ئەحکامە دەستورییەکانی دەسەڵاتی حکومەتی فیدراڵ و هەرێمەکان، لەدەستوری هەمیشەیی عێراقدا

ئەحکامە دەستورییەکانی دەسەڵاتی حکومەتی فیدراڵ و هەرێمەکان، لەدەستوری هەمیشەیی عێراقدا

249 خوێندراوەتەوە

 لەدەوڵەتە فیدراڵییەکاندا بەپێی دەستور چەند شێوازێک بۆ دابەشکردنی دەسەڵاتەکان لەنێوان حکومەتی فیدراڵیی و حکومەتی هەرێمەکان پەیڕەو دەکرێت، کە هەندێکجار دەسەڵاتەکانی حکومەتی فیدراڵیی بەشێوەی حەصریی لەچەند خاڵێکدا دەژمێردرێن و ئەوەی دەمێنێتەوە وەک دەسەڵاتی حکومەتی هەرێمەکان دادەنرێت، یان بەپێچەوانەوە دەسەڵاتی حکومەتی هەرێمەکان دەژمێردرێت و ئەوەی دەمێنێتەوە لەدەسەڵاتی حکومەتی فیدراڵیدا دەبێت، یاخود وەک ئەو شێوازەی لەدەستوری هەمیشەیی عێراقدا هاتووە بەوەی کە هەندێک دەسەڵاتی وەک دەسەڵاتی حەصریی حکومەتی فیدراڵیی ژماردووە، واتە تەنها حکومەتی فیدراڵیی تایبەتمەندە بەپیادەکردنی ئەو دەسەڵاتانە لەسەرجەم هەرێم و پارێزگاکاندا، وە هەندێک دەسەڵاتی وەک دەسەڵاتی هاوبەش لەنێوان حکومەتی فیدراڵ لەلایەک و حکومەتی هەرێمەکان و ئەو پارێزگایانەی کە لەهەرێمێکدا ڕێک نەخراون، ئەژمارکردووە، کە ئەم دەسەڵاتانە بەهاوکاریی و هەماهەنگیی و ڕاوێژی نێوان هەردوولا پیادە دەکرێن، وە لەبەشی سێیەمدا هەردەسەڵاتیک کە لەچوارچێوەی دەسەڵاتی حکومەتی فیدراڵیی و دەسەڵاتی هاوبەشی نێوان حکومەتی فیدراڵیی و حکومەتی هەرێم و پارێزگاکاندا ئاماژەی پێ نەکرابێت، ئەوا بەدەسەڵاتی هەرێم و پارێزگاکان دادەنرێت.

 

،،

بەپێی ماددەی (١٤١)، کارکردن بە یاساکانی هەرێم بەردەوام دەبێت کە لەهەرێم دەرچوون لەساڵی (١٩٩٢)ەوە، وە بڕیارەکانی حکومەتی هەرێمی کوردستان لەناویاندا بڕیارەکانی دادگاو گرێبەستەکان بە بەرکار دادەنرێن.

 

 

 دیارە دەستور یاسای باڵاو بنەڕەتی دەوڵەتەو تیایدا سیستەمی حوکم و ئەحکامی و دەسەڵاتی هەرسێ دەسەڵاتی یاسادانان و جێبەجێکردن و دادوەریی وپەیوەندیی نێوانیان ڕوون کراوەتەوە، وە ڕێگەپێدراو نییە پەرلەمان و حکومەت یاساو بڕیار و پەیڕەو و ڕێنمایی دەربکەن کە پێچەوانەی ئەحکامی دەستور بێت، وە تاکە پێوەرو بنەمایە کە لەکاتی بوونی ڕا جیایی و ناکۆکیی لەنێوان هەرسێ دەسەڵاتەکە، یان لەنێوان حکومەتی فیدراڵ و هەرێمەکاندا بەپێی ئەحکامی پێوەرو بنەماکانی دەستور لەلایەن دادگای باڵای فیدراڵییەوە بڕیار لەسەر لەبابەت و دۆسیەکان دەدرێت، هەر لەسەر ئەم بنەمایەش نوێنەرانی کورد لەپەرلەمانی عێراق، هەروەها حکومەتی هەرێم و ئەو وەفدانەش کە گفتوگۆ و دانوستان لەگەڵ حکومەتی فیدراڵ دەکەن، دەتوانن لە گفتوگۆ و دانوستاندا پشتی پێببەستن، بەپێی ئەو دابەشکارییەی کە بۆ دەسەڵاتی حکومەتی فیدراڵ و حکومەتی هەرێمەکان کراوە لەدەستوری هەمیشەیی عێراق، لەساڵی (٢٠٠٥)دا، داواکاریی پێشکەش بکەن و دانوستان لەبواری سیاسی و یاسایی دارایی و دبلۆماسیی و....دا ئەنجام بدەن.

 

 

 

 

 

دەسەڵاتەکانی هەریەک لە حکومەتی فیدراڵ و هەرێمەکان لەدەستوری هەمیشەیی عێراقدا:

 ١- بەپێی ماددەی (١١٧)، دەستورەکە دان دەنێت بە هەرێمی کوردستان و دەسەڵاتەکانیدا بەو پێیەی هەرێمێکی فیدراڵییە.

 

٢- بەپێی ماددەی (١٤١)، کارکردن بە یاساکانی هەرێم بەردەوام دەبێت کە لەهەرێم دەرچوون لەساڵی (١٩٩٢)ەوە، وە بڕیارەکانی حکومەتی هەرێمی کوردستان لەناویاندا بڕیارەکانی دادگاو گرێبەستەکان بە بەرکار دادەنرێن ئەگەر بەپێی یاساکانی هەرێم لەلایەن لایەنی تایبەتمەندەوە هەموارنەکرابن، یان هەڵنەوەشێنرابێتنەوە، وە دژی ئەم دەستورە نەبن.

 

 

 

 

٣- بەپێی ماددەی (١٢١)، دەسەڵاتەکانی هەرێم مافی مومارەسەکردنی دەسەڵاتەکانی یاسادانان و جێبەجێکردن و دادوەریی هەیە، بەپێی ئەحکامی ئەم دەستورە، جگە لەو دەسەڵاتانەی کە بە دەسەڵاتی حەصریی دەسەڵاتی فیدراڵیی دادەنرێن، وە دەسەڵاتی هەرێم مافی هەیە هەمواری جێبەجێ کردنی یاسای فیدراڵیی بکات لە هەرێمدا لە بابەتێکدا کە لەچوارچێوەی دەسەڵاتە حەصرییەکانی دەسەڵاتی فیدراڵدا نەبێت، وە لەچوارچێوەی داهاتە فیدراڵییەکاندا پشکێکی دادپەروەرانە بۆ هەرێم و پارێزگاکان تەرخان دەکرێت، بۆ ئەوەی بەئەرک و بەرپرسیارێتییەکانی هەستێت، بەمەرجێک سەرچاوەکانی داهات و پێویستییەکان و ڕێژەی دانیشتوان تیایدا لەبەرچاو بگیرێت، وە هەروەها لەباڵیۆزخانەکان و نێردە دەبلۆماسییەکاندا نوێنەرایەتی هەرێم و پارێزگاکان دادەمەزرێنرێت بۆ کاروباری ڕۆشنبیریی و کۆمەڵایەتیی و گەشەپێدان، سەرەڕای ئەوەش حکومەتی هەرێم تایبەتمەندە بەهەرشتێک کە پێویست بێت بۆ بەڕێوەبردنی هەرێم بەتایبەت دامەزراندن و ڕێکخستتنی هێزەکانی ئاسایشی ناوخۆ وەک پۆلیس و هەواڵگریی و پاسەوانی هەرێم.

 

 

 

 ٤- بەپێی ماددەی (١٢٠)، هەرێم دەستورێک بۆ خۆی دادەنێت کە پەیکەری دەسەڵاتەکان و ئەرکەکانیان دیاریدەکات، لەگەڵ ڕێکاری مومارەسەکردنی ئەو دەسەڵاتانە، بەمەرجێک دژی ئەم دەستورە نەبێت.

 

٥- دەسەڵاتە حەصرییەکانی دەسەڵاتی فیدراڵیی بریتین لە: ــ داڕشتنی سیاسەتی دەرەوەو نوێنەرایەتی دبلۆماسیی و گفتوگۆ دەربارەی ڕێکەوتننامە نێودەوڵەتییەکان و سیاسەتی قەرزکردن و واژوکردن لەسەری و گرێبەستکردنی و داڕشتنی سیاسەتی دارایی و بازرگانیی دەرەکی سەروەریی(سیادی).

 

 ـ دانانی سیاسەتی ئاسایشی نیشتیمانیی و جێبەجێکردنی، لەناویدا دامەزراندنی هێزی سەربازیی و بەڕێوەبردنی بۆ سەلامەتی و زامنکردنی ئاسایشی سنورو بەرگریکردن لێی.

 

،،

بەپێی ماددەی (١١٣)، ئاسەوارو شوێنە ئاسەوارییەکان لەدەسەڵاتی حکومەتی فیدراڵدایەو بەهاوکاری حکومەتی هەرێم و پارێزگاکان بەڕێوە دەبرێن.

 

 

  ــ داڕشتنی سیاسەتی دارایی و گومرگیی و دەرکردنی دراو و ڕێکخستنی سیاسەتی بازرگانیی لەڕێگەی سنورەکانی هەرێم پارێزگاکان و دانانی بودجەی ساڵانەی دەوڵەت و داڕشتنی سیاسەتی دارایی و دامەزراندنی بانکی ناوەندیی و بەڕێوەبردنی.

 

  ــ ڕێکخستنی کاروباری پێوەرو کێشانەو پێوانەکان(مقاییس والمکاییل والاوزان).

  ــ ڕێکخستنی کاروباری ڕەگەزنامە(جنسیة) و بەدەستهێنانی ڕەگەزنامەو نیشتەجێبوون(اقامة) و مافی پەنابەری سیاسیی. ــ ڕێکخستنی کاروباری شەپۆلەکان(ترددات)ی پەخشکردن و بەرید.

 

 ــ دانانی پرۆژەی بودجەی گشتیی و وەبەرهێنان. ــ پلانی سیاسەتی پەیوەست بە دەستبەسەرداگرتنی ئاو لە دەرەوەی عێراقەوەو زامنکردنی ڕێڕەوەکانی هاتنی ئاو و دابەشکردنی بە دادپەروەرانە لەناوخۆی عێراقدا، بەپێی یاساو نەریتە نێودەوڵەتییەکان.

 ــ سەرژمێریی و ژماردنی گشتیی دانیشتووان.

 

 

 

  ٦- بەپێی ماددەکانی (١١١ و ١١٢)، نەوت و غاز موڵکی هەموو گەلی عێراقەو حکومەتی فیدراڵی لەگەڵ حکومەتی هەرێمەکان کێڵگەکانی نەوت و غاز (کەئێستا بوونیان هەیە)بەڕێوە دەبەن.

 

 ٧- بەپێی ماددەی (١١٣)، ئاسەوارو شوێنە ئاسەوارییەکان لەدەسەڵاتی حکومەتی فیدراڵدایەو بەهاوکاری حکومەتی هەرێم و پارێزگاکان بەڕێوە دەبرێن.

 

 

 

 

 ٨- بەپێی ماددەی (١١٤)، هەندێک بوار بەدەسەڵاتی هاوبەشی نێوان هەرێم و دەسەڵاتی فیدراڵیی داناوە کە بریتین لەبوارەکانی(بەڕێوەبردنی گومرگ)و (ڕێکخستنی سەرچاوە سەرەکییەکانی وزەی کارەباو دابەشکردنی) و (داڕشتنی سیاسەتی ژینگەیی بۆ پاراستنی لە پیسبوون، وە پارێزگارییکردن لە پاک و خاوێنی ژینگە)و (داڕشتنی پەرەپێدان و پلاندانانی گشتیی)و (تەندروستی گشتیی بەهاوکاری نێوان دەسەڵاتی فیدراڵ و هەرێمەکان) و(فێرکردن و پەروەردەی گشتیی بەڕاوێژ لەگەڵ حکومەتی هەرێم و پارێزگاکان) و (سەرچاوە ئاوییە ناوخۆییەکان)، کە هەریەکە لە خاڵی یەکەم و کۆتایی، دەستورەکە پێویستی کردووە کە بەیاسای پەرلەمان ڕێکبخرێن.

 

 

 

 

 ٩- بەپێی ماددەی (١١٥)، هەر دەسەڵاتێک کە لەدەسەڵاتە حەصرییەکانی دەسەڵاتی فیدراڵدا دەقی لەسەر نەهاتبێت ئەوا لەدەسەڵاتی هەرێم و پارێزگاکاندایە، وە لەبواری دەسەڵاتە هاوبەشەکاندا لەپێشینەیی(اولویة) بۆ یاسای هەرێم و پارێزگاکانە لە کاتی بوونی ناکۆکیدا.

 

 تێبینی/ بەپێی بڕیاری پەرلەمانی کوردستان، ژمارە (١١)ی ساڵی (١٩٩٢)، تایبەت بە کارنەکردن بەو یاساو بڕیار و پێڕەو و ڕێنماییانەی کەلەدوای ساڵی (١٩٩٢)ەوە لە عێراق دەرچوون، کار بەئەحکامی ئەو یاساو بڕیار و پێڕەو و ڕێنماییانە ناکرێت کە لەلایەن دەسەڵاتی حکومەتی ناوەندییەوە لەدوای۲۳ ــ ۱۰ ــ ۱۹۹۲ دەرچوون، یان لەمەودوا دەردەچن تاکو لەلایەن پەرلەمانی کوردستانەوە بڕیار دەدرێت بە کارپێکردنیان لە هەرێمدا، کە دیارە ئەمەش ئەو بوارانەی دەسەڵات دەگرێتەوە کە لەچوارچێوەی دەسەڵاتی حەصریی حکومەتی فیدراڵدا نین.

 

 

 

لەدەوڵەتە فیدراڵییەکاندا بەپێی دەستور چەند شێوازێک بۆ دابەشکردنی دەسەڵاتەکان لەنێوان حکومەتی فیدراڵیی و حکومەتی هەرێمەکان پەیڕەو دەکرێت، کە هەندێکجار دەسەڵاتەکانی حکومەتی فیدراڵیی بەشێوەی حەصریی لەچەند خاڵێکدا دەژمێردرێن و ئەوەی دەمێنێتەوە وەک دەسەڵاتی حکومەتی هەرێمەکان دادەنرێت، یان بەپێچەوانەوە دەسەڵاتی حکومەتی هەرێمەکان دەژمێردرێت و ئەوەی دەمێنێتەوە لەدەسەڵاتی حکومەتی فیدراڵیدا دەبێت، یاخود وەک ئەو شێوازەی لەدەستوری هەمیشەیی عێراقدا هاتووە بەوەی کە هەندێک دەسەڵاتی وەک دەسەڵاتی حەصریی حکومەتی فیدراڵیی ژماردووە، واتە تەنها حکومەتی فیدراڵیی تایبەتمەندە بەپیادەکردنی ئەو دەسەڵاتانە لەسەرجەم هەرێم و پارێزگاکاندا، وە هەندێک دەسەڵاتی وەک دەسەڵاتی هاوبەش لەنێوان حکومەتی فیدراڵ لەلایەک و حکومەتی هەرێمەکان و ئەو پارێزگایانەی کە لەهەرێمێکدا ڕێک نەخراون، ئەژمارکردووە، کە ئەم دەسەڵاتانە بەهاوکاریی و هەماهەنگیی و ڕاوێژی نێوان هەردوولا پیادە دەکرێن، وە لەبەشی سێیەمدا هەردەسەڵاتیک کە لەچوارچێوەی دەسەڵاتی حکومەتی فیدراڵیی و دەسەڵاتی هاوبەشی نێوان حکومەتی فیدراڵیی و حکومەتی هەرێم و پارێزگاکاندا ئاماژەی پێ نەکرابێت، ئەوا بەدەسەڵاتی هەرێم و پارێزگاکان دادەنرێت.

 

 

 دیارە دەستور یاسای باڵاو بنەڕەتی دەوڵەتەو تیایدا سیستەمی حوکم و ئەحکامی و دەسەڵاتی هەرسێ دەسەڵاتی یاسادانان و جێبەجێکردن و دادوەریی وپەیوەندیی نێوانیان ڕوون کراوەتەوە، وە ڕێگەپێدراو نییە پەرلەمان و حکومەت یاساو بڕیار و پەیڕەو و ڕێنمایی دەربکەن کە پێچەوانەی ئەحکامی دەستور بێت، وە تاکە پێوەرو بنەمایە کە لەکاتی بوونی ڕا جیایی و ناکۆکیی لەنێوان هەرسێ دەسەڵاتەکە، یان لەنێوان حکومەتی فیدراڵ و هەرێمەکاندا بەپێی ئەحکامی پێوەرو بنەماکانی دەستور لەلایەن دادگای باڵای فیدراڵییەوە بڕیار لەسەر لەبابەت و دۆسیەکان دەدرێت، هەر لەسەر ئەم بنەمایەش نوێنەرانی کورد لەپەرلەمانی عێراق، هەروەها حکومەتی هەرێم و ئەو وەفدانەش کە گفتوگۆ و دانوستان لەگەڵ حکومەتی فیدراڵ دەکەن، دەتوانن لە گفتوگۆ و دانوستاندا پشتی پێببەستن، بەپێی ئەو دابەشکارییەی کە بۆ دەسەڵاتی حکومەتی فیدراڵ و حکومەتی هەرێمەکان کراوە لەدەستوری هەمیشەیی عێراق، لەساڵی (٢٠٠٥)دا، داواکاریی پێشکەش بکەن و دانوستان لەبواری سیاسی و یاسایی دارایی و دبلۆماسیی و....دا ئەنجام بدەن.

 

 

دەسەڵاتەکانی هەریەک لە حکومەتی فیدراڵ و هەرێمەکان لەدەستوری هەمیشەیی عێراقدا:

 

 ١- بەپێی ماددەی (١١٧)، دەستورەکە دان دەنێت بە هەرێمی کوردستان و دەسەڵاتەکانیدا بەو پێیەی هەرێمێکی فیدراڵییە.

 

٢- بەپێی ماددەی (١٤١)، کارکردن بە یاساکانی هەرێم بەردەوام دەبێت کە لەهەرێم دەرچوون لەساڵی (١٩٩٢)ەوە، وە بڕیارەکانی حکومەتی هەرێمی کوردستان لەناویاندا بڕیارەکانی دادگاو گرێبەستەکان بە بەرکار دادەنرێن ئەگەر بەپێی یاساکانی هەرێم لەلایەن لایەنی تایبەتمەندەوە هەموارنەکرابن، یان هەڵنەوەشێنرابێتنەوە، وە دژی ئەم دەستورە نەبن.

 

٣- بەپێی ماددەی (١٢١)، دەسەڵاتەکانی هەرێم مافی مومارەسەکردنی دەسەڵاتەکانی یاسادانان و جێبەجێکردن و دادوەریی هەیە، بەپێی ئەحکامی ئەم دەستورە، جگە لەو دەسەڵاتانەی کە بە دەسەڵاتی حەصریی دەسەڵاتی فیدراڵیی دادەنرێن، وە دەسەڵاتی هەرێم مافی هەیە هەمواری جێبەجێ کردنی یاسای فیدراڵیی بکات لە هەرێمدا لە بابەتێکدا کە لەچوارچێوەی دەسەڵاتە حەصرییەکانی دەسەڵاتی فیدراڵدا نەبێت، وە لەچوارچێوەی داهاتە فیدراڵییەکاندا پشکێکی دادپەروەرانە بۆ هەرێم و پارێزگاکان تەرخان دەکرێت، بۆ ئەوەی بەئەرک و بەرپرسیارێتییەکانی هەستێت، بەمەرجێک سەرچاوەکانی داهات و پێویستییەکان و ڕێژەی دانیشتوان تیایدا لەبەرچاو بگیرێت، وە هەروەها لەباڵیۆزخانەکان و نێردە دەبلۆماسییەکاندا نوێنەرایەتی هەرێم و پارێزگاکان دادەمەزرێنرێت بۆ کاروباری ڕۆشنبیریی و کۆمەڵایەتیی و گەشەپێدان، سەرەڕای ئەوەش حکومەتی هەرێم تایبەتمەندە بەهەرشتێک کە پێویست بێت بۆ بەڕێوەبردنی هەرێم بەتایبەت دامەزراندن و ڕێکخستتنی هێزەکانی ئاسایشی ناوخۆ وەک پۆلیس و هەواڵگریی و پاسەوانی هەرێم.

 

 ٤- بەپێی ماددەی (١٢٠)، هەرێم دەستورێک بۆ خۆی دادەنێت کە پەیکەری دەسەڵاتەکان و ئەرکەکانیان دیاریدەکات، لەگەڵ ڕێکاری مومارەسەکردنی ئەو دەسەڵاتانە، بەمەرجێک دژی ئەم دەستورە نەبێت.

 

٥- دەسەڵاتە حەصرییەکانی دەسەڵاتی فیدراڵیی بریتین لە: ــ داڕشتنی سیاسەتی دەرەوەو نوێنەرایەتی دبلۆماسیی و گفتوگۆ دەربارەی ڕێکەوتننامە نێودەوڵەتییەکان و سیاسەتی قەرزکردن و واژوکردن لەسەری و گرێبەستکردنی و داڕشتنی سیاسەتی دارایی و بازرگانیی دەرەکی سەروەریی(سیادی).

 

 ـ دانانی سیاسەتی ئاسایشی نیشتیمانیی و جێبەجێکردنی، لەناویدا دامەزراندنی هێزی سەربازیی و بەڕێوەبردنی بۆ سەلامەتی و زامنکردنی ئاسایشی سنورو بەرگریکردن لێی.

 

  ــ داڕشتنی سیاسەتی دارایی و گومرگیی و دەرکردنی دراو و ڕێکخستنی سیاسەتی بازرگانیی لەڕێگەی سنورەکانی هەرێم پارێزگاکان و دانانی بودجەی ساڵانەی دەوڵەت و داڕشتنی سیاسەتی دارایی و دامەزراندنی بانکی ناوەندیی و بەڕێوەبردنی.

 

  ــ ڕێکخستنی کاروباری پێوەرو کێشانەو پێوانەکان(مقاییس والمکاییل والاوزان). ــ ڕێکخستنی کاروباری ڕەگەزنامە(جنسیة) و بەدەستهێنانی ڕەگەزنامەو نیشتەجێبوون(اقامة) و مافی پەنابەری سیاسیی. ــ ڕێکخستنی کاروباری شەپۆلەکان(ترددات)ی پەخشکردن و بەرید.

 

 ــ دانانی پرۆژەی بودجەی گشتیی و وەبەرهێنان. ــ پلانی سیاسەتی پەیوەست بە دەستبەسەرداگرتنی ئاو لە دەرەوەی عێراقەوەو زامنکردنی ڕێڕەوەکانی هاتنی ئاو و دابەشکردنی بە دادپەروەرانە لەناوخۆی عێراقدا، بەپێی یاساو نەریتە نێودەوڵەتییەکان. ــ سەرژمێریی و ژماردنی گشتیی دانیشتووان.

 

  ٦- بەپێی ماددەکانی (١١١ و ١١٢)، نەوت و غاز موڵکی هەموو گەلی عێراقەو حکومەتی فیدراڵی لەگەڵ حکومەتی هەرێمەکان کێڵگەکانی نەوت و غاز (کەئێستا بوونیان هەیە)بەڕێوە دەبەن.

 

 ٧- بەپێی ماددەی (١١٣)، ئاسەوارو شوێنە ئاسەوارییەکان لەدەسەڵاتی حکومەتی فیدراڵدایەو بەهاوکاری حکومەتی هەرێم و پارێزگاکان بەڕێوە دەبرێن.

 

 ٨- بەپێی ماددەی (١١٤)، هەندێک بوار بەدەسەڵاتی هاوبەشی نێوان هەرێم و دەسەڵاتی فیدراڵیی داناوە کە بریتین لەبوارەکانی(بەڕێوەبردنی گومرگ)و (ڕێکخستنی سەرچاوە سەرەکییەکانی وزەی کارەباو دابەشکردنی) و (داڕشتنی سیاسەتی ژینگەیی بۆ پاراستنی لە پیسبوون، وە پارێزگارییکردن لە پاک و خاوێنی ژینگە)و (داڕشتنی پەرەپێدان و پلاندانانی گشتیی)و (تەندروستی گشتیی بەهاوکاری نێوان دەسەڵاتی فیدراڵ و هەرێمەکان) و(فێرکردن و پەروەردەی گشتیی بەڕاوێژ لەگەڵ حکومەتی هەرێم و پارێزگاکان) و (سەرچاوە ئاوییە ناوخۆییەکان)، کە هەریەکە لە خاڵی یەکەم و کۆتایی، دەستورەکە پێویستی کردووە کە بەیاسای پەرلەمان ڕێکبخرێن.

 

 ٩- بەپێی ماددەی (١١٥)، هەر دەسەڵاتێک کە لەدەسەڵاتە حەصرییەکانی دەسەڵاتی فیدراڵدا دەقی لەسەر نەهاتبێت ئەوا لەدەسەڵاتی هەرێم و پارێزگاکاندایە، وە لەبواری دەسەڵاتە هاوبەشەکاندا لەپێشینەیی(اولویة) بۆ یاسای هەرێم و پارێزگاکانە لە کاتی بوونی ناکۆکیدا.

 

 تێبینی/ بەپێی بڕیاری پەرلەمانی کوردستان، ژمارە (١١)ی ساڵی (١٩٩٢)، تایبەت بە کارنەکردن بەو یاساو بڕیار و پێڕەو و ڕێنماییانەی کەلەدوای ساڵی (١٩٩٢)ەوە لە عێراق دەرچوون، کار بەئەحکامی ئەو یاساو بڕیار و پێڕەو و ڕێنماییانە ناکرێت کە لەلایەن دەسەڵاتی حکومەتی ناوەندییەوە لەدوای۲۳ ــ ۱۰ ــ ۱۹۹۲ دەرچوون، یان لەمەودوا دەردەچن تاکو لەلایەن پەرلەمانی کوردستانەوە بڕیار دەدرێت بە کارپێکردنیان لە هەرێمدا، کە دیارە ئەمەش ئەو بوارانەی دەسەڵات دەگرێتەوە کە لەچوارچێوەی دەسەڵاتی حەصریی حکومەتی فیدراڵدا نین.

 

 

author photo

تایبه‌ت به‌ دیپلۆماتیك