كۆمەڵی ئیسلامی، نایەوێت   لەدەرەوەی دەسەڵات گورگانخواردوو بكرێت

"حزبەكەشمان قەدەغە بكەن، حزبێكی دیكە درووست دەكەین"

كۆمەڵی ئیسلامی، نایەوێت لەدەرەوەی دەسەڵات گورگانخواردوو بكرێت

724 خوێندراوەتەوە

 پێ دەچێت كۆمەڵ زۆر زیرەكانە لەو پلانەی پارتی تێ گەشتبێت، كە دەیەوێت بە ئاوتكردنیان لە حكومەت لە چوار ساڵی داهاتوو، دەسەڵات دەستكراوە بكات و بەناوی درووستكردنی مەلەفی تیرۆرو چەندین كێشەی دیكە، سەرئێشەیان بۆ بێنێتە پێش.



كۆمەڵی ئیسلامی یەكێك بوو لە سوپرایزەكانی هەڵبژاردنی 30ی ئەیلول، توانی ژمارەی كورسییەكانی بەرز بكاتەوە ئەمە لەكاتێكدا حزبە ئیسلامییەكانی دیكەی هاورێی ژمارەی كورسییەكانیان كەمی كرد.

 

،،

كۆمەڵی ئیسلامی زۆر نزیكە باجی ئەو پشتكردنەی لە ریفراندۆم بدات كە بارزانی باوك تیایدا بە عەرابی كارەكە دادەنرا.

 

لۆگۆی رەسمی كۆمەڵی ئیسلامی

 

 

پێ ناچێت وا بەئاسانی كۆمەڵ بتوانێت سفتاح لە زۆری ژمارەی كورسییەكانی بكات، چونكە لای دەسەڵات بەتایبەت پارتی دەمووچاوێكی ئێسك قورسە و حەزی بەچارەی نییە.

 

پارتی و بەتایبەت بارزانی بۆ رقیان لە كۆمەڵ كەوتووە؟
هەرچەندە دەرگای كۆمەڵ دانەخراوە و كراوەیە بەرووی پارتیدا، تاكو سەردانیان بكات و قسەو باس بكەن لەبارەی پێكهێنانی كابینەی نوێی حكومەت، بەڵام پارتی (بەتایبەت خودی بارزانی) تورەیە لە كۆمەڵی ئیسلامی و پێ ناچێت وا بەئاسانی قبوڵیان بكات.


كۆمەڵی ئیسلامی زۆر نزیكە باجی ئەو پشتكردنەی لە ریفراندۆم بدات كە بارزانی باوك تیایدا بە عەرابی كارەكە دادەنرا.

 

،،

ترسی ئەمجارەی كۆمەڵ ترسێكی مەعنەوییەو پەیوەندی بە چارەنووسی حزبەكەوە هەیە كە ئەگەر بە حەكیمانە مامەڵە نەكات بەرەو ئاقارێكی مەترسیدار دەروات، بۆیە باش لە فیكەی دەسەڵات تێ‌ گەشتووە كە دەیەوێت لەدەرەوەی حكومەت، تەنگی پێ هەڵچنێت و تا قۆناغی داخستنی حزبەكەش بروات.

 

 
كۆمەڵ، لەچی دەترسێت.؟

هەرچەندە وا باس دەكرێت شین و شەپۆری ئەو حزبانەی كە دەیانەوێت بچنە كابینەی نوێی حكومەت تەنها بۆ لایەنی مادی بێت، و دەیانەوێت لە رێگەی مادەوە خۆیان رابگرن و لە دەرەوەی دەسەڵات، قەیرانی دارایی نەیانتوێنێتەوە.


بەڵام ئەم قسە بۆ كۆمەڵی ئیسلامی پێ ناچێت كت و مت راست بێت، چونكە كۆمەڵ حزبێكی ئیسلامییە و لەكۆمەڵگادا باكگراوندێكی ئیسلامی و عاتیفی هەیەو لەناچاریدا دەتوانێ پەنا بۆ رێكخراوی خەیری و زانایانی ئایینی ببات تاكو هەرچییەكی كردووە ئەم چوار ساڵەش بەرێی بكات.

 

بەڵام ترسی ئەمجارەی كۆمەڵ ترسێكی مەعنەوییەو پەیوەندی بە چارەنووسی حزبەكەوە هەیە كە ئەگەر بە حەكیمانە مامەڵە نەكات بەرەو ئاقارێكی مەترسیدار دەروات، بۆیە باش لە فیكەی دەسەڵات تێ‌ گەشتووە كە دەیەوێت لەدەرەوەی حكومەت، تەنگی پێ هەڵچنێت و تا قۆناغی داخستنی حزبەكەش بروات.

 

 

 

"درووستكردنی مەلەفی تیرۆر بۆ سەركردەكانی كۆمەڵ"
پارتی بەئاسانی دەتوانێ مەلەفی تیرۆر بۆ كۆمەڵی ئیسلامی دروست بكات، بەبیانووی ئەوەی گوایا كۆمەڵ لە هەناوی حزبێكی جیهادییەوە سەرچاوە دەگرێت و بۆ چەند ساڵێكیش خاوەنی هێزی سەربازی و چەك و تەقەمەنی تایبەت بەخۆی بووە.


هەر بۆیە لەماوەی رابردووشدا لە زۆنی زەرد پارتی ئەم پلانەی جێ بەجێكردووەو هەندێ لە ئەندام و سەركردەكانی كۆمەڵی بە بیانووی تێوەگلان لەكاری تیرۆرستییەوە رەوانەی دادگا كردووە، دواین سەركردەشیان تۆمەتباركردنی سەلیم شوشكەیی بوو كە كادرێكی دیاری كۆمەڵی ئیسلامییە لە هەولێر.

،،

ئەگەر لە حكومەتدا بەشدار بن و خاوەنی چەند وەزیرو پۆستێك بن ئەوا دەسەڵات بە ئاسانی دەستی تێیان ناچێت و ناتوانێ دژی حزبێك كار بكات كە لە حكومەتدا لەرووی یاساییەوە بەشدارە، ئەو كاتە وەك حزبی دەوڵەت سەیر دەكرێن.

 

 

هەربۆیە سەركردەكانی كۆمەڵ بیر لەمە دەكەنەوە كە رۆژێك دەسەڵات (پارتی) بیەوێت حەقی چەند ساڵی رابردووی دژایەتی دەسەڵاتیان لێ بكاتەوە و بە هێزو بە یاسا رەوانەی دادگایان بكات، سەرقاڵی دەیان مەلەفی تیرۆرو گەندەڵیان دەكات.


بەڵام ئەگەر لە حكومەتدا بەشدار بن و خاوەنی چەند وەزیرو پۆستێك بن ئەوا دەسەڵات بە ئاسانی دەستی تێیان ناچێت و ناتوانێ دژی حزبێك كار بكات كە لە حكومەتدا لەرووی یاساییەوە بەشدارە، ئەو كاتە وەك حزبی دەوڵەت سەیر دەكرێن.

 

سەركردەكانی كۆمەڵ هەندێ كات، ئەم ترسەیان لەدەسەڵات بۆ كەناڵەكانی راگەیاندن باس كردووە، هەر بۆ نموونە لە چاوپێكەوتنێكدا لەگەڵ دیپلۆماتیك مەگەزین زانا رۆستایی سەركردەی دیاری كۆمەڵ لە هەولێر گووتویەتی: " ئەگەر دەسەڵات بەردەوام بێت لە دژایەتیكردنی كۆمەڵ و ئەنداممان رەوانەی دادگا بكات و تەنانەت حزبەكەشمان دا بخات، ئێمە ناترسین و بەردەوام دەبین و حزبێكی دیكە درووست دەكەین".

 

عەلی باپیر لەگەڵ مەسعود بارزانی

 

،،

كۆمەڵ هێندەش بێكەس نییە و لەناچاریدا ئەو وڵاتانەی پەیوەندی دۆستانەی هەیە لەگەڵیان بەتایبەت ئێران، لەرێگەی یەكێتی نیشتمانییەوە دەیانهێنێتە سەر خەت و پارتی ناچار دەكەن كۆمەڵ وەر بگرێت لە حكومەت.

 

 

پارتی چاوی بەرایی نایە بە هەڵكشانی كۆمەڵ
كۆمەڵی ئیسلامی لە هەرچی دەرگای چوونە ناو ژوورەكانی حكومەت دەدات تاكو لەدەرەوەی بینای دەسەڵات گورگانخواردوو نەكرێت.


ئەم رقەی پارتیش لە كۆمەڵ لە خودی بارزانییەوە سەرچاوە دەگرێت، و پێ دەچێت بە داخستنی بارەگاكانیان لە هەندی شوێن و راگرتنی كاری هەندێ رێكخراو زانای ئاینیان و سەرقاڵكردنیان بە دادگاو یاسا، كاری كۆمەڵ قورستر بكات.

 

بەڵام لەگەڵ هەموو ئەمانەشدا دەتوانین لەكۆتایدا ئەوە بڵێین كۆمەڵ هێندەش بێكەس نەبێت و لەناچاریدا ئەو وڵاتانەی پەیوەندی دۆستانەی هەیە لەگەڵیان بەتایبەت ئێران، لەرێگەی یەكێتی نیشتمانییەوە بیانهێنێتە سەر خەت و پارتی ناچار بكەن كۆمەڵ وەر بگرێت لە حكومەت.

 

نابێت ئەوەش لەبەرچاو نەگرین ئایا كەلەرەقی پارتی و بەتایبەت مەسرور بارزانی (كاندید بۆ سەرۆكی حكومەت) بەرانبەر كۆمەڵً نەرم دەبێت و بەگوێی ناوبژیوانانی ناوخۆیی دەرەكی دەكەن.

 

كۆمەڵی ئیسلامی ساڵی 2001 و دوای كۆنگرەی تەوێڵەی یەكبوونی ئیسلامی، لەسەردەستی عەلی باپیرو چەند هاورێیەكی دیكەی لەناوچەكانی هەڵەبجەو هەورامان دامەزراوە و لە ئێستادا خاوەنی 7 كورسی پەرلەمانییە.

 

author photo

ماسته‌ر له‌ زانسته‌ رامیارییه‌كان

ئه‌ندامى كاراى سه‌ندیكاى ڕۆژنامەنووسانی کوردستان