پارتى، نە قبوڵ ئەدات بەکۆمەڵ نە رەفزیشی دەکات

وردەکارى کۆبوونەوەکەى دوێنێى پارتى و کۆمەڵ چى بوو؟

پارتى، نە قبوڵ ئەدات بەکۆمەڵ نە رەفزیشی دەکات

860 خوێندراوەتەوە

 

 

سەرکردەکانى پارتى پێشنیاریان کردووە بۆ کۆمەڵى ئیسلامى، ئەگەر حەز ئەکەن بەشدارى حکومەت بکەن ئەوا با عەلى باپیر سەردانى بارزانى بکات و دڵى بارزانى ئاشت بکاتەوە.

 

 

هەرچەندە پارتى لەسەرەتادا بەهۆى تورە بوونى لە کۆمەڵى ئیسلامى ڤیتۆى لەسەر ئەو حزبە دانابوو بۆ بەشداری پێکردنى لە حکومەت، بەڵام لەئێستادا پارتى بەهۆى ترسانى لەرێکەوتنى نێوان کۆمەڵ و یەکێتى نەرمى دەنوێنێت و پێ دەچێت کۆمەڵ بباتە نێو کابینەى نوێ.

  

،،

هەربۆیە هەریەکێک لەم دوو حزبە باڵادەستە دەیانەوێت حزبە بچوکەکانى دیکە لەدەوری خۆیان کۆبکەنەوە تاکو دژى یەکدى بەکاریان بهێنن.

 

 

رێک نەکەوتنى نێوان پارتى و یەکێتى لە بەرژەوەندى کۆمەڵ

 

هەرچەندە بەوتەى سەرکردەکانى هەردوو حزب رێکەوتنى نێوان یەکێتى و پارتى بۆ پێکهێنانى کابینەى نوێ لە قۆناغەکانى کۆتایدایە بەڵام یەکێتى مەرجى هەیە بۆ گفتوگۆى کۆتایی کە دەبێت پۆستەکانى بەغداد و کەرکوک و هەرێم یەک پاکێج بن، بەڵام پارتى نایەوێت ئەم مەلەفانە تێکەڵاو بکرێن، بۆیە ئەمەش کابینەکە دواتر دەخات.

 

هەربۆیە هەریەکێک لەم دوو حزبە باڵادەستە دەیانەوێت حزبە بچوکەکانى دیکە لەدەوری خۆیان کۆبکەنەوە تاکو دژى یەکدى بەکاریان بهێنن.

 

 

کاتێک پارتى گومانى ئەوەى کرد کە دەرەنجامى کۆبوونەکەى عەلى باپیرو کۆسرەت رەسوڵ پێ دەچێت جۆرێ لە رێکەوتن لەنێوان کۆمەڵ و یەکێتى بهێنێتە ئاراوە، بۆیە بەخێرایى لەچوارچێوەى سەردانى پارتى بۆ لاى لایەنەکان سەردانى کۆمەڵى ئیسلامیشیان کرد.

 

 

 

 

پارتى بۆ ئەوە سەردانى کۆمەڵى نەکرد تاکو بە رەسمى بانگهێشتى حکومەتى بکات، بەڵکو تەنها بۆ ئەوەبوو کە لە یەکێتى دوورى بخاتەوە.

هەربۆیە پارتى ئامانجەکەى خۆى پێکاو دوێنێ وەفدێکى سیاسى کۆمەڵ سەردانى پیرمامیان کردوو لەگەڵ ژمارەیەک لە سەرکردەکانى پارتى کۆبوونەوە.

،،

بەڵام پارتى دواى ئەو توندییەى کۆمەڵ بەرامبەرى نایەوێت بەرەسمى ئەوە رابگەیەنێت کە داواى لە کۆمەڵ کردووە بەشدارى حکومەت بکات، چونکە دەترسێ لەوەى کۆمەڵ قسەى بشکێنێت و بە حکومەتیش رازى نەبێت.

 

 

وردەکارى کۆبوونەوەکەى دوێنێ؟

 

بەپێى ئەو زانیارییانەى دەست دیپلۆماتیک مەگەزین کەوتوون، لە کۆبوونەوەکەى دوێنێى نێوان پارتى و کۆمەڵ، لەسەرەتا سەرکردەکانى پارتى ئەوەیان بە وەفدى سیاسی کۆمەڵ گوتووە: کە وەڵامیان چییە بۆ بەشداریکردنیان لە حکومەت؟ بەڵام سەرکردەکانى کۆمەڵ ئەوەیان گوتووە کە ئەوان بەرەسمى پێشوازیان لێ نەکراوە وەک لایەنەکانى دیکە تاکو وەڵامیان هەبێت.

 

پێ دەچێت ئەم کردارەى پارتى بەرامبەر بە کۆمەڵ بۆ ئەوە بێت، پارتى نەیەوێت کۆمەڵ لەدەستبدات و بۆ کەمکردنەوەى پۆستەکانى یەکێتیش بێت لە کابینەى نوێ بەشدارى پێ بکات، بەتایبەت کاتێک دڵنیابوو لەوەى کە یەکگرتووى ئیسلامى بەهیچ شێوەیەک قایل نابێت کە بەشدارى حکومەت بکەن.

 

 

بەڵام پارتى دواى ئەو توندییەى کۆمەڵ بەرامبەرى نایەوێت بەرەسمى ئەوە رابگەیەنێت کە داواى لە کۆمەڵ کردووە بەشدارى حکومەت بکات، چونکە دەترسێ لەوەى کۆمەڵ قسەى بشکێنێت و بە حکومەتیش رازى نەبێت.

 

 

 

پارتى ئیحراج بووە

یەکێکى دیکە لەو هۆکارانەى کە نەرمییەک بە پارتییەوە دیارە بۆ بەشداریکردنى لایەنەکان بە کۆمەڵى ئیسلامیشەوە لەکابینەى نوێ پەیوەندى بە بێ باکى یەکێتیەوە هەیە بۆ دۆخەکە، و ئیحراج بوونى پارتى لاى وڵاتانى دەرەوە بەتایبەت ئەمریکا کە بۆ ٥ مانگ دەروات هێشتا حکومەت پێک نەهاتووە.

  

،،

گەر دەیانەوێت پەیوەندییەکانیان باشتر بێت و لە حکومەت بەشدارى بکەن با کۆبوونەوەى دوو قوڵى لەنێوان عەلى باپیرو بارزانى ئەنجام بدرێت و ئەمیرى کۆمەڵ دڵى بارزانى ئاشت بکاتەوە.

 

 

بۆیە پارتى دەیەوێت چى دى چاوەروان نەکات و دەست بەدابەشکردنى پۆستەکان بکات بەتایبەت دواى کۆبوونەوەکەى ١٨ى مانگى پەرلەمان کە بریارە سەرۆکایەتى پەرلەمان هەڵبژێرێت.

 

 

دەتوانین ئەوە بڵێین هەرجۆرێک بێت سەرکردەکانى پارتى بارزانیان رازى کردووە کە لەگەڵ کۆمەڵى ئیسلامى کۆبوونەوە ئەنجام بدەن، بەڵام ئەوەشیان بە گوێى سەرکردەکانى کۆمەڵدا چرپاندووە ئەگەر دەیانەوێت پەیوەندییەکانیان باشتر بێت و لە حکومەت بەشدارى بکەن با کۆبوونەوەى دوو قوڵى لەنێوان عەلى باپیرو بارزانى ئەنجام بدرێت و ئەمیرى کۆمەڵ دڵى بارزانى ئاشت بکاتەوە.

 

 

 

هەرچەندە وتەبێژەکەى کۆمەڵى ئیسلامى دوێنێ لە کۆنگرە رۆژنامەوانییەکەیدا لەگەڵ وتەبێژەکەى پارتى ئەوەى راگەیاند: کە ئەوان دەیانەوێت لەگەڵ پارتى پەیوەندییەکانیان ببەنە قۆناغێکى نوێ و باشترى بکەن، بەڵام دیار نییە ئایا ئەمیری کۆمەڵ سەردانى بارزانى دەکات یاخود نا.!

 

 

 

 

هەرئەمەش وایکردووە دواى هەرکۆبوونەوەیەک لەنێوانیان سەرکردەکانى کۆمەڵ و پارتى، بەتایبەت کۆمەڵى ئیسلامى ئەوە بۆ میدیاکان راناگەیەنن کە باسى پێکهێنانى حکومەتیان کردبێت بەڵکو تەنها دەڵێن: بۆ ئاسایکردنەوەى دۆخەکەیە، کە بێگومان ئەمەش جۆرێک لە راستى تێدایە، چونکە کۆمەڵ لەماوەى رابردوو سەرئێشەیەکى جدى بووە بۆ پارتى، بۆیە پێش باسى حکومەت باسکردنى ئاسایکردنەوەى پەیوەندییەکانیان گرنگترە.

 

 

کۆمەڵى ئیسلامى ساڵى ٢٠٠١ لەناوچەى هەڵەبجەو هەورامان راگەیەندراوە، یەکێک بوو لە سوپرایزەکانى هەڵبژاردن و لە ئێستادا خاوەنى ٧ کورسى پەرلەمانییە، پێ دەچێت قەیرانى دارایی ئەم حزبە ناچار بکات بەشدارى کابینەى نۆیەمى حکومەتى هەرێمى کوردستان بکات.

 

author photo

ماسته‌ر له‌ زانسته‌ رامیارییه‌كان

ئه‌ندامى كاراى سه‌ندیكاى ڕۆژنامەنووسانی کوردستان