عەفرین، کەوتنى گەلێکى بێ پشت و پەنا

ڕوسیا پشتی کردە کورد و ئەمریکاش بێدەنگی هەڵبژارد

عەفرین، کەوتنى گەلێکى بێ پشت و پەنا

1046 خوێندراوەتەوە

 

ئیبراهیم گەلەژێرى                                      

 

دواى چاوەڕوانیەکى 58 ڕۆژە، بێ مۆڕاڵى کۆمەڵگەى نێو دەوڵەتى و بەرژوەندیەکانیان، جارێکى تر تاکى کورد بە بینینەوەى پۆستاڵ سورێکى داگیرکەر، گەیشتەوە ئەو بڕوایەى کە دوژمنەکانى نەک بیرو باوەڕیان بەرامبەر بە گەلى کورد نەگۆڕاوە، بەڵکو ڕاستیەکى تریشى خستە سەر ئەو مێژوەى کە، بۆ داگیر کردنى خاکى کوردان و ڕێگە نەدان بۆ خۆبەڕێوەبەرى ئامادەن ئایەت و سوڕەتەکانى قورئان  بکەن بە چەکى دەستیان، وە  ناکۆکیەکانى خۆشیان دوا بخەن سنورە دەستکردەکان بە ئارەزوو ویستى خۆیان ببەزێنن و پیرۆزیەکانى کورد بە هەماهەنگى و هاوبشیان لەکەدار بکەن، کوشتن و گریان و ئاوارە بوونى خەڵکیش تۆزقاڵێک لە مرۆڤایەتیان ناجوڵێنێ.

 

،،

ئەم شکستەى ئیمڕۆ بینمیان دەمان باتەوە ساڵى 1946 کاتێک سوپاى ئێران توانى شارى مهاباد یان ڕاستر کۆمارى مهاباد داگیر بکاتەوە ، ئەو ڕاستیە دەردەخات کە، سوپاى ئێران لەوکات بەهێزى و مەزنى خۆى نەبوو کە بتوانێ وا بە ئاسانى بکەوێتە گیانى کوردانى ڕۆژهەڵات و لە ماوەیەکى کەمدا کۆتایى بەو دەستەڵاتە کوردیە بهێنێت.

 

dvb

گوللەبارانکردن و تێکشکاندنی پەیکەری کاوەی ئاسنگەر

لە لایەن چەکدارە سورییەکانی هاوپەیمانی تورکیا ـ  ناوەندی شاری عەفرین ـ ٢٠١٨.٣.١٨

 

ئەم شکستەى ئیمڕۆ بینمیان دەمان باتەوە ساڵى 1946 کاتێک سوپاى ئێران توانى شارى مهاباد یان ڕاستر کۆمارى مهاباد داگیر بکاتەوە ، ئەو ڕاستیە دەردەخات کە، سوپاى ئێران لەوکات بەهێزى و مەزنى خۆى نەبوو کە بتوانێ وا بە ئاسانى بکەوێتە گیانى کوردانى ڕۆژهەڵات و لە ماوەیەکى کەمدا کۆتایى بەو دەستەڵاتە کوردیە بهێنێ کە ، هێشتا جێگەى شانازى لە دڵى تاکى کورد بەمەزنى هێشتۆتەوە، بەڵام ئەو ناپاکیەى هێزەکانى ڕوسیاشمان هەمیشە بیر دەخاتەوە کە، کورد لە وبڕوایە دانەبوو وا بە ئاسانى و بەدواى بەرژەوەندى هاوبەش کورد جێبهێڵن، ئەو وتانەى ئەمریکا ماوەى 72 و ساڵى بەسەر ڕەت دەبێ، کە لە زارى جۆرج ئالنى باڵوێزی ئەو کاتى ئەمریکا لە ئێران دەلێت" ئەمریکا پارێزگارى لە خاک و سەرەوەرى ئێران دەکات"

 

روداوەکانى 58 ڕۆژى تێپەریووى عەفرین جارێکى تر هەمان ڕوداوەکانى بۆ دوبارە کردینەوە، کاتێ بێدەنگى ئەمریکا و جێهێشتنى ڕوسیا بوون بە ئاماژەی کوشت و بڕکردنى خەڵکى ئەو شارە، وڵاتانى عەرەبیش وەک ڕزگار کردن لەو شەڕە داسەپاوەیان دەڕوان ، ئەمەش واى کردووە  پرسیار گەلێکى لاى تاکى کورد دروست کردووەکە، دواى نزیک لە 100 ساڵ شۆڕش و بەرخودان و قوربانى دانى هەزاران شەهید کەچى سیاسەتى هەرێمایەتى و نێو دەوڵەتى گۆڕانکاریەکى سەرتایى بەخۆەوە نەبینووە، گۆرینى خیتابى کورد پێویستى بە پێداچونەوەیەکى هەمە لایەنە هەیە بەتایبەت لە ڕووى ڕیفرۆمى ئاینى یەوە کە، هێشتا سۆزدارى ئاینى ڕۆلێکى خراپ  دنە دەدات بۆ پاکتاو کردنى ڕۆلەکانى کورد. ئەمەش دەرئەنجامێکى خراپى لەسەر بیرى تاکى کورد دروست کردووە، لە دواى کەوتنى عەفرین جەنگێکى هەردووبەرەى ڕادیکاڵى ئاینى و ئەنتى ئاین خەریکە دەچێتە قۆناغێک، ڕەنگە بۆ داهاتووى کورد پڕ مەترسى بێت.

 

FG
دوو شەڕڤانی یەکینەکانی پاراستی ژنان (یەپەژە) لە نێو هێزەکانی سوریای دیموکرات

 

،،

روداوەکانى 58 ڕۆژى تێپەریووى عەفرین جارێکى تر هەمان ڕوداوەکانى بۆ دوبارە کردینەوە، کاتێ بێدەنگى ئەمریکا و جێهێشتنى ڕوسیا بوون بە ئاماژەی کوشت و بڕکردنى خەڵکى ئەو شارە، وڵاتانى عەرەبیش وەک ڕزگار کردن لەو شەڕە داسەپاوەیان دەڕوان ، ئەمەش واى کردووە  پرسیار گەلێکى لاى تاکى کورد دروست کردووەکە، دواى نزیک لە 100 ساڵ شۆڕش و بەرخودان و قوربانى دانى هەزاران شەهید کەچى سیاسەتى هەرێمایەتى و نێو دەوڵەتى گۆڕانکاریەکى سەرتایى بەخۆەوە نەبینووە.

 

ستالین وتەیەکى  مێژوویى هەیە کە دەڵێ" ڕوسیا ووڵاتێکى مەزنە، مۆسکۆ لە پشتمانەوەیە شوێنێکمان نىیە پاشەکشێى بۆ بکەین"

 

بەڵام کورد کە ووڵاتێکى گەورەى داگیر کراوە رێک پێچەوانەیە. واى دەبینین هەمیشە لەکاتى کەوتنەکان بە ناچارى پاشەکشێى کردووە بۆ شوێنێک کە پێشتر بەهەمان دۆخى داگیرکارى تێپەڕیووە، نەبونى پشت و پەنایەکى جگە لە چیاکان و پەرت بوونى بەشێکى زۆرى خاک  گەلەکەى ، هەمیشە چارەنوسى لەبەردەم شەڕو کاولکارى هێشتۆتەوە، کەوتنى عەفرین بەرلەوەى کەوتنى شارێک بێت کەوتنى نیشتمانێکە، بەرلەوەى دۆڕانى جەنگێک بێت، شکانى شکۆى نەتەوەیەکە، ماندوبونى رۆحى گەلێکە کە دەیەوێ ئازادى و ژیانى هەبێت.

 

خۆپیشاندانی کوردان دژی هێرشی تورکیا بۆ سەر عەفرین ـ ئەڵمانیا

 

،،

کەوتنى عەفرین  ڕاستى جەنگى داعشى دەرخست کە کوردیان تەنیا وەک شەڕکەرێکى ئازا وێنا کرد،  پێویست دەکات ئیدى ڕۆلەکانى کورد بە ئاگا بهێنەوە.

 

ئەگەر ١٦ی ئۆکتۆبەر داگیرکردنەوەى خاکى کوردستانى لە نێوان خیانەت و کوردبوندا  حەقیقەتى خۆى وون کردبێت، ڕەنگە 18ى ئازار وەڵامێکى سادەى هەبێ کە تا کوردێک لە و زەویە بیەوێت هەنگاوى خۆبەڕێوەبەرى بهاوێت ئەوا وڵاتانى ڕۆژئاوا هێلکەکانیان بخەنە یەک سەبەتەوە، کەوتنى عەفرین  ڕاستى جەنگى داعشى دەرخست کە کوردیان تەنیا وەک شەڕکەرێکى ئازا وێنا کرد،  پێویست دەکات ئیدى ڕۆلەکانى کورد بە ئاگا بهێنەوە.

 

 

author photo

تایبه‌ت به‌ دیپلۆماتیك