رێكەوتنی تیۆری یاخود بنیادنانی كرداری !؟

رێكەوتنی تیۆری یاخود بنیادنانی كرداری !؟

188 خوێندراوەتەوە
كمال محمد

ئەوەی لێرەدا سەیرە رێكەوتنی لایەنەكانە لەروی تیۆرییەوە ،هەرچەندە زیاتر لە ئاستی زارەكی ئەچێت و نەبوە بە ئیرادەیەكی بەهێز كە بونیادی كرداری بەدوادابێت ،رێكەوتن ئاسانە ئەتوانرێ خودی رێكەوتنەكە لە میدیا و ڕۆژنامەو تیڤییەكانی حیزبەوە بە جۆرێك لە بەدەستهێنانی دەستكەوت بهێنرێتەوە و بكرێت بە دروشمی سەركەوتن بۆ هەرلایەكیان ،بەڵام واقیعی رابردوو ئێستامان زۆر باش رێكەوتنەكان رون ئەكاتەوە كاتێك چەندین هەوڵی لەوشێوەیە دراوەو سەرەنجام هەبون و هێزی جێبەجێكردنی رێساكانی نێو رێكەوتنەكە وە خۆیان جێبەجێ نەكراوە .

،،

رێكەوتنەكان سەرەكیترین راستینەی پۆزەتیڤیزمە كاتێك ئەنجامەكان پیشانمان ئەدات كە راستییەكە بەگوێرەی شرۆڤەكان و ئەو نوسراوانەی میدیاو سۆشیال نییە كە سەرەتای رێكەوتنەكەی لێوە باس ئەكرا .

سەرەتای هەمو رێكەوتنێك بە گفتوگۆو دەربرینی راكان و ئاڵوگۆڕ و هەماهەنگیان دەست پێ ئەكات بۆ گەشتن بە ئەنجامێك دەرهەق بە تەواوی تێز و چارەسەرییەكان رێكەوتن بكەن و لەگەڵ یەكدیدا بگەنە سازش .

لەدوای راپەرینەوە چەندین رێكەوتن كراوە لەنێوان هێزە سیاسییەكانداو لە بواری زیهن و سۆزەوە كۆمەڵگایان ئاراستە كردوەو لایان وابووە بەمجۆرە هەوڵی بنیادنانی كرداری ئەدەن و خوازیارن پەسەند كردنەكەی مسۆگەر بكەن ،بەڵام لە بواری ناوەرۆكەوە رێكەوتنەكان سەرەكیترین راستینەی پۆزەتیڤیزمە كاتێك ئەنجامەكان پیشانمان ئەدات كە راستییەكە بەگوێرەی شرۆڤەكان و ئەو نوسراوانەی میدیاو سۆشیال نییە كە سەرەتای رێكەوتنەكەی لێوە باس ئەكرا .

ئەمە ئەوەمان بۆ دەرئەخات كە رێكەوتنەكان لەسەربنەمای بەرژەوەندییەكان رێكەوتن و سازش بو ،تا بۆیان برەخسایە ئەنجامدانی رێكەوتن بو لەسەر بنەمای مەرجی گونجاو،بەڵام كاتێك لەگەڵ بەرژەوەندییەكان یەكناگرێتەوە بۆ لایەكیان ئەبێتە تێكەوتن !

،،

رێكەوتنی ئۆپۆزسیۆن و دەسەڵات لە چەندین ساڵی رابردودا دەرفەتی شرۆڤەیەكی واقعیتر ئەرەخسێنێت ،ئەمەش بە رونترین شێوە ئەبینرێت كاتێك هێزی بریاردان لەهێزی بەرگری بەرژەوەندییەكانی حیزب و مانەوەی دەسەڵاتی پتەوتر نەبێت جێبە جێ ناكرێت

 

 

ئۆپۆزسیۆن و دەسەڵات لە هەرێمی كوردستان چەندین رێكەوتنیان كردوە لە بواری تیۆری و گفتوگۆكانیانەوەو وایان نیشانداوە كە تەنها لەروی شێوەوە جیاوازییان هەیەو سیستەمی سیاسی و حكومرانی لەرێگای ئەو رێكەوتنانەی كە بەستویانە هەرێمەكە بە رەوشێك ئەگات كەلەئاستی نوێنەرایەتی كردنی تەواوی چین و توێژەكانی كۆمەڵگا سیستەمێكی هاوچەرخ بێت ،لەوانەیە هەر ئەمەش وایكردبێ هەندێك بروایان وابێت باشترین ڕێگا بۆ چارەسەری رێكەوتنی لایەنەكانە ،بەڵام بیركردنەوە لەوەی بنیادی كرداری گرنگی رێكەوتنەكان دەرئەخات نەوەك تەنها بانگەشەی رێككەوتنەكان !

رێكەوتنی ئۆپۆزسیۆن و دەسەڵات لە چەندین ساڵی رابردودا دەرفەتی شرۆڤەیەكی واقعیتر ئەرەخسێنێت ،ئەمەش بە رونترین شێوە ئەبینرێت كاتێك هێزی بریاردان لەهێزی بەرگری بەرژەوەندییەكانی حیزب و مانەوەی دەسەڵاتی پتەوتر نەبێت جێبە جێ ناكرێت ،نمونە وەك داخستنی دەرگای پەرلەمان و دەركردنی وەزیرەكان لەكابینەی هەشتدا واتە رێكەوتنی چوار ساڵی ئارامی نەبوە بە ئەڵتەرناتیڤ بۆ دەسەڵاتێكی رەها ،دەشێت بۆ هەر شوێن و زەمانێك نمونەكانی ئەم جۆرە رێكەوتنانە بخرێتە روو كە پێچەوانەی تیۆریی و بەندەكانی راستر بوو.

،،

رێكەوتنەكان لەبەدەستهێنانی پۆستێك یان زیاتر ئەچێت نەوەك دارشتنی سیستەمێكی سیاسی و حكومڕانی هاوچەرخ

 

بە بۆچونی من ئەو كێشمە كێشەی كۆی لایەنەكان بۆ جۆرێك لە رێكەوتن پێكهێنانی كابینەی نوێ زیاتر لە هێزێكی پۆست مۆدێرنیزم ئەچێ و هەرلایەكیان هەرجارەو بە داوكارییەكی نوێوە پێداگری لەبەدەستهێنانی پۆستێك ئەكەنەوە ،بۆیە زیاتر رێكەوتنەكان لەبەدەستهێنانی پۆستێك یان زیاتر ئەچێت نەوەك دارشتنی سیستەمێكی سیاسی و حكومڕانی هاوچەرخ كەلە خواست داواكاریەكانی كۆمەڵگاو شەقامەوە بێت و ماهییەتی پێشنیارەكانی چارەسەری و حكومڕانییەكی تەكنۆكرات لە خۆ بگرێت لەبواری كرداریدا ،بۆیەكاتێك ئەبینین هێزێك یان زیاتر بیركردنەوەو پلان و گفتوگۆكانی بۆ چوارساڵی داهاتو تەنها مەبەستیان بەدەستهێنان و پڕكردنەوەی پۆستەكان بێت و ئاماجیان پێشخستنی چەمكی سیستەم و كرداری حیزبی خۆیان بێت لە حكومەتدا ،بێگومان جێبەجێكردنی كردارەكانی رێكەوتن ئەستەمە كۆمەڵگایەكی دیموكرات و یەكسانی بەدوادابێت ،هەڵبەتە جیاوازییەكانی قۆناغیش رەنگدانەوەی لەسەرهەڵوێستی ستراتیژی و پابەند بونی هێزەكان بە رێكەوتنەكانەوە ئەگۆڕێی لەكاتی چونە بواری كرداریدا ئەگەر دەرفەتی بۆ برەخسێت و هەنگاوی بۆ بنرێت لە ماوەكانی داهاتودا !. 

 

author photo

تایبه‌ت به‌ دیپلۆماتیك