خدر كۆساری، شێركۆ بێكەسی ئیسلامییەكان

ئەو شیعرەی لەناوبرد كە بۆ مەلا كرێكاری خوێندەوە

خدر كۆساری، شێركۆ بێكەسی ئیسلامییەكان

2692 خوێندراوەتەوە


دلێر عەبدوڵڵا

خدر كۆساری، ناوی تەواوی (خدر محەمەد رەشید)ەو لەساڵی 1967 لە رانیەی دەروازەی راپەڕین لەدایك بووە. ساڵی 1987 ژیانی هاوسەری پێكهێناوەو كوڕو كچێكی هەیە بەناوەكانی (شەیداو بەنان)

 
خدر كۆساری، ئەو شاعیرە گەنجەی كە لەناو ئیسلامییەكاندا بە شێركۆ بێكەس دەچوێنرێت، یەكێك لەو شیعرانەی خۆی لەناوبردووە كە بۆ مەلا كرێكاری خوێندووەتەوە،

بەپێی زانیارییەكانی دیپلۆماتیك مەگەزین، ئەو شیعرە بۆ مەلا عەلی جێگری رابەری ئەوكاتەی بزووتنەوەی ئیسلامی نوسراوە، بەڵام بەهۆی هاندانی یەكێك لەهاوڕێكانی لەنوسین و خوێندنەوەی ئەو شیعرە پەشیمان بووەتەوە، بۆیە بریاریداوە لەناوی بەرێت و لەدیوانەكەشیدا چاپ نەكراوە.

 

 

،،

ناكۆكی و كوتلەكارییەكانی ناو بزووتنەوەی ئیسلامی، كاریگەری لەسەر تێڕوانینە شیعرییەكانی كۆساری دروست كردووەو ناوبراو وەك هەر شاعیرێكی تری حزبی،گیرۆدەی دەستی ناكۆییەكانی حزبەكەی بووە

 

ئەمڕۆ 25 ساڵ تێدەپەڕێت بەسەر تیرۆركردنی شاعیرێكی گەنج و دەركەوتو لەناو ریزەكانی بزووتنەوەی ئیسلامیدا، ئەو شاعیرەش خدر كۆسارییە كە لەناو هێزە ئیسلامییەكاندا بە شێركۆ بێكەس دەچوێنرێت، بەو پێیەی هاوشێوەی ئەو شاعیرە دیارەی كوردستان، تازەگەری لە شیعردا پەیڕەو كردووەو تاڕادەیەكی زۆریش جوڵەو شێوازی خوێندنەوەیان لەیەكترییەوە نزیك بون.

خدر كۆساری، ناوی تەواوی (خدر محەمەد رەشید)ەو لەساڵی 1967 لە رانیەی دەروازەی راپەڕین لەدایك بووە. ساڵی 1987 ژیانی هاوسەری پێكهێناوەو كوڕو كچێكی هەیە بەناوەكانی (شەیداو بەنان).

لەناو ریزەكانی بزوتنەوەی ئیسلامیدا كاری كردووەو پێشمەرگەیەكی ناو هێزەكانی ئەو حزبە بووە، لەسەرەتای هەڵگیرسانی شەڕی ناوخۆی حزبە سیاسییەكانی باشووری كوردستان و لەبەرواری 27/12/1993 پاش بەدیلگرتنی لەلایەن چەند چەكدارێكی یەكێتی نیشتمانی كوردستانەوە، كوژراو كۆتایی بەدەنگ و سەدا شیعرییەكەی هێنرا.

ئەو شاعیرە ئیسلامییە،شیعرەكانی دەرهاویشتەی ئەو قۆناغ و دۆخە سەختەیە كە لەناوەڕاستی نەوەدەكانی سەدەی رابردودا حزبە سیاسییەكانی كوردستانی پێدا تێدەپەڕی. كە شەڕو كوشتارو سڕینەوەی یەكدی بووە ناسنامەی هەموو هێزەكان، هەربۆیە وەك شاعیرێكی توندئاژۆ دەركەوتووەو بەشێكی زۆری شیعرەكانی توڕەیی تێدا دەبینرێت. توڕەیی لەو هێزو گروپانەی كە بەتێگەیشتنی ئەو مەترسی بوون بۆ ئەوساو داهاتوی دین و حزبەكەی خۆی.

هەروەها ناكۆكی و كوتلەكارییەكانی ناو بزووتنەوەی ئیسلامی، كاریگەری لەسەر تێڕوانینە شیعرییەكانی كۆساری دروست كردووەو ناوبراو وەك هەر شاعیرێكی تری حزبی،گیرۆدەی دەستی ناكۆییەكانی حزبەكەی بووە. بەجۆرێك لۆمەو توانجی هەندێك لەباڵەكان وای لێكردووە لەنوسینی هەندێ‌ شیعری پاشگەزبێتەوە، بەنمونە شیعری (مامۆستا) كە ئەو شاعیرە بۆ سەركردەی دوو باڵی ناو بزووتنەوەی خوێندووتەوە.

 

،،

كۆساری، كە خۆشەویستییەكی زۆری بۆ بزووتنەوەو رێبازی ئەو حزبە هەبووە، شیعرەكانی هەڵقوڵاوی ئەو بیروباوەڕە بووە كە ناوبراو پەیڕەوی كردووە. هەندێك جاریش خۆشەویستی بۆ سەركردەكانی حزبەكەی هانیداوە شیعر بە باڵایاندا بنوسێت

 

ئومێد محەمەد، هاوڕێی ژیانی كۆساری، لەلێدوانێكیدا بۆ دیپلۆماتیك مەگەزین لەبارەی كۆسارییەوە دەڵێت: "كۆساری تەنها شاعیرێك نەبو، ئەو كەسێكی زۆر پاك و دڵسۆزو بڕوادار بوو، هەروەها لەسەر رێبازی سەلەفییەت بوو. دەركەوتنی كۆساری تەنها بۆ شیعرەكانی ناگەڕێتەوە، بەڵكو بۆ ئەو عەقیدەو بیروباوەڕە دەگەڕێتەوە كە بووبووە مەبدەئو رێبازی ئەو.

كۆساری، كە خۆشەویستییەكی زۆری بۆ بزووتنەوەو رێبازی ئەو حزبە هەبووە، شیعرەكانی هەڵقوڵاوی ئەو بیروباوەڕە بووە كە ناوبراو پەیڕەوی كردووە. هەندێك جاریش خۆشەویستی بۆ سەركردەكانی حزبەكەی هانیداوە شیعر بە باڵایاندا بنوسێت، بەتایبەت ئەو شیعرەی بەناوی (مامۆستا) كە لەكاتی گەڕانەوەی ناوبراو لەنەرویجەوە بۆی خوێندەوە.

خوێندنەوەی ئەو شیعرە لەلایەن كۆسارییەوە، بووەتە مایەی رەخنە لێگرتنی، هەروەك ئەوەی ئومێد محەمەدە دەڵێت: "كاتێك كە شیعرەكەی بۆ مامۆستا كرێكار خوێندەوە، من لۆمەم كرد. پێموت كە تۆ دەبێت شیعرەكانت بۆ ئیسلام بێت نەك كەسایەتییەكانی ناو حزبەكان. نابێت چاو لەشاعیرەكانی تر بكەیت و شیعر بە باڵای سەركردەكاندا بڵێیت، بۆیە ئەویش هەستی بە پەشیمانی كردو بریاریدا ئەو شیعرە لەناوبەرێت. بەڵام نازانم چۆن ئەو ڤیدیۆیە دزەی كردو بڵاوكرایەوە كە تێیدا كۆساری دەركەوتووە شیعرەكە بۆ مامۆستا كرێكار دەخوێنێتەوە.

 

 

لەلایەكی ترەوەو بەپێی زانیارییەكانی دیپلۆماتیك مەگەزین، كۆساری ئەو شیعرەی بۆ مەلا عەلی جێگری رابەری گشتی ئەوكاتی بزوتنەوەی ئیسلامی نوسیوەو لەبۆنەیەكیشدا بۆ ئەوی خوێندووەتەوە، هەروەك ئەوەی ئەحسەن حەسەن، رۆژنامەنوسی ناو بزوتنەوەی ئیسلامی و خاوەن و پارێزەری ئەرشیفەكانی ئەو حزبە بە دیپلۆماتیكی وت: "وەك بزانم كۆساری ئەو شیعرەی بۆ مامۆستا مەلا عەلی نوسیوەو لە سێ بۆنەی جیادا خوێندویەتییەوە."

كۆساری كە ماڵی لەرانیە بووە، دوای گیرانی سەركردایەتی بزووتنەوەی ئیسلامی و بریاری چۆڵكردنی بنكەو بارەگاكانی ئەو حزبە، ئەویش وەك هاوڕێ و هاوسەنگەرانی لەبەر ئەو بارۆدخە سەختەو مەترسییەكانی تۆڵە سەندنەوەو گرتن و راوەدونان بەناچاری مشوری خۆدەربازكردن دەخوا. لەدوای نیوەڕۆی رۆژی 26ی كانونی یەكەمی ساڵی 1993 لەگەڵ دوو هاوڕێیدا دەچێتە گوندی (رەسواجیان)ی ناوچەی پشدەرەڕەقەی سەربە ناحیەی ناودەشت. لەماڵی یەكێك لەدانیشتوانی ئەو گوندە خۆی حەشار ئەدات. لەنیوەڕۆی رۆژی دواتر هێزێكی یەكێتی نیشتمانی دەچێتە ناو گوندەكەو كۆساری دەستگیر دەكەن، بەڵام ناوبراو هەوڵی دەربازبوون ئەدات، بەڵام لەلایەن هێزەكەی یەكێـتیەوە تەقەی لێدەكرێت و دەكوژرێت.

 

author photo

ڕۆژنامەنووس