لێدوانی فازیلەكان، كۆبوونەوەكانی پارتی و یەكێتی پەكخست

"یەخەی كوڕانی تاڵەبانی بەرنادەن"

لێدوانی فازیلەكان، كۆبوونەوەكانی پارتی و یەكێتی پەكخست

1222 خوێندراوەتەوە

 لێدوانەكانی هەریەك لە فازیل میرانی و فازیل بەشارەتی دژی كوڕانی تاڵەبانی (قوباد و بافڵ) كۆبوونەوەكانی یەكێتی و پارتی بۆ كاتێكی نادیار دواخست.

 

هەرچەندە پارتی و یەكێتی لە ئێستادا لە قۆناغی راگۆرینەوەو دابەشكردنی پۆستەكانی كابینەی نوێن، بەڵام بەپێی زانیارییەكان بێت راگەیاندن و سەركردەكانی پارتی رەحم بەم دۆخە ناسكەی یەكێتی ناكەن و بەهێرشەكانیان ئیستفزازی دەكەن.

 

،،

سەركردەكانی یەكێتی پەیامی تورەیی خۆیان گەیاندووە بە پارتی كە ئامادەی كۆبوونەوە نین هەتاكو داوای لێبوردنیان لێ نەكرێت لەسەر ئەو هێرشانەی بەرامبەریان كراوە.

وێنەى یەکێک لە کۆبوونەوەکانى نێوان پارتى و یەکێتى

 

ئەمرۆ بریار بوو شاندی دانوستانكاری هەردوولا (یەكێتی و پارتی) كۆببنەوە، بەڵام كۆبوونەوەكەیان بۆ كاتێكی نادیار دواخرا.

 
بەپێی زانیارییەكانی دیپلۆماتیك مەگەزین، سەركردەكانی یەكێتی پەیامی تورەیی خۆیان گەیاندووە بە پارتی كە ئامادەی كۆبوونەوە نین هەتاكو داوای لێبوردنیان لێ نەكرێت لەسەر ئەو هێرشانەی بەرامبەریان كراوە.

 


داوای لێبوردن لەچی؟
چەند رۆژی رابردوو بەجیا هەردوو سەركردەی دیاری پارتی، فازڵ میرانی سكرتێری مەكتەبی سیاسی پارتی و فازڵ بەشارەتی ئەندامی سەركردایەتی ئەو حزبە، لە چەند كەناڵێكەوە كە یەكێكیان ((دیپلۆماتیك مەگەزین)) بوو هێرشیان كردە سەر یەكێتی بەگشتی و كورانی تاڵەبانی بەتایبەتی.

،،

بەشارەتی بۆ دیپلۆماتیك ئەوەی گوتبوو كە ئەگەر بافل تاڵەبانی كورە گەورەی مام جەلال ئەتوانێ با بروات كەركوك ئازاد بكاتەوە كە رادەستی حەشدی شەعبیان كردووە.

 

فازل میرانى

 

 

فازڵ میرانی، لە لێدوانێكیدا بۆ دەنگی ئەمریكا ئەوەی گوتبوو كە: نیوەی قوباد تاڵەبانی هی پارتییە. بەواتای ئەوەی كە ناوبراو تەنها یەكێتی نییە و پارتیشە.
هەربۆیە بەخێرایی قوباد تاڵەبانی هاتە سەرخەت و بەتوندی وەڵامی میرانی دایەوەو ئەوەی راگەیاند كە ئەو تەنها هی یەكێتییە.

 

هەروەها لەلایەكی دیكەشەوە دوو لێدوانی فازڵ بەشارەتی ئەندامی سەركردایەتی پارتی كە یەكێكیان بۆ دیپلۆماتیك مەگەزین بوو یەكێتی تورەتر دەكات.

 
بەشارەتی بۆ دیپلۆماتیك ئەوەی گوتبوو كە ئەگەر بافل تاڵەبانی كورە گەورەی مام جەلال ئەتوانێ با بروات كەركوك ئازاد بكاتەوە كە رادەستی حەشدی شەعبیان كردووە.

 

 

ئەمە جگە لەوەش لە رۆژنامەی رووداو حاكم قادر تۆمەتبار كراوە بەوەی كە دەستی هەبووە لە كوشتنی قائیم قامی پێشووی پارێزگای سلێمانی.

ئەمانە وایكرد كە یەكێتی ئەمرۆ نیگەرانی خۆی بگەیەنێتە سەركردەكانی پارتی و مەرجی داوای لێبوردن بخاتە پێش هەموو مەرج و قسەكانی دیكەی پێكهێنانی حكومەت.

،،

بردنەوەی پۆستی سەرۆك كۆمار لە پارتی و كە كورانی تاڵەبانی لە پشتییەوە بوون پێ دەچێت سەركردەكانی پارتی زۆر نیگەران كردبێت و بیانەوێت بەم لێدوانانە ئازاریان بدەن.

 

 

بۆچی یەخەی كورانی تاڵەبانی بەرنادەن؟

پێ دەچێت لێدوانی سەركردەكانی پارتی دژی یەكێتی بەگشتی و كورانی تاڵەبانی بەتایبەت پەیوەندی هەبێت بە چەند كێشەو پرسێكی گرنگی نێوانیانەوە.

 

بردنەوەی پۆستی سەرۆك كۆمار لە پارتی، كە كورانی تاڵەبانی لە پشتییەوە بوون پێ دەچێت سەركردەكانی پارتی زۆر نیگەران كردبێت و بیانەوێت بەم لێدوانانە ئازاریان بدەن.

بافڵ تاڵەبانی

 
هەروەها لێدوانی هەندێ سەركردەی یەكێتی بەتایبەت بافڵ تاڵەبانی لەوەی كە كەركووك هی یەكێتییەو سازشی لێ ناكەن، سەركردەكانی پارتی تورە كردووە كە ئەوانیش لەو شارە پشكی گەورەیان هەیە.

 

هەربۆیە لە ئێستادا كە چوار مانگیش تێپەریوە بەسەر هەڵبژاردنی پەرلەمانی كوردستان ئەم جەنگە ساردانەی نێوانیان بووتە هۆی ئەوەی دانوستانەكان دوابخات و هیچ رێكەوتنێك لەنێوان ئەو لایانانەی كە دەیانەوێت حكومەت پێك بهێنن ئەنجام نەدراوە.

هەربۆیە پێشبینى دەکرێت، درێژترین حەکایەت چاوەروانى پێکهێنانى ئەمجارەى کابینەى نوێ بکات، چونکە یەکێتى و پارتى هێشتا لەسەرەتای جیاوازییەکاندان و لەبرى نزیکبوونەوە،  دەیانەوێت بە لێدوانەکانیان لەیەکدى دوور بکەونەوە.

 

author photo

ماسته‌ر له‌ زانسته‌ رامیارییه‌كان

ئه‌ندامى كاراى سه‌ندیكاى ڕۆژنامەنووسانی کوردستان