مورسی كوژراوە یان مردووە؟

مورسی كوژراوە یان مردووە؟

141 خوێندراوەتەوە

بەپێی ڕاپۆرتی ڕۆژنامەی ئیندی پێندنتی بەریتانی مردنی محەمەد مورسی ئاسای نەبووەو گومانی زۆر لەسەر كوشتنی هەیەو لە دوای كەوتن و بێهۆش كەوتنی ٢٠ خولەك جێهێڵراوە تا گیانی سپاردووە دواتر بە مردووی براوە بۆ نەخۆشخانە، ئەڵمانیا و بەریتانیاش داوای ڕوونكردنەوەی پێویست دەكەن لەسەر مردنی مورسی.

 

،،

ئه‌و لیژنه‌ی كه‌یسی كوشتنی جه‌مال خاشعچی له‌ئه‌ستۆگرتووه‌، هه‌مان لیژنه‌ له‌نه‌ته‌وه‌ یه‌كگرتووه‌كان له‌سه‌ر به‌دواداچوونی مردنی مورسی ده‌ستبه‌كاره‌. 

 

 هەر ئەمڕۆ لیژنەی لێكۆڵینەوەی نەتەوەیەكگرتووەكانی تایبەت بە كەیسی جەمال خاشوقچی ڕاپۆرتی كۆتایی خۆی بڵاوكردوە لە ڕاپۆرتەكەدا محەمەد بن سەلمانی تۆمەتبار كردووە بەوەی دەستی لە كوشتنی خاشوقچی دا هەبووەو لیژنەكە داوای كردووە سزا بەسەر بن سەلماندا بسەپێنرێت.

 

 

محمد بن سه‌لمان

 لەسەر ڕاپۆرتەكە لینزی گراهامی سیناتۆری دیاری كۆمارییەكان ڕایگەیاند سعودیەكان شەرمەزاریان كردم و چیتر پشتیوانیان نابم.

  هاوكات ژمارەیەك لە سیناتۆرەكانی كۆماری و دیموكراتەكان داوایان لە دۆناڵد ترەمپ كردووە سزای بن سەلمان و سعودیە بدات و چاو پۆشی لە تاوانەكە نەكات.

 ڕەجەب تەیب ئەردۆگانی سەرۆككۆماری توركیا پێشوازی لە بڕیاری نەتەوەیەكگرتووەكان كردو ڕایگەیاند بكوژانی خاشوقچی دەربازیان نابێت و توندترین سزا وەردەگرن.

 

جه‌مال خاشعچی

 هاوكات هەر ئەمڕۆ ڕۆژنامەی گاردیانی بەریتانی ڕاپۆرتێكی لەسەر محەمەد بن سەلمان بڵاو كردەوەو ڕایگەیاند دەستەیەك لە هاككەرانی نوسینگەی بن سەلمان ئەكاونتی دوو ڕۆژنامەنووسی ڕۆژنامەی گاردیانیان هاكردووە كە لێكۆڵینەوەیان لە پێشێلكاریەكانی محمد بن سەلمان كردووە.

 ئەم ڕووداوانە لە كاتێكدایە كە سعودیە و میسر و ئەردەن پەشیمان بونەوە لە بەشداریكردن لە یەكەم كۆبونەوەی ڕاگەیاندنی ڕێكەوتنی سەدە(صفقة القرن).

  ئەم ڕووداوانەش لەلایەك فشارە بۆسەر ئەو لایەنانە كە پێویستە سازش بكەن و ڕازیبن بە ڕێكەوتنی سەدە كە ٢٥-٢٦ ئەمانگە لە بەحرەین ڕادەگەیەنرێت.

 

author photo

 

 

ـ خویندكاری دكتۆرا. 

ـ لێكۆڵەر لە ناوەندنی ئیمارات بۆ لێكۆلینەوەی ستراتیژی.

ـ لێكۆڵەر لە ناوەندی ڕۆژهەڵاتی ناوەڕاست بۆ لێكۆلینەوەی ستراتیژی.