لە نێوان توندڕەوی و کورت ڕەویدا

لە نێوان توندڕەوی و کورت ڕەویدا

699 خوێندراوەتەوە

زێدان تەها

کتێبی میانڕەوی، لێکۆڵینەوەیەکە ئەیەوێ پێمان بڵێت چەمکی میانڕەوی چییەو چ خەسڵەتێک لەخۆ ئەگرێ، تا ئێمە جودای بکەینەوە لە کورتڕەوی و زێدەڕۆیی، یاخود توندوتیژی، واتە ناساندنی میانڕەوی وەک حاڵەتێکی نێوەندی لەنێوان هەردوو چەمکەکەیتر، بەتایبەت دوای ئەو دابەشبوونە شاقوڵیەی نێوان هزرە دژبەیەکە دینیەکان کەتەوزیف بوون بەسەر چەند ڕەوتێکی ئایدۆلۆژیدا.

 

،،

لەبەرامبەر میانڕەویدا، کورتڕەوی و توندوتیژی هەیە.

 

 

 

 نووسەر لەڕێگەی ئەم لێکۆڵینەوەیەوە ئەیەوێ ئەوەمان پێ بڵێت کە میانڕەوی ڕێبازی ئیسلام و خەسڵەتی موسوڵمانانە واتە میانڕەی لە ئاینی ئیسلامدا تەنها بەدەق و بنەماکانی خودی ئاینەکە ئەبێت، بەشێوەیەک ئیستیقامە لەسەر ئاینەکە وەرگرێت کەبێ کەم و کورتی و بێ زێدەڕۆیی پابەند بێت بە فەرمان و نەهی لێکراوەکانەوە ،گەڕانەوەیە بۆ ڕەسەنایەتی و کڕۆک و ناواخنی ئاین بەشێوەیەکی میانڕەوی.

 

 

 لەکاتی ئێستاماندا لەبەرانبەر میانڕەوی دوو شێوەی تر ئامادەییەکی بەرچاوی هەیە ئەوانیش کورتڕەوی و توندوتیژیە، کورتڕەوی بو مانایەی کەکەم نین ژمارەی ئەو کەسانەی دروشمی کرانەوە و نەرمی و دووبارە پێداچوونەوە بەدەقەکاندا ئەکەن.

 

،،

ئیسلام لەگەڵ توندوتیژی نییە.!

 

 

 

  بەو مانایەی بڵێن کە ئیسلام سەرچاوەی تیرۆر نییە، ڕێگایەکە بۆ بەرقەراربوونی ئاشتی و، لێرەدا ڕەوتێک ئامادەیی هەیە ئەیەوێ هاوئاوازی بنەما چەسپیوەکانی دیموکراتیەت نەشونما بکات، وە زێدەڕۆیش بەو مانایەی کەوای ئەبینن هەڵگرانی ئەو ئاینە دەستیان هەڵگرتووە لەجەوهەر و ناواخنی ئاینەکە و ملیان کەچ کردوە بۆ کوفر و بێ دەسەڵاتن، ئەیانەوێ ببن بەوەسیلەیەک بۆ گەڕانەوە بۆ سەروەربوونی ئاین و گەڕانەوەی ڕەسەنایەتی.

 

 

 ئەمەش لەڕێگای ئەنجامدانی کردەی توندڕەوی و شێواندنی ئاسایش و ئارامیەوە، کەهیچیان جێیان نابێتەوە لەگەڵ سەوابتە چەسپیوەکانی ئیسلامدا، بەڵکو ئەم میانڕەوییە تەنها بەدەق و سەوابتەکانی ئاینەکە خۆی دەبێت کەجیاکەرەوەیە لە کورتڕەوی گاورەکان و وەزێدەڕۆیی خاچپەرستەکان.

 

 

 

 ئەم لێکۆڵینەوەیە چەند خەسڵەتێکی جیاکەرەوەمان بۆ دەستنیشان ئەکات کە میانڕەوی پێ بناسینەوە ئەوانیش پێکدێن لە ( وردبینی و کارزانی، بەردەوامبوون و کۆڵنەدان ، کارئاسانی و لابردنی بارگرانی، نێوەندگیری، چاکویستی و چاکەکاری، دادپەروەری ) کە خۆی لە شەش خەسڵەت و ڕواڵەتدا ئەبینێتەوە.

 

 

 کەهەر یەکێک لەو چەمکانە بەوردی شڕۆڤەکراوەو ڕونکراوەتەوە لەئەم کتێبەدا. بۆ ئەوەی ئێمە بەئاسانی بتوانین هەریەک لەو چەمکانە ڕێ و شوێنی خۆیدا بناسینەوە و جیای بکەینەوە.

 

دەرئەنجامی توندڕەوی

 

 

 

 چونکە ئەم خەسڵەتانە یارمەتیدەرمان ئەبێت بۆ دوورەپەرێزی و دوورکەوتنەوەمان لەو کورتڕەویەی کە ئێستا بڵاوە و ڕەواجی پەیدا کردووە کە ئەیانەوێ ئاینی ئیسلاممان پێشکەش بکەن بەتامی سیکۆلاریزم وە دوورکەوتنەوەشمان لە زێدەڕۆیی کەزیاتر خۆی تیرۆردا ئەبینێتەوە کەبووە بەبنەمایەک بۆ بەگژاچوونەوەی دین کەتۆمەتبار بکرێت بەسەرچاوەی بەرهەمهێنانی تیرۆر.

 

 

  لێرەدا چەند هۆکاڕێکی دیاریش ئاماژە پێئەکات کەهاریکارە بۆ دروستبوونی تیرۆر، ئەوانیش خراپ دابەشکردنی سەروەت وماڵی گشتی و بە هەدەردانی قووتی گشتی و وە دانەمەزراندنی دەرچوانی زانکۆ و پەیمانگاکان و کارزان و پیشەوەران وە لەلایەکیتریشەوە بێبەشکردنی گەنجان لەبڕیاری سیاسی و بەشداری چالاکیان لە پڕۆسەی سیاسی وڵات.

 

 

،،

 زۆرجار ئەم تیرۆرەش وەک پڕۆژەیەکی پلانگێڕی بەکاردەهێنرێن لەلایەن نەیارانی ئایدۆلۆژیەوە.

 

  وە هۆکارێکی تری بەهێزتریش توندڕەوی سیکۆلار و ئەنتی دینییەکان کەهەستی خۆپارێزگاریکردن لای ئیماندارن دەوروژێنن، کە تێیدا پەنا ئەباتە بەر توندئاژۆترین ڕێکارە نامرۆییەکان بۆ بەرپەرچدانەوەی ئەو هێرشە مەعنەویانەی ئەکرێتە سەریان.

 

 

  جا ئەم تیرۆرە یاخوود ئەگەڕێتەوە بۆ هۆکار گەلێکی مێژوویی، یاخوود ئەگەڕێتەوە بۆ ئەو باردودۆخ و کەش و هەوایەی کە دێتە پێشەوە، وە زۆرجار ئەم تیرۆرەش وەک پڕۆژەیەکی پلانگێڕی بەکاردەهێنرێن لەلایەن نەیارانی ئایدۆلۆژیەوە یاخوود درێژەدان و زەمینەسازی ئەبێت بۆ جێبەجێ کردنی هزری چەوت و لابەلا.