بۆچی دوو فڕۆكە ئیسرائیلییەكە خرایە خوارەوە؟

بۆچی دوو فڕۆكە ئیسرائیلییەكە خرایە خوارەوە؟

927 خوێندراوەتەوە

 حیزبوڵای لوبنانی رایگەیاند كە هیچ كام لە دوو فڕۆكە ئیسرائیلییەكەی نەخستووەتە خوارەوە، بەڵكو فڕۆكەی یەكەمیان خۆی كەوتووەتە خوارەوەو فڕۆكەی دووەمیش بۆمب ڕێژكراو بووەو ناوەندی ڕاگەیاندنی حیزبوڵای لەباشوری بەیروت كردووەتە ئامانج.

 بۆچی حیزبوڵا بەرپرسیارێتێ خستنە خوارەوەی فڕۆكەكان ناگرێتە ئەستۆ ؟ بەپێی بڕیاری (١٧٠١) ئەنجومەنی ئاسایشی نێودەوڵەتی لەساڵی ٢٠٠٦، شەڕی ئیسرائیل و لوبنان ڕاگیراو ئاگربەست ڕاگەیەنرا، كە بەپێی ئەو بڕیارە نابێت هیچ لایەنێكیان هێرش بكەن، ئەگەرنا ڕووبەڕووی سزای نێودەوڵەتی دەبنەوە.

 

،،

لەلایەكی تریشەوە ئیسرائیل دەستكراوە دەكات لە هێرشكردنە سەر كۆگاكانی موشەكی حیزبوڵا و ئێران لە لوبنان. 

 

 بۆچی ئیسرائیل فڕۆكەكانی خستە بەردەم حیزبوڵا؟ ئیسرائیل بە پیلان، هاوكات لەگەڵ هێرشەكانی سەر سوپای پاسداراندا لەسوریا، فرۆكەكانی بە بەرزییەكی كەم بە سەر گەڕەكی باشوری بەیروتدا فڕاندووە كە پێگەی سەرەكی حیزبوڵایە، بۆ ئەوەی ترس لای حیزبوڵا دروست بكات و فڕۆكەكان بخاتە خوارەوە.

 ئەمەش لە لایەك ئیسرائیل وەك زیان لێكەوتوو نیشان دەدات لەسەر ئاستی نێودەوڵەتی و هەروەها ڕێگربوو لە كاردانەوەو هێرشی ڕاستەخۆی حیزبوڵا و ئێران بۆسەر ناوخۆی ئیسرائیل، لەلایەكی تریشەوە ئیسرائیل دەستكراوە دەكات لە هێرشكردنە سەر كۆگاكانی موشەكی حیزبوڵا و ئێران لە لوبنان.

 

  

 

 چونكە ئیسرائیل بەم پیلانە وانیشانی كۆمەڵگای نیودەوڵەتی دا ئەوەی بڕیاری (١٧٠١) ئەنجومەنی ئاسایشی پێشێلكردووە حیزبوڵایەو فڕۆكەكانی ئیسرائیلی خستووەتە خوارەوە، بۆیە ئیسرائیلیش ئازادە لە هێرشكردنە سەر حیزبوڵا لە لوبنان كە ١٣ ساڵە بڕیاری (١٧٠١) دەستی ئیسرائیلی بەستووە لەهێرشكردنە سەر حیزبوڵا لە لوبنان.

 هەربۆیە خستنە خوارەوەی فڕۆكە ئیسرائیلیەكان داوێك بوو بۆ حیزبوڵا كە بەهۆی شڵەژاوییەوە كەوتە ناو داوەكەوە، بەڵام بۆ خۆ دەربازكردن ڕایگەیاند كە فڕۆكە ئیسرائیلییەكانی نەخستوەتە خوارەوەو خۆیان تێكشكاون و كەوتونەتە خوارەوە. پێگەی سەرەكی حیزبوڵا لەكوێیە؟

 

 

 

 گەڕەكی باشوری بەیروت كە بە (ضاحية الجنوبية ) ناسراوە كە تەواوی دانیشتوانەكەی شیعە و لایەنگر و ئەندامانی حیزبوڵان، لەساڵی ٢٠٠٦ لە دوای شەڕی حیزبوڵاو ئیسرائیل لەلایەن حیزبوڵاوە دەستی بەسەردا گیراو بووە بە پێگەی سەرەكی حیزبوڵا.

 ئەم ناوچەیە بەتەواوی لەلایەن حیزبوڵاوە كۆنترۆڵكراوەو حكومەتی لوبنان و دەزگا ئەمنییەكان هیچ كۆنترۆڵێكیان بەسەریدا نییەو بۆ چوونە ناو ئەو ناوچەیە، حكومەت و دەزگا ئەمنییەكانی لوبنان پێوویستیان بە ڕەزامەندی حیزبوڵایە، چونكە تەواوی ناوچەكە بەخاڵی پشكنین و چەكدارانی حیزبوڵا گەمارۆ دراوە، بەكورتی دەوڵەتێكە لەناو دەوڵەتی لوبناندا.

 

author photo

لێكۆڵەر لە ناوەندی ئیمارات بۆ لێكۆڵینەوەی ستراتیژی