سەر سوڕهێنەرترین كارەكانی كیم جۆن ئۆن چین؟

بۆچی لە سەردانەكانیدا بۆ وڵاتانیتر تەوالێتی تایبەت لەگەڵ خۆی دەبات؟

سەر سوڕهێنەرترین كارەكانی كیم جۆن ئۆن چین؟

1346 خوێندراوەتەوە

سەرۆكی كۆریای باكور كە دوای باوكی سەرۆكایەتی وڵاتی گرتوەتە دەست، دوای ئەوەی چەند كاردانەوەیەكی توندی بەرامبەر سەركردە باڵاكانی وڵاتەكەی گرتە بەرو بە دڕندەترین شێوە كوشتنی، ترس و دڵە ڕاوكێی لای بەرپرسانی تری وڵات دروستكرد.

 


جون هەر بەمەشەوە نەوەستا، بەڵكو هەندێك كاری تایبەت بەخۆی هەیە كە بووە بەجێگەی باس و خواسی ڕاگەیاندنەكان، بەتایبەت دوای كۆبوونەوە چاوەڕواننەكراوەكەی لەگەڵ دۆناڵد ترەمپی سەرۆكی ویلایەتە یەكگرتوەكانی ئەمەریكا.
ڕاپۆرتە جیاوازەكان هەندێك نەریت‌و خوی كیم جۆن ئونیان باسكردووە كەزۆر جیاوازن لەسەرۆكەكانی تری وڵاتان، بەتایبەت نەریتەكانی تایبەت بەسەردانیكردنی بۆ كۆریای باشور و سەنگافورەو چین، وەك جیاوازی ئوتۆمبێلەكانی‌و خواردن و ...هتد.

پارێزگاری ئۆتۆمبێلەكانی بە قەڵغانی مرۆیی

هەفتەی ڕابردوو وێنەیەكی نائاسایی پارێزەرانی ئۆتۆمبێلە تایبەتەكەی كیم بڵاوكرایەوە ئەویش كاتی گەشتنیەتی بەكۆریای باشورو دیداری ئاشتی لەگەڵ مون جای سەرۆكی ئەو وڵاتە، ئەویش بریتیبوو لە دوانزە پاسەوانی تایبەت بەجل و بەرگی ڕەشی تایبەتەوە وەك قەڵغانێك پارێزگاریان لەئۆتۆمبیلەكەی كیم جۆن ئون دەكردو شان بەشانی ئۆتۆمبێلەكەی دەڕۆشتن، ئەمە لەكاتێكدا بوو كە سەرۆكی كۆریای باكور خۆی شۆفێری دەكرد.

شەمەندەفەرێكی هێواش و زرێپۆش

 
زۆربەی سەركردەكانی جیهان بەفڕۆكە گەشت دەكەن، بەڵام كیم جۆن ئون وەك باوك‌و باپیری باشترین دڵخوازی بۆ گەشتكردن بریتییە لە شەمەندەفەری تایبەت‌و سەربەخۆی خۆی.
كاتێك كیم سەردانی وڵاتی چینی كرد، پێوویستی بەسێ‌ شەمەندەفەری تایبەت هەبوو (شەمەندەفەرێكی پێشكەوتوو، شەمەندەفەری تایبەتی كیم، شەمەندەفەری پاسەوانە تایبەتەكانی).
ڕۆژنامەی نیویۆرك تایمزی ئەمەریكی باسی تایبەتمەندیەكانی شەمەندەفەرەكانی كیم كردووەو نوسیویەتی شەمەندەفەرەكان دروستكراوە لە ئاستی باڵای پارێزگاریكردندا، وە هەریەكێكیان نزیكەی 90 مادەی دژە قوڕقوشمی تێدا بەكارهێنراوە، لەگەڵ ئەوەشدا كەهەریەكەیان كێشی تایبەتی هەیە، سەبارەت بەتیژ ڕەوی شەمەندەفەرەكانی كیم نیویۆرك تایمز نوسیویەتی، خێرایی شەمەندەفەرەكانی كیم 37 میلە لەیەك كاتژمێردا.

ئەدەبخانەو حەمامەكەی تایبەتە

 

وەكو زانراوە لە سەردانەكانی پێشوویدا كیم، شوێنی (خۆشتن و تەوالێت) ی تایبەت بەخۆی بەكار دەهێنێت وەك (لی یۆن كیۆل) ی ئەندامی پێشوی یەكەی سەربازی پاسەوانی كۆری بە واشنتۆن پۆستی ڕاگەیاندوە پاسەوانەكەی پێشووی كۆریا ڕەدی كردەوە ئەم تایبەتمەندیە پەیوەندی بە پاكو خاوێنیەوە هەبێت، بەڵكو بۆ ئەوەیە تەندروستی كیم لەڕێگەی پاشەڕۆكەیەوە پشكنینی پزیشكی بۆ نەكرێت‌و كەس ئاگاداری تەندروستی سەرۆكە گەنجەكەی كۆریا نەبێت.
ئەم هەواڵەش ساڵی 2015 لەلایەن یەكێك لەئاژانسەكانی هەواڵی كۆریای باشورەوە ڕاگەیەندرا كە كیم تەوالێتێكی تایبەت بەخۆی لەنێو یەكێك لە ئۆتۆمبێلە زرێپۆشەكانیدا بۆ دروستكراوە لەكاتی سەردانیكردنی بۆ دەرەوەی وڵاتەكەی بەكاری دەهێنێت.

كیم و خواردنی مەعكەرۆنی

كۆبونەوەی كیم جۆن ئون لەگەڵ مون جای ئینی سەرۆكی كۆریای باشور حەزی كیمی بۆ خواردنی مەعكەرۆنی دەرخست، كیم مەعكەرۆنی تایبەت بەخۆی هەیە ئەویش ڕەنگێكی ڕەشی هەیەو ناوی (ناینمیۆنە)، ئەم ژەمە خواردنە تایبەتە لەلایەن ئۆكریۆ غوانی شێفی بەناوبانگی پیۆنگ یانگەوە بۆ كیم ئامادە دەكرێت.

یەكەم سەردانی كیم بۆ چین

لەدوای ئەوەی ساڵی 2011 كیم جون ئون دەبێتە سەرۆكی كۆریای باكور، یەكەمین وێستگەی سەردانی وڵاتی چین دەبێت، بەڵام لەژێر چاودێری وردو بەشێوەیەكی نهێنی سەردانەكەی لەڕاگەیاندنەكانەوە باسكراوە، ئەویش دوای ئەوەی ڕاگەیاندنەكان باسیان لەگەشتنی شەمەندەفەرێكی زرێپۆش كردوە بۆ پەكینی پایەتەختی چین و ئەو شەمەندەفەرەش كیمی سەرۆكی كۆریای باكوربوە.

فڕۆكەخانەی تایبەت و فڕۆكەی گرانبەها

كیم حەزی لەشتە گرانبەهاكانە، ئەمەش لەكاتی سەردانیكردنی بۆ دەرەوەی وڵات جێبەجێ‌ كردووە لەسەر حسابی دەوڵەت.
بەگوێرەی هەواڵی ڕۆژنامەی تەلەگرافی بەریتانی كیم فەرمانی كردووە ژمارەیەك فڕۆكە خانەی تایبەتی بۆ دروستبكرێت.
ڕۆژنامە بەریتانییەكە نوسیویەتی فڕۆكەخانەكان لەتەنیشتی كۆشك و وێستگەی شەمەندەفەرە تایبەتەكانی كیمەوەن.

سەرچاوە: سبوتنیك نیوز

 

author photo

ماستەر لە زمانی عەرەبی