ترامپ، دەبێتە سەرۆکوەزیرانی بەریتانیا

بۆیەكەمینجار لە مێژووی ئەوروپادا بەڕەگەز توركێكی مسوڵمان دەبێتە سەرۆكوەزیرانی بەریتانیا

 ترامپ، دەبێتە سەرۆکوەزیرانی بەریتانیا

809 خوێندراوەتەوە

 چەند كاتژمێرێكیتر جیهان و ئەوروپا لەبەردەم ڕووداوێكی مێژوویدان، كەسێكی بەڕەگەز توركی مسوڵمان بۆیەكەمینجار لە مێژووی بەریتانیای خانەخوێی مەسیحیەت( كاسۆلیك) و ئەوروپادا دەبێتە سەرۆكوەزیران، ئەمشەوی ڕابردوو، دەنگدان لەسەر جێگرەوەیەك بۆ تیرزامەی سەرۆكوەزیران كۆتایی هات و هەموو ئاماژەكان بەو ئاراستەیەن " بۆریس جۆنسن" زۆرینەی دەنگەكان بەدەست دێنێت.

 

،،

دوای ده‌ستله‌كاركێشانه‌وه‌ی تیریزامەی، هه‌موو ئه‌گه‌ره‌كان بۆ بۆریس جۆنسن ده‌چێت كه‌ببێته‌ جێگره‌وه‌ی بۆ پۆستی سه‌رۆك وه‌زیرانی به‌ریتانیا كه‌به‌ڕه‌گه‌ز توركه‌ و له‌خێزانێكی مسوڵمان له‌دایك بووه‌، به‌ڵام له‌ئێستادا ئه‌و خۆی به‌مسوڵمان نازانێت و پشتیوانی جوله‌كه‌ و قه‌واره‌ی ئیسڕائیل ده‌كات.

 

بۆریس جۆنسن كێیە؟

بۆریس جۆنسن لە خێزانێكی مسوڵمانەو بەڕەگەز توركە، لە ساڵی ١٩٦٤ لە نیۆرك لە دایكبووە لە خێزانێكی تورك و باپیرە گەورەی عەلی كەمال لە كۆتای سەردەمی عوسمانیدا ڕۆژنامەی ئەقدامی لە نەمسا و سویسرا دەركردووەو نەیاری دەوڵەتی عوسمانی بووە.

  دواتر لە سەردەمی جەنگی سەربەخۆیی توركیای دوای ڕوخانی عوسمانیەكاندا لە (١٩١٩-١٩٢٣) عەلی كەمالی باپیری وەزیری ناوخۆ بووە لە حكومەتەكەی سەدری ئەعزەم محەمەد فەریددا، بەڵام تەنها دوای٣ مانگ لە پۆستەكەیدا ساڵی ١٩٢٢ لەلایەن لایەنگرانی مستەفا كەمال ( ئاتاتورك)ەوە بەتۆمەتی سیخوری لەگەڵ بەریتانیادا لە سێدارە دراوەو پێستی جەستەیان لێكردەوە و بە درختێكدا هەڵیان واسیوە.

 

 

 

 بۆریس جۆنسن و ئیسلام

 بۆریس جۆنسن هەرچەندە باپیر و دایك و باوكی مسوڵمانە خۆشی لە قۆناغی زانكۆدا توند ڕەوبووە بە جۆرێك هاوسەرەكەی پێشوی كەساڵی ١٩٩٣ لێیجیابووەتەوە ناچاربووە مسوڵمان بووە.

  بەڵام لە ساڵی ١٩٩٩ بەئاشكرا دژایەتیەكی زۆری بۆ مسوڵمانان هەیەو پشتیوانێكی سەرسەختی ئیسرائیلە و هەفتەی پێشووش ڕایگەیاند من جولەكەی هرتزلیم( الصهيونيه)، بەڵام ژنەكەی و منداڵەكانی مسوڵمانێكی توند ڕەوون بە جۆرێك یەكێك لە كوڕەكانی ساڵی ٢٠١٥ پەیوەندی بەداعشەوە كردووەو تائێستا چارەنووسی نادیارە.

 

  

 

 جۆنسن ڕۆژنامەنوسێكی دیاری بەریتانیایە

بۆریس جۆنس دەرچووی بەشی هونەر و ئەدەبی كلاسیكە و لە ساڵی ١٩٩٥ دەستی بەنووسین كردووەو لە ڕۆژنامەی تایمز و دەیلی تیلگراف، ساڵی١٩٩٩ بووە بەسەرنووسەری گۆڤاری (سپیك تایتور) و ساڵی ٢٠٠١ وەك ئەندامی پەرلەمانی بەریتانیا هەڵبژێردراوە، تاساڵی٢٠٠٨ ئەندامی پەرلەمان بووە.

 ساڵی ٢٠٠٨ وەك عمدەی( پارێزگاری لەندەن) هەڵبژێردراوە ، تا ساڵی ٢٠١٦ پارێزگاری لەندەن بووە، یەكێك بوو لەو سەركردانەی پارتی پارێزگاران كە داكۆكی سەختی كردوە لە دەرچوون لەیەكێتێ ئەوروپاو دوای سەركەوتنی ڕیفراندۆمی دەرچوون لەیەكێتی ئەوروپاو هەڵوەشاندنەوەی حكومەتی دەڤید كامیرۆن، تیریزامەی لە حكومەتەكەیدا بۆریس جۆنسنی وەك وەزیری دەرەوەو كاروباری كۆمۆنویلس دیاریكرد، بەڵام ساڵی ٢٠١٨ دەستی لەكار كێشایەوە.

 

 

 

 بۆچی بە ترەمپی بەریتانیا بەناوبانگە؟

بۆریس جۆنسن و ترەمپ، تەنها لە شێوەی قژە ئاڵتونییەکانیان و لەدایكبوونی هەردوكیان لە شاری نیۆرك لەیەك ناچن، بەڵكو لە ڕووی سیاسەت و پشتیوانی ئیسرائیل و دژایەتیكردنی ئیسلام و دەمارگیری و ڕاڕای و ناڕاستگۆی و هەڵەشەییەوە تەواو هاوشێوەن، هەربۆیە ترەمپ پێش دوومانگ ڕایگەیاند جۆنسن سەرۆك وەزیرانێكی نایاب دەبێت بۆ بەریتانیا.

 جۆنسنیش بڕیاریدا ئەگەر ببێت بەسەرۆكوەزیران پشتیوانی سەرسەختی ئیسرائیل دەبێت و لە یەكەم مانگی سەرۆكایەتیەكەیدا سەردانی ئەمەریكا دەكات و ڕێكەوتنی بازرگانی لەگەڵ ترەمپدا دەكات، ڕایگەیاند ترەمپ هاوڕێیەكی زۆر سەرنج ڕاكیشە و بەباشی لەیەك تێدەگەین و لەزۆر پرسدا هاوڕاین.

 

،،

چه‌ندین ته‌حه‌دی ڕوبه‌ڕوی جۆنسن ده‌بێته‌وه‌ له‌ئه‌گه‌ری بوونی به‌سه‌رۆك وه‌زیران، كه‌دیار نابێت چاره‌نووسی وه‌ك تیریزا مه‌ی ده‌بێت یاخودا، كه‌له‌گرنگرترین كێشه‌كان كێشه‌ی كشانه‌وه‌ی به‌ریتانیا له‌یه‌كێتی ئه‌ورپاو زۆربونی ڕێژه‌ی بێكاری و دابه‌زینی نرخی پاوه‌نده‌ له‌وڵاتا.

 

  ڕێگریەكانی بەردەم بۆریس جۆنسن

بۆریس جۆنس لە كاتێكدا دەبێت بە سەرۆكوەزیران كە بەریتانیا گیرۆدەی دەیان كێشەیە، گرنگترینان:

 

١- كێشەی برێكزت و دەرچوون لە یەكێتی ئەوروپا كە بووە هۆی شكست و دەست لەكاركێشانەوەی تێریزا مەی.

٢- كێشەی داكشانی ئابوری بەریتانیاو بەرزبونەوەی ڕێژەی بێكاری و دابەزینی بەهای پاوەن و هەڵهاتنی وەبەرهێنان لەوڵاتە.

٣- كێشەی ئێران و دەستبەسەركردنی كەشتییە نەوتییەكانی و مەترسی دروستكردنی ئاستەنگ لەبەردەم بازرگانی بەریتانیادا.

٤- كێشە دووبارە سەر هەڵدانەوەی پرسی سەربەخۆی هەرێمەكانی ئیرلەندای باكور و سكۆتلاند.

 

 

 

 ئەمانە و چەندین كێشەیتر چاوڕێی سەرۆكوەزیرانە قژ ئاڵتونییەكە دەكەن و دەبن بە سەر كێشییەكی گەورە بۆ جۆنسن، كە ئایا هەمان چارەنووسی تیریزامەی دەبێت و شكست دێنێت و دەگەڕێتەوە سەركاری ڕۆژنامەنوسی، یان دەبێت بە گۆڵدن مانەكەی بەریتانیا و ئەو وڵاتە دەگەیەنێتە كەناری ئارام.

 

author photo

لێكۆڵەر لە ناوەندی ئیمارات بۆ لێكۆڵینەوەی ستراتیژی