هۆکاری ئەو ئاڵابازیە چیە؟

هۆکاری ئەو ئاڵابازیە چیە؟

400 خوێندراوەتەوە

خواستی کوردبون و نەتەوەیی بون لای ئێمە خواستێکی شەرەفمەندانەیە، چونکە ئێمە نامانەوێت بە کوردبونی خۆمان عەرەب بون یان تورک بون یان فارس بونی ئەوان بسڕینەوە. مافێکی سروشتی خۆمانە کە تەعبیر لە کوردبونی خۆمان بکەین، بەڵام کێشەکە کوردبون نیە بەڵکو فاشزمی کوردایەتیە. ئێمە دەمانەوێت کوردبین بەڵام رێگە و شێوازێکی نوێمان بۆ تەعبیرکردن لە کوردبونمان نەدۆزیوەتەوە و نیمانە.

 

،،

دەبینین کوردایەتیەکەی ئێمەش هەر لەسەر هەمان رێچکەی عەرەبایەتی و تورکایەتی و فارسایەتی جگە لە فاشزمێکی نەتەوەچێتی بەرهەمێکی تری نەبوە.

 

 بۆیە بە ناچاری بە رێگە کوێرەوەبوەکەی فارس و عەرەب و تورکەکاندا دەڕۆین و هەرچەندیشە ئامانجمان سڕینەوەی ئەوان نیە بەڵام سەرئەنجام هەڵسەکەوتەکانمان ئەو ئامانجە ئەدات بە دەستەوە. ئەگەر بمانەوێت بە خەباتی کوردایەتی بەرەنگاری عەرەبایەتی و تورکایەتی و فارسایەتی ئەوان ببینەوە، کەواتە لە ئەنجامدا ئەبین بەچی؟

 ئێوە تەماشای پێکهاتەی دەزگا کوردایەتیەکەمان بکەن، کت و مت لاسایی کردنەوەی هەڵوێست و هەوڵەکانی ئەو نەتەوە سەر دەستانەیە بۆ چەسپاندنی فۆرمەکەی خۆیان لە نەتەوایەتی. ئێمەش وەک ئەوان هەمان شیعار و هەمان هەڵسوکەوت و هەمان رێچکەمان گرتۆتە بەر.

 

 

 

  بەهەمان ئامراز و میتۆدیش بەرەنگاربونەوەی هەر شتێک تەنها خۆی بەرهەم دەهێنێتەوە. دەبینین کوردایەتیەکەی ئێمەش هەر لەسەر هەمان رێچکەی عەرەبایەتی و تورکایەتی و فارسایەتی جگە لە فاشزمێکی نەتەوەچێتی بەرهەمێکی تری نەبوە.

 فاشزمێک کە دواجار دواکاریەکانی لە چوارچێوەی یەک دەوڵەت و یەک ئاڵا و یەک زمان و یەک ئایین و یەک کەلتوردا کۆکردۆتەوە. کاتێک من قسەم لەسەر فاشزمی کوردایەتی کردوە و ئەیکەم، لەم گۆشە نیگایەوە کوردایەتی (هەڵبەت وەکو مافێکی سروشتی کوردبون نا بەڵکو وەکو ئەو هەوڵدانە نەزۆکە چاولێکەریە) لای من لە فاشزم هیچی تر بەرهەمی ناهێنێت.

 

 

 

 بە بۆچونی من ناکرێت بە هەمان میتۆد و هەڵوێستی ئەوان بەرەنگاری فاشزمی ئەوان ببینەوە و سەرئەنجام چاوەرێی شتێکی زیاتر لە دروستکردنی فاشزمی کوردایەتی بین. لە چوارچێوەی ئەو تێگەیشتنانەی سەرەوەمدایە من هەڵسەنگاندن بۆ هەردو حاڵەتی هێرش کردنە سەر ئاڵاکەی هەرێمی کوردستان ئەکەم.

 ئەوەی لە تورکیا لە چەند هەفتەی رابردودا و ئەوەشی لە چەند رۆژی رابردودا لە خواروی عێراق رویاندا. ئەو روداوە نەخوازراوانە چەندە دوبارە و سێبارە هەڵوێستی فاشزمیانەی عەرەبایەتی و تورکایەتیمان بۆ دوپات دەکەنەوە، ئەوەندەش وەک رۆژی روناک ئەو راستیەی سەرەوەش سەر ڕاست ئەکەنەوە کە سەرانی فاشیزمی کوردایەتی خەریکی گەمەیەکی زۆر ناجسن و پۆخڵن و سەرئەنجام کارەساتێکی لێئەقەومێت کە هیچی لە ئەنفال و کیمیایبارانەکە کەمتر نابێت.

 

،،

بە چ هۆکارێک ئاڵای هەرێمی کوردستان ئەبرێتە ئەوپەڕی وڵاتی تورکیا و عێراق؟ ئەرێ ئێوە جارێ لە هەرێمی کوردستان توانیوتانە نرخ و بەهای ئەو پارچە پەڕۆیە بچەسپێنن و وا لە گەنجانی ئەم هەرێمە بکەن بە تاسەوە سەر بۆ شەکانەوەی بەرز بکەنەوە.

 

 ئەگەر وانیە ئەوانە بە چ هۆکارێک ئاڵای هەرێمی کوردستان (بە هەزار تێبینیمەوە لەسەری، چونکە خودی حکومەت و پەرلەمانەکەی کە ئاڵاکەی پێشنیار کردوە نیشانەی پرسیاری گەورەیان لەسەرە) ئەبرێتە ئەوپەڕی وڵاتی تورکیا و عێراق؟ ئەرێ ئێوە جارێ لە هەرێمی کوردستان توانیوتانە نرخ و بەهای ئەو پارچە پەڕۆیە بچەسپێنن و وا لە گەنجانی ئەم هەرێمە بکەن بە تاسەوە سەر بۆ شەکانەوەی بەرز بکەنەوە.

 پار ساڵ لە رۆژی ئاڵادا و لە کاتی وانەدا لەگەڵ خوێندکارە گەنجەکانم کەوتمە گفتوگۆ. زۆربەیان لە راستیدا هەر هەستیان بە جیاوازی هەبون و نەبونی ئاڵا نەدەکرد. کەواتە هۆکار چیە ئەم 'ئاڵابازیە' لەم کاتەدا و لە ناو دڵی فاشزمی عەرەب و تورکدا، ئەگەر مەبەست لێێ فاشزمی کوردایەتی نیە؟

 لەلایەکی تروە هۆکار چیە هەندێک لە سەرانی ئیخوانی کورد هەستی کوردایەتیان جوڵاوە و خۆیان کردوە بە پاڵەوانی گۆڕەپانەکەو خەریکن وەکو ئەرنۆڵد بە چەکی میکانیکیەوە ئەچنە کەرکوک بۆ شەڕی حەشدی شەعبی؟

 

 

 

 ئێ کاتی خۆی کە داعشی نوێنەری فاشزمی سونەگەرایی کەوتبوە وێزەی گیانی ئەو خەڵکە بێ تاوانە، ئەو کاتە ئەم هەستەتان بۆ نەجوڵا و ئەوسا بۆ لێمان نەبون بە ڕامبۆ و خۆتان نەگەیاندە تەلوەرد و مەلا عەبدوڵا؟

 دەبینن لێرەشدا بێنە و بەردەیەکی قوڵتر لەوەی کە بە روکەش ئەبینرێت لە ئارادایە، ئەو بێنە و بەردەیە لە زەمانی معاویەوە سەریهەڵداوە و ئەوەندە ساڵە شیعە و سونەی بەرداوەتە گیانی یەک و ئێستاش کاکی ئیخوانی هەر درێژەی ئەو شەڕەیە بە حەشدی ئەفرۆشێت و هیچ پەیوەندی بە کوردەوە نیە.