گۆڕان هاوشێوەی یەكێتی و پارتی، داوای دابەشكردنی حزبییانەی پۆستەكانی زانكۆ دەكات

بۆچی تەنها داوای پۆستەكانی ژێر دەسەڵاتی یەكێتی دەكات؟

گۆڕان هاوشێوەی یەكێتی و پارتی، داوای دابەشكردنی حزبییانەی پۆستەكانی زانكۆ دەكات

504 خوێندراوەتەوە

 

 گۆڕان پەشیمان دەبێتەوە لە دەركردنی دەستی حزب لە زانكۆكان و هاوشێوەی یەكێتی و پارتی داوای پۆست و پشك دەكات لەنێو وەزارەتی خوێندنی باڵا و زانكۆ حكومییەكان، كەئەمەش پێچەوانەی یەكێك لەبنەما بنەڕەتی و سەرەتاییەكانی گۆڕانە كە داوای جیاكردنەوەی دەستی حزب و زانكۆی دەكرد.

 

 

گۆڕان دوای رێكەوتنی لەگەڵ پارتی كە بریارە لە %12 هەموو پۆستەكانی پێ بدرێت، لە پرۆژەیەكدا كە كۆمەڵێك مامۆستای زانكۆ ئاراستەی بزووتنەوەكەیان كردووە داوای پۆستەكانی خوێندنی باڵا دەكات بەتایبەت لەنێو زانكۆكان.

 

 پەڕەی یەكەمی پرۆژەكەی گۆڕان

 

پرۆژەكە داوای كام پۆستانە دەكات؟

 

لە پرۆژەكەدا ئەوە هاتووە كە 16 پۆستی سەرۆك زانكۆی حكومی هەیە لەهەرێم، بزووتنەوەی گۆڕان بەراورد بە كورسییەكانی یەكێتی و پارتی 3 سەرۆكی زانكۆی بەردەكەوێت. 

،،

داوای سەرۆكی زانكۆی هەڵەبجە دەكات، بەبیانوی ئەوەی كە ناوبراو بەكاتی ئەو پۆستەی پێدراوەو تەنها بە واژۆیەكی وەزیری خوێندنی باڵا  پۆستەكەی وەرگرتووە.

بەپێی ئەو پرۆژەیە كە وێنەیەكی دەست دیپلۆماتیك مەگەزین كەوتووە بزووتنەوەی گۆڕان داوای پۆستی سەرۆكی ئەم زانكۆیانەی خوارەوە دەكات:

 

_ سەرۆكی زانكۆی سلێمانی یاخود زانكۆی پۆڵەتەكنیكی سلێمانی بەبیانووی ئەوەی زانكۆی سلێمانی گرنگە و سەرۆكی پۆڵیتەكنیكیش ماوەكەی تەواو بووە و دەبێـت پۆستەكە رادەست بكاتەوە، بۆیە گۆڕان دەبێت ئەم پۆستە وەر بگرێت چونكە لەم كاتەدا وەرگرتنی ئاسانە.

 

_ سەرۆكی زانكۆی هەڵەبجە، بەبیانوی ئەوەی كە ناوبراو بەكاتی ئەو پۆستەی پێدراوەو تەنها بە واژۆیەكی وەزیری خوێندنی باڵا  پۆستەكەی وەرگرتووە بۆیە بەپێی پرۆژەكە گۆڕان دەبێت ئەم هەلە لەدەست نەدات و ئەو پۆستە وەر بگرێت.

 

 

_ سەرۆكی زانكۆی چەرموو لە چەمچەماڵ، بە بیانووی ئەوەی كە سەرۆكی ئەم زانكۆیەش كاتەكەی تەواو بووە و وەرگرتنی ئاسانە چونكە دەكرێت گرێبەستەكە بۆ سەرۆكی زانكۆ نوێ نەكرێتەوە.

 

 

لە پرۆژەكەدا ئەوەش هاتووە كە گۆڕان دەبێت بەخێرایی ئەم پۆستانە (پۆستی سەرۆكی زانكۆكان) یەكلایی بكاتەوە بۆ ئەوەی دواتر وەك كارتی فشار بەكاریان بهێنێت تاكو ئەگەر لە زانكۆیەك یەكێتی رێگری كرد لەوەی پۆستێك یاخود راگرێك بە گۆڕان بدرێت لەو زانكۆیەش كە سەرۆكەكەی گۆڕانە رێگە لە یەكێتی بگرێت.

 

 

ئەمەش راستەوخۆ تێكەڵاوكردنی دەستی حزب و خوێندنە لەنێو زانكۆكان كە چۆن شەری حزب و پۆست و پلە جێگەی زانست و داهێنان دەگرێتەوە.

 

،،

پرۆژەكە هەر (6) پۆستەكەی دیاری كردووە كە لە زانكۆكانی ( سلێمانی و پۆڵیتەكنیك و گەرمیان و چەرموو و هەڵەبجە) تێ پەر ناكەن و هیچكام لەم پۆستانە لە  زۆنی پارتی داوا نەكراون.

پۆستەكانی یاریدەدەری سەرۆكی زانكۆكان

لە پرۆژەكەدا كە وێنەیەكیان بۆ رێكخەری گشتی بزووتنەوەی گۆڕان ناردووە ئەوەش هاتووە كە بەپێی پشكی %12 گۆران 6 پۆستی یاریدەدەری سەرۆكی زانكۆكانی بەردەكەوێت چونكە 48 پۆست لەم بوارەشدا لە زانكۆ حكومییەكانی هەرێمدا هەن.

 

 

پرۆژەكە هەر (6) پۆستەكەی دیاری كردووە كە لە زانكۆكانی ( سلێمانی و پۆڵیتەكنیك و گەرمیان و چەرموو و هەڵەبجە) تێ پەر ناكەن و هیچكام لەم پۆستانە لە  زۆنی پارتی داوا نەكراون.

 

 

سەنتەرو كۆلێج و پەیمانگاكان

پرۆژەكە شۆر دەبێتەوە بۆ سەنتەرو كۆلێج و پەیمانگاكان و ئەوەی تێدا نوسراوە كە (132) پۆست لەم بوارەشدا لە زانكۆ حكومییەكانی هەرێمدا بونیان هەیە، بۆیە گۆڕان (16) پۆستی بەردەكەوێت كە دابەشی كردوون بەسەر زانكۆكانی ( سلێمانی و گەرمیان و كۆیە و راپەرین و چەرمو و پۆڵیتەكنیك و هەڵەبجە)

 

دیسان هیچكام لەم پۆستانە لە زانكۆكانی زۆنی زەرد داوا نەكراون، چونكە لە پرۆژەكەدا ئەوە هاتووە كە گۆڕان ناتوانێ بەئاسانی لەژێر دەسەڵاتی پارتی ئەو پۆستانە وەر بگرێت بۆیە دەكرێت لەژێر دەسەڵاتی یەكێتی پۆستەكان داوا بكات.

 

 

،،

بەمەش گۆڕان ئامانجەكەی پارتی دەپێكێت كە دەیویست بە بەشداری پێكردنی گۆڕان لەحكومەت، پۆستەكانی یەكێتی كەم بكاتەوە.

 

لەكۆتایی پرۆژەكەدا ئەوە هاتووە كە بەپێی ژوری هەڵبژاردنەكانی بزووتنەوەی گۆران 200 هەڵسوڕاو لەنێو خوێندنی باڵا بونیان هەیە، كە مامۆستاو فەرمانبەرو خوێندكارن بۆیە دەكرێت لەم رێگەیەوەو لەكاتی وەرگرتنی پۆستەكان ژمارەی هەڵسوڕاوانی بزووتنەوەی گۆران زیاد ببن.

 

 

گۆڕان بۆچی لەژێر دەسەڵاتی پارتی داوای ئەم پۆستانە ناكات 

لە پرۆژەكەدا تەنها باس لە داواكردنی پۆستەكانە لەژێر دەسەڵاتی یەكێتی، دان بەوەدا نراوە كە گۆڕان ناتوانێ داوای ئەم پۆستانە بكات لە پارتی.

بەمەش گۆڕان ئامانجەكەی پارتی دەپێكێت كە دەیویست بە بەشداری پێكردنی گۆڕان لەحكومەت، پۆستەكانی یەكێتی كەم بكاتەوە.

پرسیارەكە لێرەدا ئەوەیە ئایا یەكێتی بەمە رازی دەبێت و بەپێی ئەو رێژە دەنگەی كە لە پرۆژەكەدا ئاماژەی پێكراوە پۆستەكانی زانكۆ دەدات بە گۆڕان.

 

 

بەڵام پێ دەچێت ئەم بابەتە ببێت بە كێشەیەكی سیاسی و حزبی لەنێو زانكۆكاندا، دواتر گۆڕان و یەكێتی زانكۆكان سەرقاڵ بكەن بەم بابەتەوەو وەك پۆستە ئیداری و حكومیەكانی دیكەی نێوانیان چارەسەركردنی ئاسان نەبێت.

 

author photo

ماسته‌ر له‌ زانسته‌ رامیارییه‌كان

ئه‌ندامى كاراى سه‌ندیكاى ڕۆژنامەنووسانی کوردستان