بەرەنگاری لە ناوجەرگەی دەسەڵاتەوە

دەربارەی گەڕانەوەی مەزهەری خالقی‌و پرسێكی گشتیتر لە بارەی دەسەڵات‌و بەرەنگارییەوە

بەرەنگاری لە ناوجەرگەی دەسەڵاتەوە

345 خوێندراوەتەوە

 ئه‌بووبه‌كر حه‌سه‌ن

١

 

‎وە نەبێت دەسەڵات بێئاگاو نەزان و گێل بێت لەوەی؛ بەردەوام هەوڵی كەشفكردن و دۆزینەوەی هێڵەكانی بەرەنگاری نەدات، لەوەی بیناهێنێتە دەرەوە، كەشفیان بكات، زیاترو زیاتر كۆنكرێتیان بكاتەوە. بیانكاتەوە بە فیگەرگەلی بینراو، بەرچاو، بیستراو...

 

،،

هه‌میشه‌ ده‌سه‌ڵاتی سیاسی ئه‌وه‌ ده‌زانێت كه‌به‌رنگاری و هێزی ناڕازی له‌به‌رامبه‌ریدا هه‌یه‌ و به‌رده‌وه‌م خوێندنه‌وه‌ی تایبه‌تی خۆی بۆ مامه‌ڵه‌كردن له‌گه‌ڵیان داده‌ڕێژێت.

 

 

 دەسەڵات باش تێدەگات كە لەو شوێنەی هەیە بەڕەنگاریش هەیە، بۆ كۆنترۆڵكردن و گرتن و ڕامكردنی ئەم بەرەنگارییە، ئەم هێڵانەی بەرەنگاری، هەم خۆی ون دەكات، هەم خۆی لە فۆرمی بەرەنگاریدا فۆرمیولە دەكات و دەتوانئت گەمەو یاری ئەوە بكات وەك ئەكتگەلی بەرەنگاری خۆی دەربخات و خۆی پێناسە بكات.

  هەمیش سەرقاڵی دەرخستن و دۆزینەوەی هێڵەكانی بەرەنگارییە. بەڵام دەبێت بەڕەنگاریش ئاگایی و هوشیاریی و ستراتیژو گەمی خۆ ونكردن و خۆ شاردنەوەو زیگزاگی زیاتری هەبێت.

 

٢

 

‎لە ئێستادا، ڕەنگە خراپترین جۆری بەرەنگاری، بەرەنگاری بەرەیی و شەڕی دەستەو یەخەی ئاشكراو ڕوونی دەسەڵات و بەرەنگاری بێت. شەڕی بەرەیی واتە شەڕێك كە بەرەكان دیار بێت و سەنگەرەكان ڕوون و ئاشكرا بن.

 بەرەكارییء شەڕی بەرەیی واتە جیاكردنەوەو ناولێنان و ستراتیژی جیاكردنەوەی ڕوون و ڕەوانی بەرەو سەنگەرەكان، بەرچاویی و لە بەرچاوبوونی هێزە نەیارو دژەكان. لێرەوە زۆر شت بۆ دەسەڵات ئاسانتر دەبێت تا كۆنترۆڵی بكات، تا دایمركێنێتەوەو، لە ناو ستراتیژی خۆیدا هێزی جوڵەپێكردن و یاری پیكردنی هەبێت.

 

٣

 

‎دەسەڵات، بۆ ئەوەی هێڵەكانی بەرەنگاری دەر بخات و لە گەمەو ستراتیژیی گەریلایی بیانخات، ئەم شەڕە بە ڕوونی و ئاشكرایی بە خۆی ناكات، بەڵكو خودی خۆی كە بە فۆرمی مایكرۆیی لە ناو بەرەنگاریدا نووستووەو كار دەكات، دێت و لەم ڕێگەیەوە خۆی بەرهەم دێنێتەوەو و هەژموونی خۆی درێژ دەكاتەوەو زاڵبوونی خۆی بە بێ پەیبردنێكی ماكرۆیی سەر ڕێگا دەخات

 

٤

 

 

 

‎گلەیی، گازەندە، سەركۆنەكردنی گەڕانەوەی مەزهەری خالقی بۆ ڕۆژهەڵات، دەسەڵات دەیەوێت چەندین پەیام و ستارتیژی خۆی سەر ڕێگا بخات، لە لایەكەوە لە ڕێگەی ئەو هەموو سەرزەنشت و دەنگ بەرزكردنەوەوە دەیەوێت بەرەكان جیا بكاتەوەو هێڵەكانی بەرەنگاری بە دیار بخات.

  بەواتایەكی دیكە دەیەوێت بەرەنگارییەكی گەریلایی سوژەو سوژەسازییەكی بەرەنگاری كوردی كە لە هەناوی خۆیدایە بهێنێتە دەرەوەو بیكات بە شەڕی بەرەیی ئاشكرا.

 

،،

ده‌سه‌ڵاتی سیاسی كۆماری ئیسلامی ئێران با ش كوردیان ناسیوه‌ و زانیویه‌نه‌ كورد شه‌خس په‌رستن و به‌گه‌ڕانه‌وه‌ی خالقی ده‌یه‌وێت هه‌ست و سۆزی كورد بۆ لای خۆی ڕابكێشێت.

 

  لە لایەكی دیكەوە دەیەوێت ئەو فیگەرو سەرمایانەی كە مانیڤێستی ڕۆحی نەتەوەو جڤاكێكن، تێكبشكێنێت. دونیای ئێمە تا ئه‌م چركەساتەش جگە لە كەس و بكەرێك، ناتوانێت وێنای خۆی بكات، لە ناو شكست و سەركەوتنی ئەم فیگەرە مرۆییەشدا كە بەرهەمی دۆخێكی سۆسیۆلۆژی كۆمەڵگەی ئێمەیە.

 

 

 سروشت و ستراكتورێكی غەیبانی پێغمبەرپەرستی و فریادڕەسپەرستی كۆمەڵگەی ئێمەیە، لە كەوتن و. سەرەولێژبوونەوەی ئەم فیگەرە مرۆییەدا، دەچێتەوە ناو غەمگینیی، دەستەپاچەیی، كڵۆڵیی و میلانكۆلی خۆیی.

 هەر لێرەوە دەسەڵات تێگەیشتووە و. هوشیارە بەم سروشتە (كەس پەرستییەی) دونیای ئێمە كە هێڵێكی گەورەی بەرەنگارییە، كە تێكشكا، بەرەنگاری بۆ ماوەیەكی دوورودڕێژتر دوا دەخات.

 

 

 

 

‎چڕكردنەوەی فۆرمی بەرەنگاری لە كاریزماو بكەرێكی دیارو، پاڵەوان و ڕابەردا، لەو جێگەیەدا زۆر فشۆڵە كە گوزارشت و دەربڕە لە خەیاڵدانێكی غەیبانی و فریادڕەسیی جڤاك و كۆمەڵگەو گروپێك كە هەم ناتوانێت بەرەنگارییەكی ڕیزۆمی و ئاسۆیی و. كەمینەیی بینا بكات.

  هەمیش بە كەوتن و خستنی كاریزماو بكەرو ڕابەرەكە، كۆی بەرەنگارییەكان دەكەون و درزیان تیدەكەوێت، وە دەسەڵات بە ئاسانی هەم بەرەنگارییەكان دەبینێت و هەمیش لە ناوی دەبات

 

٥

 

‎لۆمەی مەزهەری خالقی دەكةین كە دەگەڕێتەوە، واتە دەمانەوێت لە دەرەوە بێت. مەزهەری خالقی فیگەرێكی ئیَمەیە، مانیڤێستی ڕۆحیی ئێمەیە لە ڕێگەی هونەرەوە.

  كەواتە دەبێت لە دەرەوە بێت، ئەمەش ویست و ئیرادەی دەسەلآت و. بەرەنگارییەكی بیمارە؛ ویست و ئیرادەی دەسەڵات لە هێشتنەوەی شەڕی بەرەیی و دیاریی و بەرچاویی هێڵەكانی شەڕو ڕوبەڕوبوونەوە.

 

 

 

  پاشان تێكشكاندنی پێغەمبەرو فریادڕەسەكانی ئیمە كە دەربڕی ئیرادەی كۆلێكتیڤی ئیمەن و لەوێشەوە شكستهینان بە بەرەنگارییەك كە بە چڕی لە كەس و ( فریادڕەسێكدا) بەرجەستە بووە.

 لە لایەكی دیكەشەوە بەرەنگارییەكی بیمار كە پەی بە جەنگی گەریلایی نابات و وەك بەرهەمهێنەرەوەی ستراتیژو ئیرادەی دەسەڵات دەیەوێت شەڕەكە شەڕی بەرەیی بێت. هەر لێرەوە لە ناو كردەی هەراوهوریای دەنگ بەرزكردنەوەی ئێمە دژ بە گەڕانەوەی مەزهەری خالقی.

  سەرزەنشتكردن و لۆمەكردن و گومان خستنە سەر ئەو شەڕە گەریلایی و ئەو بەرەنگارییە گەریلاییەیە كە لە (هەناوی دەسەڵاتدا) سەرقاڵی كردەو ئەكتی بەرەنگارین و كاراترو كاریگەرترن لە ئەوانەی لە دەرەوەن و شارەزایرن بە ستراتیژی شەڕو خۆ ونكردن و گەمەو ستراتیژی چالاكی بەرگریی و بەرەنگاری

 

٦

 

 

 

 

‎ئەم دەنگ بەرزكردنەوەو سەركۆنەكردنە بە ئاستێكی گەورە بە سودو قازانجی فۆرمێك لە سوژەسازیی نەتەوەیی و سوبژێكتیڤیتەی بەرەنگار دەشكێتەوە. بەڵام ئەوەش دەردەخات كە ئیمە هێشتاكە ( كەس) بۆ ئێمە لە تەواوی ئاستەكانی بەرەنگارییماندا گرنگە تا ئاستی كەوتن و شكستی ئەو (بكەرە) شكست و.

 سەرەولێژبوونەوەی ئەكتی بەرەنگاری لێدەكەوێتەوەو، لێرەوە دەبێت تێبگەین ئەم (كەسخوازییە) لە دونیای ئێمە. لە كوێوە دێت و چ خەیاڵدان و ستراكتورێك ڕایگرتووەو بەڕێوەی دەبات؟

 وە بۆچی ناتوانین گەورەتر لە كەس و. بكەرونپاڵەوانێك ئەكتی بەرەنگاری و. خۆمانیڤێستكردنمان ببینین و هێڵی فرەو جیاوازو ڕیزۆمیی و تۆڕیی سەر ڕێگا بخەین. وە گەوڕەتر لە ستراتیژو گەمەو یاساوڕێساكانی گەمەی دەسەڵات، ئێمەش قودرەت و هێزو توانای گەمەو ستراتیژی گەورەتری بەرەنگاریمان هەبێت

 

author photo

تایبه‌ت به‌ دیپلۆماتیك