فەنزوێلاو ئۆكرانیا، لە نێوان ئەمەریكاو ڕووسیادا

ئەمەریكا ئۆكرانیا بە ڕووسیا دەفرۆشێت‌و ڕوسیاش فەنزوێلا دەداتە ئەمەریكا

فەنزوێلاو ئۆكرانیا، لە نێوان ئەمەریكاو ڕووسیادا

694 خوێندراوەتەوە

بزانە ڕوسیا چی فێڵێكی كردوە؟ بۆ ئەوەی لەتەنگژەو كێشەی ئۆكرانیا ڕزگاری بێت، ڕوسیا ویستی مامەڵەیەكی سەیری لەگەڵ ئەمەریكا هەیە، ئەیەوێ‌ ڤەنزوێلا بەكاربهێنێت وەك كارتی فشار لەسەر ئەمەریكاو ئاڵوگۆڕی هەردوو دۆسیەكە بكەن.

،،

مۆسۆكۆ له‌پرسی ئۆكرانیا سه‌ركه‌وتوونه‌بوو.

 

سایتی هێل بابەتێكی لەژێرناونیشانی فێڵێكی نوێی ترسناكی ڕوسیا لەسەر ئەمەریكا بڵاو كردووەتەوە كە مامەڵەكردنە بەدۆسیەی فەنزوێلا لەبەرامبەر ئۆكرانیا.

 

ستیفن بلاك لێكۆڵەری بەشدار لەئەنجومەنی سیاسی دەرەوەی ئەمەریكا نوسیویەتی ئەمە نوێترین بەرەی مۆسكۆیە دژ بە ئۆكرانیا .

 

بلاك ئاماژەشی بەوە كردووە مۆسكۆ دوای ئەوەی سەركەوتونەبوو لەدانانی فۆلۆدۆمیر زیلینسكی وەك سەرۆكی ئۆكرانیا و نەیتوانی ئەو وڵاتە بەئاراستەی سەربەخۆیی و دیموكراتی بوەستێنێت،ئێستە ئەیەوێ‌ ڕۆڵ لەبەرامبەر واشنتۆن بگێڕێت.

 

ناوه‌ندی مه‌یدانی  هه‌واڵگیری ئه‌مریكی 

 

 

نوسەر وێنەی ئەو پلانەی ڕوسیای بۆ كێشاوین، ئەویش ئەوەیە واشنتۆن مۆسكۆ دەستكراوە بكات لە ئۆكرانیا، لەبەرامبەریشدا مۆسكۆ واشنتۆن دەستكراوە دەكات بۆ كۆتایهێنان بەدەسەڵاتی مادۆرۆ لە فەنزوێلا.

 

بەمەش دەبێ‌ واشنتۆن و ئیدارەكەی ترەمپ هەموو ئەو ڕێوشوێنە سەربازییانەی كە دەبنە ڕێگر لەبەردەم مۆسكۆو تیمەكەی پۆتیندا لاببەن یان لانیكەم بەربەستەكان بەهێز نەكەن.

 

مادۆرۆ سه‌رۆكی ڤه‌نزویلا

 

 

،،

واشنتۆن و مۆسكۆ، ئۆكرانیان و فه‌نزوێلایان به‌سه‌ر یه‌كتریدا دابه‌ش كردووه‌.

 

 

بلاك لەبابەتەكەیدا كە ماڵپەڕی جەزیرەی قەتەری بەزمانی عەرەبی بڵاوی كردوەتەوە ئاماژەی بەوە كردوە كە ڕووسیەكان بڕوایان بەخۆیان هێناوە كە سەرۆك ترەمپ گەشتوەتە ئەو بڕوایەی دەبێ‌ واشنتۆن لەگەڵ مۆسكۆ پەیوەندیەكانی ئاسایی بكاتەوە.

 

دواتریش بلاك ئاماژەی بەوەكردووە كە پۆتینی سەرۆكی ڕوسیاش ئەم بڕوایەی هەیە، بلاك ئەمەی هەروا بەهەوانتە و ئاسایی دانەناوە.

 

،،

ڕێكه‌وتنی واژۆكراو هه‌یه‌، له‌نێوان ئه‌مریكا و ڕوسیا.

 

 

ئەگەر ئەم بۆچوونەی ڕووسیەكان وابێت، پێوویستە ئەمەریكا هەوڵبدات پەیوەندیەكانی لەگەڵ ڕوسیا باشبكات و خۆی لەو تەنگژەیە دەرباز بكات كەسەركەوتوو نەبووە تیایدا.

 

نوسەر هێمای بۆ ئەوە كردوە كەلە پەیماننامەی ستارتی نوێدا هاتووە (پەیماننامەیەك بوو لە 8 نیسانی 2010 لەپایتەختی چیك لەنێوان باراك ئۆباماو میدفیدیف واژۆكرا، تێیدا ئاماژە بەكەمكردنەوەی فشاری سنوری لەنێوان هەردوولادا بۆ لە %30 درابوو، وەپەیماننامەكە باسی لە هاریكاری و سەركردایەتی هاوبەشی نێوان واشنتۆن و مۆسكۆی كردبوو لەبواری چەكی ئەتۆمیدا، لە ساڵی 2011 وە دوای ئەوەی مەجلیسی پیرانی ئەمەریكا پەسەندیكرد، كەوتە بواری جێبەجێكردنەوەو چاوەڕوانكراوە هەتا ساڵی 2021 بەردەوام بێت).سەرچاوە ویكیبیدیا

 

فلادمێل پۆتین و دۆناڵ ترامپ له‌كۆنگره‌یه‌كی ڕۆژنامه‌وانیدا

 

هەروەك باسی ئەوەشی كردووە كە ئەگەر ئەمەریكا ئەم هەنگاوە بنێت كەس ناتوانێ‌ لەڕووی ئەخلاقی سیاسییەوە بەرگری لەئەمەریكا بكات، بەواتایەكی تر واشنتۆن كارەساتی ستراتیژی بۆ خۆی دوستكردوە.

نوسەر باسی لەوەش كردوە كە هێزە چەكدارە ڕووسییەكان كەبە جوداخواز ناوزەدكراون، لەبنەڕەتدا هاوكاری ڕووسیان لەئۆكرانیا، هەرئەوان بوون دورگەی قرم و دۆنباسیان داگیركردو لەدوای جەنگی سەدام بەرامبەر كوەیت بەگەورەترین دوژمنكاری ئابڕوبەر دادەنرێن، بێگومان پۆتین وازی لەم هێزانە هێنا بۆ چەند ئامانجێك

  یەكەمیان: ئۆكرانیای سەربەخۆ لەناوببەن.

دووەم: مۆسكۆ تاكلایەنە پەیماننامەكەی پێشێلكرد لەبواری چەكی ئەتۆمی و دواتریش ئەنتۆنۆفی سەفیری مۆسكۆی لەواشنتۆن باگهێشتكردو پێی ڕاگەیاند هەموو ئەو چەكە ئەتۆمیە نوێیانەی پۆتین و هاوپەیمانەكانی نمایشیان كردوە بۆ ترساندنی ئەمەریكا قابیلی سازش نییە.

 

سێیەم: ئەوەی لەفەنزوێلا ئەگوزەرێت پەیوەندی بەهێزەكانی ڕووسیاوە نییە بە ئەندازەی ئەوەی كە پەیوەندی بەهێزەكانی كوباوە هەیەو ئەوانیش لەناو ڕێكەوتننامەی ڕوسی و ئەمەریكیدا نین.

 

ڕوسیا ئۆكرانیان

 

 

بلاك بۆچونی خۆی خستوەتەڕوو كە ئاڵوگۆڕی ئۆكرانیا بەفەنزوێلا ڕوخاندنی هەریەك لە ئۆكرانیایە كە ئەمەریكا پەیمانیداوە پاڵپشتی بكات،وە دانپێدانانی ڕاستەوخۆشە بەوەی كە مۆسكۆ مافی هەیە دەستێوەردان لەئەمەریكای لاتین بكات، ئەم هەنگاوەش (ئاڵوگۆڕی دۆسیەی ئۆكرانیا بەفەنزوێلا) زیاتر ڕەواییدانە بە ڕووسیا ترس لە ئەمەریكای لاتین دروست بكات، بەهاوكاریكردنی یاخیبووەكان و ئەو گروپانەی مامەڵەی مادەی هۆشبەر دەكەن.

 

لەكۆتاییدا بلاك ئاڵوگۆڕی دۆسیەی ئۆكرانیا بەفەنزوێلا زامنی كەمبونەوەی ئاسایشی هاوپەیمانەكانی ئەمەریكایە، واتە ئەمەریكا ناتوانێ‌ هیچ بكات بۆ وەستاندنی جەنگی ڕاگەیاندنی درێژی مۆسكۆ كەكاركردنی بوە بۆ ناشیرین وێناكردنی دیموكراسیەتی ئەمەریكاو هاوپەیمانەكانی لەئەوروپاو ئەمەریكای لاتین.

 

author photo

ماستەر لە زمانی عەرەبی