ئاسایشی سلێمانی، فرۆشتنی كتێبی ئۆجەلان، قەدەغە دەكات

"یەكێتی سەد ئەوەنەی تر بۆ توركیا بكات، توركیا هیچیان بۆ ناكات"

ئاسایشی سلێمانی، فرۆشتنی كتێبی ئۆجەلان، قەدەغە دەكات

589 خوێندراوەتەوە

 وا باس دەكرێت، یەكێتی بەردەوامە لە جێ بەجێكردنی داواكارییەكانی توركیا بۆ ئەوەی گەشتە ئاسمانییەكانی بەروودا بكاتەوە، چونكە دوای داخستنی بارەگاكانی تەڤگەری ئازادی لە سلێمانی ئەمرۆش فرۆشتنی كتێبەكانی ئۆج ئالان قەدەغە دەكات.

 

بە وتەی د.فائیق گوڵپی شرۆڤەكاری سیاسی و نزیك لە فكری پەكەكە، ئێوارەی ئەمرۆ لەبەردەم باخی گشتی سێ گەنجی رێكخراوی وڵاتپارێزی كوردستان كە سەر بە پەكەكەن لەلایەن ئاسایشەوە دەستگیرا كران و تا ئێستاش دیار نین.

 

،،

 چۆن لە ئەنقەرە و لە مەریوان و سنە كتێبەكانی ئۆج ئالان قەدەغە دەكرێن ئاواش لە سلێمانی ئەمرۆ كتێبەكانی ناوبراو قەدەغە كراون.

 

فائیق گوڵپی

 

 

لەمبارەوە فائق گوڵپی بۆ دیپلۆماتیك مەگەزین دواو گوتی:" یەكێتی ئیشێكی زۆر خراپ دەكات، چونكە توركیا تەنها داواكارییەكانی پێ جی بەجێ دەكات و سەد ئەوەنەی دیكەشی بۆ بكات، توركیا هیچ بۆ یەكێتی ناكات و لەرووی جەماوەریشەوە یەكێتی لەسەری دەكەوێت".

 

فائق گوڵپی پێی وایە وەك چۆن لە ئەنقەرە و لە مەریوان و سنە كتێبەكانی ئۆج ئالان قەدەغە دەكرێن ئاواش لە سلێمانی ئەمرۆ كتێبەكانی ناوبراو قەدەغە كراون.

 

،،

لەرووی پراكتیكییەوە لە ئێستادا سلێمانی سیاسەتەكانی توركیا جێ بەجێ دەكات، بەڵام ئەمە كارێكی زۆر خراپە كە كوردێك بەرامبەر كوردێكی دیكە دەیگرێتەبەر.

 

 

 

"سێ گەنج بەناوەكانی ئارام قادر عەزیز، ڕێژوان عەمەر و هۆزان عەلی، کە بۆ فرۆشتنی کتێبەکانی عەبدوڵا ئۆجالان، ڕێبەری پارتی کرێکارانی کوردستان- پەکەکە، ساکینە جانسز و چەند کتێبێکی فکری دیکە، چووبوونە بەردەم باخی گشتی، لەوێ لەلایەن ئاسایشی سلێمانی-یەوە دەستگیرکراون و دەست بەسەر کتێبەکانیشیاندا گیراوە".

 

هەروەها گوڵپی ئەوەشی ئاشكرا كرد كە " لەرووی پراكتیكییەوە لە ئێستادا سلێمانی سیاسەتەكانی توركیا جێ بەجێ دەكات، بەڵام ئەمە كارێكی زۆر خراپە كە كوردێك بەرامبەر كوردێكی دیكە دەیگرێتەبەر".

ئۆج ئالان

 

 

جێگای ئاماژەیە کە ٢٢ی کانوونی یەکەمی ٢٠١٨ بۆ شكاندنی گۆشەگیری سەر عەبدولا ئوجالان،بڕیار بوو لە سلێمانی، خۆپێشاندانێک بکرێت، بەڵام لەلایەن هێزە ئەمنییەکانەوە ڕێگریی لە چالاکییە کراو ئاسایش ٩٧ کەسی دەستگیرکرد، پاش دووڕۆژ هێشتنەوەیان لە زیندان ئازادیکردن.

 

author photo

ماسته‌ر له‌ زانسته‌ رامیارییه‌كان

ئه‌ندامى كاراى سه‌ندیكاى ڕۆژنامەنووسانی کوردستان