بۆچى شەوى رابردوو لەزیندان، هێرش کرایە سەر شاسوار عەبدولواحید؟

"لەنێو زیندانەکە تۆمەتبارەکانى دیکە پێیان وتووە: ئەوە دزەکە هات"

بۆچى شەوى رابردوو لەزیندان، هێرش کرایە سەر شاسوار عەبدولواحید؟

5052 خوێندراوەتەوە

 

شەوى رابردوو کاتێک لەرێگەى پارێزەرەکەیەوە پێداویستى خواردن و خەو بۆ شاسوار عەبدولواحید دەبرێت بۆ زیندان، لەوێ ئەوە دەزانن کە ناوبراو لەکاتى چوونە ژوورەوەى بۆ ئەو هۆڵەى کە نزیکەى ٥٠ تۆمەتبارى دیکەى لێ بووە کە بەتۆمەتى جیا جیا دەستگیرکراون، هێرشیان کردۆتە سەر ناوبراو ئازاریان داوە، لەکاتى هێرشەکەشدا چەند کەسێک هاتوون بەرەو رووى و پێیان گووتوە: "ئەوە دزەکە هات و تۆ دزى"، هەروەها پەلاماریانداوە.

هەموو جارێک گرتن و هێرشکردن بۆ سەر شاسوار عەبدولواحید بە سیناریۆ لەقەڵەم دراوە، بەڵام پێ دەچێت ئەمجارە بەجدى دەسەڵات بیەوێت ناوبراو لەرێگەى یاساو زیندانەوە لەقاڵب بدات.

 

 

دواى ساڵێکى تەواو، دەمەقاڵێى سەرۆکى جوڵانەوەى نەوەى نوێ لەگەڵ کارمەندانى فرۆکەخانەى سلێمانى زیندوو دەکرێتەوە و بەم هۆیەوە سەرۆکى جوڵانەوەکە راپێچى دادگا دەکرێت و دواتر بۆ بنکەى پۆلیسى فرۆکەخانەى سلێمانى و پاشان بۆ زیندانى گرتن و گواستنەوەى (مەعەسکەر سەلام) دەگوازرێتەوە. 

،،

 سەرۆکى جوڵانەوەکە دوو سکاڵاى لەسەر تۆمار کراوە،کە یەکەمیان بەپێى مادەی ( 229 )  كە تایبەتە بە ئیهانەكردن بە كارمەدانی گشتی دەوڵەت.

 

چۆن و بەچ یاسایەک دەستگیر کرا؟

بەپێى وتەى پارێزەرو شاهید حاڵەکانى نزیک لە سەرۆکى جوڵانەوەى نەوەى نوێ، کاتێک شاسوار عەبدولواحید ویستویەتى سەفەر بکات بۆ دەرەوەى وڵات (لەندەن)، ئاگادارکردنەوە (تبلیغ) بۆ ناوبراو دێت تاکو بچێتە بەردەم دادوەر و وتەى لێ وەر بگرن.

 

 

بەپێى زانیارییەکان سەرۆکى جوڵانەوەکە دوو سکاڵاى لەسەر تۆمار کراوە، کە یەکەمیان بەپێى مادەی ( 229 )  كە تایبەتە بە ئیهانەكردن بە كارمەدانی گشتی دەوڵەت، لەسەر ئەم سكاڵایە دادوەر دەتوانێ بە بارمتەی  یەک ملیۆن دینار داواکراو ئازاد بکات هەبۆیە ناوبراو ئازاد کراوە.

 

لە دەقی مادەکەشدا ئەمە هاتووە:" هەر كەسێك ئیهانە یان هەڕەشە لە فەرمانبەر یان هەر كەسێك راسپێدرابێت بۆ كارێكی گشتی(مكلف بخدمە عامە) بكات، ئەوا سزادەدرێت بە بەند كردن( حبس ) كە زیاتر نەبێت لە دوو ساڵ و غەرامە كردنی كە زیاتر نەبێت لە دوو سەد دینار".

 

 

هەروەها سكاڵای دووەم بە پێی مادەی ( 434 ) ی یاسای سزادانی عێراقیە كە تایبەتە بە دەمە بۆڵە( جنێودان) لە نێوان دوو كەسدا،  ئەمەش لە مادە ئاسانەكانە، هەربۆیە لە ئێستاداو تا نوسینى ئەم راپۆرتە بە پێی ئەو مادەیە شاسوار عەبدولواحید دەستگیر کراوە.

 

 بیانووی دەستگیركردنەكەش ئەوەیە كە چەندین جار سەرۆکى جوڵانەوەکە ئاگادار کراوەتەوە بەڵام نەرۆشتووە بەدەم داواکەیەوە، بەپێى وتەى هاوڕێکانى بێت هیچکاتێک ئەوان ئاگادار نەکراونەتەوە.

لە دەقی ئەم مادەیەشدا‌ (434) لە یاسای سزادانی عیراقیدا ئەوە هاتووە كە" تاوانی (جنێودان)بریتیە لەوەی كەسێك قسەی وەها بە یەكێك بڵێت كە ئابڕووی یان پێگەی لەكەدار بكات یان هەستی بریندار بكات هەرچەندە ڕووداوێكی دیاریكراوی نەدابێتە پاڵ".

 

 

شەوى رابردوو بۆچى هێرش کرایە سەرى؟

بەوتەى ئەندام پەرلەمانەکانى نەوەى نوێ و نزیکەکانى شاسوار عەبدولواحید، کاتێک سەرۆکى جوڵانەوەى نەوەى نوێ بۆ زیندانى گرتن و گواستنەوەى مەعەسکەر سەلام گوازراوەتەوە، بەرپرسانى ئەمنى و کارگێرى زیندانەکە نەیانهێشتووە هیچ کەسێک ناوبراو ببینێت، جگە لە پارێزەکەى نەبیت ئەویش تەنها بۆ ماوەى ٣٠ خولەک بووە. 

،،

لەکاتى هێرشەکەشدا چەند کەسێک هاتوون بەرەو رووى و پێیان گووتوە: "ئەوە دزەکە هات و تۆ دزى"، هەروەها پەلاماریانداوە.

  

ئەندام پەرلەمانەکانى نەوەى نوێ لە هەردوو فراکسیۆنى بەغدا و هەرێم، گلەیى ئەوە دەکەن کە بەرپرسانى ئەمنى بەهیچ شێوەیەک ئەوەیان لەبەرچاو نەگرتووە کە ئەوان ئەندامى پەرلەمانن و لەرووى یاساییەوە پارێزبەندنى (حصانە) یان هەیە، چونکە نەیانهێشتووە برۆنە لاى سەرۆکەکەیان، هەر ئەمەش وایکردووە بەگومان بن لە دەستگیرکردن و راگرتنى ناوبراو لەزیندان.

 

شەوى رابردوو کاتێک لەرێگەى پارێزەرەکەیەوە پێداویستى خواردن و خەو بۆ شاسوار عەبدولواحید دەبرێت بۆ زیندان، لەوێ ئەوە دەزانن کە ناوبراو لەکاتى چوونە ژوورەوەى بۆ ئەو هۆڵەى کە نزیکەى ٥٠ تۆمەتبارى دیکەى لێ بووە کە بەتۆمەتى جیا جیا دەستگیرکراون، هێرشیان کردۆتە سەر ناوبراو ئازاریان داوە، لەکاتى هێرشەکەشدا چەند کەسێک هاتوون بەرەو رووى و پێیان گووتوە: "ئەوە دزەکە هات و تۆ دزى"، هەروەها پەلاماریانداوە.

سەرۆکى جوڵانەوەکەش بەم هێرشانە تورە بووە و وەڵامى داونەتەوە و دەمەقاڵێ لەنێوانیان روویداوە تاکو بەرپرسانى ئەمنى زیندانە لەیەکدیان جیا کردوونەتەوە.

 

ئەندام پەرلەمان و ئەندامانى جوڵانەوەکە بەگومانەوە سەیرى ئەم هێرشەش دەکەن و پێیان وایە کە ئەو کەسانە سەر بەدەسەڵات بن و بۆ سوکایەتى پێکردنى سەرۆکى جوڵانەوەکە لەو هۆڵە دانراون.

 

 

تا درەنگانێکى شەوى رابردوو ئەندام پەرلەمانەکانى نەوەى نوێ و هاوڕێ نزیکەکانى سەرۆکى جوڵانەوەکە لەهەوڵدا بوون لەگەڵ بەرپرسانى ئەمنى و پارێزگارى سلێمانى و وەزیرى ناوخۆى و بریکارى وەزیر، تاکو چاویان بەناوبراو بکەوێت بەڵام هەریەکەو بە بیانوویەک داواکەى رەت دەکردنەوە.

 

 

لە دوێنێوە سەرۆکى جوڵانەوەى نەوەى نوێ لە زیندان راگیراوە، تاکو نوسینى ئەم راپۆرتەش ناوبراو ئازاد نەکراوە و بەوتەى هاورێکانى بێت ئەمرۆ ئەندامى دیکەشیان لێ دەستگیرکراوە، بەڵام دیار نییە تاکو ئێستە هۆکارى سەرەکى هێشتنەوەى ناوبراو لەزیندان چى بێت؟.!

 

author photo

ماسته‌ر له‌ زانسته‌ رامیارییه‌كان

ئه‌ندامى كاراى سه‌ندیكاى ڕۆژنامەنووسانی کوردستان