بۆچی ئێران لە ئاست هێرشەكانی ئیسرائیل بێدەنگە؟

بۆچی ئێران لە ئاست هێرشەكانی ئیسرائیل بێدەنگە؟

856 خوێندراوەتەوە

 ئیسرائیل شەڕی بەئاشكرا دژی ئێران ڕاگەیاندووە لە دەرەوەی خاكی ئێران، بەشێكی زۆر لە توانا سەربازی و موشەكییەكانی لە سوریاو عێراق تێكشكاندووەو بەردەوامیش دەبێت لە تێكشكاندنی، چونكە مەترسییەكانی ئێران هێڵی سوری بەزاندووە.

 ئەوەی ئێستا كاتی هاتووە لوبنانە كە ئێران ٨٥ هەزار موشەكی كورت مەوداو و ناوەند مەودا و كاتیۆشای ڕادەستی حیزبوڵا كردووەو لە لوبنان حەشاردراون، هەر بۆیە پێش ڕوودانی كارەسات ئیسرائیل دەیەوێت لەناویان ببات.

 

،،

لەماوەی ڕابردودا چەندین جار ئیسڕائیل هێرشی ئاسمانی بۆ سەر بنكە و بارەگاكانی بەرەی ئێران كردووە، بەڵام بێ وەڵام بوون لایەنی بەرامبەر، لەئاست ئەو هێرشانە.

 

 ڕەوانەكردنی دوو فڕۆكەی بێ فڕۆكەوانی چاودێری ئیسرائیل بۆ باشوری بەیروت و فڕینیان بە بەرزی ٤ مەتر و خستنە خوارەوەی لەلایەن حیزبوڵاوە سینارێو و داوێك بوو بۆ حیزبوڵا بۆ ئەوەی وەڵامی هەبێت، بەڵام وەڵامی نەبوو.

 شەوی دواتر ئیسرائیل هێرشی كردە سەر بنكە سەربازییەكانی بەرەی گەلی فەلەستینی و حیزبوڵای لوبناب(جبهە المقاومە) لە ناوچەی بیقاعی لوبنان، حیزبوڵا بیدەنگ بوو، ئەم شەویش لە دارستانەكانی شەبعا گۆكایەكی موشەكی كردە ئامانج، هەربیدەنگە.

 

 

 

  بەڵام پێناچێت ئارامگرتنی حیزبوڵا بەردەوام بێت، چونكە لە ژێر فشارێكی زۆری جەماوەرەكەیدایە و بە وەڵام نەدانە کو وەڵامدانەوە ئیسرائیل هەر هێرش دەكات و شەڕ یەخەی گرتووە و ناتوانێت لێی دەرباز ببێت.

  ئیسرائیل ئەوەی دەوێت كە شەڕێكی سنور دار هەڵبگیرسێت بۆ ئەوەی لە ماوەیەكی زۆر كورتدا تەواوی توانای موشەكی حیزبوڵا تێكبشكێنت و لەناوی ببات، دەستپێكردنی ئەم شەڕە لە ئێستا گرنگە، چونكە ٩/١٧ هەڵبژاردنی كنێستە و ناتانتاهۆ پێویستی بەم پاڵەوان بازییەیە چونكە ئاستی جەماوەری لاواز بووە.

 

 

 

 بەڵام ڕەنگە پرسیارەكە ئەوەبێت كە ئێران بۆچی بێدەنگە، كەلە ساڵی ٢٠١٤ تا ئیستا زیاتر لە ٧٠٠ بارەگا و كۆگای موشەك و بنكەی سەربازی بە ٢٧٦٩ موشەكی فڕۆكە و دورهاوێژ بۆردوومانكراوە زیاتر لە ٢٠٠ سەركردە و فەرماندەی سەربازی سوپای پاسداران كوژراون لەو هێرشانەدا، بەڵام سەڕای ئەوەی لەسەر سنوری ئیسرائیلە بەڵام بێدەنگە.

 

 

 

 هۆكاری بێدەنگی ئێران لەبەرامبەر ئیسرائیلدا بۆ ئەوە دەگەڕێتەوە كە ئیسرائیل بەپێچەوانەی ئەمەریكا شەڕی دەوێت و بۆ بیانوویەك دەگەڕێت تا شەڕ و هێرشەكانی بباتە قوڵای خاكی ئێران و بەرپرسانی ئێرانیش لەمە تێدەگەن، بۆیە بێدەنگن.

 هۆكارێكی تر پەیوەستە بە ئاستە نێودەوڵەتییەكەوە، چونكە هێرشی ڕاستەوخۆی ئێران بۆسەر ئیسرائیل زیانی گەورە بەپێگەو ناوبانگ و پەیوەندییەكانی ئێران دەگەیەبێت، چونكە ئیسرائیل و لۆبی یەهودی پەیوەندیەكی بەهێزی لەسەر ئاستی نیودەوڵەتی هەیە و لەنێوان ئیسرائیل و ئێراندا بە دڵنیایەوە ئیسرائیل هەڵدەبژێرن.

 

author photo

لێكۆڵەر لە ناوەندی ئیمارات بۆ لێكۆڵینەوەی ستراتیژی