مەترسی تەقینەوەی بەرمیلـە باروتەکەی ڕۆژهەڵاتی ناوەڕاست

مەترسی تەقینەوەی بەرمیلـە باروتەکەی ڕۆژهەڵاتی ناوەڕاست

565 خوێندراوەتەوە
 ئەمەریكا دەستپێكردنی ئۆپەراسیۆنێكی سەربازی لە ژێر ناوی ( پاسەواندا) ڕاگەیاند لە ئاوەكانی كەنداوی عەرەب و گەرووی هورمز و گەروی بابولمەندەب و دەریای سور.
 
 
 
 ئامانجی هەڵمەتە سەربازییەكە پاراستنی ڕێڕەوە ئاوییەكان و بازرگانی جیهانییە لە ناوچەكەدا لە مەترسییەكانی ئێران. ئەگەر چی ئەمەریكا ئاماژەی بەوە نەكردووە كە ڕووبەڕووی ئێران دەبێتەوە.
  بەڵام ئەوەی جێگای پرسیارە گەورەكەیە ئەوەیە ئەگەر ڕووبەڕووی ئێران ببێتەوە چۆن دەتوانێت ڕێگری بكات لەوەی ئێران كێشە بۆ بازرگانی دەریایی دروستنەكات و كەشتییە نەوتییەكان دەستبەسەر نەكات.
  ئەم هەڵمەتە سەربازییەو كۆكردنەوەی هێزەکانی ئەمەریكا لە كاتێكدایە ئەوەی ڕوون و ئاشكرایە كە هیچ لایەنێكیان( ئێران - ئەمەریكا) شەڕی ناوێت، بەڵام مەترسییە گەورەكە ئەوەیە بە هۆی هەڵەیەكەوە جەنگێكی نەویستراو و نە خوازراو ڕوو بدات.
 چونكە بەدرێژای مێژوو هەمیشە جەنگە گەورەكان بەهۆی هەڵەیەكی بچوكەوە ڕویداوەو دواتر بووە بەجەنگ، بۆ نموونە جەنگی جیهانی یەكەم بەهۆی تیرۆر شازادە ( ئەرشیدوك فرانز فردیناند)ی شازادەی نەمساوە بوو، لە ساڵی ١٩١٤ لە سریبا، جەنگی جیهانی دووەمیش بە هۆی لەشكركێشی هیتلەرەوە بوو بۆسەر پۆڵەندا لە ساڵی ١٩٣٩.
 
 لە ئێستاشدا دۆخی ڕۆژهەڵاتی ناوەڕاست بەهۆی كێشە سیاسی و ئاینی و مەزهەبی و نیودەوڵەتییەكان و بەریەکكەوتنی بەرژەوەندی وڵاتانی زلهێزەوە لە بەرمیلێك باروت دەچێت، تەنها پریشێكی بەسە بۆ گرگرتن و تەقینەوەی.
 بۆ شەڕیش هەمان بیردۆز ڕاستە چونكە شەڕی ناوخۆی هەرێم سەرەتا لەسەر چەند قازێك و دواتر ڕیزە دوكانێكی ڕانییە دەستیپێكرد.

 

author photo

لێكۆڵەر لە ناوەندی ئیمارات بۆ لێكۆڵینەوەی ستراتیژی