نۆ ئاماژەی جوانەمەرگبوون ــ زوو مردن

نۆ ئاماژەی جوانەمەرگبوون ــ زوو مردن

832 خوێندراوەتەوە

 تەنیا ئەو کەسانەی تووشی نەخۆشییەکی کوشندە بوون، رۆژە ماوەکانی ژیانیان دەژمێرن، بەڵام دەبێ بزانی هەندێک هۆکار هەن کە دەتخەنە مەترسیی زوو مردن ئەگەرچی بە رڕوواڵەتیش تەندروست دیار بی.

 

،،

دانیشتن و كارنه‌كردن، هۆكارێكی سه‌ره‌كی زوو مردنه‌!

 

 ئەمانە نۆ ئاماژەی ئەوەن کە ئەگەری زۆرە تۆ زووتر لەوە بمری کە پێشبینی دەکەی:

 

 1-ئەگەر نەنک و باپیرت زوو مردبوون: توێژینەوە لەسەر دووانە لێکچووەکان دەریخستووە جینەکان بە راددەی 25% رۆڵیان هەیە لە دیاریکردنی تەمەنی مرۆڤ.

  بەڵام نابێ کە جینەکانت بە ئاراستەی تەمەندرێژی بوون ئیدی پاڵی لێبدەیتەوە و وابزانی تەمەندرێژ دەبی، چونکە ئەو ٧٥٪ ەی دەمێنێتەوە بە هۆکارگەلێک دیاریدەکرێن کە لە دەستی خۆتن و پەیوەندییان هەیە بە شێوازی ژیان و هەڵسوکەوتت لەڕووی تەندروستییەوە.

 2- گرنگی بە پیشە و خولیاکانت نادەی: بە گوێرەی توێژینەوە دەروونناسییەکان، گرنگیدان بە پیشەکەت و کارکردنت بە دڵسۆزی و هەستی ئامانجدارییەوە تەمەنت درێژدەکات.

 بە پێچەوانەوە کارکردن تەنیا بۆ کۆتاییهێنان بە رۆژەکانی مانگ و وەرگرتنی مووچە بارێکی دەروونیی ئەوتۆ دروستدەکات کە رێگەخۆشکەر دەبێ بۆ زوو مردن.

 3- بە درێژایی رۆژ دادەنیشی: لە پێش تەلەڤیزیۆن بێ یان لە ئۆفیس، زۆر دانیشتن کرۆمۆسۆمەکانت بەرەو ئاراستەیەک دەبەن کە هانی زوو مردنت دەدەن، چونکە دەبێتە هۆی کورتبوونەوەی تێلۆمەری کرۆمۆسۆمەکانت. تێلۆمەر بەرگێكی پارێزەرە لە بەشی كۆتایی كرۆمۆسۆمەكاندا و DNA ی خانەكان لە تێكچوون دەپارێزێت.

لەگەڵ چوونە تەمەن و دابەشبوونەوەی چەند بارەی خانەكاندا، كورتیی ئەم تێلۆمەرانە كەمدەبێتەوە. واتا هەتا تێلۆمەرەكان كورتتر بن، نیشانەكانی پیریی زۆرتر لەسەر جەستە دەردەكەون.

 

 

 

 

  4- ناتوانی خێرا پیادەڕەوی بکەی: ئەگەر لە پیادەڕەویدا هەمیشە دەکەویتە دوای هاوتەمەنەکانت و ناتوانی وەک ئەوان خێرا رێبکەی، ئەوە نیشانەیەکی باش نییە.

 نەتوانینی رێکردن بە خێرایی، لەوانەیە ئاماژە بێ بەوەی گرفت هەیە لە کارکردنی سییەکان، دڵ، سووڕی خوێن و ماسولکەکان.

،،

كۆبونه‌وه‌ی چه‌وری له‌ له‌شدا، یه‌كێكی دیكه‌یه‌ له‌نیشانه‌كانی زوو مردن.

 

 

5- ناتوانی قورسایی بەرزبکەیتەوە: مەبەستمان لەوەنییە کێشە قورسەکانی یاری ئاسن بەرزبکەیتەوە، بەڵکو مەبەست ئەوەیە گرفتت هەبێ لە هەڵگرتنی کەرەستە ئاساییەکانی وەک چەند توورەگەیەک سەوزە و میوە لە بازاڕەوە بۆ ماڵەوە. ئەوە نیشانەی ئەوەیە ماسولکەکانت بچووک و لاوازن و ئەوەش ئاماژەیەکە بۆ مەترسیی زوو مردن.

 بچووکی ماسولکەکانی قاچ پیرەکان دەخاتە بەر مەترسی کەوتن، لاوازیی ماسولکەی سکیش ئاماژەیە بۆ کۆبوونەوەی چەوریی لە کەمەردا، هەموو ئەوانەش مەترسیدارن.

 

 

 

6- بڕوانامەی خوێندنی باڵات نییە: داتاکانی نێوەندی کۆنترۆڵکردن و پێشگیریی لە نەخۆشییەکان (CDC) لە ئەمریکا دەریان خستووە ئەوانەی بڕوانامەی زانکۆ و پەیمانگەیان هەیە بە تێکڕا 9 ساڵ زۆرتر دەژین لەوانەی بێ بڕوانامەن.

 رەنگە هۆکار ئەوە بێ خاوەن بڕوانامەکان زانیاریی زۆرتریان هەبێ سەبارەت بە بنەماکانی خۆپارێزی لە نەخۆشیییەکان، هەروەها بە گشتی داهاتی خاوەن بڕوانامەکان جێگیرتر و باشترە لە کەسانی بێ بڕوانامە.

 

قۆناغه‌كانی ته‌مه‌نی مرۆڤ

،،

جگه‌ره‌، هه‌نگاوه‌خێراكه‌ی به‌ره‌و مردن.

 

 7- خواردنی خێرا دەخۆی نەک ژەمی ماڵەوە: ئەو کەسانەی خواردنی سروشتی و کلاسیکی دەخۆن و بژاردەی تەندروستانەیان هەیە، ئەگەری مردنیان بە هەر هۆیەک بە راددەی 25% کەمترە لەوانەی خواردنی خێرا و لە قوتونراو و ساندویچ و هاوشێوەکانیان دەخۆن.

 8- لە هاوژینەکەت جیابوویتەوە: هاوسەرگیری بە تایبەت بۆ پیاوان گرنگە لەڕووی تەندروستییەوە. توێژینەوەیەکی زانکۆی کالیفۆرنیا دەریخسستووە زۆرینەی ئەو پیاوانەی هاوژینیان هەیە دەگەنە تەمەنی 70 ساڵی، ئەوە لە کاتێکدایە ئەوانەی هاوژینیان نییە تەنیا 33% یان دەگەنە ئەو تەمەنە.

 9- جگەرە دەکێشی: ئەمەیان روونکردنەوەی ناوێ، چونکە بەڵگە ئێجگار زۆرن کە دەریدەخەن جگەرە تەمەن کورتدەکاتەوە.

 سەرچاوە: فۆکس نیوز