك بەچەقۆ هێرش دەكاتە سەر مامۆستاكە پەنجاو یەك ساڵانەكەی و لەشوقەكەی خۆیدا دەیكوژێت، دوای ئەوەی خوێندكارە شانزە ساڵانەكە لەلایەن پۆلیسەوە دەستگیر دەكرێت دانی بەتاوانەكەدا ناوەو ئاماژەی بۆئەوەش كردووە ئەم كردارەی بەهۆی سەیركردنی یاریە ئەلەكترۆنیەكانەوە بووە كەهانی داوە بۆ كوشتن و ئەویش ئەم كارەی ئەنجام داوە.

 
شیاوی ئاماژە بۆ كردنە لیژنەی فەتوای لقی سلێمانی یەكیتی زانایانی ئیسلامی كوردستان دوای ئاراستەكردنی پرسیار لەبارەی ئەو یاریەو هاوشێوەكانی فەتوای حەرامبونی یاریەكەی دەركرد و كاردانەوەی جیاوازی بەدوای خۆیدا هێناو زۆرێك لەبەكارهێنەرانی ئەو یاریە (پۆبجی) ڕەخنەیان لە فەتواكە گرت، بەڵام زۆری نەخایاند دوای فەتواكە لەلایەن یەكێك لەبەكارهێنەرانی ئەو یاریەوە بەهەڵە هاوڕێیەكی خۆی دەكوژێت.

 

author photo

ماستەر لە زمانی عەرەبی