هەڵبژاردنەکانی پەرلەمانی ئەوروپا و کوردستانی باشور

به‌هێزبوونی پارتی سه‌وزه‌كان، و كاریگه‌ری له‌سه‌ر كوردستان

هەڵبژاردنەکانی پەرلەمانی ئەوروپا و کوردستانی باشور

155 خوێندراوەتەوە

هەڵبژاردنەکانی پەرلەمانی ئەوروپا دوو دیاردەی سەرنجڕاکێشی تیادا ڕویدا: بەهێزبونی فاشیستەکان لە گەڵ دەرکەوتنی سەوزەکان.

 

 

،،

سه‌ركه‌وتنی پارتی سه‌وزه‌كان، گوزارشته‌ له‌پێشكه‌وتنی گه‌لی ئه‌وروپی و ڕه‌تكردنه‌وه‌ی ئه‌م جۆره‌ سیاسه‌ته‌ی ئێستا ئه‌وروپا په‌یڕه‌وی ده‌كات.

 

 

 پرۆژەی فاشیستەکان کاریگەری خراپی دەبێت لە سەر هەموان. بەڵام من لێرەدا دەمەوێت بە کورتی بڕێک ڕوناکی بخەمە سەر بەهێزبونی سەوزەکان و کاریگەری لە سەر ئێمە.

 
بەهێزبونی سەوزەکان دەرئەنجامی بەئاگابون و خواستی بەرجەستەکردنی جۆرێکی ترە لە ژیان، بە پشت بەستن بە تەکنەلۆجیا و وزە و ژیاری جیاواز.
یەکێک لە بنەماکانی ئەم وەرچەرخانە کەمکردنەوە و نەهێشتنی سوتانی نەوت و غازە.

 

،،

ئێستا هه‌وڵ ده‌درێت جێگره‌وه‌یه‌ك بۆ نه‌وت  و غاز بدۆزرێته‌وه‌.

 

 

وێستگه‌ی نه‌وت و غاز له‌هه‌رێمی كوردستان

 

 ئەمڕۆ ئەم ئامانجە نەک خەون نیە، بەڵکو واقیعە و هەتابێت ڕۆژ لە دوای ڕۆژ زیاتر بەرجەستە دەبێت و لە ساڵانێکی کەمی داهاتودا دیموکراتیزە دەبێت. مەبەستم لە دیموکراتیزەبونی ئەوەیە کە زۆرینەی زۆری خەڵك دەتوانن لێی سودمەند بن.

 
بە دەست هێنانی وزە لە سەرچاوەی ترەوە جگە لە نەوت و غاز، ژیاری ئێمە دەگۆڕێت. بە پێی ئەو زانیارییە نهێنیانەی کە سی ئای ئەی لە گەڵ وڵاتێک وەک سعودیەدا ئاڵوگۆڕی کردوە، لە ساڵانێک کەمی داهاتودا، خواستی دونیا بۆ نەوت دەگاتە لوتکە و پاش ئەوە هەتابێت کەم دەکات. 

 

سود وه‌رگرتن له‌وزه‌ی خۆر، وه‌ك جێگره‌وه‌ی نه‌وت و غاز

 

 
ئێمە درەنگ هاتینە ناو دونیا نەوت و غاز، ئێستا چەند مەترسییەک لە ئارادایە:

 
یەکەم، ئێمە ئەوەندە کاتمان نیە کە نەوت و غاز بەکاربهێنین بۆ ژینمان

 
دوەم، دەبێت داهاتی سامانی سروشتی بەکاربهێنین بۆ ئەوەی بتوانین لە قۆناغی داهاتودا بنەمایەکمان هەبێت.

 
سێیەم، وەک بیرمەندانی ئابوری کرێخۆری ئاماژەی پێئەدەن، کرێخۆری تەنها دیاردەیەکی ئابوری نیە، بەڵکو جۆرێکە لە ژیار و ڕەفتار، ئێمە دەبێت بیر لە گۆڕینی ڕەفتارمان بکەینەوە. ڕەفتار دەزگایە و لە رێگای دەزگا و ڕێکخراوە و دەگۆڕێت.

 
چوارهەم، جگە لە ئاستی ئابوری و کۆمەڵایەتی ئەم وەرچەرخانە کاریگەری گەورەی دەبێت لە سەر جیوپۆلەتیک و گرنگی ئەم ناوچەیە. ئەمڕۆ سامانی سروشتی ڕۆژهەڵاتی ناوەڕاست بۆ ئەوروپا و ئەمریکا گرنگ نیە. بەڵام داهاتەکەی گرنگە. ئەمە بابەتێکی ئاڵۆزە چۆن ئەم سیستەمی ئابورییە داڕێژراوە. 

 
پێنجەم، چیدی ئەو ڕۆژگارە ڕۆشت چاوڕێی کۆتایی نەوت و غاز بین، پیش کۆتایی هاتنی گرنگی نامێنێت. 
هەرچەندە هەندێک بوار وەک فڕۆکە و بواری تری تایبەت بەکاربەری نەوت دەبن بەڵام وەرچەرخانێکی گەورە لە ئارادایە.

 

author photo

تایبه‌ت به‌ دیپلۆماتیك