داوی مەككە و پەكەكە

توركیاو قەتەر پێشنیاریان كردبوو پەكەكەو پەیەدە و هێزەكانی سوریای دیموكرات، بخرێنە لیستی تیرۆرەوە

داوی مەككە و پەكەكە

801 خوێندراوەتەوە

 توركیاو قەتەر و ١١ وڵاتی ئیسلامی ڕێگربوون لە ئیدانەكردنی ئێران لە بەیانامەی كۆتایی كۆبونەوەی لوتكەی وڵاتانی ئیسلامیدا. توركیاو قەتەر پێشنیاریان كردبوو پەكەكەو پەیەدە و هێزەكانی سوریای دیموكرات، بخرێنە لیستی تیرۆرەوە بەتۆمەتی ئەنجامدانی دەیان كاری تیرۆرستی دژی توركیاو هاوڵاتیانی سوریا.

 

،،

بنه‌مای یه‌كگرتن و دروست كردنی ڕێخراوی كۆنگرەی ئیسلامی، به‌هۆی كاره‌ تێكده‌رانه‌كانی جوله‌كه‌وه‌ بوو له‌ وڵاتانی عه‌ره‌بی ئیسلامی

 

دواین كۆبونه‌وه‌ی ڕێخراوی كۆنگره‌ی ئیسلامی، به‌سه‌رۆكایه‌تی سعودییه‌

 

 بەڵام پێشنیارەكەی توركیاو قەتەر لەلایەن سعودیەو بەحرەین و ئیمارات و زۆرینەی وڵاتانی ئییسلامیەوە ڕەتكرایەوە، بەو هۆیەوە پێشنیارەكەی سعودیەو ئیمارات و بەحرەین بۆ ئیدانەكردنی ئێران لەلایەن قەتەرو توركیاوە ڕەتكرایەوە، بەیاننامەی كۆتایی لوتكەكەش زۆرینەی خاڵەكانی پەیوەست بوو بە فەلەستینەوە.

  ڕێكخراوی هاریكاری ئیسلامی لە ١٩٦٩/٩/٢٥ لە ڕیباتی پایەختی مەغریب دامەزرا، دوای ئاگرەكەی قودس و سوتاندنی مزگەوتی ئەقسا لەلایەن جولەكە توندڕەوەكانەوە. لە ١٩٦٩/٨/٢١ وڵاتانی ئیسلامی لە ڕیبات گۆنگرەیەكیان بەست لە ژێر ناونیشانی " بەرگری لەكەرامەتی موسوڵمان ئەركێكی نێودەوڵەتییە"، لەو كۆنگرەیەدا بڕیاردرا ( ڕێكخراوی گۆنگرەی ئیسلامی) دامەزرێنن كە دواتر ناوەكەی گۆڕدرا بۆ ( ڕێكخراوی هاریكاری ئیسلامی).

،،

یه‌كێك له‌دامه‌زرێنه‌رانی ئه‌م ڕێكخراوه‌، كۆماری ئیسلامی ئێرانه‌

 

 

 ڕێكخراوی هاریكاری ئیسلامی دووەم گەورەترین ڕێكخراوی نێودەوڵەتییە لەسەر ئاستی جیهان، لە دوای نەتەوە یەكگرتوەكانەوەو ٥٧ دەوڵەتی زۆرینە مسوڵمان لە ڕێكخراوەكەدا ئەندامن كە نوێنەرایەتی ١ ملیار و ٢٥٠ ملیۆن موسوڵمان دەكەن.

 

 

  سەرنج: ئێران یەكێكە لە دامەزرێنەرانی ڕێكخراوەكەو لە گۆنگرەی ساڵی ١٩٦٩ بەشداربوو، سەرەڕای پەیوەندییە باشەكانی لەگەڵ ئیسرائیلدا، بەڵام ئامادە بوو ئیدانەی ئیسرائیل بكات لەسەر ڕووداوی سوتاندنی مزگەوتی (الأقصى) لە قودس.

 

author photo

 

 

ـ خویندكاری دكتۆرا. 

ـ لێكۆڵەر لە ناوەندنی ئیمارات بۆ لێكۆلینەوەی ستراتیژی.

ـ لێكۆڵەر لە ناوەندی ڕۆژهەڵاتی ناوەڕاست بۆ لێكۆلینەوەی ستراتیژی.